دليل شامل عن الفيرنا بواسطه اسئله الاعضاء - متجدد

[khaled_yassin]

الاخ ميكي انا صراحة لسة عارف واحد من قريب اسمه محمد بيومي في مدينة نصر هو كان شغال في التوكيل وهو شكلة كويس عاملي حاجات خفيفة بس كانت كويسة عامة انا عرفتة من اخونا احمد كار وصراحة هو اقدم مني بكتيييير في الفيرنا
لو عايز تروحلة كلمني علي رقم الموبايل بتاعي وانا اوصفلك مكانة 010 5205885

بيقولوا علية كويس بس هو مركز خدمة ولا فاتح وارشة؟؟؟ يعنى عندوا كل الامكانيات كبيوتر قطع غيار كدة يعنى ولا لالا؟؟

[khaled_yassin]

عندى مشكلة فى دواسة البنزين
اول لما اجى اسخن العربية الصبح القيها محجرة جدا ولما العربية تسخن ترجع تبقى كويسة
كمان فى الطلعة على الاول بيكون فيها تعليقة سنه كدة ممكن اعرف اية السبب؟؟؟واحلها ازاى

[elkomy82]

بيقولوا علية كويس بس هو مركز خدمة ولا فاتح وارشة؟؟؟ يعنى عندوا كل الامكانيات كبيوتر قطع غيار كدة يعنى ولا لالا؟؟

هو عندة محل بتاع كاوتش وكان عندة عربيات كتير هيونداي - انا صراحة لسة مجربة من قريب ولسة ما جربتوش في حاجة جامدة الاستاذ احمد كار عارفة كويسة

[ahmedalian]

الفيرنا الأوتوماتيك

السلام عليكم ورحمة الله ودي تاني مشاركة ليا حسب ما أذكر،

ناس كتير خوفتني من الفيرنا الأوتوماتيك .. وانا بقالي ساعة بدور في المشاركات عن حد يكون له خبرة معاها بس ماشاء الله دول أكتر من ألفين وستميت مشاركة يعني عاوزين سنة قراية، فعذرا على الازعاج لكن عاوز حد فيكم يتفضل ويخبرني هل أجيب الأوتوماتيك منها وللا أكبر.. الحقيقة انا لو ما جبتش أوتوماتيك مش حجيب فرنا خالص لأني عندي عربية مانيوال (بوينتر)، بس انتوا عارفين طبعا اسعار قطع الغيار بتاع الفولكس فاجن. وانا كنت بدور على عربية عائلية واوتوماتيك ورخيصة وصيانتها حنينة ..

أفيدونا أفادكم الله

[M.Osman]

السلام عليكم ورحمة الله ودي تاني مشاركة ليا حسب ما أذكر،

ناس كتير خوفتني من الفيرنا الأوتوماتيك .. وانا بقالي ساعة بدور في المشاركات عن حد يكون له خبرة معاها بس ماشاء الله دول أكتر من ألفين وستميت مشاركة يعني عاوزين سنة قراية، فعذرا على الازعاج لكن عاوز حد فيكم يتفضل ويخبرني هل أجيب الأوتوماتيك منها وللا أكبر.. الحقيقة انا لو ما جبتش أوتوماتيك مش حجيب فرنا خالص لأني عندي عربية مانيوال (بوينتر)، بس انتوا عارفين طبعا اسعار قطع الغيار بتاع الفولكس فاجن. وانا كنت بدور على عربية عائلية واوتوماتيك ورخيصة وصيانتها حنينة ..

أفيدونا أفادكم الله

فتيس الفيرنا الأوتوماتك هو نفس بتاع الماتركس و النترا شكل قديم
مسمعتش حد اشتكى منه في حاجة

[ahmedalian]

الف شكر ياباشمهندس على الرد السريع

[M.Osman]

الف شكر ياباشمهندس على الرد السريع

العفو
حضرتك كان فيه مواضيع عن الفيرنا الأوتو في القسم (خارج الموضوع ده) ممكن تدور عليها لإفادة اكتر

[msalah2008]

امبير الحراره وصل الى الجزء الاحمر

فجأه وبدون اى مقدمات عربيتى الفرنا موديل 2008 وانا ماشى لقيتها بطلت ومش راضيه تدور ولما زقتها لاحظت ان امبير الحراره واصل الى الاخر عند الجزء الاحمر افتكرت ان مافيهاش ماء ولما ابتديت ااملاها لقيت ان فيها مايه واستنيت شويه ولغاية لما الامير نزل ودورت فدارت عادى لكن امبير الحراره ارتفع مره تانيه بعد مامشيت حوالى 100 متر واضطريت اسحبها لان النهارده الاحد والوقت كمان متأخر سألت كذا واحد من اصحابى وكلهم قالولى ان فيه مشكله فى دورة التبريد او طرمبة المايه فهل حد يفيدنى لانى قلقان جدا والموضوع مش ظريف بالمره وجزاكم الله خير[/b][/b]

[zakiali]

فجأه وبدون اى مقدمات عربيتى الفرنا موديل 2008 وانا ماشى لقيتها بطلت ومش راضيه تدور ولما زقتها لاحظت ان امبير الحراره واصل الى الاخر عند الجزء الاحمر افتكرت ان مافيهاش ماء ولما ابتديت ااملاها لقيت ان فيها مايه واستنيت شويه ولغاية لما الامير نزل ودورت فدارت عادى لكن امبير الحراره ارتفع مره تانيه بعد مامشيت حوالى 100 متر واضطريت اسحبها لان النهارده الاحد والوقت كمان متأخر سألت كذا واحد من اصحابى وكلهم قالولى ان فيه مشكله فى دورة التبريد او طرمبة المايه فهل حد يفيدنى لانى قلقان جدا والموضوع مش ظريف بالمره وجزاكم الله خير[/b][/b]

طمنا ياتري عملت ايه وايه كان سبب المشكلة ؟؟ ربنا يكون في عونك















.

[msalah2008]

طمنا ياتري عملت ايه وايه كان سبب المشكلة ؟؟ ربنا يكون في عونك

اولا شكرا يا باشا على الاهتمام
روحت لميكانيكى امبارح قاللى ان كوعة المياه اللى بتركب فى الموتور اللى موجود بيها الثرموستات اللى بيقيس درجة حرارة الموتور بتسرب وفعلا لما فكها لاقيتها متأكله المهم دورت عليها ملاقيتهاش وكان الرد انها مش هتتوجد قبل اسبوع لان القطعه ديه مصرى والوش بتاعها كورى . الجزء المصرى هو اللى مش موجود لاننا كمان فى مصر مش نصنعه زى ماهو ونسكت لأ كمان نعدل على التصميم الاصلى ونزودلوه ماسورتين خارجين منه مش فاهم لغاية دلوقتى هما بتوع ايه حاولت ادور عليهم استيراد مش لاقيهم تماما لان الاستيراد كله من عربيات كلها كورى تماما
المهم بعد لف طويل لاقيتها فى شارع احمد زكى فى المعادى واخيرا اتركبت والكلام ده لف امبارح لغاية لساعه 11 مساء
الغريب بقى ان القطعه جديده ب 90 جنيه ولما سألت عليها استيراد قالولى كلهم استنى لغاية بكره ونجيبهالك 175 جنيه
والوش بتاعها الكورى 70 جنيه والثرموستات الداخلى ب 45 جنيه
المهم الحمد لله العربيه حتى هذه اللحظه الحمد لله تمام













.

[Ramozz]

يا جماعا حد ركب زنون فل فرنا عالي او واطي او علي فانوس الشبوره؟؟؟؟كويس ولا لاء؟؟؟؟في ناس بتؤل حيبئا وحيش عشان الفانوس مفهوش عداسا؟؟؟؟؟

[khaled_yassin]

يا جماعا حد ركب زنون فل فرنا عالي او واطي او علي فانوس الشبوره؟؟؟؟كويس ولا لاء؟؟؟؟في ناس بتؤل حيبئا وحيش عشان الفانوس مفهوش عداسا؟؟؟؟؟

انا مركبوا فى الشبورة ولا ليه اى لزمة تعبان على الاخر

[shouk_1987]

أنا مركب عالى و واطى زينون
بص كا إضاءة مالهاش حل بس المشكلة الناس بتتعمى بس مش كلهم ياعنى ٣٠ % مش عاجبه و الباقى ما بيتكلمش و كمان قرفه فى التقليب و خصوصا الصبح لو فى تقاطع و لا حاجة و كمان فى الشوارع الداخلية أكيد هاتقفله عشان اللى قدامك
أنا مركب شبورة بس لمض بيضه عادية بس و لا ليهم لازمه غير إن اللى قدامى شايفنى بس بينفعوا شوية فى الشوارع الداخلية
أنا بشوف ناس مركبه زينون فوجات و حاسس غنه جامد بس ده عايز فوانيس شبورة أصليه و كده الموضوع هايوسع جامد :)

[M.Osman]

بصراحة يا رجالة الزينون في الفيرنا بيعمي اوي
بلاش احسن او التركيب يكون بعدسات لو ينفع

[Ramozz]

شكرآ للاجابه انا عارف موضوع الناس بتتعمى ده بس المهم انا حشوف كويس؟؟؟؟و ياريت نعراف اتكلف كام و شكرآ جدآ