اذا سيارتك اتبهدلت و اتنصب عليك يبقى انت اكيد اكيد فى غبور

[mohamedhani]

دي مش حاجه جديدة على توكيل غبور اللعين ،، انا ياما اتبهدلت في صيانة قليوب على ايد شوية بني ادميين لا يفقهون شئ وشوية عمال عبارة عن عيال صغيرة كنت بشوفهم بعيني من فوق وهما محتاسين في فك وربط فلتر الزيت كأنهم بيعملوا حاجه معقدة ،، وياما قلت لهم على عيوب وكنت بستلم العربية زي ما هي ،، انا مش عارف ايه الحل بصراحه وامتى هيكون في ضمير عند المهندسين والفنيين اللي بيشتغلوا في صيانة غبور وفين المحاسبة والمراقبة هناك ،، ياترى الكلام ده بيوصلهم ولا احنا بندن في مالطا

[ahmedsrs]

بيتعملوا مع العربيات كانها مش عربيات ناس تعبانة وشقيانة فيها ده لو كرسى عنده فى البيت مش هيوسخة كده

[theking2690]

يا جماعه انا فى نقطتين كنت عاوز اقول عليهم انا لما روحت مركز الصيانه بتاع قليوب اول حاجه قبل ما العربيه تخش الرسى بتاع السواق و الدركسيون الاتنين بيتغلفوا بالبلاستيك و لما روحت العربيه قعدت فى صيانة الالف تقريبا ساعتين كان منهم 30 ساعة راحه لأنى حظى كنت رايح على وقت الغدا بتاع العمال و اللى حسيت ان مركز الصيانه بتاع قليوب احسن من ابو رواش هو بس اكتر حاجه ضايقتنى منهم جوه هو طريقة سواقتهم للعربيات لما تخش جوه تحس انك مش دخلت مكان تصليح ده انت تحس انك دخلت الاوتوكروس بس هو ده اللى انا استنتجته من زيارتى الاولى لتوكيل غبور بس الصراحه الانذار فعلا تحسه مش و لابد ده انا عندى لما قطه بتعدى من جنب العربيه الانذار بيضرب و مش لاقيله حته اوطى الحساس بتاعه منها فياريت يا جماعه لو حد يعرفلنا حل للمشكله ديه يبقى يقولى و لا المفروض انى اروح لعشم نواره ده

[liquidator]

هو الحساس هتلاقيه عند دواسة الدبرياج فوق شويه ملزوق علي الشمال بلزق دوبل فيس ... طلعه و بمفك عاده صغير تقدر تضبطه زي ما انت عايز ...
تحياتي لك

[starpro]

متى سيستقيم الحال المايل فى هذه البلد ؟؟؟؟!!!!
[sigpic]http://www.nilemotors.net/Nile/attachment.php?attachmentid=1651&stc=1&d=120797477 6[/sigpic]

[TaoTao]

زي الفل، آدي كمان عربية طلعت آوت
النااس دول شكلهم فاكرين الناس بتلاقي فلوسها !!
أنا خلاص هاجيب لادا 2107 روسي بالباور كاش، أو 2111 واقسط الباقي أهي حاجة راسية ومتينة وتؤدي الغرض

بصراحة التوبيك ده قرفني من حاجة اسمها غبور (بعد ما كنت ناوي اشتري فيرنا فيفا اللي نزلولها عرض خاص في الشركة عندنا)

[bassam nagy]

.

انا رايى محدش يسكت على حاجة كده لازم اى حد واجه اى موقف زى دا يشتكى و ميسكتش و ميغيرش حاجة على حسابه , و لا انت تغير الانذار على حسابك و لا صاحبك يدفع مليم.

بصراحة متقدرش تعرف مين اسوا من التانى انا رايى يعملوا مسابقة مين اسوا توكيل سيارات فى مصر و اعتقد كل التوكيلات هتنافس بجدارة على المركز الاول سواء بسبب سوء الخدمة او ارتفاع اسعار قطع الغيار او او او او للصبح


أنا
بعدين العربية نازل فيها cd-changer مفيش mp3 و لحد النهاردة بيكتبوا mp3 ى ال 2400 و كانوا كاتبين كدا فى معرض الاهرام برده.
و معتقدش انى شفت حد بيدافع عن غبور خالص
بس الفكرة ان كل التوكيلات كده يعنى مش غبور لوحده كل التوكيلات مش بتعامل الناس اسواء معاملة و بتستغلهم و شغل زى الزفت و مفيش ضمير و مغليييين اوووووى على الفاضى يعنى مثلا غيرت تيل الفرامل عند كعبور قصدى غبور ب 1000 جنيه مع انى شفته على hyundai usa قطع غيار اصلية فى توكيل هيونداى فى امريكا ب 54 دولار تخيل فرق السعر !!!
بس برده عايزك تقرا هنا
نصيحة منى ادخل هنا على قسم الميتسوبيشى و الدايو و النيسان و اقرا المشاكل اللى بتقابل الناس
يعنى انا لسه قارى امبارح فى متسوبيشى واحد بيشتكى انه راح توكيل ميتسوبيشى اللى فى جسر السويس و لقى بعد ما مشى سلك بتاع الفانوس مدلدل و مش متوصل
الكلام دا عادى علشان انت فى مصر مش غبور بس

أنا رايى لو مش هتجيب عربية علشان توكيل وحش يبقى مش هتشترى عربية فى حياتك

أنا مع الناس اللى رايها نقاطع و مش بس غبور لا احنا ممكن نبدا بغبور و نخش على باقى التوكيلات

كلام مظبوط وزى مابتقول مش غبور لوحدة اسوء توكيل

[Adham_Sabry]

يعني الواحد لما يخرج من الصيانه في التوكيل المفروض انه يعدي علي ميكانيكي يبص علي العربيه ؟؟؟؟!!!!!!!!!!!
يبقي انت اكيد في مصر

[mmezzat]

أنا ليا زميلة عندها النترا , راحت توكيل أبو رواش و جهاز الم بي ثري اتسرق من العربية, ,انا كنت شغال في شركة كل عربياتها هيونداي اكسل واكسنت و كلهم بيشتموا في غبور قليوب , اضطريت مرة اني اصلح فيه لأني مكنش معايا فلوس وبعدين احاسب الشركة وهما متعاقدين مع غبور فرحت ,بوظولي الكبوت , والغريب اني مش عارف باظ ازاي ليس له حل سوى التعمد !

[fahd_628]

يا خبر ابيض

انا بجد بطنى وجعانى لأنى لسة جايب لخالتى هيونداى جيتز

ربنا يستر

[starpro]

أنا ليا زميلة عندها النترا , راحت توكيل أبو رواش و جهاز الم بي ثري اتسرق من العربية, ,انا كنت شغال في شركة كل عربياتها هيونداي اكسل واكسنت و كلهم بيشتموا في غبور قليوب , اضطريت مرة اني اصلح فيه لأني مكنش معايا فلوس وبعدين احاسب الشركة وهما متعاقدين مع غبور فرحت ,بوظولي الكبوت , والغريب اني مش عارف باظ ازاي ليس له حل سوى التعمد !

مهزلة انا رحت علشان الزيت اللى بيتسرب بسببهم و الانذار المعفن و استلمت السيارة و الكشاف الامامى مخلوع و الفرش اللى فى شنطة السيارة متبهدل هباب و شحم و الى الان فشلت فى تنظيفه من هذه القذارة .
منهم لله بهدلولى السيارة و انا لسة شاريها و خلوا نفسى شالت منها بسببهم
و لا ادرى ما علاقة خلع الكشاف و بهدلة فرش الشنطة بتسرب الزيت او تلف الانذار توكيل زبالة فعلا.

[starpro]

هناك حملة شرسة من قبل المواليين لغبور لأثنائى عن الاستمرار فى فضح اهمال هذا التوكيل النصاب و ليعلم الجميع اننى لن اكف ابدا عن فضح ما فعله هذا التوكيل معى سواء هنا او فى باقى المنتديات الاخرى حتى ينصلح حاله و يحترم عملائه و يحافظ على سيارتهم و يجب ان يشعر بأخطائه حتى يراجع نفسه و يصلح من شأنه و الكلام على النت ليس هين و ممكن يخسر كثير بسببه و زى ما بيقولوا العيار اللى مايصبش يدوش .
و من الامانة ان نضع الحقائق امام الناس حتى لا يقعوا فيما وقعنا فيه نحن ضحايا غبور .
و اوعدكم بأننى سأستمر فى تصعيد الحملة ضده اذا لم يحدث تحسن ملموس فى خدمة العملاء .

[starpro]

بالبحث عن غبور على النت وجدت هذه الروابط عنه

http://boycott05.bravehost.com/no_verna.htm

http://acal.bravehost.com/fraudulentads.htm

[galalology]

ربى انى لا اسألك رد القضاء ولكنى اسألك اللطف فيه

[starpro]

اخيرا عرفت سبب تكرار حوادث تسرب الزيت فى صيانة الالف كيلو الاولى يبدو انها سياسة معينة لشىء معين داخل غبور و سوف افصح لكم عنها بعد التأكد جيدا من صحة ما وصلنى .
انتظروا المفاجأت الغبورية