كل شىء عن الماتريكس

[Nile_Storm]

قلت من قبل انك لا تعمل فى غبور طيب ممكن استفسار اخر بسيط لانى حديث العهد بالمنتدى و لا اعرف اعضائه جيدا
هو حضرتك مشرف الموقع ؟؟؟؟؟؟

ياساتر ايه ياعم مالك

علي الرغم من انه غلط اني ارد طالما لغه الحوار كده
و مصدقنا ان المنتدي هدي شويه
بس هقولك
انا مجرد واحد حسيت باهميه المنتدي ده و فضله عليا قصدي نايل موتورز عامه
و برد الدين
و بما اني مبفهمش الا في هيونداي فبالتالي ركزت مجهودي عليه و بعدين هوا برضه لازم اكون شغال في غبور عشان ابقي متحمس لمنتدي هيونداي انت غريب جدا
علي العموم براحتك
صحيح انت خدت الكلام علي نفسك ليه مع اني مقتبس كلام بسام :D:D:D

[starpro]

ياساتر ايه ياعم مالك

علي الرغم من انه غلط اني ارد طالما لغه الحوار كده
و مصدقنا ان المنتدي هدي شويه
بس هقولك
انا مجرد واحد حسيت باهميه المنتدي ده و فضله عليا قصدي نايل موتورز عامه
و برد الدين
و بما اني مبفهمش الا في هيونداي فبالتالي ركزت مجهودي عليه و بعدين هوا برضه لازم اكون شغال في غبور عشان ابقي متحمس لمنتدي هيونداي انت غريب جدا
علي العموم براحتك
صحيح انت خدت الكلام علي نفسك ليه مع اني مقتبس كلام بسام :D:D:D

صدقنى انا ما اقصد شىء بس انا بستغرب شوية من تصرفاتك شايفك 24 ساعة فى الموقع و نازل تنظيم فى المرور فيه و شوفتك زعلت اوى منى لما حكيت عن المهازل اللى حصلتلى فى غبور و عايز تلم الناس اللى زعلنين و تنفيهم فى حتة واحدة علشان محدش يحس بكثرة مصائب غبور و لمجرد انى قلت رأيى ان الدايو احسن من الفيرنا وجدتك قلبت عليا و على المنتدى كله بسببى و اعدت تنظم فيه على مزاجاك و الله انا افتكرتك يا اما شغال فى غبور يا اما مشرف المنتدى بسبب اللى بتعمله دة يا ريت تسيب الناس بحريتها شوية بلاش الكبت دة الله يخليك و المنتدى مفتوح و كل واحد يقول رأيه و يفتح الموضوع اللى هو عايزه مع الناس هنا و المنتدى ليس حكرا على احد و اذا كنت زعلت منى لانى قلت رأى بصراحة فى الفيرنا فحقك عليا يا سيدى انا ماكنتش اعرف انك بتحبها بالشكل دة و ممكن تزعل منى بسببها مع انى ايضا املك سيارة ماتريكس و لكن بنتقدها عادى جدا اذا شعرت بشىء غير صحيح بها و اتقبل ايضا اى نقد لها بروح رياضية عالية اتمنى ان تكون انت كذلك و على العموم اشكرك على حسن اهتمامك بالمنتدى فهو منتدى جيد و يستحق فعلا الاهتمام به سلام

[Nile_Storm]

صحيح انا موجود بكثره الان في المنتدي لان فترات جلوسي اما الكمبيوتر اكتر شويه فعلا الفتره دي

ثانيا تنظيم المرور :) اللي بتقول عليه ده كان بالاتفاق مع اعضاء هيونداي قلب كده في الصفحه التانيه و لا التالته و هتلاقيه

و بعدين لكل منتدي واحد ماسك اموره مش شرط المشرف بتاعه " انا طبعا مش قصدي اني زيهم و لا حتي ربعهم لاني برضه مش قديم اوي زيهم و خبرتي قليله جدا عنهم "
بس عندك مثلا فلاينج بيجو و سيات لوفر و مصراوي جدا و غيرهم

دول ناس بتلاقي اكتر مشاركتهم في منتديات سياراتهم و اكتر اهتمامهم بيكون بيه
قلت ليه منكونش زيهم و بما اني مش قديم قوي عملت الاقتراح ده و الحمد لله لاقي استحسان الناس و ساعدوني فيه مشكورين
احمد انور و م / احمد و ميدو في موضوع الفيرنا
خالد مصطفي في الاتوس
بسام و ليكويتر في الماتركس
ااحمد اف دي في الالنترا

و هكذا

اما موضو غبور انا مش بحجمه انا بنظمه شويه و ده ميمنعش ان اي حد من حقه انه يكتب موضوعه في اي حته عاوزها لا هاعرف امنعه و لا هاقدر و لا ححاول حتي كل واحد حر بس ميمنعش اني احاول اكون منظم شويه ولا ايه
و بعدين مش نفي ولا حاجه لو كل الناس اللي عندهم مشاكل شاركو في الموضوع ده الموضوع هيتثبت نتيجه نشاطه و بكده فعلا شكاوي الناس مش هتتنفي ولا حاجه و ممكن كمان نلاقي تعليق علها من المهندس عمرو


و علي فكره اما قلتلكم توحدو جهودكم كنت مقصود منهم :) انا قصدي الموضوعين عن الماتركس و كل منهم مليان حاجات حلوه طب ما تدمجو الاتنين في بعض تسهيلا للباحث عن المعلومه
ارجو انك تكون فهمت وجهه نظري

[starpro]

صحيح انا موجود بكثره الان في المنتدي لان فترات جلوسي اما الكمبيوتر اكتر شويه فعلا الفتره دي

ثانيا تنظيم المرور :) اللي بتقول عليه ده كان بالاتفاق مع اعضاء هيونداي قلب كده في الصفحه التانيه و لا التالته و هتلاقيه

و بعدين لكل منتدي واحد ماسك اموره مش شرط المشرف بتاعه " انا طبعا مش قصدي اني زيهم و لا حتي ربعهم لاني برضه مش قديم اوي زيهم و خبرتي قليله جدا عنهم "
بس عندك مثلا فلاينج بيجو و سيات لوفر و مصراوي جدا و غيرهم

دول ناس بتلاقي اكتر مشاركتهم في منتديات سياراتهم و اكتر اهتمامهم بيكون بيه
قلت ليه منكونش زيهم و بما اني مش قديم قوي عملت الاقتراح ده و الحمد لله لاقي استحسان الناس و ساعدوني فيه مشكورين
احمد انور و م / احمد و ميدو في موضوع الفيرنا
خالد مصطفي في الاتوس
بسام و ليكويتر في الماتركس
ااحمد اف دي في الالنترا

و هكذا

اما موضو غبور انا مش بحجمه انا بنظمه شويه و ده ميمنعش ان اي حد من حقه انه يكتب موضوعه في اي حته عاوزها لا هاعرف امنعه و لا هاقدر و لا ححاول حتي كل واحد حر بس ميمنعش اني احاول اكون منظم شويه ولا ايه
و بعدين مش نفي ولا حاجه لو كل الناس اللي عندهم مشاكل شاركو في الموضوع ده الموضوع هيتثبت نتيجه نشاطه و بكده فعلا شكاوي الناس مش هتتنفي ولا حاجه و ممكن كمان نلاقي تعليق علها من المهندس عمرو


و علي فكره اما قلتلكم توحدو جهودكم كنت مقصود منهم :) انا قصدي الموضوعين عن الماتركس و كل منهم مليان حاجات حلوه طب ما تدمجو الاتنين في بعض تسهيلا للباحث عن المعلومه
ارجو انك تكون فهمت وجهه نظري

اه فهمت يعنى حضرتك عايز تبقى زعيم منتدى هيونداى بس بطريقة غير مباشرة
طيب لما حضرتكم متفقين على تنظيم المنتدى و توحيد الجهود و المواضيع مثلما ذكرت.

الم ترى انى فتحت هذا الموضوع من اسبوعين عن كل شىء عن الماتريكس فلماذا اذا خالفتم ما اتفقتم عليه و اذا بى اجد الاخ بسام فتح موضوع جديد عنها من يومين فقط و انت اول واحد اعدت تباركله انه فتح موضوع اخر عن الماتريكس و كتبت اكثر من مداخلة عن السيارة رغم انك مش خبرة فيها اساسا!!!!!!!!

كل دة علشان انا قولتلك قبلها بيوم ان الدايو احسن من الفيرنا و فضحت غبور فى المنتدى و لان كلامى لم يأتى على هواك تقوم تخالف ما اتفقتكم عليه !!!!!! يبقى كدة فى نظام خيار و فقوس فى المنتدى و لا اية الحكاية بالظبط !!!!؟؟؟؟؟؟
واضح من مداخلاتك انك ماشى بنظام عباس احسن من ستار علشان ستار اختلف معايا فى الرأى و فى الاخر تقولى عايزين ننظم المنتدى و نوحد الجهود طيب بدل ما كنت جريت على موضوع الاخ بسام اللى من يومين عن الماتريكس و اعدت تقوله مبروك كنت قلتله بلاش تشتيت يا بسام و نوحد الموضوع بدل ما انت جاى تقول الكلام دة هنا فى موضوع مكتوب قبله من اسبوعين مش كدة و لا اية يا عم الزعيم المنتظر.

كل دة علشان قولت بصراحة ان غبور نصاب و ان الفيرنا اللى انت فرحان انها اشتغلت تاكسى مش عجبانى و مش ميزة انك تتباهى انها اصبحت تاكسى !!!!!!!
دة انت هتبقى زعيم مية مية توكل على الله و احنا وراك يا ريس بداية مبشرة بالخير ان شاء الله .

[liquidator]

يا جماعه من فضلكم بلاش اللي بيحصل ده ... اسموا بنفسكم عن الكلام ده .. ايه موضوعك و موضوعي في النهايه كله في سبيل المعرفه العامه و تبادل الخبرات في جو من الحب و الايخاء ... بلاش تدو للموضوع أكبر من حجمه الموضوع أتفه من كده بكتير , و أنا عن نفسي مستعد أجاوب علي استفسارات الناس في أي موضوع يتفتح و علي أي نظام المنتدي يبقي ماشي بيه زي ما أنا متوقع ان أي حد يرد علي استفساراتي لما أسأل , بس كل ده يتم في جو جميل من الحب و الود و الاحترام المتبادل , احنا هنا عشان نعلم بعض و نفيد بعض مش عشان نتخانق مع بعض ... أتمني يا جماعه انكم تعلوا عن كده و تبقوا منطقيين شويه في التفكير ... و يا رب الدنيا تبقي كلها حب و وئام ...
تحياتي لكم .

[momomania22]

يا جماعه من فضلكم بلاش اللي بيحصل ده ... اسموا بنفسكم عن الكلام ده .. ايه موضوعك و موضوعي في النهايه كله في سبيل المعرفه العامه و تبادل الخبرات في جو من الحب و الايخاء ... بلاش تدو للموضوع أكبر من حجمه الموضوع أتفه من كده بكتير , و أنا عن نفسي مستعد أجاوب علي استفسارات الناس في أي موضوع يتفتح و علي أي نظام المنتدي يبقي ماشي بيه زي ما أنا متوقع ان أي حد يرد علي استفساراتي لما أسأل , بس كل ده يتم في جو جميل من الحب و الود و الاحترام المتبادل , احنا هنا عشان نعلم بعض و نفيد بعض مش عشان نتخانق مع بعض ... أتمني يا جماعه انكم تعلوا عن كده و تبقوا منطقيين شويه في التفكير ... و يا رب الدنيا تبقي كلها حب و وئام ...
تحياتي لكم .

هو ده الكلام
تسلم وجزاك الله خيرا

[Nader]

اية يا جماعة، لية الحساسية دي؟؟

دة محدش منكم واخد منها حاجة وانتوا بتستقطعوا

من وقتكم علشان تفيدوا اخواتكم،، عمل تطوعي بحت

بلاش تضيعوا ثوابة عليكم.


مفيش حاجة اسمها واحد قايم غلى اعمال المنتدى

ولا الراعي الرسمي والكلام دة. الناس بتقول علية

كدة لانها بتشوفة بيساعدهم اكتر واحد.

طيب لية ميبقاش في اكتر من واحد؟؟!


اللي معاة فيرنا يركز عليها اكتر، واللي معاة

ماتريكس يركز على الماتريكس اكتر والي معاة

النترا يركز فيها و..و......


على الاقل تبقوا بتوزعوا مجهودكم وكل واحد هيكون

بيتكلم عن تجربة لان معظم الموجودين ،مش كلهم،

لم تسنح لهم الفرصة بتجربة كل السيارات السابقة.


التعاون افضل واريح وهنوفر الجهود المهدرة في الخلافات

والجدال الغير بناء.


بالمناسبة المواضيع المكررة هتدمج مع بعض وفي اختراع

اسمة تقرير بالمشاركات ياريت الكل يستخدمة لكل الاسباب

للتواصل مع الاخزة المشرفين إذا كان في موضوع او مشاركات

مكررة او مخالفة.


وفي اقتراح تاني علشان تجنباً للحساسيات دي .... بس يتنفذ بعد

فترة وهو عمل موضوع واحد مثبت ،والادارة هي اللي تعملة، لاهم

المواضيع بالمنتدى ويتحط فية المواضيع اللي ثبتت اهميتها ولقت

مشاركات كتير من الاعضاء.

يلا صباحكم زي الفل....

سلام عليكم.

[Nile_Storm]

علي العموم انا مش هرد
لاني افضل من اني انزل للمستوي ده في الرد
و اخيرا
مينفعش ابقي زعيم هيونداي علي ناس اكبر مني سنا و خبره
واذا كنت مش فاهم في الماتركس فانا كنت بجيب مشاركات الاعضاء اللي فيها الماتركس و بجمعها يعني مش بفتي و خلاص


علي العموم كل موضوع دلوقتي بقي فيه اللي ينظمه يعني مش محتاجين الزعيم المنتظر
ولا حتي ظابط المرور و لا غيرها من الالقاب اللي اطلقها عليا السيد ستار

و بما ان سيادتك مصمم توجه الاساءه ليا او تقوم منتدي هيونداي و تعمل قلق عشان انا موجود

ابسط ياسيدي انا ماشي

سلام

[Nile_Storm]

اية يا جماعة، لية الحساسية دي؟؟

دة محدش منكم واخد منها حاجة وانتوا بتستقطعوا

من وقتكم علشان تفيدوا اخواتكم،، عمل تطوعي بحت

بلاش تضيعوا ثوابة عليكم.


مفيش حاجة اسمها واحد قايم غلى اعمال المنتدى

ولا الراعي الرسمي والكلام دة. الناس بتقول علية

كدة لانها بتشوفة بيساعدهم اكتر واحد.

طيب لية ميبقاش في اكتر من واحد؟؟!


اللي معاة فيرنا يركز عليها اكتر، واللي معاة

ماتريكس يركز على الماتريكس اكتر والي معاة

النترا يركز فيها و..و......


على الاقل تبقوا بتوزعوا مجهودكم وكل واحد هيكون

بيتكلم عن تجربة لان معظم الموجودين ،مش كلهم،

لم تسنح لهم الفرصة بتجربة كل السيارات السابقة.


التعاون افضل واريح وهنوفر الجهود المهدرة في الخلافات

والجدال الغير بناء.


بالمناسبة المواضيع المكررة هتدمج مع بعض وفي اختراع

اسمة تقرير بالمشاركات ياريت الكل يستخدمة لكل الاسباب

للتواصل مع الاخزة المشرفين إذا كان في موضوع او مشاركات

مكررة او مخالفة.


وفي اقتراح تاني علشان تجنباً للحساسيات دي .... بس يتنفذ بعد

فترة وهو عمل موضوع واحد مثبت ،والادارة هي اللي تعملة، لاهم

المواضيع بالمنتدى ويتحط فية المواضيع اللي ثبتت اهميتها ولقت

مشاركات كتير من الاعضاء.

يلا صباحكم زي الفل....

سلام عليكم.

نادر متتعبش نفسك زي ماقلت العمل ده تطوعي و عشان كده الواحد يزعل لما يلاقي حد يشكك فيه
و بما نه تطوعي خلاص يبقي اخد منه اجازه شويه لغايه اما النفوس تهدي
اشوفك في المنتدي لاجتماعي يابرنس :)
و انا كل اجرامي اني عملته اني عملت موضوع اسئله الفيرنا ده و شجعت الساده اصحاب السيارات الاخري انهم يفتحو مواضيعهم و تفضلو مشكورين بالاستجابه فعلا انا اسف دي جريمه بشعه

اصلي شغال عند غبور لألأ اصلي عامل زي عسكري المرور هنا لألأ بخطط اكون زعيم هيونداي ... لأ اقولك انا اللي كلت الجبنه :)

[starpro]

يا جماعه من فضلكم بلاش اللي بيحصل ده ... اسموا بنفسكم عن الكلام ده .. ايه موضوعك و موضوعي في النهايه كله في سبيل المعرفه العامه و تبادل الخبرات في جو من الحب و الايخاء ... بلاش تدو للموضوع أكبر من حجمه الموضوع أتفه من كده بكتير , و أنا عن نفسي مستعد أجاوب علي استفسارات الناس في أي موضوع يتفتح و علي أي نظام المنتدي يبقي ماشي بيه زي ما أنا متوقع ان أي حد يرد علي استفساراتي لما أسأل , بس كل ده يتم في جو جميل من الحب و الود و الاحترام المتبادل , احنا هنا عشان نعلم بعض و نفيد بعض مش عشان نتخانق مع بعض ... أتمني يا جماعه انكم تعلوا عن كده و تبقوا منطقيين شويه في التفكير ... و يا رب الدنيا تبقي كلها حب و وئام ...
تحياتي لكم .

هو دة الكلام السليم و الصح ان يكون الاعضاء على حريتهم و من يستطيع ان يعطى معلومة له كل الحق فى ذلك و لا يجب ان تكون الموديلات حكرا على عضوين تلاتة فى المنتدى

" ***************** "

تنبيه للعضو ستاربرو بعدم إستخدام هذا الأسلوب فى الحوار
ونرجو عدم إستفزاز الآخرين تجنبا لتدخل الإدارة
الإدارة4

[cazanova555]

ايه يا نيل استورم انت عارف اننا كلنا هنا بنحبك ومحترمينك جدا
ليه هتسيب منتدي هيونداي؟
انت عارف انك اكتر واحد فادني وفاد ناس كتير في المنتدي هنا

ليه بقي عاوز تحرمنا اننا نستفيد ونتناقش

ياجماعه مفيش حاجه اسمها زعيم ولاكبير احنا كلنا اخوات والهدف الرئيسي للمنتدي الافاده العامه وليس الشهره

معلش يعني العضو الي بيقول عاوز تبقي زعيم للمنتدي بتاع هيونداي طيب لو هو كدا فعلا هيستفاد ايه كلنا عارفين ان نايل استورم اخلاق وتفكيره مش كدا

حتي لو هو كدا حضرتك زعلان ليه ؟؟؟؟؟

[theking2690]

يا محمد اوعى تقول كده انت المواضيع التنظيميه اللى عملتها فى المنتدى خلته احسن و بالعكس انا بقيت بحس انا المنتدى بقى انشط

[cazanova555]

يا محمد اوعى تقول كده انت المواضيع التنظيميه اللى عملتها فى المنتدى خلته احسن و بالعكس انا بقيت بحس انا المنتدى بقى انشط

+10000000000000000000

[bassam nagy]

لاحول ولاقوة الاباالله
فى اية ياجماعة ماحنا كنا ماشيين كويس على فكرة قسم هيونداى اتحسد ههههههههههههههههههه
ياجماعة احنا هنا كلنا موجودين لمساعدة بعض مش اكتر ومساعدة اى حد محتاج اى استفسار
والله ومش هاتفرق مين الية هايبتدى بالموضوع المهم الاستفادة منوا
واعذرنى انى فتحت موضوع وانت فاتح نفس الموضوع
ولو ينفع ان الادارة تقوم بدمج الموضوعين فى موضوع واحد وتبقى المصلحة واحدة

[starpro]

لاحول ولاقوة الاباالله
فى اية ياجماعة ماحنا كنا ماشيين كويس على فكرة قسم هيونداى اتحسد ههههههههههههههههههه
ياجماعة احنا هنا كلنا موجودين لمساعدة بعض مش اكتر ومساعدة اى حد محتاج اى استفسار
والله ومش هاتفرق مين الية هايبتدى بالموضوع المهم الاستفادة منوا
واعذرنى انى فتحت موضوع وانت فاتح نفس الموضوع

يا جماعة انا كلامى واضح و سبق قولت انه يجب احترام الاعضاء و تركهم بحريتهم يتكلموا و يفتحوا مواضيع بدون حجر على احد بما اننا لا نخرج عن حدود الادب و انا لست ضد ما فعلت يا اخ بسام و لك كل الحرية فى مواضيعك و لكنى ضد سياسة الكيل بمكيالين اللى بيحاول ان يمارسها عليا الاخ اللى عايز ينصب نفسه زعيم على المنتدى و يوقف مواضيع و يفتح مواضيع بمزاجه و هذا الامر كان واضح جدا لى فى الفترة الاخيرة بمجرد انى اختلفت معه فى موضوع بالمنتدى و ما اره ان اللى يقول كلام لابد ان يحترمه و ان يطبقه على نفسه اولا و على كل الاعضاء و لا يميز بينهم لمجرد الاختلاف فى الرأى لان هذا يفقد اى انسان مصداقيته تماما.
يا جماعة اقولكم بصراحة من ساعة ما فضحت المهازل اللى شوفتها فى غبور و فى اتنين هنا هيتجننوا و قلبوا المنتدى و واحد منهم عارف نفسه كويس و بدون ذكر اسماء بيتنطت ورايا فى المنتدى و بيحاول يشكك فى اى شىء بقوله و طبعا هذا له معانى كثيرة

------------------
سيد ستاربرو
أنت على وشك الحصول على الإنذار الأول وما يصحبه من إيقاف
نرجو الهدوء وعدم التمادى فى النزاعات الشخصية
الإدارة 4