دليل شامل عن الفيرنا بواسطه اسئله الاعضاء - متجدد

[r0xer]

انا الكاوتش اللاسا بتاعى عامل 30000 دلوقتى وعايز اغيره عشان تعبان واصوات امريكانى على اى فرملة وكنت عايز اعرف لو غيرت لكاوتش بردجستون 15 وغيرت الجنوط. هل ده يأثر على العغشة و يعمل فى رينج كام الكلام ده؟؟؟؟

التكلفة حوالي 3000-3500. دا لو جنوط سبور و كاوتشات كومهو كوري اهم حاجة انك تركب المقاس الصح مش أي مقاس.

في ناس كتيرة هنا مركبة جنوط 15 ومش عامل أي مشاكل معاها خالص الحمد لله و مقتنعين بالاداء جدا.

[Amo0o0oRa]

السمعات مش بحجمها روح هات سمعتين بايونير بنفس الحجم السمعات الى عندك و انت هتلاقى العربيه بتنط من على الارض من الصوت اما الكاسيت بقى ده ربنا يقدرك عليه بس كويس مشيها بيه

[immortality]

انا الكاوتش اللاسا بتاعى عامل 30000 دلوقتى وعايز اغيره عشان تعبان واصوات امريكانى على اى فرملة وكنت عايز اعرف لو غيرت لكاوتش بردجستون 15 وغيرت الجنوط. هل ده يأثر على العغشة و يعمل فى رينج كام الكلام ده؟؟؟؟

غريبه انك لسه سايب الكاوتش الاسا ده لحد دلوقتى بس تمام انك حتغير بص اجمد مقاس للفيرنا 195/50/15 ده الى انا مركبه وكنت خايف انه يأثر على العفشه بس ده مقاس ممتاز فى الثبات بتاع العربية وكمان فى الفرامل فأنصحك تركبه من غير تردد وبلاش تركب 14 علشان مش حتحس بفرق كبير عن 13 وعندى كذا واحد من اصحابى مركبين نفس المقاس ومفيش شكوى فتوكل على الله

[abodo]

و الله العظيم انا من كلمكم على العربيه دى بقيت مجنون فيرنا لدرجه وربنا لما بوقف تاكسى لازم يكون التاكسى الابيض الجديد و طبعا يكون فيرنا ادعولى و احنا فى رمضان كده انى اجيبها متبخلوش بالدعاء ده ببلاش

[abodo]

انا من امبابه اقدر القى فين توكيلات غبور الى ممكن احجز منها العربيه و اقرب فرع لامبابه اي ه هو او الفرع الى فى القاهره عموما؟؟؟؟؟؟؟؟؟؟؟؟؟؟

[SAMEHNOSHI]

انا الحمد لله ماعنديش اي مشكلة من الفيرنا وكل يوم بيزيد اعجابي بيها بس اكتر عيب خنقني( والحمد لله انه مش عيب جوهري ده مجرد عيب كماليات )هو الكاسيت والسماعات الرديئة اللي بتيجي معاها اولا بالنسبة للسماعات دي صورها

سماعات في منتهي السوء (جولدي 60 وات ) صناعة بلدنا الحبيب مصر والحمد لله ربنا كرمني وغيرتها ببيونير
والكاسيت رودستار بعد شراء العربية بحوالي4 شهور مابيقراش اسطوانات ولازم يروح التوكيل حاولت اشوف حد يصلحه كلهم قاللولي يا بيه ده خسارة فيه الفلوس ولو اتصلح حايرجع العيب تاني وقطع غياره مش موجوده ودي صورته


ودي كانت كل مشاكلي مع الفيرنا في خلال سنة و 3 شهور والحمد لله ماصدفتنيش اي مشاكل من اي نوع طبعا ممكن ماحدش يشوف دي مشاكل بس انا فعلا اتخنقت من الكاسيت واللي عمله فيا (انا دلوقتي مشغله ب fm modulator ) وان شاء الله حاغيره بكاسيت بيونير ونفسي مستر غبور طالما خللي الفيرنا الكاملة ب 71750 جنيه ينزلها بالكاسيت الهيونداي وسماعاتها الاصلي بدل المصاريف دي اللي الواحد بيصرفها علشان يسمع صوت معقول ومحترم

دى نفس مشكلتنا بالضبط, صوت السماعات سيىء و واطى و ضعيف, و الكاسيت فعلا رديىء ربنا يقدرنا و اغيرهم بسماعات بيونير زيك, بس كنت عايز اسئلك يا ترى السماعات البيونير غيرتهم بنفس الحجم ولا بحجم اكبر؟؟ و هل فرقوا جامد فى الصوت؟؟

[SAMEHNOSHI]

السمعات مش بحجمها روح هات سمعتين بايونير بنفس الحجم السمعات الى عندك و انت هتلاقى العربيه بتنط من على الارض من الصوت اما الكاسيت بقى ده ربنا يقدرك عليه بس كويس مشيها بيه

انا متاكد ان السماعات البيونير حتكون احسن, بس بالحجم دة ممكن يكون الفرق بسيط اوى و محسش بية, وابقى بس دفعت الفلوس على الفاضى اصل السماعات بالحجم دة لقيت اقص حاجة فيها 2 wayو كدة حيكون البيز و التربيل ضعاف بردة, علشان كدة كنت عايز اسئل حد بدلها فعليا و يقولى النتيجة فرقت كتير ولا حاجة بسيطة

[ahmedesmat1987]

السلام عليكم انا لسه مسجل جديد ويريت تقبلونى فرد منكم لو سمحتو انا كنت عايز افيدكو فى بعض الاشياء الخاصه بالفيرنا بما انى سوقت كل مديلات الفيرنا من اول ما سموها فيرنا
1 كل العيوب اللى انتو قلتوها فى الموضيع اللى فاتت حقيقيه وستاندر فى كل موديل والحلول كانت لذيذه ومجديه بس ليع تعقبين بس على اراء بعض الساده الاعضاء
اولا.الفيرنا مفيش مقارنه بينها وبين اللانوس اساسا اللانوس 1500 سىسى 8صباب كامه علويه ينتج عنها قدره حصانيه 86 حصان ميكانيكى انما الفيرنا 1600سىسى 16صباب 2كامه علويهبتنتج عدد احصنه 106 حصان دا غير ان نظام تعليق اللانوس وفرملها بالنسبه للفيرنا زباله اذا دى عربيه ودى عربيه تانيه خالص
ثانيا.بالنسبه لتجميع الغيرات اللى قال الاول 20 التانى 40 التالت75 الرابع 85 تقريبا التانى فى الفيرنا بالاربع غيارات دول لما تسوقو بالتريقه الهاديه دى على الغيارات بتكتمو موتور العربيه فالبتالى ضعف فى الاداء العام لازم يكون فى حرق بين كل فترة وفترة ومقولتش على طول عشان محدش يقولى هتخربلنا العربيه
ثالثا. ياريت محدش يتدايق من كلامى وياريت تقبلونى معاكو وتاخدو راىى. وشكرا

[AHMEDCAR]

ماشى انا معاك انها سواقه هاديه و على فكره انا بعمل كده فى كل الغيارات علشان احافظ على عربيتى ولما بفتحها بطلع على طريق سفر

[m7mda7md]

امنيه كل فيرناوي انه يعدل نظام الصوت والحمد لله مشيت في الحوار ده كتير
غيرت السماعات و جبت بارزوكا و السي دي الرودستار عامل احلي كلام بس اطفي البازوكا من هنا.....يضيع الصوت من هنا
خدوا بالكم يا جماعه ان السي دي ده فيه وصله rms من ورا جامده جداً موصلها ع البازوكا و قايمه بالواجب و زياده
تحس كده ان البيز بتاعها ملوش علاقه ب السي دي ده
ادعولي اغير السي دي ده
لما جيت ابيعه قالولي يعمله 200 جنيه
حلو اوي
ابيعه و اشتري واحد استيراد بايونيير زي الفل
رأيكم ايه؟؟؟؟؟

[AHMEDCAR]

حلو 200 جندى من قتره واحد باع بتاعه ب 300 جندى بس كان لسه جايب العربيه زيرو

[menamakram2003]

عندى مشكلة ان لما العربية بتقطع فى السلانسيه يعنى لما بتكون العربية واقفة بلاقى الار بى ام نزل فجأة ورجة فى العربية وبعدين يرجع تانى طبيعى وده بيحصل كل حوالى دقيقتين وممكن العربية تبطل فى الرجة دى.
الموضوع ده مع التكييف او من غير بس بيبان اكتر وانا مشغل التكييف وخصوصا ساعة ما الكمبروسور بيفصل

العربية عاملة 31000 ولسه مغيرلها بوجيهات وفلتر بنزين. ده ممكن يطلع من اييييه حساسات ولا ظبط موتور؟

ولو حد يعرف ميكانيكى فيرنا كويس قريب من مدينة نصر ياريت يقولى؟؟؟؟؟؟؟؟؟.

[AHMEDCAR]

ممكن يكون حساس الايدل عاوز يتنظف

روح لمحمد بيومى عنده و رشه فى مصطفى النحاس

[د.محمد]

هو سعر cd بايونير ممكن يكون كام+ السماعات
عشان الواحد يبقى عامل حسابه

[SAMEHNOSHI]

هو سعر cd بايونير ممكن يكون كام+ السماعات

عشان الواحد يبقى عامل حسابه

خش يا باشا على قسم الصوتيات حتلاقى الانواع المختلفة للكاسيت و السماعات بالاسعار.
بس ممكن تشترى راديو سى دى بايونير كويس من 500 وانت طالع, و سماعات بيونير 350 وات او كينود 400 وات 4 واى فى حدود 350 جنية.