دليل شامل عن الفيرنا بواسطه اسئله الاعضاء - متجدد

[menamakram2003]

انا الحمدلله استلمت الفيرنا بس لسه مش رخصتها
انا جبتها منيوال هاف اوبشن
بس العربية مريحة جداااااااااااااااااااااااااااااااااااااااااااااااا اااااااااااا ومفيهاش مشاكل الحمدلله وانا اساسا لسه متعلم السواقة جديد وهي بتستحملني ماشاء الله
بس في حاجة انا لحظتها لما بدوس فرامل بتحدف سنة صغيرة لنحية اليمين
هل ده عادي يعني
هي الحدفة تكاد تكون مش باينة خالص يعني
بس انا عاوز اطمن هل دي عادية ولا لآ
بس في المجمل العربية غير ماالناس كانت مخوفاني خالص الحمدلله
وعلي فكرة العربية مش بتعوم مني علي سرعات خالص
يعني انا وصلت بيها لل160ومش عامت خالص ولا اي حاجة بالعكس كانت ماشية بثبات ماشاء الله عليها يعني
انا مش غيرت فيها اي حاجة علشان محدش يقول اني ركبت جنوط يعني انا كده لو ركبت جنوط هتبقي العربية ثابتة اكتر باذن الله

الف مبروك ليييك وربنا يباركلك فيها وعلى فكرة انا برضو لسه جايب قبليك باسبوع
بس انت جبت بييييها 160 كتيييييييير اوى عليها وهى المفروض بتلين وانا سافرت بيها الاسبوع ده مرتين ومكنتش بزود عن 90 بالكتير

[Nile_Storm]

صحيح حافظو علي العربيه في التليين كلها 0100 كيلو و اجرو براحتكم
و بعدين خلو بالكو من المرور
و ربنا يسترها علينا جمبعا

[sasatony]

صحيح حافظو علي العربيه في التليين كلها 0100 كيلو و اجرو براحتكم
و بعدين خلو بالكو من المرور
و ربنا يسترها علينا جمبعا

انت كلامك صح بخصوص المرور الي مش بيرحم حد
بس المشكلة العربية بتغريني ان انا اجري بيها
وعلي فكرة انا لسه متعلم السواقة جديد
ودي اول مرة اركب عربية وبدئتها بالفيرنا والحمدلله بداية موفقة


استفسار بقي محدش يعرف حد في مرور عبود علشان اطلع رخصة علشان ان لو روحت اختبر هيسقطوني وانا عاوز اطلع رخصة علشان امشي مطمن بيها

[ehabradwan]

السلام عليكم اصدقائي الاعزاء
عندي تلات اسئلة يا رجالة
1- هو مؤشر الحرارة لما يبقى عند النقطة التانية مش الاولى على طول كده يبقى العربية بتسخن ولا عادي علما بأني لمل احط ايدي على الكابوت بتلسع بعد فترة زمنية صغيرة
2- هل السخونة دي ماتخليش العربية تدور (لازم العربية تهدى شوية عشان تدور )
3- هل جوان زيت متركب غلط مثلا يعمل القلق ده ( سخونة و عدم دوران ) لان انا غيرت كاتينة و بوجيهات و جوان وكل الناس اجمعوا ان البوجيهات و الكاتينة سليمة فالحاجة الو حيدة اللي مارجعتش عليها هو جوان الزيت .متهيألي ما يعملش القلق ده كله
انا قربت اتجنن خلاص و مش عارف العيب ده حله ايه ( عدم الدوارة وهي سخنة )

[hisham_salih]

السلام عليكم هذه اول مشاركه ليه فى المنتدى اشكرككم جميعا فقد ساعدتنى ارائكم واشتريت فيرنا 1600 زيرو 2008 المشكله انها طلعت بكاوتش نسر و ما ادراك ما النسر انا بقول استنى لما يهلك ثم اغيره بس 13 برده اصدقائى بيقولو لأ لازم اغيره فورا ومعه جنوط كمان 14 بصراحه انا حطيت كل فلوسى فى السياره الهف اوبشن+انذار فهل هذا ضرورى جدااااا حتى اضحى ولا ايه وشكرا

[AHMEDCAR]

بالنسبه للاخ ايهاب رضوان مؤشر الحراره ده بيكون عادى انه يكون على النقطه الثانيه او قبليها بحاجه بسيطه اوى تكاد تكون غير مرئيه

بالنسبه ان العربيه مش بتدور وهيه سخنه انا عندى لو واخد مشوار كبير و العربيه سخنه ممكن تعتل بس لكن انها ماتدورش خالص دى صعبه (راجع المارش)

بالنسبه للاخ هشام صالح
احب اقولك الف مبروك على العربيه الجديده و احسنت اختيار بالرغم من غبور ابن الذينه ده
الكاوتش يفضل انك تغير و تحط جنط 14 بس لو مزنوق شويه مافيش مشكله عادى بس تشيل من دماغك حكايه انها بتصفر فى الملفات و عدم الثبات انا عن نفسى لسه ماغيرتش الكاوتش

[ehabradwan]

الف شكر يابو حميد بس عادي ان انا اتلسع من الكابوت وهو مقفول!!
وبعدين رأيك ايه في الموضوع الجوان ده ممكن يركب غلط ويسخن العربية كده ؟

[Eng.Ahmed]

السلام عليكم هذه اول مشاركه ليه فى المنتدى اشكرككم جميعا فقد ساعدتنى ارائكم واشتريت فيرنا 1600 زيرو 2008 المشكله انها طلعت بكاوتش نسر و ما ادراك ما النسر انا بقول استنى لما يهلك ثم اغيره بس 13 برده اصدقائى بيقولو لأ لازم اغيره فورا ومعه جنوط كمان 14 بصراحه انا حطيت كل فلوسى فى السياره الهف اوبشن+انذار فهل هذا ضرورى جدااااا حتى اضحى ولا ايه وشكرا

نصيحه انك لو مش هاتقدر تغير جنوط و كاوتش على الاقل غير الكاوتش بس باى نوع نضيف و هتحس بفرق كبير بعد ما تغيره ، و على فكره بتاع الكاوتش بيشترى منك الكاوتش النسر الى راكب طالما لسه جديد .

[AHMEDCAR]

عادى انك تتلسع من العربيه ياباشا تعالى عندى ممكن نعمل شاى على الكبوت بتاع عربيتى
بالنسبه للجوان استحاله انه يسخن العربيه غير فى حاله لقدر الله ان الزيت بيسرب بالتالى المتور هايسخن لان الماده اللزجه الخاصه بالتزيت و هيه الزيت مش موجوده بالتالى الموتور بيحك فى بعضه و يسخن

[ehabradwan]

انت عربيتك فيرنا يا احمد و لو فيرنا موديل كام

[AHMEDCAR]

فيرنا 2008 مانيوال

[Eng.Ahmed]

سخونه الكبوت دى عادى جدا انا كمان عندى الكبوت بيكون سخن جدا وده علشان الفيرنا مافيهاش العازل الحرارى الى المفروض بيكون فى الكبوت

[hisham_salih]

لكم جزيل الشكر على الرد السريع مكنتش فاكر ان حد حيعبرنى بالسرعه ديه جزاكم الله خيرا وحفظنا الله واياكم من كل سوء على الطريق

[shadow84]

السلام عليكم انا ناوي اشتري فيرنا باذن الله كمان كام يوم واريد فقط الاسفسار عن ترخيصها في المرور والضرائب بتكون تكلفته اد ايه وهل ليك الحق انك تختار انك تعمل الرخصه بسنه او اكتر ولا لاء

[m7mda7md]

السلام عليكم انا ناوي اشتري فيرنا باذن الله كمان كام يوم واريد فقط الاسفسار عن ترخيصها في المرور والضرائب بتكون تكلفته اد ايه وهل ليك الحق انك تختار انك تعمل الرخصه بسنه او اكتر ولا لاء

انا لسة مرخص العربية من كام يوم ....و ينفع تختار اذا كنت عايز ترخص كل سنة او تلاتة او زي ما انتة عايز
انا رخصت كل تلات سنين و دفعت تقريبا بالتأمين و كل حاجة تقريبا 850 جنيه , يعني تأمين و ضرايب و طفاية و كل حاجة