تزييق في الفيرنا

[Adham]

يافندم العيب مش في العفشة العيب في الفيبر اللى جوه من الاهتزاز بيطلع صوت ناتج عن احتكاك فيبر القوايم في معدن القايم نفسه

مش عارف انا لية مش مقتنع ان الفبر دة يعمل تزييق

ممكن صاحب السيارة يتأكد انة منها بطريقة واحدة سهلة

انة يشيل القوايم الفبر دي و يمشي من غيرها يوم او اتنين و يشوف الصوت راح و للا لأ

لو راح يحط نقطتين سيليكون تحت الفبر دى

لو ماراحاش ................ يغسل العفشة الورانية بالجاز و المياة

[mshmshm3]

مش عارف انا لية مش مقتنع ان الفبر دة يعمل تزييق

ممكن صاحب السيارة يتأكد انة منها بطريقة واحدة سهلة

انة يشيل القوايم الفبر دي و يمشي من غيرها يوم او اتنين و يشوف الصوت راح و للا لأ

لو راح يحط نقطتين سيليكون تحت الفبر دى

لو ماراحاش ................ يغسل العفشة الورانية بالجاز و المياة

سيليكون ده انت جبتلى اللى كنت بدور عليه طيب والسيليكون ده اقدر افكه تاني ازاى !!!!!

[Adham]

تشد القايم البلاستيك بالراحه يتفك معاك لان السيايكون مش ناشف و سهل فكة

بس تحط طبقة رقيقة جدا و ماتكترش

[Ashraf_Ibrahim]

في الحقيقة مهندس من الصيانة كلمني النهردة عشان اعدي عليهم عشان يشوفوا مشكلة التزييق دي فين بالظبط ويحلوها
هروح ليهم يوم الخميس ان شاء الله وربنا ييسر

[alivara]

عندي نفس المشكلة دي انك بتسمع صوت تزييق في الطرق المكسرة و المطبات و انت قاعد في الكنبة الخلفية و قلتلهم في التوكيل عملوها و الصوت راح 100 كم بس برضه بس انا ناوي في صيانة ال 10000 ابهدلهم و مش همشي الا لما يربطوا العفشة صح

[Ashraf_Ibrahim]

عندي نفس المشكلة دي انك بتسمع صوت تزييق في الطرق المكسرة و المطبات و انت قاعد في الكنبة الخلفية و قلتلهم في التوكيل عملوها و الصوت راح 100 كم بس برضه بس انا ناوي في صيانة ال 10000 ابهدلهم و مش همشي الا لما يربطوا العفشة صح

انا اتصلت عملت شكوى والمهندس اللي عملي صيانة ال 5000 كلمني عشان اروح يكشف عالفشة ويربطها تاني كويس

[mshmshm3]

يعني المشكلة دي مشكلة عفشة !!!!!!!! وموجودة في الالنترا !!!!!!!!!!!

[Ashraf_Ibrahim]

يعني المشكلة دي مشكلة عفشة !!!!!!!! وموجودة في الالنترا !!!!!!!!!!!

انا قلتله كل الافتراضات الليقلتوها في الموضوع هنا لما اتصل بيا
قلي مش الصوت راح لما ربطنا العفشة؟!
قلتله ايوة راح ورجع تاني قلي يبقا المشكلة في العفشة مش في اي حاجة من اللي قلتها
قلي تعالى وهنكشف عليها ونحل المشكلة باذن الله

[alivara]

ياريت حضرتك تطمنا في اقرب وقت عملت ايه عشان الموضوع ده خانقني جدا و خايف يكون فيه عيب في المساعدين و العربية لسة جديدة

[Adham]

ممكن تسمع كلامي اللي قلتة من الاول

و انزل اغسل عفشة العربية و بالذات السست الورانية

في البنزينة بجاز ثم بالماء و الصابون

[mshmshm3]

ممكن تسمع كلامي اللي قلتة من الاول

و انزل اغسل عفشة العربية و بالذات السست الورانية

في البنزينة بجاز ثم بالماء و الصابون

طالما العيب طلع فى العفشة انا شايف ان رأيك صح

[Ashraf_Ibrahim]

رحت من اسبوعين تقريبا غبور ابو رواش
بصولي على العفشة والفرامل وكالعادة مشيت بتاع 200 كم ورجع نفس الصوت تاني
لقيتهم بيكلموني النهردة عشان يطمنوا ان المشكلة اتحلت قلت للبنت اللي كلمتني بصراحة انا تعبت وزهقت
قالتلي طيب نحدد لحضرتك معاد صيانة تاني قلتلها لا خلاص انا مشوار ابو رواش متعب ليا
قلتلي خلاص في صيانة ال 10000 ادتني اسامي مديرين الفرع هناك قلتلي قبل ما تعمل الصيانة اسأل على اي حد فيهم وهما هيتعاملوا مع الموضوع
وهذا ما حدث
انا فعلا مستاء من الصوت جدا
هو صوت خفيف بس مش مريحني

[mshmshm3]

المشكلة هاتتحل ل 500 كيلو وترجع تاني مفيش قدامك غير حلين 1 تغير العفشة بعفشة تانية كوني مثلا الحل الثاني تكبر دماغك وانا رأيي تكبر دماغك انا كمان معايا فيرنا وبسمع نفس صوت التزييق وكنت هاتجنن في الاول لكن كبرت دماغي ومحطيتش الصوت في بالى

[Ashraf_Ibrahim]

دلوقتي المفروض ان دا عيب صناعة
هما ملزمين يحلوه وانا هقضيها شكاوى لحد ما المشكلة دي تتحل

بس فعلا انا زهقت وتعبت من اني اروح غبور عشان العفشة

[mshmshm3]

ما انت هتقضيها شكاوى ده عيب صناعة في كل العربيات ده في الالنترا كمان كدة وفي الياريس كدة هاتعمل ايه نوع العفشة تعبان افضل وراهم في شكاوى واعملهم ازعاج لحد ما يلاقوا حل وان شاء الله هاتتحل ما تقلقش ده كان عندي تزيق في الجنب الشمال كل لما اطلع واقف فكيت فرش الباب وبصيت ما لاقيتش حاجة وقولت جايز الصوت من مجرى الكرسي زيت المجرى وبردو لسة في صوت دلوقتي بقي الجديد الصالون كله بيزيق ويطقطق حاسس ان العربية مش طايقاني وشوية وهاتقولى انزل