دليل شامل عن الفيرنا بواسطه اسئله الاعضاء - متجدد

[Nile_Storm]

لا فيه فرق كبير
وسع الماتركس الداخلي اكبر بكتير من الفيرنا و ان كانت الفيرنا تتميز بالشنطه طبعا لا نها سيدان

لاتنين نفس الموتور و نظام التعليق تقريبا
الماتركس تقفيل تركي " انضف " من الفيرنا سواء مصري او هندي

[hofo]

طيب انا غير مهتم اطلاقا بالوسع وشكل العربية فهل الفيرنا احسنلى واوفر 13 الف

ثانيا انا سمعت ان تكييف الفرنا وحش

[أبو عمار المصرى]

تكييف الفيرنا ما شاء الله ممتاز و زيه زى كل الهيونداى عشان وحدة التكييف واحدة
بس أنا ليا سؤال للفيرناوية
هل جريليات التكييف فى النصف أقوى من الجوانب ناحية الأبواب يعنى الهواء فى النصف بيكون أقوى ولا أنا عندى سدد معين فى الجريليات الجانبية
أرجو ملاحظة ذلك قبل الرد على سؤالى

[nilebeginner]

عاوز أعرف من خلال تعودكم على سواقة الفيرنا 1600... الوقت الصح للنقل بيبقى إمتى؟

يعني الأول أول.. التاني آخره 35؟
التالت 60؟
وبعد كدة الرابع لحد كام؟
80؟

وللا كل الكلام دة غلط؟

شكرا

[Nile_Storm]

تكييف الفيرنا ما شاء الله ممتاز و زيه زى كل الهيونداى عشان وحدة التكييف واحدة
بس أنا ليا سؤال للفيرناوية
هل جريليات التكييف فى النصف أقوى من الجوانب ناحية الأبواب يعنى الهواء فى النصف بيكون أقوى ولا أنا عندى سدد معين فى الجريليات الجانبية
أرجو ملاحظة ذلك قبل الرد على سؤالى

عندي ايضا اشعر ان المنتصف اقوي

[Nile_Storm]

عاوز أعرف من خلال تعودكم على سواقة الفيرنا 1600... الوقت الصح للنقل بيبقى إمتى؟

يعني الأول أول.. التاني آخره 35؟
التالت 60؟
وبعد كدة الرابع لحد كام؟
80؟

وللا كل الكلام دة غلط؟

شكرا

انا بدي الاول لغايه 20 و التتاني 35-40 و اتالت 60 و الرابع 85 الخامس اما ربنا يفرجها :D

[أبو عمار المصرى]

ولكن كان عندى قبل كدا الأكسنت التكييف كان متساوى فى كل الجريليات لذلك أنا مستغرب

[Adham_Sabry]

يا جماعه انا معايا فيرنا 2008 عامله 2000 كم .. الإطارات لاسا تركي Lassa Grand
Slam
اللي هيا نازله بيها .. امس قلت اشوف المصنع ظابط الضغط بتاعهم علي كام علشان يبقي مرجع لي لو حصل وفرده نامت ... بس وجدت العجب ..الضغوط كانت كالتالي :
امامي ايسر 35 امامي ايمن 33
خلفي ايسر 25 خلفي ايمن 42
؟؟؟؟؟؟؟؟؟؟؟ مفهمتش حاجه ..حد يقدر يفهمني !!!!!! ....علما بان الفرد مكتوب عليها : 36 Psi Max
الحاجه الثانيه : لمبه فرامل اليد منوره علي طول ..تأكدت ان فرامل اليد نازله ..ورفعتها ونزلتها عده مرات لكن مفيش فايده .. وكذلك شوفت مستوي زيت الفرامل لاقيته اعلي من Min بشويه بس سحب العربيه عادي .. ومفيش سخونيه في الفرد ... مش عارف امشي بيها كده لحد صيانه ال5000 ولا غلط .. ياتري السويتش معلق ولا ايه ؟؟

[Nile_Storm]

:( اهمال عمال كالعاده
يستحسن تروح بيها التوكيل عشان موضوع منسوب الزيت مش اكتر

[Adham_Sabry]

هو المفروض الإطارات ال LASSA يكون ضغطهم كام ؟؟
هو مكتوب عليهم 36 MAX PSI

[AHMEDCAR]

يا جماعه الفيرنا فيها فلتر تكيف و موجود خلف التابلوه

[Eng.Ahmed]

فين ده ؟ انا ماشوفتوش

[zakiali]

السلام عليكم يا شباب
انا عندي قيرنا 1600 هي عربيه جامده و كويسه و ناعمه جدا بس هي ضيقه اكتر من الانوس شويه

المهم انا عندي سؤال:
العربيه خفيفه جدا مجرد المؤشر ما يوصل ل 120 تبدأ تترج و تبقي خفيفه و الدركسيون بيتهز في ايدي لدرجة ان واحد صحبي كان ماشي ورايه بعربيته لقيته جي جانبي و يقولي هدي شويه ، العربيه خفت اوي من الخلف.
المشكله دي ليها حل و لا اسيبها كده.
عاي فكره انا مش من هواة السرعات العالية بس بحب احس بالقوة جوه عربيتي .
انا اسف علي الاطالة ، شكرا

علي فكره انا لاحظت القصه دي برده عند 120 بالضبط العربيه بتبقي بتترج رجه عنيفه وبتروح لما تزود الي 130 وبتختفي تماما عند 140 - 160 انا مش من هواة السرعه العاليه بس حبيت اجرب اخر الموتور كام .. اللزيز انه كان لسه فيه يمكن لحد 190 !! قلت كفايه كده طبعا موصلتش للسرعه دي عشان حسيت اني طاير من علي الاسفلت والعربيه خفيفه اساسا ..

رحت عملت ضبط زوايا وترصيص وشفت بعيني الكمبيوتر وهو بيدي الأوكي علي كل الفرد والزوايا .. بس برده الموضوع ده زي ماهو .. اظاهر ان الرجه من الموتور ولا ايه ؟

[AHMEDCAR]

فى العلبه الشوده اللى ورا باب التابلوه

[MEDO80]

فلتر التكييف فين يا جماعة ؟
و بالنسبة للسرعات المعتمدة من دليل الاستخدام علشان الحصول علي اطول عمر ممكن للموتور
الاول 20
التاني 40
التالت 55
الرابع 75
دا كلام الدليل بس طبعا ما يمنعش اني اعرف ناس جابت علي التالت 80 و اكتر
و انا عن نفسي جبت قبل كدا علي الاول 35
اما ضغط الهواء بتاع العجل في معظم العربيات موجود في صندوق تابلوه العربية
و تقريبا في الفيرنا حوالي 30 علي ما اتذكر مع اختلاف نوع العجل