مشكلة فتيس الأتوماتيك فى النيو أكسنت

[Mohamed_Gamil]

السلام عليكم ،،،

عندى مشكلة فى فتيس الأتوماتيك فى عربيتى النيو أكسنت 2010 الجديدة وهى لسة مكملتش 7,000KM الفتيس كان زى الفل فى الأول وبعدين من حوالى أسبوع كدة بدأت أحس أن النقلة التالتة والرابعة بتتأخر شوية بس قلت عادى يمكن أنا مش دايس جامد على بدال البنزين وبعدين من كام يوم كدة التأخبر زاد وبقى ملحوظ أوى لدرجدة أن الـ RPM بيوصل لحد 5 والفتيس لسة منقلش للنقلة الرابعة !!!!

أنا حجزت ميعاد فى التوكيل يوم السبت القادم والصراحة قلقان جدآ لتكون المشكلة كبيرة وأدخل فى حوارات بقى خصوصآ انى سمعت أن مشاكل الأتوماتبك ملهاش حل، ربنا يستر بقى أدعولى يا جماعة.

[lovermohamed]

ربنا معاك ان شاء الله

ممكن تكون مشكلة بسيطه في الكهربا متقاقش ان شاء الله خير

[lolita]

الاوتوماتيك الكوري وحش جدا بشهادة كل الناس

[hamdy]

متلقش ان شاء االله يمون عيب بسيط مش جامد وبعدين
مين قال ان فتيش الكوري وحش اسئل الناس اللي راكببة النترا و ماتركس و جيتز وهما يقولولك ايه الاخبار

[mohamed]

يا ريت صاحب الموضوع يبقى يقولنا ايه اللى حصل فى التوكيل والمشكلة كانت ايه بالظبط
وايه حكاية ان اوتوماتيك الكورى وحش يا ريت توضيح

[د.محمود صلاح]

ان شاء الله بسيطة ووافينا بالاخبار من فضلك

[Adham]

طالما العربية في الضمان ما تعملش اي حاجة خالص لغاية ما يشوفوها

بس هل يوجد اي تسريب من زيت الفتيس

من خراطيم او الفتيس نفسة

هل لقيت مثلا زيت احمر تحت العربية

او هل حضرتك كنت بتعمل صيانة للعربية برة التوكيل قريب ؟؟؟

لان الاعراض دي ضعف ضغط ممكن يكون بسبب نقص كبير في زيت الفتيس atf(زيت الباور او زيت الهايدروليك)

[karakero]

الاوتوماتيك الكوري وحش جدا بشهادة كل الناس

انا مش عارف حضرتك مين كل الناس اللى شهدت بالكلام ده!!! ... انا معايا نيو اكسنت اوتو عامله 20,000 كيلو و الفتيس الحمدلله زى الفل .. و اعرف ناس كتير معاهم اكسنت و جيتز و النترا عاملين اكتر من 100,000 و كلهم اوتو و زى الفل برضه .... بلاش نطلع اشاعات و نعمم من غير دليل بعد اذنك!!!!!!!!!!!!!!!!!!

[Mohamed_Gamil]

يا ريت صاحب الموضوع يبقى يقولنا ايه اللى حصل فى التوكيل والمشكلة كانت ايه بالظبط
وايه حكاية ان اوتوماتيك الكورى وحش يا ريت توضيح

ان شاء الله بسيطة ووافينا بالاخبار من فضلك

أن شاء الله سوف أوافيكم بالأخبار لمل أروح التوكيل

طالما العربية في الضمان ما تعملش اي حاجة خالص لغاية ما يشوفوها

بس هل يوجد اي تسريب من زيت الفتيس

من خراطيم او الفتيس نفسة

هل لقيت مثلا زيت احمر تحت العربية

او هل حضرتك كنت بتعمل صيانة للعربية برة التوكيل قريب ؟؟؟

لان الاعراض دي ضعف ضغط ممكن يكون بسبب نقص كبير في زيت الفتيس atf(زيت الباور او زيت الهايدروليك)

لأ مفيش أى تسريب للزيت واضح، وأنا عامل صيانة الـ 1000km و الـ 5000km داخل التوكيل ولا أقوم بعمل أى صيانات بره التوكيل، ربنا يستر بقى ...

[semosoft]

ممكن حضرتك تتأكد انك مش دايس على زرار الاوفر درايف

تاني حاجة جرب متدسش على دواسة البنزين جامد و خليك على 2500 ار بي ام و تابع النقلات
و ان شاء الله خير و تكون حاجة بسيطة

[heartman]

علبة البلوف هية اللى بتتحكم فى نقلات الفتبس ... غالبا هية دى السبب .. والعلبة دى تعتبر كمبيوتر الفتيس وهى اللى بتنقل الكهربا للفتيس وتتحكم فى كمية الزيت اللى بتدخل لية ... وغاليا لو فى التوكيل ماقدرش يظبطها المفروض تتغير كلها ..

[tameraast]

راجع على زرار الاوفر درايف الاول ممكن تكون مشغله بالغلط

[Adham]

علبة البلوف هية اللى بتتحكم فى نقلات الفتبس ... غالبا هية دى السبب .. والعلبة دى تعتبر كمبيوتر الفتيس وهى اللى بتنقل الكهربا للفتيس وتتحكم فى كمية الزيت اللى بتدخل لية ... وغاليا لو فى التوكيل ماقدرش يظبطها المفروض تتغير كلها ..

علبة البلوف اللي هي البودي فالف تقصد

دي بتبقى جوة الفتيس و هي مخ الفتيس اللي مسئول عن النقلات بس دي كلها ضغوط زيت و صعب قوي قوي قوي انها تبوظ في 7000 كيلو و لا حتى 70 الف كيلو دي بتعيش عمر العربية

انا عندي البودي فالف باظ لما في الهوندا كانت العربية ماشية فوق ال ربع مليون كيلو

انا لازلت مقتنع ان التطويل عالنقلات بيبقى سببة الاساسي ضعف ضغط زيت الهيدروليك (طالما حانستبعد ان الكلاتشات باظت في 7000 كيلو)

وضعف الضغط دي ييجي من حاجتين

1- قلة زيت الهيدروليك او ضعف ضغطة نتيجه تسريب

2- تلف في قربة الفتيس الاوتوماتيك (طلمبة الهيدروليك) و دة برضة صعب في 7000 كيلو لان دي بتعيش عمر العربية زي البودي فالف

[Mohamed_Gamil]

ممكن حضرتك تتأكد انك مش دايس على زرار الاوفر درايف

تاني حاجة جرب متدسش على دواسة البنزين جامد و خليك على 2500 ار بي ام و تابع النقلات
و ان شاء الله خير و تكون حاجة بسيطة

لأ مش مش دايس على زرار الأوفر درايف، وانا فعلآ جربت اثبت على rpm منخفض وبرضو نفس المشكلة

علبة البلوف اللي هي البودي فالف تقصد

دي بتبقى جوة الفتيس و هي مخ الفتيس اللي مسئول عن النقلات بس دي كلها ضغوط زيت و صعب قوي قوي قوي انها تبوظ في 7000 كيلو و لا حتى 70 الف كيلو دي بتعيش عمر العربية

انا عندي البودي فالف باظ لما في الهوندا كانت العربية ماشية فوق ال ربع مليون كيلو

انا لازلت مقتنع ان التطويل عالنقلات بيبقى سببة الاساسي ضعف ضغط زيت الهيدروليك (طالما حانستبعد ان الكلاتشات باظت في 7000 كيلو)

وضعف الضغط دي ييجي من حاجتين

1- قلة زيت الهيدروليك او ضعف ضغطة نتيجه تسريب

2- تلف في قربة الفتيس الاوتوماتيك (طلمبة الهيدروليك) و دة برضة صعب في 7000 كيلو لان دي بتعيش عمر العربية زي البودي فالف

طب انا لسة عامل صيانة الـ 5000 هما مش المفروض بيكشفوا على مستوى زيت الهيدروليك ؟؟
ربنا يستر

[د.محمود صلاح]

موضوع مشابة على منتدى هيونداي العالمي

Auto trans delay going into drive gear - Hyundai Forum - Hyundai Enthusiast Forums