النيو اكسنت الشكل الجديد نازلة فى معرض يناير

[asas2]

السلام عليكم ورحمة الله يا جماعة


انا كنت قاعد مع واحد فى مبيعات غبور امبارح وقاللى علي فكرة النيو اكسنت الشكل الجديد حتنزل فى معرض الأهرام الشهر الجاى .. وحيبقى سعرها بيبتدى تقريبا من نص التسعينات .. ايه رأيكوا؟

[BassamHafez]

والله ده يتوقف على الموتور اللي هاتنزل بيه والاوبشنز اللي فيها

انما لو زي القديمه وهو مجرد تغيير في الشكل يبقى ما تستاهلش

[megamoudy]

نص التسعينات !!!!!!!!!!!!!!

[Amro_ON]

يا عم بتوع المبيعات دول نصهم بق على الفاضي ... عاوز بس يعمل شو

[asas2]

ممكن بس ده بيتكلم على حاجة حتحصل فى خلال اقل من شهر يعنى لو ده حيحصل بجد اكيد حيكون الخبر معروف لكل الناس اللى شغالين فى الشركة .. اعتقد كمان انه السعر حيبقى منطقى انها تبتدى من ٩٥ فاضية زى ما كان بيقول

[asas2]

على فكرة هو كان بيقوللى كدة بمناسبة انه هو نفسه عنده نيو اكسنت الشكل القديم وبيفكر يبيعها دلوقتى علشان اكيد سعرها حيرخص زيرو ومستعمل اول ماالناس تعرف ان الاكسنت الجديدة نزلت

[M.Osman]

فاضل شهر و كله يبان !!

[goingonlovingu]

95!!!!!!!!!!!!!!!!!!!!!!!!!!!!
هاهاهاهاهاهاهااههاهاهاهاههاهاهاههاهاهاهاههاهاهاهاه اهها



ليه؟؟

[SAMEHNOSHI]

سبحان الله!!! كدة النيو اكسنت الكورى المانيوال حتبقى اغلى من اليارس اليبانى و الفئات الاعلى منها و اتوماتيك كمان!!!! زى الاوبترا الاتوماتيك و النيسان صنى الاتوماتيك!!! على العموم مينفعش نحكم الا اما نشوفها يمكن تطلع تستاهل السعر دة

[som3aa]

يا جماعة السعر المتوقع دا اكيد مظبوط
اولا العربيات النيسان الصنى و الاوبترا دى عربيات موديل قديم ولسه مستمرين فى انتاجها لحد انهردة بس الموديلات الجديدة غالية اساسا زى الياريس الفاضية اللى ب 120 الف و لا الهوندا السيفيك الفاضية خالص اللى ب 128 الف و دى نفس فئتهم , الالنترا كمان سعرها لما الجديدة تنزل اكيد هيعدى ال115 او ال120 لاول فئة اوتوماتيك لكذا سبب منهم ان العملة المصرية منهارة (الدولار وصل 5.82) و بعدين العربيات دى متظورة كتير عن زمان و فيها حاجات احدث
بعدين الناس مستغربة ليه اذا كانت العربية دلوقتى فاضية خالص ب 88000!!!

[Sharky]

دا كده سعرها داخل على بداية الكيا سيراتو !!!

العربية دى كان المفروض تبدا من نصف التمانينات و الهاى لاين اخره 100 الف

[Dr Zezo]

اعتقد شوية كمان كده و مش هنلاقي عربيات سيدان كويسة في رينج ال 80 الف

ربنا يستر

اللانسر 1600 خليجي اتوماتيك فول اوبشن من سنتين كانت ب 100 الف او زيادة حاجة بسيطة

دلوقت اللانسر 1300 خليجي مانيوال ب 100 الف !!!

و هي هيا نفس الشكل

التضخم عامل احلي شغل

[asas2]

يا رجالة خللوا بالكم ان الاكسنت اللى نازلة دى شاكلها وهم اصلا شكلها اجمد من السيراتو بكتير وبعدين انا اتوقع ان الالنترا الجديدة دى اما تنزل عندنا 2012 تمنها حيخش على ال 150 او 160 الف .. مقارنة بسعر السوناتا 2011 الجديدة اللى هى بيبيعها غبور دلوقتى بسعر 320 الف جنية

[د.محمود صلاح]

سعر مقبول لو هتنزل كاملة بالموتور 1600

[moody1]

امال الالنترا هتنزل بكام؟؟!!