اذا سيارتك اتبهدلت و اتنصب عليك يبقى انت اكيد اكيد فى غبور

[mohbasyouni]

بمناسبة الكوبلن فية عضو بالمنتدى يمتلك كورولا 2008 الجنوب افريقى اللى سعرها حوالى ضعف الفيرنا و يابانى و غير كوبلن فى الضمان

[tot]

بس مش كل التوكيلات وحشة ولا حاجة، هو توكيلين تلاتة اللي كده منهم توكيل فولكس اللي انا طالع عيني معاهم، بس بصراحة كل مشكلتي معاهم فى الوقت و اسعار الحاجة ، غير كده هما بيصلحوا مش بيبوظوا زى مابنسمع عن غبور كده
و بعدين انا شايف ان الصح ان احنا نفضح التوكيلات النصابة دي اللي عايزين يعدوا فلوس و خلاص ، عشان اما نفضحهم اكيد مبيعاتهم هتقل و هيحسوا انهم اغبيا عشان بيبصوا تحت رجليهم و خلاص، و ساعتها اكيد هيحاولوا يحسنوا الخدمة ، اصلك فى الاخر دافع فلوس ، يعني مش رايح تصرف علاج م التأمين الصحي، يبقى المفروض يعملوا بلقمتهم

[أبو عبدالله]

طبعا لا اجد ما اعبر عنه عن مدي اعجابي واحترامي لك يا اخي سمعه
لأن طبعا ردك عليا يدل على مدي نضج تفكيرك واحترامك للاخرين وده ان دل فبيدل على شخص حضرتك وبيدل على الشخصية المحترمة

وانا اوافقك الكلام في كثير من النقاط في مسألة الكذب

اولا انا لا اتكلم عن شركة هيونداي كشركة سيارات
ولكن انا اتحدث عن اي وكيل يسفه اصحبا سياراته بهذا المنظر
وكان علشان انا ببيع والناس بتشتري يبقى مفيش مشكلة
وصدقني ساعات تلاقي ناس بتاخد حقها ولكن للأسف الكثير وبالذات الذي ليس لديه خبرة في السيارات ممكن يمشوه بكلمتين وخلاص

وهو ده للأسف الاكثر

ان ردود الوكيل في الغالب على المشاكل مستفذه جدا
ومساةل الجودة دي برضه زي الزفت بصراحه
وده طبعا مش غبور بص لأ وكان في تقفيل دايو كمان
وانا اتعاملت مع بتوع دايو وتلاعبو معايا كتير
ولكن المسألة واضحه قوي في عربيات غبور
يعني تحس انها اكتر بكثير مما يحدث في باقي السيارات المعروفة بالتقفيل المصري
يعني مثلا نيسان مش هتسمع زي الكلام ده بالمنظر ده

وفي النهاية اشكرك جدا على حسن وادب حوارك الذي لا اجد ما اعبر عنه والله

بدل ما نتهم بعض بالكذب وطرح الأشاعات
كأن غبور لو كسب هيكسبني معاه
وكأن غبور لو خسر هكسب انا

والمسالة ليست هكذا
ولكن
غالب مشتري السيارات له بالظاهر ولا يعلم بالباطن
واذا علم اغلبهم ماذا سيحدث بعد ذلك ما أقدموا على شراء هذه السياره
ولهذا وجب على كل واحد عنده معلومات عن اي وكيل او اي سيارة ان لا يبخل عليها للناس
لأن ده ما حدث معي في دايو وكانو كذابين برضه بس الحمد لله أخدت حقي مع ضياع القليل

[ahmedateya]

شكرا لأبو غالي و الانوس

[som3aa]

طبعا لا اجد ما اعبر عنه عن مدي اعجابي واحترامي لك يا اخي سمعه
لأن طبعا ردك عليا يدل على مدي نضج تفكيرك واحترامك للاخرين وده ان دل فبيدل على شخص حضرتك وبيدل على الشخصية المحترمة

بصراحة ردود حضرتك المحترمة فى كل المواضيع و ذوق حضرتك و ردك على الجميع حتى لو كانت الاسئلة بسيطة و محاولتك لافادة الجميع بكم المعلومات الهائل اللى عند حضرتك تجبر اى حد انه يحترمك بشدة.

اولا انا لا اتكلم عن شركة هيونداي كشركة سيارات
ولكن انا اتحدث عن اي وكيل يسفه اصحبا سياراته بهذا المنظر
وكان علشان انا ببيع والناس بتشتري يبقى مفيش مشكلة
وصدقني ساعات تلاقي ناس بتاخد حقها ولكن للأسف الكثير وبالذات الذي ليس لديه خبرة في السيارات ممكن يمشوه بكلمتين وخلاص
وهو ده للأسف الاكثر

فعلا انا متفق مع حضرتك فى كل حاجة.

ان ردود الوكيل في الغالب على المشاكل مستفذه جدا
ومساةل الجودة دي برضه زي الزفت بصراحه
وده طبعا مش غبور بص لأ وكان في تقفيل دايو كمان
وانا اتعاملت مع بتوع دايو وتلاعبو معايا كتير
ولكن المسألة واضحه قوي في عربيات غبور
يعني تحس انها اكتر بكثير مما يحدث في باقي السيارات المعروفة بالتقفيل المصري
يعني مثلا نيسان مش هتسمع زي الكلام ده بالمنظر ده

فعلا لان نيسان فى مصر مملوكة لشركة نيسان اليابانية و دول ناس محترمة بتحترم المستهلك و تقدره و علشان كده وفروا الصنى بسعر لا مثيل له (يعنى 1600 اوتوماتيك ب 92000) فعلا يدل على انهم شركة محترمة و مع زيادة الين زودوا العربية 1000 جنيه بس , اما بالنسبة لغبور فهو كل همه مكسب اكتر مع انه لو حسبها كويس هيلاقى انه لما يرضى الناس و يهتم بالجودة اوى (خصوصا ان دى حاجة مش مكلفة لما يشغل فنيين كويسين و مسئولى الجودة فى المصنع ميطلعوش عربية الا لما تتجرب كويييس اوى , و يشترى مكونات ذات جودة كويسة و ميسترخصش) هيلاقى مكسبه اكتر كتييير اوى من اللى هو دفعه و خصوصا انه خسر عملاء كتييير اوى كان ممكن يشتروا عربيات من عنده لولا سمعته.
بعيب على نيسان حاجة صغيرة اوى اوى انهم مجمعوش الصنى الجديدة و ال x-trail الجديدة و اعتقد لو عملوا كده هتبقى مفاجاة حلوة اوى , كمان يستحسن يجمعوا موديلات اكبر هتكسبهم اكتر خصوصا انهم استثمروا كتير فى المصنع و سعته الانتاجية 17000 عربية بس عموما الشركة دى انا بحترمها اوى اوى و لو هشترى عربية من (90- 100الف )مثلا هتكون الصنى او الياريس من تيوتا .

وفي النهاية اشكرك جدا على حسن وادب حوارك الذي لا اجد ما اعبر عنه والله

والله دا بس من زوقك و ادبك

بدل ما نتهم بعض بالكذب وطرح الأشاعات
كأن غبور لو كسب هيكسبني معاه
وكأن غبور لو خسر هكسب انا

فعلا هو دا الكلام المفيد يا ريت الكل ياخد باله و يستفاد

غالب مشتري السيارات له بالظاهر ولا يعلم بالباطن
واذا علم اغلبهم ماذا سيحدث بعد ذلك ما أقدموا على شراء هذه السياره
ولهذا وجب على كل واحد عنده معلومات عن اي وكيل او اي سيارة ان لا يبخل عليها للناس

فعلا و الله علشان كده انا شايف المكان هنا مهم جداااا للى عايز يشترى عربية جديدة ممكن يعرف اسعاره و اسعار قطع غيارها و راى ملاكها فيها و فى التوكيل و يشوف تقيييم شامل عن كل حاجة فى العربية علشان ربنا يوفقه و يختار احسن اختيار ان شاء الله

لأن ده ما حدث معي في دايو وكانو كذابين برضه بس الحمد لله أخدت حقي مع ضياع القليل

طب الحمد لله ان حضرتك خد حقك , حاجة تزعل اللى التوكيلات تعمله دا و انا نفسى الناس كلها تتفق مرة واحدة على التوكيلات سيئة السمعة و تشتكيها للشركة الام اللى بتخاف على سمعتها , ممكن برده نقاطعها لمدة معينة و دا بيجيب نتيجة رهيبة.
مثال ليه توكيل كيا عامل ضمان 5 سنين او 100000 كيلو؟ علشان الناس كانت خايفة تشترى كيا لما كان فى مشاكل بين نصير و وليد توفيق فحبوا يشجعوا الناس تشترى العربية و حطوا ضمان 5 سنين , ليه بريليانس عملوا ضمان 5 سنين بدون حد اقصى للكيلومترات؟؟ علشان بعد ما الناس شافت الcrash test بتاعها فى 2007 و نزول السوناتا لتنافسها لانها كانت الوحيدة ال 2000cc اللى ب 145-160 الف و شدة المنافسة فى الفئة السعرية دى اجبرتهم يعملوا ميزة نسبية لعربيتهم و هى ضمان 5 سنين بدون حد اقصى للكيلومترات و دى ميزة رهيبة فى مصلحة المستهلك.
متشكر جدا لحضرتك على ردك اللى كله زوق و بصراحة سعيد جدا انى اتعرفت على شخص محترم ذى حضرتك.

[أبو عبدالله]

وده من ادبك وذوقك يا اخي والله

وشكرا لحوارك المفيد الممتع
وان دل فبيدل على ادب واحترام الاخرين

واتشرف ان اتحاور معك دائما يا اخي والله

[hazem_khidr]

يا جماعه الخير
مافيش اي مشكله علشان الشد دا كله.
غبور شئنا ام ابينا يتحكم في 30% من سوق الملاكي في مصر
معني كده ان هو مسيطر
لو عربياته وحشه مكنتش حتبيع دا كله لان المستهلك المصري مش مغفل .
ممكن يكون عنده سلبيات و اكتر من غيره بس مش سئ للدرجه
و شكرا .

[ahmed1981]

يا جماعه الخير
مافيش اي مشكله علشان الشد دا كله.
غبور شئنا ام ابينا يتحكم في 30% من سوق الملاكي في مصر
معني كده ان هو مسيطر
لو عربياته وحشه مكنتش حتبيع دا كله لان المستهلك المصري مش مغفل .
ممكن يكون عنده سلبيات و اكتر من غيره بس مش سئ للدرجه
و شكرا .

لكن أظن أن الإحتكار مساعده شوية للإستيلاء على ذلك النصيب من السوق
بالإضافة لغياب موديلات كيا الفترة الماضية وهي المنافس لهيونداي
وأظن أن الوضع سيتغير بعد نزول كيا للسوق من جديد وبضمان خمس سنوات

[kmansy]

الاخ liqidator اللى بيقترح الشكوى لهيونداى كوريا أحب أقله إنى جربت أبعت إيميلات لهيونداى كوريا وعرفت إنهم زى غبور ويمكن أحسن لإنهم مبيبردوش على الإيميلات , نصيحة لوجه الله لكل الناس إبعد عن هيونداى , فى ناس بتقول إن عربيات هيونداى فى الخليج ماشية والناس بتشكر فيها أحب أقولهم شوفو العربيات بكام هناك وأبوببشن وضمان عامل إزاى علشان يسوقو عربياتهم فى الخليج وبعدين يبانو على حقيقتهم , عربيات هيونداى فعلا عربيات تعبانة كجودة بمعنى إنها عند صيانة 15000 بتبقى خلصت

[som3aa]

الاخ liqidator اللى بيقترح الشكوى لهيونداى كوريا أحب أقله إنى جربت أبعت إيميلات لهيونداى كوريا وعرفت إنهم زى غبور ويمكن أحسن لإنهم مبيبردوش على الإيميلات , نصيحة لوجه الله لكل الناس إبعد عن هيونداى , فى ناس بتقول إن عربيات هيونداى فى الخليج ماشية والناس بتشكر فيها أحب أقولهم شوفو العربيات بكام هناك وأبوببشن وضمان عامل إزاى علشان يسوقو عربياتهم فى الخليج وبعدين يبانو على حقيقتهم , عربيات هيونداى فعلا عربيات تعبانة كجودة بمعنى إنها عند صيانة 15000 بتبقى خلصت

من فضلك أقرا هنا عن جودة العربيات الهيونداى و الجوايز اللى خدتها و مقارنة جودة الهيونداى بالهوندا

http://en.wikipedia.org/wiki/Hyundai_Motor_Company

بعدين يا ريت حضرتك تفسرلى ليه هيونداى بتبيع بنفس سعر تيوتا و هوندا فى امريكا؟
توكيل غبور وحش حاجة و نقول على العربيات الهيوندلى اخرها 15000 كيلو دى حاجة تانية خالص
للعلم انا بعت شكوى لbmw من الاسعار المبالغ فيها فى مصر ردوا على قالولى هنرد عليك خلال شهرين و بعدين مسمعتش منهم تانى و لا بقوا يردوا على تانى , حضرتك بعتيلهم تقول ايه و تشتكى من اى عربية بالظبط؟
و دا اللى انا بقول عليه المبالغات و الكلام اللى الناس بتقوله و بتجيبه من عندها .
من فضلك شوف اى سايت للعربيات بره مصر و اقرا عن جودة الهيونداى قبل ما تكتب حاجة زى العربيات اخرها 15000 كيلو
شكرا

[lanos2]

ان شاء الله هجربها و اقلك

جربتها و لا لسة ؟

[mohbasyouni]

هيونداى فى السعودية ضمانها 3 سنوات او 60 الف كيلومتر ايهما اقرب و اسعارها لموديلات 2008 جيتز 34 الف ريال اكسنت 37 الف ريال النترا 44 الف ريال ماتركس 40 الف ريال و ذلك للمانيوال اقل مواصفات و للعلم لقد رايت بنفسى فى التوكيل سيارات تعدت 250 الف كيلو متر و كانت اكسنت 2005 و النترا 2005 تقوم بعمل صيانة و تكلمت مع اصحابها و كانت السيارات بدون شكوى مطلقا و ركبت النترا 2006 تاكسى وكانت تعدت 150 الف وايضا اكد السائق على عدم وجود مشاكل واكد على ان السيارة حق كد كما يقولون

[lanos2]

هيونداى فى السعودية ضمانها 3 سنوات او 60 الف كيلومتر ايهما اقرب و اسعارها لموديلات 2008 جيتز 34 الف ريال اكسنت 37 الف ريال النترا 44 الف ريال ماتركس 40 الف ريال و ذلك للمانيوال اقل مواصفات و للعلم لقد رايت بنفسى فى التوكيل سيارات تعدت 250 الف كيلو متر و كانت اكسنت 2005 و النترا 2005 تقوم بعمل صيانة و تكلمت مع اصحابها و كانت السيارات بدون شكوى مطلقا و ركبت النترا 2006 تاكسى وكانت تعدت 150 الف وايضا اكد السائق على عدم وجود مشاكل واكد على ان السيارة حق كد كما يقولون

عندك حق و لكن فى شىء حضرتك نسيته ان السيارات التى تنزل الى دول الخليج لها معاير معينة و افضل حالا و مواصفات من التى تنزل مصر و خاصة التى يستوردها غبور لنا و فى الخليج كما شاهدت بنفسى يتم تسليمها كما انزلت تماما و لا يتم العبث فيها كما يحدث هنا من تغير الكاسيت و تركيب اجهزة انذار مضروبة من تحت بيير السلم فى الصين و العبث فى ضفيرة السيارات الاصلية من قبل شوية صنيعية تعبانين هذا بجانب السيارات التى يتم تجميعها فى غبور نفسه و ما ادراك ما تجميع غبور و هناك فرق واضح و شاسع بين السيارات التى رأيتها انا بنفسى فى دول الخليج و بين التى نراها هنا

للاسف التوكيلات هنا و على رأسهم غبور بيلعبوا فى مواصفات السيارة التى تنزل مصر بشكل بشع جدا لاستخراج اكبر قدر ممكن من المكاسب منها على حساب كفائتها و على حساب راحة مشترى السيارة بعد ذلك و اضرب لك مثل بسيط و هو ارتفاع نسبة التصنيع المحلى فى السيارة الفيرنا و منها الطاسات التى سمعنا انها بتسيح من سخونة الجنوط هذا غير ان فى ناس هنا اشتكت من دفعة ماتريكس استوردها غبور من قبل دون التندة الخلفية التى تغطى الشنطة طبعا منتهى الاستهبال سرق التندة الخلفية حتى يوفر ثمنها فى جيبه او ممكن يكون اخذها من السيارة علشان يبيعها بعد كدة لوحدها و هذا وارد و قد وجدت ناس كثيرة يبحثون عنها و يضطروا الى شراء اى شىء بديل تعبان و غير اصلى و تركيبه فى السيارة بسبب التوكيل النصاب الذى لا يراعى ضميره و لا يراعى الناس الذي يتعامل معهم و انا شخصيا عندما فكرت اشترى الفيرنا كنت اتمنى ان اجد منها خليجى بدلا من المصرى لان هينوداى كماركة تعتبر جيدة و لكن خارج مصر و قرأت ايضا ان هناك ناس يبحثون عن الالنترا الخليجى بدلا من الالنترا التى يستوردها غبور و هذا الكلام يعنى ان السيارت التى تتحدث عنها فى السعودية هى بالفعل جيدة و لكن كم قلت هذا الكلام خارج مصر اما فى مصر فقد فقدت الكثير من جودتها بسبب وضع هذه الماركة فى يد توكيل مهمل كل همه استخراج اكبر قدر ممكن من المكاسب فى السيارة بغض النظر عن اى شىء اخر و هذا هو سبب المشاكل التى نقرأها هنا
يا اخى يكفى ان اقول لك ان شاهدت سيارة صينى بها لمبة شيك و فرامل اية بى اس و مخادع و دى فى دى و شوف هنا كام واحد عنده هيونداى بيحلم بهذه الاشياء و بيبحث عن كيفية تركيبهم و كانها اشياء خارقة رغم انها عادية جدا فى السيارات الهيونداى الموجودة خارج مصر .

[Nile_Storm]

جربتها و لا لسة ؟

اه جربتها من زمان
سوري اني نسيت ارد
ولا فيها حاجه
لو تحب ابي تعالي المقابله الجايه و جرب

[mohbasyouni]

عندك حق هذا التوكيل السيى اساء كثيرا الى سمعة السيارة و شكرا على هذا الرد المحترم