إعـــــــلان

Collapse

.

,
See more
See less

دليل شامل عن الهيونداي ماتريكس بواسطه اسئله الاعضاء , قصة حب مع المصريين ..متجدد

Collapse
This topic is closed.
X
X
 
  • Filter
  • الوقت
  • Show
Clear All
new posts

  • المشاركة الأصلية كتبت بواسطة pharmafrits مشاهدة المشاركة
    قدر الله و ما شاء فعل..اشتريت ماتريكس موديل 2007 عاملة 30000 كم و حالتها الحمد لله تمام..بس فعلا فعلا..يا ريتنى كنت اشتريت زيرو...اكتشفت فيها كذا عيب صاحبها ماقليش عليها...هوه ده المستعمل و بلاويه..بس الحمد لله على كل الأحوال..
    على العموم..فى حاجة مش فاهمها..نور التابلوة اللى ورا الدريكسيون مفروض ينور بالليل مع نور التابلوة اللى فى النص ولا لا؟ يعنى لما باجى أنور التابلوة كلو بينور ما عدا المستطيل اللى ورا الالدركسيون..مع العلم ان جميع الأشارات شغالة و الأنوار الحمرة ( التحذيرات), بس النور نفسه مش بينور..هل ده طبيعى فى موديل 2007 المانيوال؟ ولو ماكانش طبيعى, أعمل ايه؟ و طبعا ممكن تستنتجوا ان صاحب العربية خلاص قفل موبايلو بعد ما باع..( حسبى الله و نعم الوكيل)


    لقيت فيها ايه قولنا لعل اللى هيشترى بعد كدا يستفيد وقولنا اشتريت بكام ومنين؟
    سبحانك اللهم وبحمدك ، أشهد أن لا إله إلا أنت أستغفرك وأتوب إليك [SIZE=5] [/SIZE]

    Comment


    • صح, بص يا سيدى..العربية حلوة و زى الفل..بس أول حاجة الراجل كان بيقول العربية دى بتاعتى..بعد كده ( بعد ما دفعت الفلوس و سجلت) اكتشفت ان هو تانى واحد..و كمان لسسه شاريها من فترة قليلة..لقيت الاريال مسروق, الانذار مش شغال, نسخة مفتاح الريموت بتاعها بايظ, و اكتشفت وانا بنضف العربية ان فى شظايا ازاز جنب الباب الورانى, و اكتشفت ان الازاز بتاعها نوعه متغير, بالاضافة انه معملش الصيانة بتاعت 30 ألف و طبعا أنا اللى هتدبس فيها ( العربية عملة 31000), يعنى كلها أخطاء بسيطة بس تنم عن سذاجة المشترى..يعنى كان لازم اخد بالى منها قبل الدفع, ( بس انا اكتفيت بالفحص الفنى فى البنزينة, و كان معايا واحد بتاع دوكو..) يعنى..أنصح أى حد هيشترى مستعمل انه يدقق فى الحاجات الصغيرة دى علشان بتبقى رخمة قوى لما الواحد بيكتشفها, على العموم انا اشتريتها على 72000 , بس الحمد لله بردو, ماشية تمام وحالتها كويسة جدا ( لحد دلوقتى), اتعشم ان كلامى ده ممكن يفيد أى حد ناوى يشترى مستعمل..( ركز على مين صاحب العربية ( اول يد ولا؟ ) وعلى ادق التفاصيل. و متشكر جدا على كل نصايحكم..

      Comment


      • اه بالمناسبة..انا قصدى الازاز الورانى من ناحية واحدة بس هوه اللى متغير عن بقيت ازاز العربية

        Comment


        • عمتا الف مبروك
          والحمد الله انها حاجات بسيطة اعمل صيانة 30000 الف غير الفلاتر والبوجيهات واطلب ظبط العربية بالكمبيوتر هى لسة فى الضمان صلح الانذار واى مشاكل قولهم عليها بس اعمل حسابك انك لو روحت التوكيل هاتقعد يوم كامل من 8 الصبح لحد 7 او 6 باليل

          Comment


          • أصدقائي الأعزاء
            للأسف عندي ال2 ريموت تقريبا باظو بنفس العيب
            الزر الخاص بفتخ السيارة سقط من مكانه ومن الصعب تثبيته مرة أخري
            الريموت ليس له قطع غيار وهو نفس ريموت الألنترا
            ما العمل
            أغير الأنذار كله بواحد جديد
            ولو عملت كده ما هو أحسن نوع بيستحمل
            أخوكم فى الله محمد مبروك

            Comment


            • ازيك ياستاذ محمد مختفى انت شوية
              احسن ركب واحد جديد هايبقى احسن مليون مرة من الية راكب واحسن ماركة متجربة وكويسة الولف

              Comment


              • السلام عليكم اخوتى الماتركسويه دى اول مشاركه ليا معاكم .انا اشتريت ماتريكس 2006 عامله 23000 كيلو و الحمد لله حالتها كويسه جدا .المهم انا عاوز اعمل شوية صيانه فى العربيه اولا عاوز اغير الكاوتش لان الكاوتش شقق و ماعدش كويس على فكره العربيه عامله دلوقتى 31000 كيلو يعنى انا عملت بيها 8000 كيلو فى شهريين .المهم رحت توكيل بريدجستون قالى التايلاندى عامل 390 جنيهو اليابانى سوبر سيلنت عامل 490 جنيه و الاتنينم عاهم ضمان 4 سنيين.انتو ايه رايكم هل اليابانى يستاهل الفرق برضه فيه ميشلان بس من غير ضمان ب 500 جنيه.....حاجه تانيه انا عاوز اركب سماعات بيضاويه قالولى فى حاجه اسمها كوبسته بتركب فى الشنطه بيركب عليها السماعات الاقيها فيين و بكام و لكم جزيل الشكر

                Comment


                • المشاركة الأصلية كتبت بواسطة bassam nagy مشاهدة المشاركة
                  عمتا الف مبروك
                  والحمد الله انها حاجات بسيطة اعمل صيانة 30000 الف غير الفلاتر والبوجيهات واطلب ظبط العربية بالكمبيوتر هى لسة فى الضمان صلح الانذار واى مشاكل قولهم عليها بس اعمل حسابك انك لو روحت التوكيل هاتقعد يوم كامل من 8 الصبح لحد 7 او 6 باليل
                  الله يباريك فيك و يخليك لينا..مش عارف أشكرك ازاى على مساعدتك المستمرة...
                  طيب اروح أى توكيل؟ اخر فاتورة صيانة كانت عند ال 20000 فى ابو رواش باسم ال المشترى الاول للسيارة ( يعنى مش بالاسم ولا النمرة الموجودة على رخصة العربية دلوقتى), لو أنا عايز أعمل الصيانة..لازم اروح ابو رواش ؟ و لا ممكن اروح اى مركز صيانة تانى؟ او أى وكيل معتمد قريب؟ ( انا ساكن فى مدينة نصر), وهل لو رحت لأى مركز صيانة معتمد..الضمان هيفضل سارى؟ و هل هما عارفين بحكاية ضبط الكومبيوتر و البوجيهات دى فى التوكيل؟ ولا لازم اقولهم عليه؟
                  معلش يا استاذ باسم أنا عارف انى بازعجك باسئلتى المتكررة بس دى اول عربية جديدة معايا بعد الريجاتا :) فامعنديش خبرة كويسة بالموضواضيع دى..و متشكر مقدما و سلامى للجميع

                  Comment


                  • لا عادى ممكن تروح مركز صيانة معتمد وهايعملو الصيانة زى التوكيل وبرضوا راجع معاهم اية الية هايتعمل فى العربية اى مركز صيانة معتمد عادى مالوش تاثير على الضمان
                    بس ممكن يقولو الانذار تصلحة فى ابو رواش هايعملوا الصيانة العادية والحاجات الية محتاجة اصلاحها ممكن يقولو خليك مع التوكيل

                    Comment


                    • المشاركة الأصلية كتبت بواسطة medico2050 مشاهدة المشاركة
                      السلام عليكم اخوتى الماتركسويه دى اول مشاركه ليا معاكم .انا اشتريت ماتريكس 2006 عامله 23000 كيلو و الحمد لله حالتها كويسه جدا .المهم انا عاوز اعمل شوية صيانه فى العربيه اولا عاوز اغير الكاوتش لان الكاوتش شقق و ماعدش كويس على فكره العربيه عامله دلوقتى 31000 كيلو يعنى انا عملت بيها 8000 كيلو فى شهريين .المهم رحت توكيل بريدجستون قالى التايلاندى عامل 390 جنيهو اليابانى سوبر سيلنت عامل 490 جنيه و الاتنينم عاهم ضمان 4 سنيين.انتو ايه رايكم هل اليابانى يستاهل الفرق برضه فيه ميشلان بس من غير ضمان ب 500 جنيه.....حاجه تانيه انا عاوز اركب سماعات بيضاويه قالولى فى حاجه اسمها كوبسته بتركب فى الشنطه بيركب عليها السماعات الاقيها فيين و بكام و لكم جزيل الشكر
                      الف مبروك العربية وربنا يباركللك فيها
                      البريد جستون اليابانى هايبقى زى الفل ويستاهل الفرق
                      بالنسبة للسماعات شوفت واحد مركب سماعات بيضاوى بس اول مرة اسمع عن الكويستة بس هاتلاقيها عند الية بيركبوا محلات الكاسيتات الكبيرة

                      Comment


                      • شكرا يا اخ بسام على اهتمامك على فكره هو رف شنطه بس لازم ييجى من التوكيل لانى كلمتهم النهارده و هما بيدهولى ببلاش لو انا ملتزم بالصيانه فى مواعيدها بس طبعا انا مش اول مالك للسياره و هو ماكنش ملتزم بالصيانه يعنى انا بره الضمان اما كلمة كوبسته ففى واحد من بتوع الكاسيت هو اللى قالى الاسم ده بس فى التوكيل قالولى ده اسمه رف شنطه

                        Comment


                        • فى الاغلب بتوع الكاسيت هايعملوا الرف خشب لان بتاع العربية مايتحملش يتخرم لسماعات كبيرة

                          Comment


                          • عاوز أركب جهاز إنذار بريموت للماتريكس و يعمل مع وحدات الرفع للزجاج
                            كنت عاوز ترشحولي نوع كويس و ياريت السعر ( من 200 : 400 جنيه ) تقريباً

                            Comment


                            • هو الموضوع مش بيظهر في الصفحة الأولى ليه ؟

                              Comment


                              • المشاركة الأصلية كتبت بواسطة mr57444 مشاهدة المشاركة
                                عاوز أركب جهاز إنذار بريموت للماتريكس و يعمل مع وحدات الرفع للزجاج
                                كنت عاوز ترشحولي نوع كويس و ياريت السعر ( من 200 : 400 جنيه ) تقريباً
                                النوع الية شغال كويس الولف
                                وحدات الرفع اعتقد كلوا زى بعضوا

                                Comment

                                Working...
                                X