دليل شامل عن الفيرنا بواسطه اسئله الاعضاء - متجدد

[khaled_yassin]

جزاك الله خيرا يا افندم و 1000 شكر على اهتمامك

من كام يوم شفت تابلوه الفيرنا الاصلى استيراد ..... و الله زعلت ..... لقيت جنب زرار الانتظار مكان الازرار اللى مافيهاش حاجه عندنا ... فتحه مرسوم عليها سماعات و تانيه مرسوم موبايل و تالته باين usb ..... مش عارف الحاجات دى لو منير غبور كان سابها فى العربية كانت هتكلفه 100 جنيه .... حسبى الله و نعم الوكيل

طب ما تقولنا شوفت التابلوة فين؟؟
واحنا نجيب الحاجة ونركبها احنا, دة انا نفسى فى فوجات اصلى وتكون رخيصة شويه

[alrazy]

طب ما تقولنا شوفت التابلوة فين؟؟
واحنا نجيب الحاجة ونركبها احنا, دة انا نفسى فى فوجات اصلى وتكون رخيصة شويه

السلام عليكم

التابلوه شفته فى شبين الكوم عند واحد بتاع استيراد قصاد مطعم ادريانو ... كان معلقه فى السقف

[jhon]

جرب تثبت الباغة الزجاج اللي علي لوحة العداد أحيانا كتير صوت الزنه منها
موضع تغيير المساعدين ضروري للحكم علي الثبات طبعا

[kamatsho]

3- سماع زنة خفيفة (مشكلتي معها أنها لم تكن موجودة من قبل في السيارة، مش دلع) وتأتي هذه الزنة من الكبوت.. وكأن هناك ما يحتاج إلى الربط... يتضح صوت الزنة أكثر مع تشغيل التكييف... هل هذه قواعد موتور؟


شكرا جزيلا لكم

انا عندى نفس الزنة ... ظهرت من حوالى اسبوع ... واكتشفت انها من الإطار الاسود بتاع العدادات اللى لازق فى الباغه

حاول تزنقها بأيدك وشوف الزنة هتفضل موجود ولا هتختفى .. لو اختفت يبقى من الإطار ده ولو فضلت موجوده يبقى اكيد من حاجه تانيه

[elpasha1]

يا جماعة مفيش حد عنده فيرنا بحالة جيدة وتكون اوتوماتيك فى حدود 42000 او ازيد حاجة بسيطة
يا ريت اللى يعرف يقول لى
وجزاه الله خير
ودا رقم تليفونى
0117266790 حسين المرسى

[goodeslam]

فيرنا موديل 2007 عاملة 130 الف كليو حالة كويسة .. تعمل كام فى السعر ؟

[smartzone]

ممكن حد يقولى ايه اخبار الاوتوماتيك فى الفيرنا ؟؟
كويس وتحمل ولا مشاكله كتير
وممكن اشترى واحده اوتوماتيك استعمال كورى 2004 مثلا
ولا اشتريها زيرو لكن مصرى
ايه الاحسن
ارجوا الافادة من اهل الخبرة لأنى بضور على هيونداى اوتوماتيك
والفيرنا ف حدود ميزانيتى
اسف للاطاله
وشكرا

:b4_611:

[kamatsho]

ممكن حد يقولى ايه اخبار الاوتوماتيك فى الفيرنا ؟؟

كويس وتحمل ولا مشاكله كتير
وممكن اشترى واحده اوتوماتيك استعمال كورى 2004 مثلا
ولا اشتريها زيرو لكن مصرى
ايه الاحسن
ارجوا الافادة من اهل الخبرة لأنى بضور على هيونداى اوتوماتيك
والفيرنا ف حدود ميزانيتى
اسف للاطاله
وشكرا

:b4_611:

بالنسبة لفتيس الفيرنا الأوتوماتيك محدش هنا فى المنتدى اشتكى منه ... رغم ان كان فى اقاويل من بعض الناس اللى مش راكبين العربيه اصلاً ان الفتيس الاوتوماتيك فى الفيرنا وحش وطبعاً اتضح انه مجرد فتي مش اكتر


انا فى وجهت نظري تجيب الزيرو المصرى احسن .. خصوصاً ان موديل 2004 كانت فى ناس هنا بتقول ان فيه مشكلتين مشكله فى علبة الدريكسيون والمشكلة التانيه مش فاكرها بصراحه

[smartzone]

بالنسبة لفتيس الفيرنا الأوتوماتيك محدش هنا فى المنتدى اشتكى منه ... رغم ان كان فى اقاويل من بعض الناس اللى مش راكبين العربيه اصلاً ان الفتيس الاوتوماتيك فى الفيرنا وحش وطبعاً اتضح انه مجرد فتي مش اكتر


انا فى وجهت نظري تجيب الزيرو المصرى احسن .. خصوصاً ان موديل 2004 كانت فى ناس هنا بتقول ان فيه مشكلتين مشكله فى علبة الدريكسيون والمشكلة التانيه مش فاكرها بصراحه

متشكر جدا يا باشا
فعلا كلامك صح من ناحيه اللى بيفتو وهما مش راكبين العربيه
وبالنسبه للزيرو غالبا دا اللى هايحصل

شكرا لاهتمامك

[smartzone]

ممكن استفسار بسيط

هو انا هاستنى اد ايه على استلام الفيرنا الاوتوماتيك

يعنى بعد ماحجزها هستنى فترة كبيرة على الاستلام
ولابسرعه ؟؟
بالزات الاوتوماتيك

وشكرا

[Ashraf_Ibrahim]

ممكن استفسار بسيط

هو انا هاستنى اد ايه على استلام الفيرنا الاوتوماتيك

يعنى بعد ماحجزها هستنى فترة كبيرة على الاستلام
ولابسرعه ؟؟
بالزات الاوتوماتيك

وشكرا

اعتقد لو روحت ابو رواش تستلمها فورا في نفس اليوم -بس مضمنش الألوان الموجودة ايه-
يعني اكيد عندهم اتوماتيك جاهزة للتسليم بس الألوان هي اللي ممكن تأخرك لو الالوان الموجودة مش عجباك
روحلهم وشوف !

[fineart607]

انا عندى نفس الزنة ... ظهرت من حوالى اسبوع ... واكتشفت انها من الإطار الاسود بتاع العدادات اللى لازق فى الباغه

حاول تزنقها بأيدك وشوف الزنة هتفضل موجود ولا هتختفى .. لو اختفت يبقى من الإطار ده ولو فضلت موجوده يبقى اكيد من حاجه تانيه

انا كمان عندى الزنة الرخمة دى وظاهره لسة ومضقانى اوى اوى ومش عارف من فين كمان فى صوة تقطقة عند الرجوع بالسيارة او بداية السير مع وجود اى عائق فى الأرض وكشفت على العربية كذا مره ومفيش نتيجة قواعد الماتور والعفشى والكبالن الحمد لله كلة تمام وانا مش بحب العب فى العربية فطنشت ؟؟؟؟؟؟؟؟

[TryToB]

يا جماعة معايا فرنا 2007 و عايز اجيبلها كاوتش تنصحونى بايه و من عند مين مقاس 175-70-13

[TryToB]

عندى مشكلة فى دواسة البنزين
اول لما اجى اسخن العربية الصبح القيها محجرة جدا ولما العربية تسخن ترجع تبقى كويسة
كمان فى الطلعة على الاول بيكون فيها تعليقة سنه كدة ممكن اعرف اية السبب؟؟؟واحلها ازاى

فى البوابة اللى بعد فلتر الهوا بيكون فيها كربون محتاجة تتنضف مش هتلاقى التحجيرة دى خالص

[david_alraiee]

الحقونى

2007
عندى كام مشكلة فى فيرنا
1- نور المارشدير الخلفى لا يضئ عند التعشيق
2- علبة الشكمان الخلفية بظت اغيرها بعلبة بلدى ولا اعمل ايه
الرجاء الرد سريعاً