معلومات عن i10

[hazememam14]

بص يا سيدي انا معايا موديل 2011 اوتو هاف اوبشن

الـ i10 عموما فيها فئتين بس وهما زي بعض بالظبط سواء اوتو او مانيوال

الفرق بين الفئتين ان الفل اوبشن بيزيد عليها:

2 ازاز كهربا خلفي

مرايات كهربا

فوج لايت

RPM

مساحة للزجاج الخلفي

سنتر (والهاف اوبشن على فكره فيها لوك للأطفال بيبئا زرار كده بتلاقيه وانت فاتح الباب بيخلي الباب ميفتحش من جوه خالص)

مساند رأس للكنبة

الفروقات ديه هي هي بالظبط في المانويال والاوتو

التكييف كويس بس طبعا بيأثر على الموتور لو في مطلع مثلاً بحب اطفيه

الثبات كويس والدركسيون بتاعها ممتع جداا هو باور كهربا

بالنسبة للعفشه هو العيب مش فيها بس العيب في الكاوتش النكته اللي بتيجي بيها بحس انو كاوتش موتوسيكل رفيع اووي بيحسسك بكل حاجه في الأرض 175/55/r13 وممكن يركبلها r14 ومكتوب المقاسات بتاعتو بالظبط على قايم العربيه بس عمك غبور ربنا يكرمو مش بيرضا يغيرو ويقولك هاتطلع من الضمان فهاتضطر تفضل بنفس المقاس التحفه ده

الكاسيت مفيهوش وصله AUX هو راديو CD بس انا بشغل MP3 على الولاعه وصوتو حلو اوي حتى لو الاريال مفكوك مش بيأثر على الصوت خااالص

فيها اتنين Speaker في البابيين الأماميين

وطبعاً الاكصدام دلوئتي كلو مرشوش بلون العربيه

الفرش جلد في قماش وشكلو شيييك جداا

امممم وايه كمان يا سيدي؟؟

أي سؤال عندك قولي وانا اجاوبك على طوول :)

اولا شكرا علي الاهتمام
ثانيا معني كلامك ان المانيوال هاف أوبشن فيها زجاج كهرباء أمامي ؟؟؟طب دي حاجة جديدة في موديل 2011 ؟ قبل كده كانت الهاف مفهاش زجاج كهربا خالص ! ياريت تأكيد ، بالنسبة لل mp3 انا كنت اقصد لو CD معمول mp3 مش audio هيشتغل ولا لأ مش قصدي علي aux ، في حاجة تانية اصلي كنت سمعت إشاعة ان الدفعة الجديدة من موديل 2011 هيبقي فيها تغيير في شكل الفوانيس ، حد سمع الكلام ده ؟ أخير ياريت لو تعرفو سعر الهاف و الفول مانيوال دلوقتي كام و شكرا تانيييي

[IL_Capitano]

المانيوال الهاف اه فيها زجاج كهربا امامي مش عارفه ديه جديده في 2011 بس ولا كانت من زمان بس انا شفتها لما جيت اشتري وكان فيها كهربا امامي
بالنسبة للـ cd لو معمول mp3 مش عارفه بصراحه وللأسف مش هاعرف اجرب لان الـ cd عندي باظ بسبب مطب غبي خدتو وهو شغال فبطل يشتغل بس الراديو شغال تمام

بالنسبة للشكل الجديد هي فعلاً نزل منها شكل جااامد مووووت بس بره لسه منزلش مصر ومعنديش فكره بصراجه هاينزل مصر وللا لا وامتا

بالنسبه للأسعار انا لما جبت بتاعتي في شهر 8 كانت 67 ونص اوتو هاف اوبشن وكان الفرق بينها وبين الفل 6 الاف جنيه

والسعر دلوئتي زاد 3 جنيه تقريبا في كل الفئات

ممكن تتصل بغبور يقولوك الاسعار بالظبط في التليفون على طول لاني معنديش فكره عن اسعار المانيوال

[IL_Capitano]

والله انا كبرت دماغى منهم و ركبتالها جنوط علشان تثبت شويه

ركبتلها جنوط مقاسها ايه؟ وايه اخبار الثبات؟؟

عشان انا اللي كنت عايزه اعملو اني اركب جنوط 14 واجيب كاوتش بيريللي 165/60 بدل الكومهو التعبان ده

[hazememam14]

السعر زاد 3000 في كل الفئات ؟؟؟ آخر رقم كان في أخبار السيارات من اسبوع ان المانيوال هاف 58900 و الفول 63900 !!!!!! طب ياريت لو حد يعرف موزع معتمد يسألنا عنده علي حكاية الشكل الجديد و حكاية السعر ، أصل ممكن غبور مايعلنش حكاية الشكل الجديد دي لأن الشكل القديم لسه موجود كتير عند الموزعين و المعارض

أخيرا بس سؤال هو اي حاجة بسيطة تتعمل في العربية تخرج برة الضمان بسهولة كده ؟ يعني تغيري مقاس الكاوتش يضيع الضمان ولا عشان هاتغيري الجنط؟ يعني مثلا لو ركبت سنتر اخرج برة الضمان ؟ طب هو ينفع يتركب في التوكيل ؟

[IL_Capitano]

السعر زاد 3000 في كل الفئات ؟؟؟ آخر رقم كان في أخبار السيارات من اسبوع ان المانيوال هاف 58900 و الفول 63900 !!!!!! طب ياريت لو حد يعرف موزع معتمد يسألنا عنده علي حكاية الشكل الجديد و حكاية السعر ، أصل ممكن غبور مايعلنش حكاية الشكل الجديد دي لأن الشكل القديم لسه موجود كتير عند الموزعين و المعارض

أخيرا بس سؤال هو اي حاجة بسيطة تتعمل في العربية تخرج برة الضمان بسهولة كده ؟ يعني تغيري مقاس الكاوتش يضيع الضمان ولا عشان هاتغيري الجنط؟ يعني مثلا لو ركبت سنتر اخرج برة الضمان ؟ طب هو ينفع يتركب في التوكيل ؟

انا حاولت معاهم على موضوع السنتر ده برضو ورفضو وقالولي هاتطلع بره الضمان

مع انو حاجه مهمه جداا لناس عندها زهايمر وبتنسا العربيه مفتوحه

[hazememam14]

ياريت يا جماعة لو حد يعرف آخر الاسعار بتاعة i10 يفيدنا ، و كمان حكاية الشكل الجديد دي

[hazememam14]

انا حاولت معاهم على موضوع السنتر ده برضو ورفضو وقالولي هاتطلع بره الضمان

مع انو حاجه مهمه جداا لناس عندها زهايمر وبتنسا العربيه مفتوحه

طب انتي شايفة ان لو مثلا الفرق بين الهاف و ال فول أوبشن 5000 تقريبا ، الفرق يستاهل المبلغ ده ولا الهاف مناسبة لسعرها و معقولة ؟ انا شايف ان الحاجة الوحيدة الكويسة في الفول اوبشن هيا الفوج لايت لكن حكاية كهربا خلفي و rpm دي مش حاجات مهمة ولا ايه رأيك

[hazememam14]

ايه يا جماعة فين النشاط ؟ مفيش ولا رد النهاردة !!!!! ياجماعة ضروري لوسمحتو عايز احدث اسعار i10 عشان الاسعار بتاعتها اللي علي contact cars مش مظبوطة و ياريت حد يعرف حكاية الشكل الجديد ده هينزل امتي في ناس بتقول هيتسلم الدفعة الجاية !!!!!!!

[IL_Capitano]

طب انتي شايفة ان لو مثلا الفرق بين الهاف و ال فول أوبشن 5000 تقريبا ، الفرق يستاهل المبلغ ده ولا الهاف مناسبة لسعرها و معقولة ؟ انا شايف ان الحاجة الوحيدة الكويسة في الفول اوبشن هيا الفوج لايت لكن حكاية كهربا خلفي و rpm دي مش حاجات مهمة ولا ايه رأيك

بص هو الفرق بينهم كبير طبعا على شويه حاجات ممكن تكون صغيره بالنسبه لناس وممكن تكون حيويه بالنسبه لناس تانيه

انا لو كانت ميزانيتي تسمح بالفل اوبشن كان ممكن اجيبها

الموضوع حسب ميزانيتك


وبالنسبه للأسعار بالظبط كلم غبور 16661 هما هايقولولك الاسعار بالظبط وهاتستريح


وممكن كمان تسألهم على موضوع الشكل الجديد بس انا اشك انو هايجي مصر اصلا

[hazememam14]

انا اتصلت بغبور فعلا زي ما قلتي بس النتيجةجت محزنة

علي قد ما اتبسطت ان الشكل الجديد نزل فعلا اتصدمت لأن الاسعار بقي مبالغ فيها مع انه مش شكل جديد قوي ولا حاجة ، كل الحكاية فوانيس قدام و ورا و شبكة اتغيروا ، و مفيش اي تغيير في تجهيزاتها ال 4 فئات لسة بينزلو زي ما هما من غير تعديل ، و الاسعار :


GL manual 63500
GLS manual 68500
GL automatic 71500
GLS automatic 76500

[IL_Capitano]

يعني الاسعار فعلا زادت اللي كانت بـ 67500 بئت 71500!!!

بصراحة حرااام

كتير اوي

[hazememam14]

ايوة حرام بجد كويس انك لحقتي تجيبيها قبل ما تغلي ، يعني انا مثلا لو كنت ناوي اجيب مانيوال فل أوبشن اجيب بنفس تمنها دلوقتي ال هاف اوبشن و الهاف اوبشن اللي كانت ب 58900 تبقي ب63500 و كل ده عشان فانوسين حرااااااااام بجد

[mohamedaghali]

ركبتلها جنوط مقاسها ايه؟ وايه اخبار الثبات؟؟

عشان انا اللي كنت عايزه اعملو اني اركب جنوط 14 واجيب كاوتش بيريللي 165/60 بدل الكومهو التعبان ده

انا مركبلها جنط 13 على نفس الكاوتش ال155 بس ناوى اغير مقاس الكاوتش ل165 او 175 وبصراحه مرضيتش اركب 14 لان مقاس الكوتش بتاعه مكانش متوافر ساعتها وانا كان كل همى انى اخلى العربيه ثابته شويه لان مراتى هيه اللى بتركبها وقبل الجنوط كانت بتشتكى انها لو ماشيه على 90 وعربيه عدت جنبها بسرعه العربيه بتحدف منها لكن بعد الجنوط ظبطت معاها شويه

[mohamedaghali]

انا حاولت معاهم على موضوع السنتر ده برضو ورفضو وقالولي هاتطلع بره الضمان

مع انو حاجه مهمه جداا لناس عندها زهايمر وبتنسا العربيه مفتوحه

بصى كبرى دماغك و ركبى كل اللى انتى عاوزاه انا مركب سنتر وانذار وزينون وجنوط وما خرجتش من الضمان وهما كمان بيطلعوا عينيك علشان يغيروا حاجه فى الضمان وبعدين هو بيطلع الجزء اللى انتى غيرتى فيه بس مش العربيه كلها

[IL_Capitano]

بصى كبرى دماغك و ركبى كل اللى انتى عاوزاه انا مركب سنتر وانذار وزينون وجنوط وما خرجتش من الضمان وهما كمان بيطلعوا عينيك علشان يغيروا حاجه فى الضمان وبعدين هو بيطلع الجزء اللى انتى غيرتى فيه بس مش العربيه كلها

ده انت جامد اوووي

ومخرجتش بره الضمان ازاي بئا ده انا لما قلتلهم اغير مقاس الكاوتش للمقاس اللي مكتوب عليها قالولي تخرج بره الضمان

بالنسبه للثبات بصراحه انا محستش انو ضايع اوي بس انا مشكلتي اني بحس بأي حاجه في الارض بترزع في العفشه خصوصاً المطبات الحديد الجميييييله

وفعلا المقاس اللي على الجنط 14 صعب شويه بس متهيألي لو دورنا بضمير هانلاقيه بس المشكله اني كنت صرفت نظر عشان موضوع الضمان ده

وبالنسبه للسنتر والانذار شغالين تمام ومش عاملين مشاكل في الكهربا وللا حاجه؟