مشكلة فتيس الأتوماتيك فى النيو أكسنت

[Adham]

موضوع مشابة على منتدى هيونداي العالمي

auto trans delay going into drive gear - hyundai forum - hyundai enthusiast forums

الموضوع دة بيتكلم عن تأخير الفتيس في لقط غيار الدرايف مش انة بيتأخر في النقل اثناء السير

يعني و انت واقف تحط مارشدير العربية تلقط فورا انما تحط الدرايف تلاقي الفتيس باخد ثواني لغاية ما يستجيب

دي قصة تانية خالص مؤداها تهريب زيت من (او رينج) خاص بنقلة الدرايف

[enghany]

باشا ده حساس a&b و ده بسيط جدا

[Mohamed_Gamil]

باشا ده حساس a&b و ده بسيط جدا

معلش حساس a&b ده اللى هو ايه ؟ ومكانه فين ؟

[dramir1]

ربنا يكرمك ويطلع بسيط

[د.محمود صلاح]

الموضوع دة بيتكلم عن تأخير الفتيس في لقط غيار الدرايف مش انة بيتأخر في النقل اثناء السير

يعني و انت واقف تحط مارشدير العربية تلقط فورا انما تحط الدرايف تلاقي الفتيس باخد ثواني لغاية ما يستجيب

دي قصة تانية خالص مؤداها تهريب زيت من (او رينج) خاص بنقلة الدرايف

شكراً للتوضيح

[Mohamed_Gamil]

با جماعة أنا رحت التوكيل يوم السبت وشرحت للمهندس اللى بيستلم العربية المشكلة (اللى شكلو اصلآ بيفهمش حاجه) وقاللى احنا حنحط العربية على جهاز الـ G-scan ونشوف المشكلة فين وطبعآ هو أول ماقلى كدة وانا حسيت انى زى مارحت زى ماهرجع.

المهم انتظرت طبعآ الأربع ساعات بتوع كل مرة وفى الاخر قاللى احنا حطينا العربية على الجهاز وظبطناها وطبعآ لما قاللى كدة كنت متأكد أن العربية ماتعملش فيها حاجة وبالفعل المشكلة لسة موجودة وانا بجد زهقت من التوكيل الزبالة دة اللى مفهوش بنى أدم بيفهم حاجه وطبعآ مضطر اخبط المشوار ده تانى وأتخانق معاهم المره الجاية عشان يشوفولى حل نهائى للمشكلة ....

حسبى الله ونعم الوكيل

[Moustafa_Kamel]

ممكن حضرتك تتأكد انك مش دايس على زرار الاوفر درايف

تاني حاجة جرب متدسش على دواسة البنزين جامد و خليك على 2500 ار بي ام و تابع النقلات
و ان شاء الله خير و تكون حاجة بسيطة

مضبوط 100 فى 100
انت مش لما تدوس بنزين تنقل اسرع بالعكس
حاول تخف رجلك على البنزين او حاول تثبت الار بى ام و تابع و سليمه ان شاء الله

[wet7014]

متابع بأهتمام نتيجه ال>هاب للتوكيل المره الجايه
خير يا بشا بأدن الله

[Mohamed_Gamil]

مضبوط 100 فى 100
انت مش لما تدوس بنزين تنقل اسرع بالعكس
حاول تخف رجلك على البنزين او حاول تثبت الار بى ام و تابع و سليمه ان شاء الله

جربت ياباشا الموضوع دة هى المشكلة مش فكرة انها بتأخر فى النقلات بس المشكلة ان بعد النقلة التانية بيقبى فى تذبذب فى الـ rpm

[Adham]

مفروض انك بتجرب العربية عند الاستلام

روح وديها تاني و قول لمهندس الاستلام اللي حصل و ان العربية رجعت زي ما هيه و انك مش حاتستلمها الا لما يطلع معاك مهندس من التوكيل و انت بتجربها (بس ماتخليهوش يسوق هوة )

و لو كدة اطلب مدير الصيانة او مدير خدمه العملاء و سمعه كلمتين بايخين بالأدب انهم بيضحكوا عالعملاء و يسلموا العربيات ما بيتعملش فيها حاجة و ان دة مش مستوى خدمة و انك من حقك تلاقي مستوى خدمة متميز

و انك بتفترض فيهم انهم توكيل محترم والا كنت ذهبت لحماية المستهلك او خليت خالك الصحفي في الاهرام يشردلهم في الجرايد

[dramir1]

عليك وعلي حمايه المستهلك

[emaksoud]

الاوتوماتيك الكوري وحش جدا بشهادة كل الناس

فعلا الاوتوماتيك الكورى غير اعتمادى بالمره
لكن لاتقلق لو هناك عيب صناعة تمسك بتغيير الفتيس بالكامل ولا تقبل اصلاحه

[gebreel]

اولا ربنا معاك يا باشا

ثانيا الوتوماتيك الكوري كان زمان غير اعتمادي دلوقتي كويس كوريا بقالها كام سنة بتنتجو و فيه كام عربية كوري اوتو ماشية و الدنيا كويسة هو اه مش بجودة الاوروبي و الياباني بس مش خرابة يعني

[حماده المصري]

حضرتك حاول تخلي اي حد بيسوق اوتوماتك يسوق عربيتك

عشان ممكن حضرتك تبقى في حاجه غلط في اسلوب سواقتك

بس لو طلع المشكله في القتيس تروح التوكيل تبات عندهم لحد ما العربيه تتصلح

[د.محمود صلاح]

حضرتك حاول تخلي اي حد بيسوق اوتوماتك يسوق عربيتك

رأي صائب .

بالإضافة انك تخلي حد من المهندسين في التوكيل يجربها معاك