دليل شامل عن الفيرنا بواسطه اسئله الاعضاء - متجدد

[Eng.Mina]

انا الحمد لله ماعنديش اي مشكلة من الفيرنا وكل يوم بيزيد اعجابي بيها بس اكتر عيب خنقني( والحمد لله انه مش عيب جوهري ده مجرد عيب كماليات )هو الكاسيت والسماعات الرديئة اللي بتيجي معاها اولا بالنسبة للسماعات دي صورها



سماعات في منتهي السوء (جولدي 60 وات ) صناعة بلدنا الحبيب مصر والحمد لله ربنا كرمني وغيرتها ببيونير
والكاسيت رودستار بعد شراء العربية بحوالي4 شهور مابيقراش اسطوانات ولازم يروح التوكيل حاولت اشوف حد يصلحه كلهم قاللولي يا بيه ده خسارة فيه الفلوس ولو اتصلح حايرجع العيب تاني وقطع غياره مش موجوده ودي صورته


ودي كانت كل مشاكلي مع الفيرنا في خلال سنة و 3 شهور والحمد لله ماصدفتنيش اي مشاكل من اي نوع طبعا ممكن ماحدش يشوف دي مشاكل بس انا فعلا اتخنقت من الكاسيت واللي عمله فيا (انا دلوقتي مشغله ب fm modulator ) وان شاء الله حاغيره بكاسيت بيونير ونفسي مستر غبور طالما خللي الفيرنا الكاملة ب 71750 جنيه ينزلها بالكاسيت الهيونداي وسماعاتها الاصلي بدل المصاريف دي اللي الواحد بيصرفها علشان يسمع صوت معقول ومحترم

[MEDO80]

معلش سؤال بس هيا الفيرنا ال 1600 الكاملة بقت ب71 الف و نص؟ صح الكلام و دا و لا اية ؟

[Eng.Mina]

هو ده السعر اللي في كونتاكت بس المفروض ان خلال فترة شهر رمضان في عرض تخفيض فسعرها حايبقي 70750 بس لسه مش عارفين في حد اشتري علي السعر ده وللا ايه ؟؟؟؟؟؟؟؟؟

[m7mda7md]

اكتر حاجة عاجباني في الفيرنا هوة موتورها الجااااااااامد اللي بيخليك ملك وسط باقي العربيات محدش بيقدر يجيبني ........اما اكتر حاجة خنقة فيها هوة التابلوه الصغير جدا بتاعها دة مش بيشيل حتي علبة مناديل

[ZOZ]

يا ميدو دلوقتي فيرنا كالمة مانيوال ب72 برا من اي معرض وان غبور دلوقتي في رمضان 69750

[almarshal]

انا لسه مستلم فيرنا 2009 اول يوم رمضان طبعا الحجز كان فبلها
لكن موضوع التخفيضات ده غالبا مش حقيقى , لانى بعد الحجز بيوم وبالظبط فى اخبار السيارات يوم السبت 30/8 كان غبور عامل اعلان ان اى عربية فيرنا عليها تلفزيون هدية وتقريبا يعنى هو ده التخفيض او الجايزة اللى عاملها
وفعلا بعد الترخيص بيوم المعرض اتصل بينا وقال عايزين صورة الرخصة علشان غبور حيسلم جوائز لكل اللى رخص فيرنا من اول شهر 9 اللى هو اول رمضان طبعا
وسألنا ايه هى الجايزة دى قالوا غالبا حتكوت تلفزيون وحنكلمكوا كمات تلات ايام
ولسه متصلوش , ان شاء الله لو كلمونا حبلغكم

[Nile_Storm]

سيبك ياعم من التليفزيون المهم مبروك العربيه

[bassam nagy]

الف مبروك العربية وربنا يباركللك فيها

[mohamed_mohsen]

انا لسه مستلم فيرنا 2009 اول يوم رمضان طبعا الحجز كان فبلها
لكن موضوع التخفيضات ده غالبا مش حقيقى , لانى بعد الحجز بيوم وبالظبط فى اخبار السيارات يوم السبت 30/8 كان غبور عامل اعلان ان اى عربية فيرنا عليها تلفزيون هدية وتقريبا يعنى هو ده التخفيض او الجايزة اللى عاملها
وفعلا بعد الترخيص بيوم المعرض اتصل بينا وقال عايزين صورة الرخصة علشان غبور حيسلم جوائز لكل اللى رخص فيرنا من اول شهر 9 اللى هو اول رمضان طبعا
وسألنا ايه هى الجايزة دى قالوا غالبا حتكوت تلفزيون وحنكلمكوا كمات تلات ايام
ولسه متصلوش , ان شاء الله لو كلمونا حبلغكم

الف مبروك العربيه يا مان

[sasatony]

الف مبروك يامان علي العربية
ويارب يبعد عنك الحوادث وشر الطريق

[hamakabad]

انا فيرناوي قدييم
و جربت الاتنين فيرنا 1500 و 1600
جبت ال1500 في 2005 تكييف و باور و كاسيت . بصراحة عربية حلوة و حمالة قسية هية بس محتاجة جنوط 14ّ و تبقي مية مية بس عيب الجنوط لما ركبتها انها بتحك في شفة الرفرف من جوة و مش عارف ليةمع ان الاوتوماتيك بتنزل ب 14 بس مش هيحصل دة غير لما تاخد مطب هواء علي سرعة عاليا و تكون محمل العربية.
العيوب عادية جدا و مش هتحس بيها طول ما انت مواظب علي الصيانة الدورية بس هوة العيوب المفاجئة هية اللي تخنق زي المكونات المصري .
مثال: كنت مع صاحبتي واقفين عالكورنيش بنضرب ايس كريم و لقيت اللي رايح و اللي جاي عمال يقولي العربية بتجيب مية من تحت... انا افتكرتة التكييف بس لما نزلت لقيت سيوول فأكتشفت انها الماسورة الكاوتش اللي بتوصل للريدياتير علشان مصر فا تشققتت بسرعة. بس غيرتها في الضمان بواحدة بتاعت النتراكوري و بقت 100 100 .
بصراحة العربية دي كنت بجيب بيها 190 و مكنتش عامل حاجة فيها غير جنوط14 و فلتر هوا سبور .
المهم بعتها من سنة و جبت ال1600 كاملة علشان اروي عطشي للكماليات و السرعة و المواتيير :o

نيجي بقي لل 1600
جبتها في شهرفبراير 2008 و اول ما جبتها رميت الفرد الكاوتش النسر ال13 و حطيط كاوتش و جنوط هاي سبييد 14 . ريحتها في اول الف كيلو واحدة واحدة علشان اجهزها للايام السودة اللي هوريهالها :o
المهم حسيت بفرق شاسع بين الموتور ال1500 و ال1600 بصراحة كامة واحدة تفرق عن 2 كامة . ال2 كامة بجد استجابتها اسرع و روحو اقوي و النقلة بتبقي مريحة. طبعا الفتيس ناعم و التسارع عالي و الاداء رياضي و علشان كدة نويت اخلي العربية تقعد معايا مدة اصول مش سنتين زي ما بعمل كل مرة و اغير. علشان كدة قلت اظبطها كمان علشان انا 15 ساعة من ال24 ساعة ببقي في العربية فتعتبر زي بيتي .روشت العربية و صرفت عليها لحد ما صحابي كانو بيضحكو عليا من كتر المصاريف و يقولولي كل دة علشان فيرنا !!!
(جنوط - كاوتش هاي سبيد - كساحة امامية - فوانيس امامية سموك - زينون - شبكة امامية سبور - فوجات بيضاء - فوانيس خلفية اميريكان ستايل ب ليدات - فرش جلد تفصيل اسود*احمر - طارة اسود*احمر - كونصول احمر - باكيتات و اكر الباب من الداخل احمر - 4 سماعات سوني و بايونيير - ارضية الكابينة و الشنطة جلد- حلية شكمان سبور - فلتر هواء سبور - و غير الحاجات اللي كنت عاملها و شلتهاعلشان المرور ) و لسة ناوي علي عدادات ليمونيتر و ليمبو دورز .
يا جماعة العربية بسم الله ماشاء الله تجميعها حلو قوي و الدليل هتشوفوة تحت في الصورة .. جبت 197 بيها و عدادها 200 مع ان ال1600 القديمة كان عدادها 220 مش عارف لية غيروها في 2008..

من الاخر كدة العربية بسم الله ما شاء الله حلوة و معرفش لية الناس بتهاجمها الهجوم دة خصوصا العفشة... يا جماعة الفيرنا عفشتها ناعمة و طرية و كلها حنية غير الالماني و الحاجات التانية اللي تحس فيها بالمطبات و الظلط اللي عالارض .
مش عارف اقول اية تاني اكتر من اللي قلتة بس لو حد حب يسألني عن حاجة في ال1500 و ال1600 المانيوال مش هتأخر عنة لو اعرف اجاوبة.
اشوفكم علي خير و رمضان كريم و كل فيرنا و انتم طيبيين

[m7mda7md]

فين صوره العداد

[MEDO80]

انا فيرناوي قدييم
و جربت الاتنين فيرنا 1500 و 1600
جبت ال1500 في 2005 تكييف و باور و كاسيت . بصراحة عربية حلوة و حمالة قسية هية بس محتاجة جنوط 14ّ و تبقي مية مية بس عيب الجنوط لما ركبتها انها بتحك في شفة الرفرف من جوة و مش عارف ليةمع ان الاوتوماتيك بتنزل ب 14 بس مش هيحصل دة غير لما تاخد مطب هواء علي سرعة عاليا و تكون محمل العربية.
العيوب عادية جدا و مش هتحس بيها طول ما انت مواظب علي الصيانة الدورية بس هوة العيوب المفاجئة هية اللي تخنق زي المكونات المصري .
مثال: كنت مع صاحبتي واقفين عالكورنيش بنضرب ايس كريم و لقيت اللي رايح و اللي جاي عمال يقولي العربية بتجيب مية من تحت... انا افتكرتة التكييف بس لما نزلت لقيت سيوول فأكتشفت انها الماسورة الكاوتش اللي بتوصل للريدياتير علشان مصر فا تشققتت بسرعة. بس غيرتها في الضمان بواحدة بتاعت النتراكوري و بقت 100 100 .
بصراحة العربية دي كنت بجيب بيها 190 و مكنتش عامل حاجة فيها غير جنوط14 و فلتر هوا سبور .
المهم بعتها من سنة و جبت ال1600 كاملة علشان اروي عطشي للكماليات و السرعة و المواتيير :o

نيجي بقي لل 1600
جبتها في شهرفبراير 2008 و اول ما جبتها رميت الفرد الكاوتش النسر ال13 و حطيط كاوتش و جنوط هاي سبييد 14 . ريحتها في اول الف كيلو واحدة واحدة علشان اجهزها للايام السودة اللي هوريهالها :o
المهم حسيت بفرق شاسع بين الموتور ال1500 و ال1600 بصراحة كامة واحدة تفرق عن 2 كامة . ال2 كامة بجد استجابتها اسرع و روحو اقوي و النقلة بتبقي مريحة. طبعا الفتيس ناعم و التسارع عالي و الاداء رياضي و علشان كدة نويت اخلي العربية تقعد معايا مدة اصول مش سنتين زي ما بعمل كل مرة و اغير. علشان كدة قلت اظبطها كمان علشان انا 15 ساعة من ال24 ساعة ببقي في العربية فتعتبر زي بيتي .روشت العربية و صرفت عليها لحد ما صحابي كانو بيضحكو عليا من كتر المصاريف و يقولولي كل دة علشان فيرنا !!!
(جنوط - كاوتش هاي سبيد - كساحة امامية - فوانيس امامية سموك - زينون - شبكة امامية سبور - فوجات بيضاء - فوانيس خلفية اميريكان ستايل ب ليدات - فرش جلد تفصيل اسود*احمر - طارة اسود*احمر - كونصول احمر - باكيتات و اكر الباب من الداخل احمر - 4 سماعات سوني و بايونيير - ارضية الكابينة و الشنطة جلد- حلية شكمان سبور - فلتر هواء سبور - و غير الحاجات اللي كنت عاملها و شلتهاعلشان المرور ) و لسة ناوي علي عدادات ليمونيتر و ليمبو دورز .
يا جماعة العربية بسم الله ماشاء الله تجميعها حلو قوي و الدليل هتشوفوة تحت في الصورة .. جبت 197 بيها و عدادها 200 مع ان ال1600 القديمة كان عدادها 220 مش عارف لية غيروها في 2008..

من الاخر كدة العربية بسم الله ما شاء الله حلوة و معرفش لية الناس بتهاجمها الهجوم دة خصوصا العفشة... يا جماعة الفيرنا عفشتها ناعمة و طرية و كلها حنية غير الالماني و الحاجات التانية اللي تحس فيها بالمطبات و الظلط اللي عالارض .
مش عارف اقول اية تاني اكتر من اللي قلتة بس لو حد حب يسألني عن حاجة في ال1500 و ال1600 المانيوال مش هتأخر عنة لو اعرف اجاوبة.
اشوفكم علي خير و رمضان كريم و كل فيرنا و انتم طيبيين

سؤال بس معلش هوا حضرتك عربيتك القديمة ال 1500 كان لونها اية ؟
و كنت حاطط عليها فامية و فوجات كبيره شوية ؟

[hamakabad]

ال1500 كان لونها سماوي يا استاذ ميدو و كنت مفيمها لايت بلاك و كنت مركبلها فوجات من اللي بيبقي حواليها رينجات ..
بالنسبة لصورة العداد فا انا حططها و معرفش مظهرتش لية !! انا بجرب تاني دلوقتي

[Eng.Ahmed]

[I]
(جنوط - كاوتش هاي سبيد - كساحة امامية - فوانيس امامية سموك - زينون - شبكة امامية سبور - فوجات بيضاء - فوانيس خلفية اميريكان ستايل ب ليدات - فرش جلد تفصيل اسود*احمر - طارة اسود*احمر - كونصول احمر - باكيتات و اكر الباب من الداخل احمر - 4 سماعات سوني و بايونيير - ارضية الكابينة و الشنطة جلد- حلية شكمان سبور - فلتر هواء سبور - و غير الحاجات اللي كنت عاملها و شلتهاعلشان المرور ) و لسة ناوي علي عدادات ليمونيتر و ليمبو دورز .
يا جماعة العربية بسم الله ماشاء الله تجميعها حلو قوي و الدليل هتشوفوة تحت في الصورة .. جبت 197 بيها و عدادها 200 مع ان ال1600 القديمة كان عدادها 220 مش عارف لية غيروها في 2008..

طيب ممكن ياباشا تورينا صوره العربيه شكلها ايه بالكماليات دى