إعـــــــلان

Collapse

.

,
See more
See less

دليل شامل عن الهيونداي ماتريكس بواسطه اسئله الاعضاء , قصة حب مع المصريين ..متجدد

Collapse
This topic is closed.
X
X
 
  • Filter
  • الوقت
  • Show
Clear All
new posts

  • #76
    المشاركة الأصلية كتبت بواسطة bassam nagy مشاهدة المشاركة
    انت فين ياحمد
    حمد الله على سلامتك
    الله يسلمك و شكرا لاهتمامكى يا بسام باشا
    هو ليه المشرفين مش عايزين يثبتوا الموضوع ؟
    يا ريت يا ساده يا مشرفين من فضلكم تثبتوا الموضوع نظرا لاهميته بالنسبه للأعضاء مالكي الماتريكس , أتمني أن تقوموا بتثبيته كما تفضلتم بتثبيت موضوع الفيرنا , و شكرا لتعبكم .

    Comment


    • #77
      أنا للأسف ماكنتش أعرف ان من قوانين المنتدي ممنوع المطالبه بالتثبيت و ما كنتش والله قريت القوانين لسه , أنا باعتذر للساده المشرفين و أتمني من الله يوفقهم لما فيه صالح أعضاء المنتدي , شكرا جزيلا لكم .

      Comment


      • #78
        السلام عليكم

        الحمد لله يا جماعه استلمت الماتركس النهاردة اوتوماتيك فول اوبشنز

        والحمد لله شغاله زي الفل حاجة مفيش احسن من كده ومساعده معايا والباور شديد

        --------
        يا ريت يعني شوية نصايح كده اعملها في الفترة دية يعني من اصحاب الخبرة
        الي معاهم الأسطورة دية

        وشكرا ليكم

        Comment


        • #79
          المشاركة الأصلية كتبت بواسطة kazoo مشاهدة المشاركة
          السلام عليكم

          الحمد لله يا جماعه استلمت الماتركس النهاردة اوتوماتيك فول اوبشنز

          والحمد لله شغاله زي الفل حاجة مفيش احسن من كده ومساعده معايا والباور شديد

          --------
          يا ريت يعني شوية نصايح كده اعملها في الفترة دية يعني من اصحاب الخبرة
          الي معاهم الأسطورة دية

          وشكرا ليكم
          سعادة الباشا ألف مبروك و يا رب ربنا يملهالك بركه و يكفيك شرها و يديك خيرها , الماتريكس عربيه جميله و علي أد ما هتحافظ عليها هاتديك أداء و عمر لا تتخيله , اذا واجهت أي مشكله أو لديك أي استفسار يا ريت بس تسأل هنا و ألف مين هايجاوبك ماتقلقش ,
          تحياتي لك .

          Comment


          • #80
            أرجو المساعدة .... أستلمت ماتريكس 2008 . طلعت الينها مشوار الساحل الشمالى . وجدت مشكلتين :
            1 - بتحدف يمين دايما
            2- رعشة خفيفة عند ال 80
            قالولى فى التوكيل دى زوايا و ترصيص و بعد أنتظار 7 ساعات قالو ان جهاز الترصيص عطلان و بردة لسة بتحدف يمين بس قلت شوية . هل من العادى ان سيارة زيرو تبقى كدة .. يا ريت تطمنونى من لة خبرة بالسيارة و أعمل أية و فين ؟ و هل هذا زوايا و ترصيص فعلا ولا محتمل يكون عيب جوهرى اخر ؟

            Comment


            • #81
              المشاركة الأصلية كتبت بواسطة kazoo مشاهدة المشاركة
              السلام عليكم

              الحمد لله يا جماعه استلمت الماتركس النهاردة اوتوماتيك فول اوبشنز

              والحمد لله شغاله زي الفل حاجة مفيش احسن من كده ومساعده معايا والباور شديد

              --------
              يا ريت يعني شوية نصايح كده اعملها في الفترة دية يعني من اصحاب الخبرة
              الي معاهم الأسطورة دية

              وشكرا ليكم
              الف الف مبروك وربنا يباركللك فيها ويديك خيرها ويكفيك شرها
              اهم حاجة ماتزودش عن 90 طول فترة التليين وحاول ماتشغلش التكييف

              Comment


              • #82
                المشاركة الأصلية كتبت بواسطة mhalawa مشاهدة المشاركة
                أرجو المساعدة .... أستلمت ماتريكس 2008 . طلعت الينها مشوار الساحل الشمالى . وجدت مشكلتين :
                1 - بتحدف يمين دايما
                2- رعشة خفيفة عند ال 80
                قالولى فى التوكيل دى زوايا و ترصيص و بعد أنتظار 7 ساعات قالو ان جهاز الترصيص عطلان و بردة لسة بتحدف يمين بس قلت شوية . هل من العادى ان سيارة زيرو تبقى كدة .. يا ريت تطمنونى من لة خبرة بالسيارة و أعمل أية و فين ؟ و هل هذا زوايا و ترصيص فعلا ولا محتمل يكون عيب جوهرى اخر ؟
                الف الف مبروك ربنا يباركللك فيها ويديك خيرها ويكفيك شرها
                لاتقلق المشكلة بسيطة وبتحصل فى ماركات كتير وهى بمجرد ماهظبط الزوايا والترصيص هاتبقى زى الفل

                Comment


                • #83
                  انا عندى الدفندرات الى ركبتها بتحك فى المطب من المساكات الى ماسكة الاكصدام الى قدام وبتحك فى المساكات الى ماسكة العتب فى المطبات فهل دة غلط على العربية ولا عادى افدونى يا اهل الماتريكس

                  Comment


                  • #84
                    المشاركة الأصلية كتبت بواسطة osamaelbaz مشاهدة المشاركة
                    انا عندى الدفندرات الى ركبتها بتحك فى المطب من المساكات الى ماسكة الاكصدام الى قدام وبتحك فى المساكات الى ماسكة العتب فى المطبات فهل دة غلط على العربية ولا عادى افدونى يا اهل الماتريكس
                    أنا كنت مركبهم و كانوا بيعملوا معايا زي عندك بالضبط لحد ما زهقت منهم و شلتهم خالص .. علي فكره في مهندس في غبور و أنا أعرفه كويس و صاحبي قاللي ماتركبش الديفيندرات عشان بيأثروا علي الشاسيه بشكل مباشر في حالة الحادثه و شرحلي بالتفصيل ايه اللي بيحصل في الشاسيه بالضبط في حالة حدوث حادثه لا قدر الله ورا أو أدام ... باختصار بيأثر علي الشاسيه جامد و بعدين دي ميني فان مش 4*4 عشان أحطلها ديفيندرات ... أنصحك أخي الكريم انك تشيلهم أحسن و حافظ علي عربيتك و أمن عليها أحسن ..
                    تحياتي لك

                    Comment


                    • #85
                      بالظبط و بعدين لاقدر الله الديفندرات دي في حاله لو خبطت واحد لاققدر الله
                      ترفع نسبه الوفاه جدااا

                      Comment


                      • #86
                        الماتريكساية بقالها يومين .... نزلت لقيتها وخدة خبطة تحت الفانوس الأمامى و انبعاج فى الأكصدام تحت الأشارة .... حاولت أوصل لهل لردها ماطولتش .... حاجة تحزن

                        Comment


                        • #87
                          إن شاء الله سهلة لو الاكصدام اتفك هتترد عادى وترجع زى الاول والحمد لله انها جت على قد كدة ومتنساش ان احنا فى مصر يعنى الحجات دى عادى وربنا يديك خيرها ويكفيك شرها

                          Comment


                          • #88
                            الف شكر على اهتمامك يا اسامة باشا.... طب و هل يمكن فك الفانوس بدون فك الاكصدام ؟؟؟ لأنها تحت الفانوس فممكن أعملها أنا

                            Comment


                            • #89
                              المشاركة الأصلية كتبت بواسطة mhalawa مشاهدة المشاركة
                              الماتريكساية بقالها يومين .... نزلت لقيتها وخدة خبطة تحت الفانوس الأمامى و انبعاج فى الأكصدام تحت الأشارة .... حاولت أوصل لهل لردها ماطولتش .... حاجة تحزن
                              قدر الله ومشاء فعل
                              بسيطة الحمدالله
                              فى كتيب العربية مكتوب فية
                              كيفية ظبط الفانوس ممكن حضرتك تقراء الحتة دى وتعرف اماكن مسامير الفانوس وتفكة وتعدلة بنفسك

                              Comment


                              • #90
                                يا رجالتنا

                                هي ال 2008 بتلين وبتدي اعلي كفائه علي كام كيلو؟

                                Comment

                                Working...
                                X