هشتري فيرنا بس بيلعبوا في دماغي

[ICE_MAN]

انا احب ااكد علي كلام حضرتك انا عامل بالفيرنا حوالي 40000 كيلو والحمد لله مغيرتش غير القطع الاستهلاكية وبالنسبة للفرامل انا بصراحة مركبتش عربيات تانية غيرها بس بالنسبة ليا انا شايف ان فراملها معقولة جدا ومفيش اي مشكلة واجهتني معاها مع ان كل طرقي سفر وبمشي علي سرعات عالية والحمد لله الفرامل انا شايفها بتلم العربية كويس (كنت حلبس في كلب مرة وكبست فرامل علي الاخر والعربية لمت نفسها كويس مع اني كنت ماشي علي 130 ) واخيرا انا مش حاسس معاها بأي مشكلة بالعكس اهم ميزة فيها موضوع قطع الغيار انا كنت كتبت مرة في المنتدي ان الزجاج بتاع المراية اليمين اتكسر وانا في الطريق وقفت عند اول واحد بتاع قطع غيار لقيت عنده الزجاج بتاعها وب 30 جنيه علي ما اعتقد يعني اللي عايز اقوله ان من اكبر حاجة لاصغر حاجة في العربية حاتلاقيها بسهولة بس علشان اكون منصف معاك انا شايف فيها عيبين اول حاجة ان صالونها ضيق يعني لو حضرتك طويل او العيلة عندك فيها ناس طوال الصالون مش حاتبقي مرتاح فيه لان لما بيركب ناس وراك بتضطر تطلع الكرسي لقدام شوية وبالتالي بتلزق في الدريكسيون و بتبقي مش مرتاح تاني عيب انها واطية عن الارض زي معظم العربيات الجديدة وبتبقي متعبة لو معاك 3 ورا وبتاخد المطبات اللي عاملة زي الجبال اللي في الطرق الريفية
يعني من الاخر معاك موتور قوي وعربية عملية لاقصي درجة وقطع غيار رخيصة ومتوفرة في اي مكان وتكييف ممتاز وكماليات الي حد ما معقولة بس فيها العيبين اللي انا ذكرتهم
وشكرا

كلام محايد جدا...و مفيش كلام تانى يتقال :b4_388:

[midoammar]

الفيرنا مفيهاش فرامل وانت راجل هتسافر انصحك بلاش فيرنا

[د.محمود صلاح]

الأكثر انتشاراً الفيرنا .

[Memo_Lancer]

يا باشا بس توضيح انا
قولت مثلا لوجان
بس مش معني كده اني اقول الفيرنا مفيش فيها فرامل
امال الناس اللي سايقها بتقف ازاي بالحظ ولا ايه ؟
اكيد طبعا الفرامل فيها عيب بس مش بتقف
بقولك بعد 140 متسعفكش
يبقي معني كده مفيش فرامل
انا بحب الفيرنا جدا
بس الصراحه الوجان من جوه و ركوبه افضل

[ahmedsamir5edr]

انا احب ااكد علي كلام حضرتك انا عامل بالفيرنا حوالي 40000 كيلو والحمد لله مغيرتش غير القطع الاستهلاكية وبالنسبة للفرامل انا بصراحة مركبتش عربيات تانية غيرها بس بالنسبة ليا انا شايف ان فراملها معقولة جدا ومفيش اي مشكلة واجهتني معاها مع ان كل طرقي سفر وبمشي علي سرعات عالية والحمد لله الفرامل انا شايفها بتلم العربية كويس (كنت حلبس في كلب مرة وكبست فرامل علي الاخر والعربية لمت نفسها كويس مع اني كنت ماشي علي 130 ) واخيرا انا مش حاسس معاها بأي مشكلة بالعكس اهم ميزة فيها موضوع قطع الغيار انا كنت كتبت مرة في المنتدي ان الزجاج بتاع المراية اليمين اتكسر وانا في الطريق وقفت عند اول واحد بتاع قطع غيار لقيت عنده الزجاج بتاعها وب 30 جنيه علي ما اعتقد يعني اللي عايز اقوله ان من اكبر حاجة لاصغر حاجة في العربية حاتلاقيها بسهولة بس علشان اكون منصف معاك انا شايف فيها عيبين اول حاجة ان صالونها ضيق يعني لو حضرتك طويل او العيلة عندك فيها ناس طوال الصالون مش حاتبقي مرتاح فيه لان لما بيركب ناس وراك بتضطر تطلع الكرسي لقدام شوية وبالتالي بتلزق في الدريكسيون و بتبقي مش مرتاح تاني عيب انها واطية عن الارض زي معظم العربيات الجديدة وبتبقي متعبة لو معاك 3 ورا وبتاخد المطبات اللي عاملة زي الجبال اللي في الطرق الريفية
يعني من الاخر معاك موتور قوي وعربية عملية لاقصي درجة وقطع غيار رخيصة ومتوفرة في اي مكان وتكييف ممتاز وكماليات الي حد ما معقولة بس فيها العيبين اللي انا ذكرتهم
وشكرا

+111111111111111111111

[waleedrahmy]

للأسف كل واحد بيشكر في عربيته

جرب تركب الأتنين واللي تستريحله اتكل على الله واشتريه

عن نفسي كان معايا فيرنا وكانت زي الفل موتور شديد وصاج قوي ولما جيت بعتها في السوق اتباعت في ساعة واحدة

وبالنسبة للفرامل فهي مش ضعيفة بالعكس دي قوية جدا بس العربية بتزحف لو فرملت جامد وانت على سرعه عالية يعني لو كان فيها abs كانت هتبقى زي الفل

اما حكاية خفيفة على الطريق الصراحه محستش بيها كتير وعلى سرعه فوق ال140

نصيحة اخيرة لو استقريت على الفيرنا هات 1600 سي سي فول اوبشن لأن الهاف شايلين منها حاجات كتير تغيظ زي الساعة وزرار فتح الشنطة من الداخل وعداد الـrbm دة غير الأساسيات طبعا من زجاج كهرباء وسنتر لوك .... الخ

اوجزت فانجزت..............

[mr_sameh]

الاتنين كويسين بس الفيرنا افضل في توافر قطع الغيار

[SaberMan]

أفضل اللوجان شيفها ركوبه و أكثر أمانا عفشة الرينو مريحه فى نفس الوقت ثباتها اعلى نسبيا و بالنسبه لقطع الغيار الفيرنا أفضل

[m7mda7md]

انا عن نفسي معايا فيرنا و برشح اللوجان و بشده
هتبقي راكب عــــربيـــــــــــــــــــــــــــــــه نضيــــــــــــــــــــــــــفه

[bishoy02010]

أسمع كلام صحابك دول يهمهم مصلحتك :)

[TAMERHASSAN]

والله واحد زميلى عرض عليا لوجان 2010 الهاى لاين ب 60 الف مردتش من حبي فى الفيرنا روحت اشتريتها امبارح 2011 ب69000

[neemmohamed]

لوجى اكيد
الناس كتبت اللى فيه المفيد و الحكم لك
وربنا يوفقك

[M.Radwan]

بص يا باشا
أى حد رأيه محايد وجرب العربيتين هيقولك اللوجان أفضل فى كل شيء ما عدا توافر قطع الغيار
والصيانة الرخيصة.

[zkralla]

ارشح لك اللوجان
اللوجان افضل بخلاف ماتور الفيرنا الاشد وانتشارها اكتر وده مؤقتا عشان اللوجان بتنتشر بسرعه كبيره

[m7mda7md]

انا عن نفسي معايا فيرنا و برشح اللوجان و بشده
هتبقي راكب عــــربيـــــــــــــــــــــــــــــــه نضيــــــــــــــــــــــــــفه

احب اضيف بردو موضوع ان راحتك النفسيه للعربيه مهم جدا