دليل شامل عن الفيرنا بواسطه اسئله الاعضاء - متجدد

[esem2704]

السلام عليكم ورحمة الله وبركاته

[asharby]

السلام عليكم:

كنت بستفسر عن الفيرنا 2011 الأوتوماتيك الكاملة ( الفول أوبشن )، موتورها وسعرها وصوت الموتور والبدي بتاعها، وهل هي كوري ولا تبع مصر المحروسة، ولو في صور ليها يا ريت

شكراً

[Ashraf_Ibrahim]

السلام عليكم:

كنت بستفسر عن الفيرنا 2011 الأوتوماتيك الكاملة ( الفول أوبشن )، موتورها وسعرها وصوت الموتور والبدي بتاعها، وهل هي كوري ولا تبع مصر المحروسة، ولو في صور ليها يا ريت

شكراً

فيرنا 2011 هي نفسها فيرنا 2010 والكلام دا على لسان مهندس من غبور نفسه
العربية لم يتم تغيير اي شيء فيها اطلاقا سواء الموتور او الصوت او البودي او اي شيء
كل ما حدث شوية تغييرات لتوحي بأن العربية سبور ليس الا
يعني حطوا زيادة في الاكصدامات وزيادة في عتب البيبان وكدة - من وجهة نظري كلام فاضي ومش عملي عشان هيقرف اللي هيشتريها في المظبات
انا عن نفسي معايا فيرنا 2010 لو تحب تسأل عن اي حاجة فيها انا تحت أمرك

[modyverna]

أنا عندى فيرنا 2009 فول أوبشن مانويل
وعندى الفانوس الأمامى اليمين نوره العادى نازل لتحت قوى مش زي الشمال
ممكن حد يفيدنى ؟؟؟

[khaled_yassin]

أنا عندى فيرنا 2009 فول أوبشن مانويل
وعندى الفانوس الأمامى اليمين نوره العادى نازل لتحت قوى مش زي الشمال
ممكن حد يفيدنى ؟؟؟

روح لاى كهربائى يعملك رجلاش للنور

[modyverna]

شكرا
بس كنت عايز أنا اللى أعملها

[m7mda7md]

بص يا مودي باشا....اخيرا اكتشفت امبارح رجلاش النور ده فين عندنا في الفيرنا...هو الشرح مش هيكون واضح لأني داخل من موبايل و كنت عاوز احط فيديو بس مفيش نصيب...المهم...هتلاقي في الفانوس من الخلف صامولتين كده دول همه ال بيتحكمو في كمره النور الأساسي...الصامولتين دول ماسكين بمسمارين في الكمره و لما تربط او تفك الصامولتين دول هتعلي و توطي الكمره

[m7mda7md]

لو ربطت الصامولتين هترفع النور لفوق و لو فكيت هينزل لتحت و اعتقد لو ربطت ناحيه أكتر من ناحيه في نفس الفانوس النور هيبص ناحيه الصاموله دي...اعتقد اول ما هتشوف الصامولتين دول هتفهم كل حاجه

[m7mda7md]

تعديل.... المسمار ال جوه ناحيه الرادياتير ده بيرفع و ينزل النور و المسمار ال تاني ال ناحيه الرفرف بيجيب النور جوه و بره يمين و شمال يعني

[M.Osman]

تعديل.... المسمار ال جوه ناحيه الرادياتير ده بيرفع و ينزل النور و المسمار ال تاني ال ناحيه الرفرف بيجيب النور جوه و بره يمين و شمال يعني

مشكوووور

مكنتش اعرف المعلومات دي :)

[m7mda7md]

يااااااااااااااااه اخيرا حد رد و حسسني بقيمه اكتشافي هههههههههههههههههههههه...دنا كل يوم بفتح الموضوع اشوف حد رد ولا لسه هههههههههه...
عندي سؤال بأه...الدينامو بتاع الفيرنا ال 1600 كام امبير؟

[M.Osman]

ساعات الناس مش بترد عشان مش بيكونوا عارفين الإجابة :)

و انا بصراحة مش عارف الدينامو وضعه اية :(

[m7mda7md]

قشطه ...نستني بأه حد يرد يكون عارف الاجابه هههههههههه

[EslaM_NagY]

عايز اركب لمض ابيض ثلجى

اى اقتراحات ؟؟؟؟؟؟

[m7mda7md]

اكيد عارف ان انضف نوعين الفيليبس و الاوسرام...اعتقد لو في وات اعلي من 90/100 هيبقي حلو..واحد صاحبي عنده لمض اصفر العادي ده 100/140 بس نورهم شديد بيعمي اي حد...لو لقيت الوات ده ابيض تلجي هيبقو مووووووووووووز...مبروك مقدما و ف انتظار التقرير المفصل؛)