دليل شامل عن الفيرنا بواسطه اسئله الاعضاء - متجدد

[mohamed_mohsen]

يا جماعة هيا الفيرنا مياه الريدياتير لونها ايه علشان فى التوكيل حاطو مياه عاديه على اللى كان فيها و بتقل اوووى كل شوية

مياه الرادياتير في الفيرنا لونها أخضر
بعد كده ابقي جيبلهم ميه خضراء و قوللهم لو هيزودوا يزودوا منها

[أبو عمار المصرى]

يا جماعة ليا إستفسار صغير
الزنة الشهيرة بتاعة طلمبة البنزين بدأت و أنا خلاص برة الضمان فما هو سعرها برة و هل يمكن أشتريها و أروح التوكيل يركبوها
و أنا سمعت أنها ممكن تتنظف و خلاص و تشتغل عادى فها حد جرب هذا الموضوع
أفيدونى أفادكم الله

[bassam nagy]

بعد اذن باشمهندس عاطف
دى ارقام تليفونات مهندسى ابو رواش للى محتاج اى استفسار

[Ahmed_Ezz]

مياه الرادياتير في الفيرنا لونها أخضر
بعد كده ابقي جيبلهم ميه خضراء و قوللهم لو هيزودوا يزودوا منها

الف شكر انا نضفط الريدياتير و حطيط مياه خضراء

[Ahmed Anwer]

الف شكر انا نضفط الريدياتير و حطيط مياه خضراء

حسب ما فهمت من التوكيل

بيتزود مياه عادية ،،

و بتتغير مياه دورة التبريد بالكامل و تتنظف كل 25 الف كم

[أبو عمار المصرى]

للمرة التانية

يا جماعة ليا إستفسار صغير
الزنة الشهيرة بتاعة طلمبة البنزين بدأت و أنا خلاص برة الضمان فما هو سعرها برة و هل يمكن أشتريها و أروح التوكيل يركبوها
و أنا سمعت أنها ممكن تتنظف و خلاص و تشتغل عادى فها حد جرب هذا الموضوع
أفيدونى أفادكم الله

[SPoOKy]

السلام عليكم
موضوع جميييييييييل جدا اشكركم عليه فيه معلومات كتييير مفيده عن العربيه
انا الحمد لله استلمت فيرنا 1600 مانيوال فل اوبشن من اسبوعين من معرض سمير ريان اخدتها ب 70500 جم
بصراحه انا في الاول كنت خايف من الفيرنا بس اتوكلت على الله و جبتها و هيا عربيه اكتر من ممتازه على سعرها ده
بس انا عندي ملاحظه مشكله ظهرت عندي صوت تزييق جامد عند التابلوه ناحيه اليمين عند الدرج تقريبا بيظهر في المطبات او حفر شوارعنا الجميله اللي تهد حيل اي عربيه انا الصوت ده مدايقني اوي واحد صاحبي قالي رجع العربيه للمعرض ازاي تبقى عربيه جديده و تزييق كدامن التابلوه بحس انو صوت بلاستيك بيحتك ببعضو بس مش عارف ودا يعتبر عيب تقفيل العربيه دلوقتي عامله 235 كم مش عارف ارجعها المعرض وتخانق معاهم ولا استنا صيانة ال 1000 في التوكيل ولا اعمل ايه
ملاحظه تانيه ليه على الاول او في المارش بسمع صوت هزه كدا او كركره في ماتور العربيه دا عيب تاني ولا من البنزين اصلي حطيت 90 و قريت في المنوال بتاع الفيرنا 92

و شكرا للقائمين على الموضوع و المنتدى

[Nile_Storm]

السلام عليكم
موضوع جميييييييييل جدا اشكركم عليه فيه معلومات كتييير مفيده عن العربيه
انا الحمد لله استلمت فيرنا 1600 مانيوال فل اوبشن من اسبوعين من معرض سمير ريان اخدتها ب 70500 جم
بصراحه انا في الاول كنت خايف من الفيرنا بس اتوكلت على الله و جبتها و هيا عربيه اكتر من ممتازه على سعرها ده
بس انا عندي ملاحظه مشكله ظهرت عندي صوت تزييق جامد عند التابلوه ناحيه اليمين عند الدرج تقريبا بيظهر في المطبات او حفر شوارعنا الجميله اللي تهد حيل اي عربيه انا الصوت ده مدايقني اوي واحد صاحبي قالي رجع العربيه للمعرض ازاي تبقى عربيه جديده و تزييق كدامن التابلوه بحس انو صوت بلاستيك بيحتك ببعضو بس مش عارف ودا يعتبر عيب تقفيل العربيه دلوقتي عامله 235 كم مش عارف ارجعها المعرض وتخانق معاهم ولا استنا صيانة ال 1000 في التوكيل ولا اعمل ايه
ملاحظه تانيه ليه على الاول او في المارش بسمع صوت هزه كدا او كركره في ماتور العربيه دا عيب تاني ولا من البنزين اصلي حطيت 90 و قريت في المنوال بتاع الفيرنا 92

و شكرا للقائمين على الموضوع و المنتدى

اولا مبرووووووووك العربيه و ربنا ياركلك فيها
الفيرنا يفضل بنزين 92 علشان الكركره و الموتور يبقي مستريح

اما التزييئ
هوا بيكون عيب تقفيل بسيط في الفيبر الداخلي
ريع ساعه و يخلصوهولك في قسم الهياكل ومن غير حجز تروح علي طول
لو فاضي روح اعمله لو مش كده اعمله في صيانه الالف و خلاص

[Adham_Sabry]

ريع ساعه و يخلصوهولك في قسم الهياكل

مش اقل من ساعه او ساعتين وضيف عليهم ساعه رايح وساعه راجع ..يعني حوالي اربع ساعات .. ربنا يصبرنا .. هو زميلنا العزيز نيل بيحب يبسط الأمور شويتين

هي الفيرنا الأصوات اللي طالعه منها كتير ليه كده
انا لما استلمتها كان فيه صوت تزييق في القائم اللي خلف السائق
ورحت هناك صلحوه في حوالي ساعتين

وبالنسبه لصوت الموتور (اسمه تصفيق) ..ده عندي برضه و ده حاجه من ثلاثه
1- بنزين سيء (اوكتين اقل او مغشوش بمياه)
2- عدم النقل في التوقيت السليم
3- عيب صناعه في الفيرنا

وانا في صيانه الألف سألتهم عليه المهندس قالي ده عيب بنزين علشان العربيه جديده والمعارض بتحط اسوء انواع البنزين .. ولما قولت له اني شاريها من غبور مش من معرض قالي ما احنا برضه بنعمل كده !!!!!!!!!!!!

[Adham_Sabry]

نسيت اقولك انك بعد ما تخرج من التوكيل تبقي تشيك علي كل حاجه
انا بعد صيانه الألف بكام يوم اكتشفت ان فيه تسريب في زيت الفرامل .. علما بانني قبل الصيانه ما كنش فيه مشكله في الزيت
والغريب ان امر الشغل وجدت مكتوب فيه "فرامل اليد " .. مش فاهم قصدهم ايه .. جايز قصدهم انهم بوظوها :):)

[Nile_Storm]

مش اقل من ساعه او ساعتين وضيف عليهم ساعه رايح وساعه راجع ..يعني حوالي اربع ساعات .. ربنا يصبرنا .. هو زميلنا العزيز نيل بيحب يبسط الأمور شويتين
!!!

و الله ياباشا ده اللي حصل معايا
اصل الحوار ده كان عندي
يمكن كنت رحت في وقت فاضي او حضرتك رحت في وقت زحمه والله اعلم
المهم انهم بيصلحوها

الله يتور عليك نسيت فعلا اذكر حوار النقلات الغلط
شكرا ياباشا

[AHMEDCAR]

يا جماعه انا نعايا فيرنا 1600 و عامله 9000 كيلو و من يوم ما استلمتها و هيه فيها و انا برفع الدبرياج واجى اتحرك اسمع صوت تكه فى الفتيس و دى مع كل النقلات فى العربيه و فالولى فى التوكيل ان ده صوت الفرش بتاع الدبرياج ياترى الكلام ده صح ولا غلط

[mmolazem]

يا جماعه انا نعايا فيرنا 1600 و عامله 9000 كيلو و من يوم ما استلمتها و هيه فيها و انا برفع الدبرياج واجى اتحرك اسمع صوت تكه فى الفتيس و دى مع كل النقلات فى العربيه و فالولى فى التوكيل ان ده صوت الفرش بتاع الدبرياج ياترى الكلام ده صح ولا غلط

انا كمان بيحصل معايا كده احيانا ... بس غالبا فى الأول والثانى ، خصوصا لما اكون طالع على الهادى ، وبتغلب على الموضوع ده ، بأنى ادوس سنه بنزين زياده ( لكن برضو صوت التكه دى مش عاجبنى وقلقان منها )
ياريت لو حد عنده تفسير ( ماعدا ..... انه يكون عيب سواقه ).

و فالولى فى التوكيل ان ده صوت الفرش بتاع الدبرياج

ولما قالولك كده .. قالوا ان ده عيب ومحتاج اصلاح ، ولا ده كده بيقى عادى ؟؟

[AHMEDCAR]

بيقولو ان ده عادى بس انا مش مستريح بصراحه وخصوصا انى عارف انهم بيتبعوا نظام نيم الزبون لحد مايمشى

[mmolazem]

بيقولو ان ده عادى بس انا مش مستريح بصراحه وخصوصا انى عارف انهم بيتبعوا نظام نيم الزبون لحد مايمشى

اشكرك جدا.
طبعا دى حاجه مش مريحه .... ولا توجد شفافيه.
ان شاء الله خير.