دليل شامل عن الفيرنا بواسطه اسئله الاعضاء - متجدد

[El Prince]

الميكانيكي علي ما أظن
و كمان أنا شبه متأكد إنه ينفع لأن الراجل في الصوره مركبه و نفع

الكلام ده لو حقيقى , واتفقتم مع واحد يعملنا عربياتنا كلنا بسعر خاص طبعاً ..

يبقى أنا راشق معاكم ...

لأنى بعتبر حقيقى إن معنديش فرامل خلفيه أساساً ...!

[tamercad]

بعد التحية ياجماعة انا عندى فيرنا فيفا وغايز اعليها ببطاحات كاوتش فمنين اشتريها و عايز اشترى كورسى ببكر للعلو مستعمل بكام ومنين اجيبه

[elcomanda446]

مساء الفل على احلى واجمد ناس
بعد التحية
انا عندى سؤال فنى بسيط انا معايا فبرنا 1600 وبلاحظ ان المية بتاعت قربة الردياتير بتقل كل شوية فانا عاوز اعرف هل دة كدة طبيعى ولا فى حاجة المفروض اكشف عليها ولو حبيت ازودها بحطلها مية عادية من الحنفية ولا ليها مية مخصوص

[AHMEDCAR]

ياريت توضحلنا بتقل بمعدل قد ايه و كل كام كيلو ميتر

و افضل ميه هيه المياه الخضراء السعوديه الصنع بتركيز 40 %

[heragy]

يا فرناوية حد يفدنى عاوز اشترى فيرنا2010 فل اوبشن1600

[mohamed_mohsen]

عايز عنوان بيومي اللي في مدينة نصر عشان رايحله بكره إن شاء الله
بس يا ريت عنوانه بالتفصيل و رقم تليفونه

[immortality]

عايز عنوان بيومي اللي في مدينة نصر عشان رايحله بكره إن شاء الله
بس يا ريت عنوانه بالتفصيل و رقم تليفونه

مصطفى النحاس فى الشارع الى قدام بيتزاهت واحمد كار يوصفلك احسن برضه

[EslaM_NagY]

يا فرناوية حد يفدنى عاوز اشترى فيرنا2010 فل اوبشن1600

وايه المشكلة ؟؟

مبروك مقدما

[elcomanda446]

ياريت توضحلنا بتقل بمعدل قد ايه و كل كام كيلو ميتر

و افضل ميه هيه المياه الخضراء السعوديه الصنع بتركيز 40 %

هيا العربية عاملة 11000 والمية فى القربة واصلة لحد النص تقريبا ( مابين العلامتين )
وبالمناسبة المية الخضرا دى القيها فين وتقريبا بيبقى سعرها كام.
واسف على الاطالة ومتشكر جدا على الرد السريع

[ashouhdy]

هيا العربية عاملة 11000 والمية فى القربة واصلة لحد النص تقريبا ( مابين العلامتين )
وبالمناسبة المية الخضرا دى القيها فين وتقريبا بيبقى سعرها كام.
واسف على الاطالة ومتشكر جدا على الرد السريع

اانا عايزك تصبر شوية و تشوف عشان المتعارف علية هنا و فى كل مصر ان الفيرنا ما شاء الله مياة القربة مش بتقل ابدا
شوف المعدل بيقل قد اية
و شوفها و هى باردة العلامة فين و هى سخنة عشان بتفرق
لو قلت جامد اطلع ع التوكيل انت لسة 11000 يعنى زيرو

[ashouhdy]

لو حوار الديسكات ورا نفع انا معاكوا بس يكون جد عشان انا حاجى من اسكندرية مخصوص

[M.Osman]

على فكرة انا لاحظت ان مستوى المية في قربة الرادياتير اقل من الـmin و مكسل اروح اجيب .. لأنها ثابتة عند كدا تقريباً

[kh_talaat]

مساء الفل على احلى واجمد ناس
بعد التحية
انا عندى سؤال فنى بسيط انا معايا فبرنا 1600 وبلاحظ ان المية بتاعت قربة الردياتير بتقل كل شوية فانا عاوز اعرف هل دة كدة طبيعى ولا فى حاجة المفروض اكشف عليها ولو حبيت ازودها بحطلها مية عادية من الحنفية ولا ليها مية مخصوص

انا كان عندي مشكله مشابهه لحضرتك وكانت القربه بتنقص على فترات متباعدة يعني كنت بزود كوب مياه كل 3 أسابيع أو شهر ، وكنت معتقد ان دة طبيعي لحد ما قولت في مره اروح انضف القربه وأغير الميه وأكتشفت ان فيه تسريب من الخرطوم تحت الأفيز بالزبط وغيرت الخرطوم والحمد لله معدش فيه تسريب خالص

فا يا ريت تراجع على الأفيزات عندك ممكن تكون مش مربوطه كويس

وبالنسبة لتزويد المياه طبعا تزود ميه خضراء عشان بتحافظ على الرداتير وممكن ميه مقطره ... انما بلاش ميه الحنفية عشان الأملاح اللي فيها ممكن تصدي الريداتير ويتخرم

[menamakram2003]

انا الكاوتش اللاسا بتاعى عامل 30000 دلوقتى وعايز اغيره عشان تعبان واصوات امريكانى على اى فرملة وكنت عايز اعرف لو غيرت لكاوتش بردجستون 15 وغيرت الجنوط. هل ده يأثر على العغشة و يعمل فى رينج كام الكلام ده؟؟؟؟

[SAMEHNOSHI]

يا جماعة جبنا فرنا جديدة بس صوت السماعات واطى و ضعيف و مش كويس , والكاسيت رودستار صوتة وحش, احنا مضطرين نخلى الكاسيت لانة لسة جديد و حرام نغيرة دلوقتى, بس السمعات ممكن نبدلها لو حتفرق فى الصوت, فهل ممكن نبدل السماعات اللى فيها بسمعات تانية نفس الحجم و تفرق معانا فى الصوت, ولا الفرق مش حيكون كبير لان حجم السمعات اساسا صغير و كل السمعات الصغيرة حيكون صوتها بردة كدة؟؟؟
ولو فى حل اية نوع السمعات دية و اركبها فين؟؟