دليل شامل عن الفيرنا بواسطه اسئله الاعضاء - متجدد

[hanyemad123]

انا شايف ان مافيش مشاكل تذكر حتى الآن معايا والاوتو افضل من المنيوال في رأيي لكن اكيد سحب المنيوال اقوى واستهلاك البنزين اعلى في الاوتو .... لكن الاوتو راحة

شكرا يا باشا على ردك

[digato]

-الفيرنا كاملة2008 كلاسيك من غير اى تظبيط وعاملة 66000 كيلو
السعر: 40000
- والاستارلت تكييف فقط+مريات كهربا+سبيلير وعاكس خلفى على الشنطة+فوج لايت + جنوط 15 شيك وغالية+ موتور 1300 هورس باور 110 انجكشن- تابلوة بالساعه وال ار بي ام+ ديفيل وفلتر رياضى
الموتور اللى متركب عامل 20.000 كيلو بس موديل 1990 والموتور موديل 2000
السعر : 33500

اجيب اية يارجالة

[Sh_sunsea]

يا جماعه هو القفل والفتح بتاع العربيه .. بيكون بصوت .. ولا من غير صوت ؟؟


انا عندى بفتح واقفل بس من غير صوت .... العربيه بتنور فقط

شوفت احد الأعضاء بيقول ان لما تدوس على زرار اللوك اللى فى المفتاح ... لفتره طويله .. بيشتغل الصوت مع القفل والفتح

ياترى ده موجود فى الفيرنا ؟؟ عشان انا جربت النهارده ومفيش اى جديد

جربت قبلك - مافيش كلام من ده

[mido_1311]

[overline]

-الفيرنا كاملة2008 كلاسيك من غير اى تظبيط وعاملة 66000 كيلو

السعر: 40000
- والاستارلت تكييف فقط+مريات كهربا+سبيلير وعاكس خلفى على الشنطة+فوج لايت + جنوط 15 شيك وغالية+ موتور 1300 هورس باور 110 انجكشن- تابلوة بالساعه وال ار بي ام+ ديفيل وفلتر رياضى
الموتور اللى متركب عامل 20.000 كيلو بس موديل 1990 والموتور موديل 2000
السعر : 33500

اجيب اية يارجالة

انا من رأيي تجيب الاستارليت بس انزل لحد 30000 جنيه كويس عليها و صاحبها لما يشوف الفلوس جاهزه هيبيع ان شاء الله

[digato]

الستارلت كانت ب 36500 وانا نزلتها لغاية كدة اخرها.......33500

...االفيرنا موديل 2008 عاملة 66 الف بس....انا سالت على سعرها فى السوق قالوا ليا تعمل ما بين ال 46 وال 51 حسب الحالة

.....

انا بقولكو هاخدها ب 40
بس كان فيها حادثة فى الباب اللى وورا السواق واتعير من غير تأثير على القوايم والشاسية ...لان انا كنت فى الحادث دة

.......
اية رايكو
تويوتا يابانى فاضية بس شبابي
ولا
هيونداى كورى كاملة كلاسيك

[ashouhdy]

مفيش فيرنا 2008 ب 40000 ! أكيد فيها حاجة لأن اقذر حالة ل2008 تعمل 47 الف او 45 على اقل تقديير وانا الحمد لله عربيتى جايلى فيها 51الف من غير الجنوط اللى فيها وكمان هاف اوبشن يبقى ام 40 دى اية بالضبط ؟؟!!

[mido_1311]

الستارلت كانت ب 36500 وانا نزلتها لغاية كدة اخرها.......33500

...االفيرنا موديل 2008 عاملة 66 الف بس....انا سالت على سعرها فى السوق قالوا ليا تعمل ما بين ال 46 وال 51 حسب الحالة

.....

انا بقولكو هاخدها ب 40
بس كان فيها حادثة فى الباب اللى وورا السواق واتعير من غير تأثير على القوايم والشاسية ...لان انا كنت فى الحادث دة

.......
اية رايكو
تويوتا يابانى فاضية بس شبابي
ولا
هيونداى كورى كاملة كلاسيك

انا افضل الاستارليت بس لو موتورها تربو لان صاحبي لسه جايبها و بنفس السعر و موتورها تربو

[m7mda7md]

الفيرنا سعرها لقطه يا باشا و ف نفس الوقت عربيه كويسه....لو حضرتك فاضي شويه اشتري الفيرنا و بيعها و اكسبلك فيها مش أقل من سته سبعه و بعدين دور علي اي عربيه غيرها

[khaled_yassin]

تصدق انك فقرى :)

انهارده انا اجازه و اول ماشوف مشاركتك اخدت الكاميرا و نزلت اصور العربيه مالقيتهاش لقيت ابويا خرج بيها من غير مايقولى :)

بمناسبه احمد سعيد عاوز منك حاجه مهمه اوى و الرد بسرعه لو سمحت يا باشا انا عارف هتعبك معايا

عاوز فردتيين 185 -60 -14 للفيرنا بس نوع ماكسس يعملوا كام

و كمان عاوز فردتيين 195 - 60 - 15 لعربيه واحد صحبى ماكسس برضوا

معلش هتعبك معايا

185 -60 -14 ماكسس 340جنيه
كومهو كورى 360 جنيه - كومهو تايلاندى 330 جنيه
هانكوك 350 جنيه
195 - 60 - 15 كومهو كورى 450 جنيه
بريدجيستون 625 جنيه
بريدجيستون تايلاندى 475 جنيه
ميشلان 550 جنيه
وما رديش يقولى على باقى الاسعار يقولى لما تبقى تيجى انت بتنزل تشردلى فى الاسعار

[digato]

تم التخليص فى الاستارلت..........مع احتراامى للفيرنا اقوووى منها 13 مرة رغم انها موديل 1995...بس ضمير اليابانيين بيظهرلك فى كل قطعه غيار انت شايفهاا فى العربية

[digato]

دة ميقلش من احتراااامى للفيرنا .... الفيرنا عربية فوووق راسي واحلى من الدايو 128 مرة

[shimo_moh]

الحمدلله انضميت ليكم وجيبت فيرنا 2010 .. 1600 كاملة مانيوال :)

بس العربية ماشاء الله رائعة وان شاء الله هبقى اعرفكم رايى فيها قريبا

[Ashraf_Ibrahim]

اهلا بيكي يا شيمو
منورة هيونداي تيم

[mido_1311]

تم التخليص فى الاستارلت..........مع احتراامى للفيرنا اقوووى منها 13 مرة رغم انها موديل 1995...بس ضمير اليابانيين بيظهرلك فى كل قطعه غيار انت شايفهاا فى العربية

الف مبرووك يا باشا ... ربنا يباركلك فيها و يكفيك شرها

[alrazy]

الفيرنا بعد 15000 كيلو

السلام عليكم

تقرير الفيرنا بعد 15000

الحمد لله العربية معاى تمام غير انها اتحكت منى مرتين و الحمد لله و مش ناوى اعملهم
العربية فيرانى كاملة مانوال شاريها فى 11 اللى فات و هى اللى اتعلمت عليها السواقة وكل يوم باعمل بيها 90 كيلو

فى الاول كانت بتفز منى لما باغير و الان الحمد لله ما عدتش تعمل كده او انا اللى تعودت عليها
عندى مشكلتين
الاولى اتحلت و هى انى لما كنت بانقل من الاول للتانى باحس انه تقيل .... بس اكتشفت انى لازم اقف فى الحارة اللى فى النص شويه و ما احاولش انى اجيبهم بسرعة على خط واحد
التانية انى باحاول اخد اى مطب على التانى بس هتسقف لو علامة لفات الموتور اقل من 500 فى الدقيقة ولو كده باخده على الاول

النقل زى الكتاب عند السرعات المحدده فى الكاتالوج و العربية بسم الله ما شاء الله بتجيب ال 100 فى ثانية

اكتر سرعة جبتها بيها 120 على الطريق السريع الدولى و كانت الحمد لله ثابته

الشكل الخارجى : لو اتعمل للفوانيس من ادام حواجب و اللى ورا اتفيمت و اتجنطط هتبقى تحفه

العربية من جوا عاجبانى و لو ركبلها ورقة عدادات بيضاء هتكون جميلة .... بس شفت التابلوه بتاعها عند واحد بتاع استيراد فى جنب زرار الانتظار زرار الفوجات و الازاز الحرارى فى كمان زرارين لقيت مكانها جاكات مرسوم عليها سماعات "هيد فون" و النانى للموبايل و التالت عليه علامة بلوتوث .... يعنى لو غبور نزل العربية بيهم كانوا هيكلفوه 100 جنيه زياده ...منه لله

السواقه سهلة بس عندى مشكلة فى معرفة اخر السيارة و بالذات و انا راجع
العربية ناعمة جدا بشهادة اخوى اللى كان معاه مازدا 3 و تيدا و جولف و لانسر

استهلاك بنزين : الليتر بيعمل 13 كيلو كده كويس و لا مش مظبوط : صاحبى معاه فيرنا 2008 قالى كده عالى خليهم يوطولك الانجيكشن فى التوكيل ؟؟؟؟ و فى مركز الصيانة قالى مافيش حاجه كده

لما باشيل ورا 3 العربية هتحك لو انت مش واخد بالك ....

رحت مركز الصيانة فى صيانة ال5000 و 10000 تقريبا المشاكل هى هى ما تحلتش بس المهندس اللى هناك قالى اوعى تجنط لو حصلت فى مشكلة فى العفشة وكنت مجنط هينفضولك فى غبور و بصراحة سمعت كلامه و ناوى اروح قليوب ان شاء الله يوم الخميس بس الله المستعان

حاولت كتيير اشوف حل اامن بيه العربية بس مافيش غير الفيوز اللى احيانا باشيله معاى

ماجبتش للعربية غير كسوه و ان شاء الله هاغيرها

عايز اظبط العربية ..... حد يدلنى لانى ما جبتلهاش حاجه خالص و ما باعملهاش حاجه غير الغسيل و النضافه

المشاكل اللى فابلتنى و ياريت نصايحكم لانى رايح بكره ان شاء الله التوكيل

1 الفرامل بتصفر ... عملوها فى صيانة ال 5000 بس رجعت عند 10000 .... احاول انهم يغيرولى الطنابير ولا ايه رايكم و لا ده تيل و عادى

2 الاريال انا اللى بوظته .... شغلت العربية وهى عليها الغطا ..... ما رضيش ينزل و فكيته لقيت الاريال فى نهايته سلك ابيض بس شكله ساب ..... هاغيره كله و لا ممكن يصلحوه

3 و انا مشغل mp3 فى تكه مع الزماره بتتسمع فى السماعات اللى ورا و قالولى عادى بس مش مقتنع

4 الزماره فرده واحده اللى شغاله .... كانت بتفصل و تتعدل و دلوقتى فصلت ...

5 الازاز فى الكرسى اللى جنب السواق بيترجرج رجه خفيفه

6 قالولى فى فحص للفريون مجانى و اعادة شحن .... اخليهم يكشفوا عليه ولا لأ

7 البخاخات بتاعت المساحات بتتسد و ترمى ميه فى اتجاهات عجيبه

دى العربية بامانة والله العظيم و لو رجعت هاجيبها هى هى تانى .... مع ان فى ناس كتيير بيكرهوها جدا ...