النيو اكسنت الشكل الجديد نازلة فى معرض يناير

[Sharky]

يا رجالة خللوا بالكم ان الاكسنت اللى نازلة دى شاكلها وهم اصلا شكلها اجمد من السيراتو بكتير وبعدين انا اتوقع ان الالنترا الجديدة دى اما تنزل عندنا 2012 تمنها حيخش على ال 150 او 160 الف .. مقارنة بسعر السوناتا 2011 الجديدة اللى هى بيبيعها غبور دلوقتى بسعر 320 الف جنية

التسعير مش بالشكل يا باشا
ثم السيراتو فئة و الأكسنت فئة تانية

السيراتو من فئة الالنترا و الاكسنت من فئة الريو

و انا زيك متوقع برده ان الالنترا الجديدة غبور حيفترى فيها و ينز الهاى لاين بـ 150 الف !

امال الالنترا هتنزل بكام؟؟!!

متوقع لها تبدا من 115 الف الى 150 الف

[goingonlovingu]

اي كلام....

انا عمري ما اركب ((اكسنت)))بالسعر ده ابداااااااااااااااااا

اولا العربيه من الفيديوهات باين عليها ضيقه برده والتابلوه بتاعهل سئ جدا ما فهوش اي تعديلات

[chicobon]

يعني حتي العربية الي كانت سعرها في المعقول هتغلي

[yassien]

يا جماعة الخبر نصة صح والنص التاني غالبا غلط
قعلا فيه عربية نازلة المعرض بس هتنزل بأسم النتراااااااااا بس برة بتنزل بأسم اكسنت والي عايز يتفرج عليها هيلاقي صورها في معرض الكويت انما نيو اكسنت جديدة مش هينزل لان الي في السوق لسه جداد

[sakrquraish]

بتكلم بجد

[Sharky]

يا جماعة الخبر نصة صح والنص التاني غالبا غلط
قعلا فيه عربية نازلة المعرض بس هتنزل بأسم النتراااااااااا بس برة بتنزل بأسم اكسنت والي عايز يتفرج عليها هيلاقي صورها في معرض الكويت انما نيو اكسنت جديدة مش هينزل لان الي في السوق لسه جداد

فى بعض الدول بتنزل بإسم افانتى مش اكسنت

[mememsaid]

انا شايف ان غبور بيكسب بيغالي اوي في اسعار العربيات والمصيبه ان الناس بتشتري مع انهم لو بصوا شويه بره هيونداي هيلاقو حاجات كتير احسن وبفرق سعر قليل او بنفس السعر او اقل كمان

[alaafahmy]

انا شايف ان غبور بيكسب بيغالي اوي في اسعار العربيات والمصيبه ان الناس بتشتري مع انهم لو بصوا شويه بره هيونداي هيلاقو حاجات كتير احسن وبفرق سعر قليل او بنفس السعر او اقل كمان

فعلا المصريين بيحبو هيونداى لان ناس كتييييير جدا ركباها ومنتشره انتشار رهيب فكله بيفضل يمشى فى السليم ويقولك اجيب زى الناس وخلاص عشان لما اعطل ولااحتاج صيانه الاقى ناس كتير تفيدنى عشان كده تلاقيهم بيدفعو مبالغ كبيره فى هيونداى (او دايو - شيفروليه-) مع انهم لو فكرو كويس ممكن يروحو لليابانى او للاوروبى ولكن كله بيخاف من قطع الغيار والصيانه واهمممم حاجه بيبصو عليها المصريين هيا سعر اعادة البيع (الـ resale ) يعنى الراجل الى بيبيع هيونداى او دايو ده بيبع وهو حاطط رجل على رجل لانه عارف ان سوقها ماشى والطلب عليها كتير وكمان الخساره فيها مش بتكون كبيره
ودى حاجه مش صح لان المفروض ان الى بيجيب عربيه فى الفئه السعريه دى يكون عنده شوية قناعه ويقعد بالعربيه دى مش اقل من عشر سنين مثلا قبل مايفكر يبيع (عربية العمر زى مابيقولو) لكن حبا فى العنطزه والمظهريه كله بيحب يبيع عشان يبقى راكب احدث موديل والناس تشاور عليه

[alaafahmy]

ياريت ياجماعه حد يقولنا آخر كلام : هل الشكل اللى نازل ده هيكون الانترا ولا نيو اكسنت ؟
وهل نزول الشكل الجديد (اذا كان الانترا او نيو اكسنت) هيلغى وجود النيو اكسنت الى موجوده دلوقتى زيرو ؟
وهل سعرها هيتأثر ؟
ارجو الرد لانى ناوى اجيب نيو اكسنت ان شاء الله فى خلال شهرين او تلاته