This topic is closed.
X
X
-
أخى العزيز dodocaiالمشاركة الأصلية كتبت بواسطة dodocai مشاهدة المشاركةأستاذ/ هشام الموقر
أشكر لك ردك واهتمامك البالغ وهذا إن دل على شىء انما يدل على ذوقك البالغ:
والحمدلله انه ربنا سترها معاك ، ورب ضرة نافعة ، أعتقد انك لو ذهبت فى يوم أخر كنت سترى الزحام على أصوله وأعتقد أن أحد الأسباب الرئيسية لسوء خدمة غبور هو الزحام ، موضوع الدريكسيون حصل معى فالآن الدريكسيون غير مظبوط تماما بحيث أن السيارة لكى تكون فى وضع استقامة العجل قد يحدث أن علامة هيونداى تنحرف بشدة جهة اليمين أو اليسار ، مع العلم أن هذه الحدفة لم تختفى بل أصبح هناك حدفة أخرى جهة اليسار ولكن هذا الحدف لا يتم الا بترك المقود ، وبما أنى فى الخارج لن أستطيع الذهاب لحل هذه المشكلة ، ما وددت أن أطمئن عليه هو أنهم لديهم الامكانية لحل هذه المشكلة ، وبالسؤال عن العيب أفاد أحد الأخوة أنه عيب فى الكاوتش.
أما بالنسبة للسخونة أسفل التابلوه أرجو منك ملاحظة الأمر أثناء سيرك بالسيارة.
وتقبل تحياتى
اشكرك على كلامك الجميل لى و انا و الله العظيم سعيد جدا بمشاركاتى معكم فى هذا الموضوع المفيد
فواجب علينا جميعا أن نفيد و نستفيد و ان نتبادل خبراتنا لتعم المنفعه بإذن الله
بالنسبه للسؤال اللى انا مجاوبتش عليه المرة اللى فاتت :
1- هل أسفل تابلوه السيارة مفتوح لدرجة انك ممكن تشوف الأسلاك تحت التابلوه ؟
انا بصيت تحت التابلوه فلقيت قدامى سلكتين مدلدلين كده !!
و قدام كرسى المدام لقيت ضفيرتين حلوين كده برده لكن و الحمد لله ماحستش ان فى فتحات ممكن يدخل منها هوا سخن
اما بالنسبه لغبور ابو رواش ففعلا زى ما حضرتك قلت : رب ضرة نافعة
لاننى فعلا لما رحت يوم الشبورة الجامده دى ماكنش فى زحمة لغايه الساعه 1200 بعد كده الدنيا إتزحمت جامد قوى لدرجه إن كل الكراسى اتملت و بعينى دول شفت زى ما يكون عيله بالكامل { اب و ام و اولاد } جايين يتفرجوا على عربيتهم و هى بتتظبط كأنهم فى رحله !!![O Stupid[1]](https://www.nilemotors.net/Nile/core/images/smilies/O_stupid[1].gif)
يمكن يكون ده عشان عنوانه ما يتوهش و كل الناس بتستسهل انها تروحه
و يمكن عشان كده انا سمعت من واحد جارى كان عنده ماتركس موديل 2006 إن فرع غبور قليوب احسن من ابورواش , ربنا يسهل و اروح اشوف بنفسى
ده طبعا بعد ماعمل صيانه أول 1000 كيلو بإذن الله تعالى
اهلا و سهلا يا أخ kareemmanالمشاركة الأصلية كتبت بواسطة kareemman مشاهدة المشاركةيا جماعة انا عايز اعرف ايه مشاكل الماتريكس 2010 التركى المانيوال
احنا كنا خلاص شبة استقرينا عليها بس لما عرفنا انها تركى بدانا نقلق تانى
مش عارفين نعمل ايه
هل نصرف نظر عنها و نبدا ندور تانى ولا ايه النظام
و هل فى فرق كبير بين التركى و الكورى
انا تقريبا زيرو خبرة فى العربيات فمش هعرف احكم عليها كويس لو اشتريتها فعشان كده انا عايز اطمن من اهل الخبرة
و شكرا مقدما
ماقدرش افيدك فى جزئيه هل فى فرق ما بين الكورى و التركى
ده لإنى ماجربتش اسوق ماتركس كورى و لسه شارى الماتركس التركى من عشر ايام بس
لاكنى سمعت من نفس جارى اللى كان عنده ماتركس كورى { وهو على فكرة بيتاجر فى العربيات } ان هيونداى لو كانت تقفيل كورى , تركى , جنوب افريقى بتبقى 100 100 , ده على حد تعبيره
و أكد لى كمان ان تركيا من فترة مش قليلة و هما بيجمعوا العربيات بمستوى عالى و ما فيش حد اشتكى منهم
اما بالنسبه لخبرتى فانا عن نفسى من ساعة ما إستلمتها لليوم إكتشفت ثلاثه مشاكل صغيرة بفضل الله و تم تظبيتهم :
1- نور الكابينة زائد لمبتين القراءه ما كانوش شغالين بسبب فيوز مهزوز
2- بعد ما إستلمت العربية و فولتها وجدت مؤشر البنزين ما بيتحركش من مكانه واللمبه البرتقالى منورة على طول كما لو إنى ماحطيتش بنزين , طلع فى مشكله فى العوامة و غبور ابو رواش غيروها لى ببلاش و الحمد لله
3- كنت حاسس و أنا رايح بحدفة يمين كده و برده ظبتوها لى بفضل الله ببلاش
ومن ساعتها أقدر اقول إن العربيه بسم الله ما شاء الله لا قوة الا بالله كويسة و مفيش اى مشاكل تانيه ظهرت فيها الى الأن
و خلى بالك من نقطة مهمة : انا كان عندى 128 موديل 2008 قبل دى فطبيعى ابقى موهوم حبتين بالفل اوبشن![C Laugh[1]](https://www.nilemotors.net/Nile/core/images/smilies/C_laugh[1].gif)
و على فكرة عمى لسه شاري ماتركس 2010 من اسبوعين برده و زى الفل معاه
لولا انه بيشتكى ان العربيه عنده جهاز الانذار فيها حساس زياده عن اللزوم : يعنى اي عربيه تعدى من قدام عربيته تفضل تصوصوا و ماتوقفش الا لما هوا يوقفها بالريموت !!!!
فقولتله واضح ان عندك مشكله فى احد السينسورز فى الابواب كما لو ان حد فتح العربيه , و نصحته يروح ابو رواش عشان يصلحوا له العيب ده لاحسن البطاريه تفضى منه
و اتمنى من الله سبحانه و تعالى إن المشاكل تبقى صغيره و بسيطة كده و زيها زى اى نوع عربيات تانيه نتيجة للتخزين والشحن و كده
و اسال الله لك التوفيق و الهداية لما فيه الخير
اخوكم هشام[CENTER][B][COLOR=#0000ff]:ask: سبحانك اللهم و بحمدك أشهد أن لا إله أنت أستغفرك و أتوب إليك [/COLOR][/B][/CENTER]
[CENTER][B][COLOR=#0000ff][/COLOR][/B] [/CENTER]
[CENTER][B][COLOR=#0000ff]أخوكم فى الله : أبو حمزة القاهرى[/COLOR][/B][/CENTER]
[CENTER][SIGPIC][/SIGPIC][/CENTER]
Comment
-
[glow1=#00ff51]المشاركة الأصلية كتبت بواسطة COLDMAN مشاهدة المشاركةاطمن تماما انا معايا تركي و كوري والاتنين زي بعض مفيش فرق بينهم في الاداء والاتنين زي الفل و الحمد لله
طيب يا أخى الله يطمنك و جزاك الله خيرا
[/glow1][CENTER][B][COLOR=#0000ff]:ask: سبحانك اللهم و بحمدك أشهد أن لا إله أنت أستغفرك و أتوب إليك [/COLOR][/B][/CENTER]
[CENTER][B][COLOR=#0000ff][/COLOR][/B] [/CENTER]
[CENTER][B][COLOR=#0000ff]أخوكم فى الله : أبو حمزة القاهرى[/COLOR][/B][/CENTER]
[CENTER][SIGPIC][/SIGPIC][/CENTER]
Comment
-
المشاركة الأصلية كتبت بواسطة bassam nagy مشاهدة المشاركةامبارح كانت البطارية جابت اخرها فانزلت اشتريت بطارية
فارتا 55 جافة بى 450 جنية بالعافية وماخدتش القديمة
يا عزيزى بسام : هو بطاريتك القديمه قعدت معاك أد إيه ؟
تقريبا كانت سائلة ؟ مش كده ؟
و لو كانت سائله .... إزاى أعملها صيانه و أحافظ عليها و كده ؟
معلش طلباتى كتير و جزاك الله كل خير
أخوكم هشام[CENTER][B][COLOR=#0000ff]:ask: سبحانك اللهم و بحمدك أشهد أن لا إله أنت أستغفرك و أتوب إليك [/COLOR][/B][/CENTER]
[CENTER][B][COLOR=#0000ff][/COLOR][/B] [/CENTER]
[CENTER][B][COLOR=#0000ff]أخوكم فى الله : أبو حمزة القاهرى[/COLOR][/B][/CENTER]
[CENTER][SIGPIC][/SIGPIC][/CENTER]
Comment
-
ربنا ما يحرمنيش منك يا أخى يا بسام و جزاك الله كل خيرالمشاركة الأصلية كتبت بواسطة bassam nagy مشاهدة المشاركةهاتزعلنى منك لو قولت طلباتى كتيير احنا هنا بنساعد بعض
البطارية القديمة من 1/7/2006
ودة تاريخ شرائى العربية وغيرتها بعد 3سنين وخمس شهور
وهى جافة جاية مع العربية
لو بطارية مياة كل شهرين تكشف على مياتها عند واحد بتاع كاوتش وبطاريات
ودى صورة البطارية![Ta Clap[1]](https://www.nilemotors.net/Nile/core/images/smilies/Ta_clap[1].gif)
.[CENTER][B][COLOR=#0000ff]:ask: سبحانك اللهم و بحمدك أشهد أن لا إله أنت أستغفرك و أتوب إليك [/COLOR][/B][/CENTER]
[CENTER][B][COLOR=#0000ff][/COLOR][/B] [/CENTER]
[CENTER][B][COLOR=#0000ff]أخوكم فى الله : أبو حمزة القاهرى[/COLOR][/B][/CENTER]
[CENTER][SIGPIC][/SIGPIC][/CENTER]
Comment
-
أنا الحمد لله بفضل ارشادات المنتدى الجامد ده اشتريت ماتريكس 2010 أوتوماتيك
والحمد لله العربية زي الفل لكن المشكلة اللي أنا لاحظتها ان عفشتها ناشفة شوية لو قارنتها بالياباني زي الياريس او الكورولا او اللانسر
كان عندي كذا استفسار :
1- الـــــ Over Drive بتبقى شغالة و الاشارة بتاعتها مولعة في التابلوه ولا و الاشارة مطفية في التابلوه ؟؟؟؟؟
2- إستهلاك البنزين عندي رهيب لكني طول الفترة اللي فاتت (أسبوع ) كنت مخلي نور الــ OD مطفي في التابلوه وده اللي خلاني أسأل .... هو المفروض الطبيعي يبقى قد إيه ؟ وازاي أقدر أحسبه؟
3- الفرامل أول ما استلمت العربية كانت ع الشعرة دلوقتي هي كويسة برضه بس حاسس انها بقت أتقل , هل ده طبيعي ؟؟
4- في سخونة بتطلع من تحت التابوه ناحية الدواسات بعد ما أمشي فترة كبيرة على سرعة ثابتة ؟؟!!
5- إيه الحاجات اللي أراجع عليها بصفة دورية ؟؟ وكل قد إيه ؟؟
يا ريت تفيدوني لأني جديييييييييد في موضوع العربيات ده
شكراً جزيلاً
Comment
-
السلام عليكم
بعد اذنكم انا كنت عايز استفسر عن شويه حاجات
اولا هو من المفروض اني اغير علي كام في rpm
ثانيا هل في في الماتريكس الكامله مانيوال over drive لاني دورت عليه بس مالقيتهوش
ثالثا انا حاليا في تاني الف المفروض اني افضل برده علي سرعه 80 ولا امشي عادي
رابعا في زي زرارين جنب فرمل اليد مالهومش اي لازمه مش عارف دول بتوع ايه
Comment
-
الف مبروك ربنا يباركللك فيها ويديك خيرها ويكفيك شرهاالمشاركة الأصلية كتبت بواسطة minaghopreal مشاهدة المشاركةأنا الحمد لله بفضل ارشادات المنتدى الجامد ده اشتريت ماتريكس 2010 أوتوماتيك
والحمد لله العربية زي الفل لكن المشكلة اللي أنا لاحظتها ان عفشتها ناشفة شوية لو قارنتها بالياباني زي الياريس او الكورولا او اللانسر
كان عندي كذا استفسار :
1- الـــــ over drive بتبقى شغالة و الاشارة بتاعتها مولعة في التابلوه ولا و الاشارة مطفية في التابلوه ؟؟؟؟؟
2- إستهلاك البنزين عندي رهيب لكني طول الفترة اللي فاتت (أسبوع ) كنت مخلي نور الــ od مطفي في التابلوه وده اللي خلاني أسأل .... هو المفروض الطبيعي يبقى قد إيه ؟ وازاي أقدر أحسبه؟
3- الفرامل أول ما استلمت العربية كانت ع الشعرة دلوقتي هي كويسة برضه بس حاسس انها بقت أتقل , هل ده طبيعي ؟؟
4- في سخونة بتطلع من تحت التابوه ناحية الدواسات بعد ما أمشي فترة كبيرة على سرعة ثابتة ؟؟!!
5- إيه الحاجات اللي أراجع عليها بصفة دورية ؟؟ وكل قد إيه ؟؟
يا ريت تفيدوني لأني جديييييييييد في موضوع العربيات ده
شكراً جزيلاً
بالنسبة للعفشة هاتخف شوية بشوية بعد اول 5000 كيلو
بالنسبة لل اوفر درايف المفروض ماتبقاش منورة فى التابلوة
بالنسبة للاستهلاك هايتعدل بعد فترة التليين
بالنسبة للسخونة من تحت التابلوة تقريبا هاتلاقى اوضاع توزيع التكييف متظبطة على الدواسات وبالنسبة لتعلية درجة حرارة التكييف ( بكرة التكييف الية فوقها خط احمر وخط ازرق خليها على الازرق )عشان ممكن تكون على الاحمر وتكون مشغلة الدفاية على الدواسات
الحاجات الية تراجع عليها على طول
1- ضغط الكاوتش فى الاطارات
2- تراجع الزيوت بتاعت العربية سواء زيت الموتور عن طريق المقياس بتاعة او الباور ومياة الرادياتير عن طريق القربة بتاعتها فوق مروحة الماتور وطبعا كل الزيوت دى او المياة ليها مستوى ماتزيدش عنوا ومستوى تانى ماتقلش عنوا
Comment
-
التغير يستحسن ماتزيدش عن 3 فى rbm ولو عاوز استهلاك كويس جدا يبقى 2.5 rbmالمشاركة الأصلية كتبت بواسطة shadow84 مشاهدة المشاركةبعد اذنكم انا كنت عايز استفسر عن شويه حاجات
اولا هو من المفروض اني اغير علي كام في rpm
ثانيا هل في في الماتريكس الكامله مانيوال over drive لاني دورت عليه بس مالقيتهوش
ثالثا انا حاليا في تاني الف المفروض اني افضل برده علي سرعه 80 ولا امشي عادي
رابعا في زي زرارين جنب فرمل اليد مالهومش اي لازمه مش عارف دول بتوع ايه
اوفر درايف على مااعتقد فى الاتوماتيك بس
التليين على اول 1000 بس امشى عادى
الزراير دى مكان زرارير الزجاج فى بعد موديلات الماتريكس الية بتنزل بزجاج امامى فقط
فى مصر بتنزل كاملة
Comment
-
المشاركة الأصلية كتبت بواسطة bassam nagy مشاهدة المشاركةالف مبروك ربنا يباركللك فيها ويديك خيرها ويكفيك شرها
بالنسبة للعفشة هاتخف شوية بشوية بعد اول 5000 كيلو
بالنسبة لل اوفر درايف المفروض ماتبقاش منورة فى التابلوة
بالنسبة للاستهلاك هايتعدل بعد فترة التليين
بالنسبة للسخونة من تحت التابلوة تقريبا هاتلاقى اوضاع توزيع التكييف متظبطة على الدواسات وبالنسبة لتعلية درجة حرارة التكييف ( بكرة التكييف الية فوقها خط احمر وخط ازرق خليها على الازرق )عشان ممكن تكون على الاحمر وتكون مشغلة الدفاية على الدواسات
الحاجات الية تراجع عليها على طول
1- ضغط الكاوتش فى الاطارات
2- تراجع الزيوت بتاعت العربية سواء زيت الموتور عن طريق المقياس بتاعة او الباور ومياة الرادياتير عن طريق القربة بتاعتها فوق مروحة الماتور وطبعا كل الزيوت دى او المياة ليها مستوى ماتزيدش عنوا ومستوى تانى ماتقلش عنوا
الف شكر على سرعة الرد وانا عارف اني باتقل عليك بالأسئلة
هو المفروض الحاجات اللي حضرتك قلت عليها دي يتراجع عليها في الصيانات ولا كل قد ايه ؟؟؟
بعدين مشكلة الفرامل هل ده مجرد احساس ولا ممكن يكون بسبب نقص في زيت الفرامل مثلاً ولا أروح التوكيل يكشفوا عليه ؟؟؟
شكراً جزيلاً
Comment
-
الزيوت من المفروض انك تعمل تشيك عليها كل يوم والكاوتش تبص علي الضغط بتاعه كل كام يوم وموضوع الفرامل ده اعتقد انه مجرد احساس خاطئ منك من كتر خوفك علي العربيه ف ماتقلقش انت بس اتعامل معاها بشكل كويس هتلاقيها هي كمان مشكلها قليلهالمشاركة الأصلية كتبت بواسطة minaghopreal مشاهدة المشاركةالف شكر على سرعة الرد وانا عارف اني باتقل عليك بالأسئلة
هو المفروض الحاجات اللي حضرتك قلت عليها دي يتراجع عليها في الصيانات ولا كل قد ايه ؟؟؟
بعدين مشكلة الفرامل هل ده مجرد احساس ولا ممكن يكون بسبب نقص في زيت الفرامل مثلاً ولا أروح التوكيل يكشفوا عليه ؟؟؟
شكراً جزيلاً
Comment


Comment