دليل شامل عن الهيونداي ماتريكس بواسطه اسئله الاعضاء , قصة حب مع المصريين ..متجدد

[momomania22]

شكرا أحمد شكرا باسم على ردكم على سؤالى
وبالنسبه لموضوع الزيوت
التخليقى أحسن من المعدنى
أنا بغير الزيت كل 6 شهور فى مايو (أول الصيف) وفى نوفمبر (أول الشتاء)
تقريبا كل 7500 كم
يوجد الأن shell helix ultra active cleaining

25 لتر ب 35 جنيه كلما التنك يبقى على الربع يعنى لا فاضى أوى ولا مليان على الأخر

طيب بعد اذنك هو مش 6 شهور كتيييير
والزيت بينزل شكله ايه
ودمت بخير

[mhalawa]

ماتريكس 2008 الصوت مش حلو

جبت ماتريكس 2008 الصوت مش حلو مكتوم مفيهوش تريبلات ....تنصحونى أعمل أية ؟؟ و مش عاوز أغير السي دى لأنة ماشى مع التابلوة جدا بكامل المساحة.... هل دى مشكلة سماعات أو تربلات ؟ ومنين علشان الضمان ؟؟؟؟ علي الرغم من دقة ضبطى للسي دي.....

[liquidator]

حد لاحظ لما بيبقى ماشى على طريق بسرعة وبعدين يقف ويبص على rbm
تقريبا بيبقى اقل من الواحد تقريبا بيبقى 0.7 ولما الواحد يمشى فى حتة زحمة بيعلى الى 0.9
هل دة الطبيعى

أخي الكريم باسم أنا عارف انك أكيد عارف اجابة الاستفسار ده لكن سألت السؤال ده للمصلحه العامه .. صح ؟ بس أنا هجاوب برده ...
المفروض ان ال RPM علي السلانسيه في الظروف الطبيعيه 750 و أحيانا بيعلي ل 900 و كمان ل 950 للأسباب الأتيه :
1- ارتفاع درجة الحراره بيخلي ال rpm يعلي لان ببساطه لما الهوا يكون سخن مش بيبقي فيه أكسجين كفايه لعملية الحرق فالكنترول يونيت بتاعة العربيه بتحس بكمية الأكسجين اللي في الهوا عن طريق حساس ال MAP و حساس ال O2 و بعدين تعلي ال RPM بتاع العربيه عشان تعوض نقص الأكسجين فلما تيجي تطلع من الثيات العربيه ما تطفيش منك أو تسقف . عشان كده انت لما بتجري و بعدين تقف بتلاقي الRPM اتعدل لان الهوا بقي بارد مش زي الهوا السخن اللي كان في الزحمه
2- تشغيل أكتر من جهاز كهربي فيب وقت واحد يعني مثلا تشغيل الكاسيت و النور العالي و يا سلام كمان لو كانت مراوح التبريد شغاله , بتضطر الكنترول يونيت برده تعلي ال rpm عشان تعوض نقص التيار من البطاريه عن طريق الدينامو و تحافظ علي استقرار معدل شحن البطاريه و تخلي كل الأجهزه تشتغل بكفاءه ...
3- طبعا التكييف لما بشغله الكنترول يونيت بترفع من RPM عشان تديك بدايه مستقره من الثبات من غير ما العربيه تسقف أو تطفي .

و لو اجتمعت كل الأسباب دي مع بعض مكن ال RPM علي السلانسيه يعلي لل 1000 و دا حصل معايا ... فالموضوع ده طبيعي جدا و الغير طبيعي انه يحصل غير كده ...
تحياتي لك .

[liquidator]

يا جماعه طيب انا عندى استفسار انا بعد ما مشيت بالعربيه و عملت صيانة الالف جيتوا انتوا هنا فى المنتدى و قولتوا ان المفروض ان التليين بتاعها 2000 كم ف انا دلوقتى بعد ما عديت الالف بقيت بشغل التكييف و ساعات بضطر اقرص على الماتور فى مواقف معينه فهل كده الماتور عمره الافتراضى هيقصر ولا ايه و بعدين انا ما قرصتش عليه جامد اوى غير مرتين و لاحاجه دول اللى هما يعتبر انا عملت فيهم كيك داون على حق بمعنى ان روحت ضاغط على دواسة البنزين مره واحده لآخره فجأه اما الباقى بيبقى قرصى على الماتور انى بزود دوستى تدريجيا مش مره واحد بس اللى انا استغربته انهارده انى زودت دوستى تدريجى علشان اعدى من اتوبيس كان هيموتنى ف rpm وصل ل 5 فهل ده عادى و لا كده غلط بس كان تدريجيا مش مره واحده و لا هل العربيات ديه معموله علشان rpm فيها اخره يوصل 3 و ينقل و بعد كده غلط على الماتور معلش انا صدعتكوا معايا بس متتصوروش انا بحب عربيتى قد ايه و بخاف عليه قد ايه ف محبش انى اعمل حاجه تبوظها



و بالنسبه للملحوظه بتاعة استاذ بسام بخصوص ال rpm فهى صح انا لاحظتها كتير عندى

أخي الكريم ماتبقاش موسوس أوي كده .. انت عارف ان الكتالوج دايما بيدي نسبة سماحيه كبيره انطلاقا من مبدأ مش هانسمحلك تفكر تقرب من الغلط .. يعني مثلا الطريق اللي أقصي سرعه فيه 100 بيبقي مصمم في الأصل عل 120 ... انت فاهمني ؟ فا ماتقلقش و مفيش حاجه حصلت و عربيتك زي الفل و مافيش فعلا مايدعو للقلق , أنا كنت فاكر ان التليين ألف بس زيك كده و كمان أنا كنت أحين بخل بنظم التلين في أول ألف عن غير قصد طبعا بس أديك شايف الحد لله عامل 72000 كيلو الموتور زي الفل و لسه الشكمان بينقطيه و الزيت مش بينقص خالص طول ال 10000 كيلو .
بالنسبه لحدودك علي ال rpm في الاستخدام العادي هو الأحمر من 6.5 بس اسمع نصيحتي لو عايز الموتور بتاعك يعيش و يعمر ماتحاولش تزود عن 5.8 بالضبط ...
تحياتي لك .

[theking2690]

احمد باشا الف شكر ليك طبعا و معلش بتعبك معايا كتير

[liquidator]

ولا يهمك يا مصطفي باشا أنا مش تعبان في حاجه أنا قاعد أهو و مسترخي و مفيش أي تعب !!!! ربنا يديم الحب و الود في المنتدي ده و يبعد عنه الكراهيه و العداوه , أمين
تحياتي لك

[liquidator]

بعد اذن الاداره ممكن تثبتوا الموضوع للمصلحه العامه ؟؟؟؟

[bishoo33]

طيب بعد اذنك هو مش 6 شهور كتيييير
والزيت بينزل شكله ايه
ودمت بخير

الزيت وهو جديد بيكون لونه زى لون عسل النحل الفاتح ولزوجته خفيفه وبعد 6 شهور بيميل للون البنى ولكن تغير اللون دليل على عمل الزيت بكفاءه وايضا كفاءة دورة التزييت


Does the colour of the oil mean anything?

The colour of an oil has no special meaning, but depends on a number of factors, such as the refining process and the types of base oils, additives and crude oil used. Oil may turn a darker colour after use because it contains a number of suspension particles – the reason for this is that oil cleans the engine of particles and other deposits produced by the high temperature combustion, keeping the particles in suspension to avoid depositing them on the engine’s surface.
هذا التعليق منقول من موقع SHELL
وعن نفسى انا وكما رأيت
انا بستعمل السيارة بحرص ولا أمشى بها كثيرا حوالى 1100 كيلو شهريا من غيرحرت ولا قرص يعنى حنين عليها والأهم من المده هو تغير الفلتر لأنه هو اللى بيجمع المكونات الصلبه والشوائب اللى عالقة بالزيت

[bishoo33]

الأخ أحمد
بالمصادفة البحته لقد جوبت على سؤال كان فى بالى وده ان دل على شىء دل على انك بالفعل فهمت السيارة وانتقلت من ممارس عام الى استشارى على رأى الأخوة الأطباء
70000كيلو مع الماتريكس غير 7000 مع الماتريكس وعقبال 700000

تشغيل أكتر من جهاز كهربي في وقت واحد يعني مثلا تشغيل الكاسيت و النور العالي و يا سلام كمان لو كانت مراوح التبريد شغاله , بتضطر الكنترول يونيت برده تعلي ال rpm عشان تعوض نقص التيار من البطاريه عن طريق الدينامو و تحافظ علي استقرار معدل شحن البطاريه و تخلي كل الأجهزه تشتغل بكفاءه ...

بالفعل لاحظت ذلك فعند رفع الزجاج والسيارة متوقفه على السلانسيه يلاحظ ارتفاع الRPM قليلا او بمعنى أخر تغيير بسيط فى صوت المحرك

[liquidator]

الأخ أحمد
بالمصادفة البحته لقد جوبت على سؤال كان فى بالى وده ان دل على شىء دل على انك بالفعل فهمت السيارة وانتقلت من ممارس عام الى استشارى على رأى الأخوة الأطباء
70000كيلو مع الماتريكس غير 7000 مع الماتريكس وعقبال 700000

تشغيل أكتر من جهاز كهربي في وقت واحد يعني مثلا تشغيل الكاسيت و النور العالي و يا سلام كمان لو كانت مراوح التبريد شغاله , بتضطر الكنترول يونيت برده تعلي ال rpm عشان تعوض نقص التيار من البطاريه عن طريق الدينامو و تحافظ علي استقرار معدل شحن البطاريه و تخلي كل الأجهزه تشتغل بكفاءه ...

بالفعل لاحظت ذلك فعند رفع الزجاج والسيارة متوقفه على السلانسيه يلاحظ ارتفاع الRPM قليلا او بمعنى أخر تغيير بسيط فى صوت المحرك

ربنا يخليك ولا استشاري ولا حاجه ... ممكن تقول يادوبك أخصائي !!!
المسأله مسألة وقت و بعد كده ان شاء الله كلنا هانبقي خبراء ماتريكس ...
تحياتي لك .

[Nile_Storm]

وده هدف الموضوع تبادل الخبرات

لدرجه اني بقيت ممكن اتكلم عن الماتركس بعد ماكنت جاههل بيها تماما :)

[bishoo33]

يا ملاك الماتريكس
انا بحب عربيتى جدا مش عارف هل كل الناس كده ولا أنا بس ولا الماتريكس فيها شىء خفى يجعلها تتحب
وساعات أسأل نفسى لورجع بيا الزمن كنت حشترى ايه وافترض انى لا أملك سيارة وأعيد يارات الشراء استقر فى الأخر على الماتريكس

الكل يدعى ربنا يخليها لنا ويبارك فيها ويبعد عنها العيون ويرحمنا من سواقين الأستاذ خالد سبعاوى

[liquidator]

يا ملاك الماتريكس
انا بحب عربيتى جدا مش عارف هل كل الناس كده ولا أنا بس ولا الماتريكس فيها شىء خفى يجعلها تتحب
وساعات أسأل نفسى لورجع بيا الزمن كنت حشترى ايه وافترض انى لا أملك سيارة وأعيد يارات الشراء استقر فى الأخر على الماتريكس

الكل يدعى ربنا يخليها لنا ويبارك فيها ويبعد عنها العيون ويرحمنا من سواقين الأستاذ خالد سبعاوى

أمين يا أخي .. بس ماعتقدش انك بتحبها أدي .. لأني بعشقها و العشق أعلي درجات الحب !!
أنا كنت لما أوديها الهياكل يتعمل فيها شغل و بعدين لما أجي أستلمها بتكون وحشاني أوي لدرجة اني أحيانا بأبوس الدريكسيون و أقول لها ( الله لا يحرمني اياكي ) !!! هبل و عبط , صح ؟ !! و ايه يعني أنا بعشق عربيتي بالهبل تقولوا عليا بقي أهبل عبيط والله مش هابطل أعشقها برده !!!

[mhalawa]

ربنا يخليها لنا ويبارك فيها ويبعد عنها العيون ويرحمنا من السواقين الغشم

[bassam nagy]

بجد انا كل يوم باقول عليك استاذ فى العربية دى ياحمد ماشاء الله وربنا يباركللك فيها ويبارك للناس كلها فى عربياتها ويزيدها كمان وكمان
بالنسبة لموضوع rbm انا كنت عارف حاجة واحدة بس ان بسبب تشغيل الانوار والكاسيت ومروحة الموتور بيخلى الموتور يعلى عشان الدينمو يشحن اكتر
بانسبة لما الواحد بيرفع الزجاج تحس بصوت الموتور سنة بسيطة لانوا بياخذ من الكهرباء فا الموتور بيعلى لشحن