معلومات عن i10

[hazememam14]

لو سمحتو يا جماعة عايز شوية معلومات عن هيونداي i10 ،

-العربية الفاضية اللي فيها تكييف و باور و كاسيت بس اكصداماتها سوداء ولا لون العربية زي الكاملة؟

-لو حد معاه العربية ياريت يفيدنا عن موضوع الثبات علي طرق السفر و كمان استهلاك البنزين

-التكييف بتاعها أخباره ايه ؟ انا سامع ان تكييف البيكانتو جامد بس مش عارف اخبار i10


-الكاسيت اللي بتنزل بيه اخباره ايه؟ و فيه usb ولا لأ ؟ و فيها كام speaker ؟


-ياريت لو حد يعرف بالضبط اسعار المانيوال الفاضية و الكاملة يفيدنا


-هل في حاجة جديدة في موديل 2011 عن موديل 2010 و 2009 ؟

-أخيرا انا كنت بفكر في a113 فهل الفرق بين تمنها و تمن ال i10 يستاهل ؟ و لو يستاهل هل الفرق بين الفاضية و الكاملة يستاهل حوالي 3000 جنيه فرق ولا نجيب الفاضية



عذرا للاطالة و منتظر ردودكو

[M.Osman]

-العربية الفاضية اللي فيها تكييف و باور و كاسيت بس اكصداماتها سوداء ولا لون العربية زي الكاملة؟

على حد علمي الإكصدامات السودا كانت في الموديلات الأولى بس.. اول ما العربية نزلت مصر.. دلوقتي بلون العربية في كل الفئات



-أخيرا انا كنت بفكر في a113 فهل الفرق بين تمنها و تمن ال i10 يستاهل ؟ و لو يستاهل هل الفرق بين الفاضية و الكاملة يستاهل حوالي 3000 جنيه فرق ولا نجيب الفاضية

الفرق يستاهل و نصيحة متجبش الفاضية .. بيكون متشال منها حاجات اساسية زي عداد الRPM

باقي الأسئلة مقدرش افيدك

[hazememam14]

شكرا علي اهتمامك و علي ردك و ياريت تتطلع حكاية الاكصدامات دي صح ، السودا دي شكلها وحش اوي

[M.Osman]

شكرا علي اهتمامك و علي ردك و ياريت تتطلع حكاية الاكصدامات دي صح ، السودا دي شكلها وحش اوي

بس للأمانة
عملية اكتر في مصر
الحكات البسيطة مبتبانش فيها خالص... بالعكس .. الإكصدام الأسود هو اللي بيبهدل العربية التانية

[hazememam14]

بس افتكر ان مفيش فرق في المتانة بين السود و الي بلون العربية ، هو بس بيتغطي و يترش ، و بعدين في عربيات بيكون شكلو كويس عليها يعني عندك الجولف مثلا نص الاكصدام اللي تحت اسود بس شكلو شيك لكن بتاع ال i10 و البيكانتو شكلو صعب قوي


لكن بغض النظر عن الحكاية دي هل انت شايف انها عربية كويسة ؟ احسن من ال a113 و البيكانتو ؟ وياريت لو تعرف حاجة عن سعر موديل 2011

[mohamedaghali]

لو سمحتو يا جماعة عايز شوية معلومات عن هيونداي i10 ،

-العربية الفاضية اللي فيها تكييف و باور و كاسيت بس اكصداماتها سوداء ولا لون العربية زي الكاملة؟
اول اصدار كانت سوداء ودى زى اللى معايا وبعد كده بلون العربيه
-لو حد معاه العربية ياريت يفيدنا عن موضوع الثبات علي طرق السفر و كمان استهلاك البنزين
استهلاك البنزين ممتاز بس العربيه مش ثايته بعد 100 قوى من وجهه نظرى لانى بقارن طبعا بالسيراتو والابترا من حيث الثبات , بس ان ركبتلها جنط 13 فظبط الدنيا شويه
-التكييف بتاعها أخباره ايه ؟ انا سامع ان تكييف البيكانتو جامد بس مش عارف اخبار i10
تكيف كويس جدا

-الكاسيت اللي بتنزل بيه اخباره ايه؟ و فيه usb ولا لأ ؟ و فيها كام speaker ؟
كاسيت رودستار وفيها سماعتين قدام بس ومكان اتنين ورا والقدام هاتغيرهم اول ماتجيب العربيه لانهم كرتون

-ياريت لو حد يعرف بالضبط اسعار المانيوال الفاضية و الكاملة يفيدنا

الفاضيه تقريبا ب62000 والكامله 66000 ونصيحه هات الفاضيه لان الفر اتنين ازاز كهرباء وسنترلوك بس
-هل في حاجة جديدة في موديل 2011 عن موديل 2010 و 2009 ؟
مش عارف انا اللى معايا 2008

-أخيرا انا كنت بفكر في a113 فهل الفرق بين تمنها و تمن ال i10 يستاهل ؟ و لو يستاهل هل الفرق بين الفاضية و الكاملة يستاهل حوالي 3000 جنيه فرق ولا نجيب الفاضية

طبعا يستاهل وبلاش صينى

عذرا للاطالة و منتظر ردودكو

[hazememam14]

بالنسبة للكاسيت , معني الكلام ده ان مفهوش usb ؟ طيب هو audio بس ولا mp3 كمان؟

المعلومات اللي عندي ان الفاضية بحوالي 59000 و الكاملة حوالي 62000 الكلام ده غلط ولا ايييييييييييييييييييييييييه؟

برضه الكلام اللي اعرفه ان اللي زيادة في الكاملة :
- 4 زجاج كهربائي
- سنتر لوك
- فوج لايت
- عداد rpm
- زجاج ملون
- طي الكراسي الخلفية





لو انا غلطان ياريت حد يصحح

[mohamedaghali]

بالنسبة للكاسيت , معني الكلام ده ان مفهوش usb ؟ طيب هو audio بس ولا mp3 كمان؟ مافيهوش usb وهو mp3

المعلومات اللي عندي ان الفاضية بحوالي 59000 و الكاملة حوالي 62000 الكلام ده غلط ولا ايييييييييييييييييييييييييه؟ مش عارف بس ديه الاسعار الرسمى على كونتاكت هيا فعلا كانت ب 59000 ودلوقتى بعد زياده الاسعار ده السعر اللى اعرفه

برضه الكلام اللي اعرفه ان اللي زيادة في الكاملة :
- 4 زجاج كهربائي ممكن فى الجديد بس قبل كده كان 2 قدام
- سنتر لوك مظبوط
- فوج لايت فى الاوتو بس
- عداد rpm مش عارف
- زجاج ملون كله العربيات الجديده كده
- طي الكراسي الخلفية موجود فى اللى التكيف و باور





لو انا غلطان ياريت حد يصحح

[hazememam14]

معلومة mp3 دي أكيدة مش كدة ، يعني الكاسيت بتاع حضرتك في موديل 2008 بيشغل mp3 ؟

ياريت ياجماعة اي حد عندو معلومات عن سعر أو مميزات موديل 2011 يفيدنا

[IL_Capitano]

بص يا سيدي انا معايا موديل 2011 اوتو هاف اوبشن

الـ i10 عموما فيها فئتين بس وهما زي بعض بالظبط سواء اوتو او مانيوال

الفرق بين الفئتين ان الفل اوبشن بيزيد عليها:

2 ازاز كهربا خلفي

مرايات كهربا

فوج لايت

RPM

مساحة للزجاج الخلفي

سنتر (والهاف اوبشن على فكره فيها لوك للأطفال بيبئا زرار كده بتلاقيه وانت فاتح الباب بيخلي الباب ميفتحش من جوه خالص)

مساند رأس للكنبة

الفروقات ديه هي هي بالظبط في المانويال والاوتو

التكييف كويس بس طبعا بيأثر على الموتور لو في مطلع مثلاً بحب اطفيه

الثبات كويس والدركسيون بتاعها ممتع جداا هو باور كهربا

بالنسبة للعفشه هو العيب مش فيها بس العيب في الكاوتش النكته اللي بتيجي بيها بحس انو كاوتش موتوسيكل رفيع اووي بيحسسك بكل حاجه في الأرض 175/55/r13 وممكن يركبلها r14 ومكتوب المقاسات بتاعتو بالظبط على قايم العربيه بس عمك غبور ربنا يكرمو مش بيرضا يغيرو ويقولك هاتطلع من الضمان فهاتضطر تفضل بنفس المقاس التحفه ده

الكاسيت مفيهوش وصله AUX هو راديو CD بس انا بشغل MP3 على الولاعه وصوتو حلو اوي حتى لو الاريال مفكوك مش بيأثر على الصوت خااالص

فيها اتنين Speaker في البابيين الأماميين

وطبعاً الاكصدام دلوئتي كلو مرشوش بلون العربيه

الفرش جلد في قماش وشكلو شيييك جداا

امممم وايه كمان يا سيدي؟؟

أي سؤال عندك قولي وانا اجاوبك على طوول :)

[IL_Capitano]

وبالنسبة للبنزين استهلاكها زي الفل

وكمان لو هاتفول بنزين 92 والتانك فاضي هاتفولو بـ 50 جنيه

وفرق السعر بينها وبين الاسبرانزا يستاااااااااااااااااااااهل

[mohamedaghali]

انا متاكد من موضوع الmp3 و بالنسبه للكوتش هو 155 مش 175 لانه لو 175 يبقى كويس اوى على العربيه فيلريت حضرتك تتاكد من القاس و تقولى لان لو ينفع 175 انا هايغيروه بكره :)

[IL_Capitano]

أه معلش انا كان قصدي 155/75

[IL_Capitano]

والمقاس اللي مكتوب على القايم 165/60/r14

انا كان نفسي اغيرو بس في التوكيل قالولي لا هاتطلع من الضمان :(

[mohamedaghali]

والمقاس اللي مكتوب على القايم 165/60/r14

انا كان نفسي اغيرو بس في التوكيل قالولي لا هاتطلع من الضمان :(

والله انا كبرت دماغى منهم و ركبتالها جنوط علشان تثبت شويه