إعـــــــلان

Collapse

.

,
See more
See less

دليل شامل عن الهيونداي ماتريكس بواسطه اسئله الاعضاء , قصة حب مع المصريين ..متجدد

Collapse
This topic is closed.
X
X
 
  • Filter
  • الوقت
  • Show
Clear All
new posts

  • ممكن يكون عشان الماتريكس عشان وزنها تقيل هى المشكله دى بتظهر لما بامسك فرامل مره واحده وبسرعه كبيره نسبيا

    Comment


    • المشاركة الأصلية كتبت بواسطة aboyassin مشاهدة المشاركة
      ممكن يكون عشان الماتريكس عشان وزنها تقيل هى المشكله دى بتظهر لما بامسك فرامل مره واحده وبسرعه كبيره نسبيا
      ممكن يا باشا

      Comment


      • انا كان عندى نفس المشكله ودخت بيها على ظبط الزوايا والكاوتش وغيره لغاية ما رحت لعفشجى ربطلى مسامير الاسكترا راح الصوت تماما لفتره قصيره بس بدا يرجع تانى ومش عارف اعمل ايه

        Comment


        • درجة حرارة الاسفلت بتخلى الكاوتش يصفر طبعا او ممكن تكون
          عاوزة ظبط الزوايا اوضغط الكاوتش يتزود
          الموضوع دة بيبان فى معظم العربيات مش فى الماتريكس بس

          Comment


          • طب يا جماعه الحل ايه ولا الواحد ميحطش فى دماغه ويطنش والموضوع ده تأثيره ايه ولا هو الصوت ده وخلاص

            Comment


            • غالبا التصفير نتيجه السير علي اسفلت متمشاش عليه كتير يعني ناشف وقديم او ان الكاوتش سخن ودرجه حراره الجو عاليه وعادي مش مؤثر
              والصوت ده مختلف عن صوت اي تصفير صادر من الاجزاء الميكانيكيه ولو حتي ضبط الزوايا ده بيختلف عن ده
              وفيه سبب صعب لتصفير الكاوتش هو احتكاك حواف الكاوتش بالارض لما بنلف علي الديق وعلي سرعه عاليه
              وَبَشِّرِ الصَّابِرِينَ الَّذِينَ إِذَا أَصَابَتْهُم مُّصِيبَةٌ قَالُواْ إِنَّا لِلّهِ وَإِنَّـا إِلَيْهِ رَاجِعُونْ

              Comment


              • المشاركة الأصلية كتبت بواسطة HOSSAM99 مشاهدة المشاركة
                غالبا التصفير نتيجه السير علي اسفلت متمشاش عليه كتير يعني ناشف وقديم او ان الكاوتش سخن ودرجه حراره الجو عاليه وعادي مش مؤثر
                والصوت ده مختلف عن صوت اي تصفير صادر من الاجزاء الميكانيكيه ولو حتي ضبط الزوايا ده بيختلف عن ده
                وفيه سبب صعب لتصفير الكاوتش هو احتكاك حواف الكاوتش بالارض لما بنلف علي الديق وعلي سرعه عاليه
                جائز والله ينور عليك

                Comment


                • الاخوة الافاضل المحترمين
                  انا بشغل الفلاشة عن طريق توصيلها بوصلة يو اس بى على الكاسيت لكن الكاسيت بيعطى reading والفلاشة لاتعمل غيرت الوصلة وغيرت الفلاشة نفس المشكلة مع العلم الردايو شغال والسى دى شغال
                  ارجو الافادة من الاخوة الافاضل

                  Comment


                  • ديفندر امامى للبيع

                    انا عندى الديفندر الامامى الاصلى بتاع الماتريكس 2010 اشترتيه روركبته فى العربية يوم واحد وشيلته لان الرخص اتسحبت لو حد عايز يشتريه انا اشترتيه ب 1250 لو حد عاوز يشتريه حعمله خصم كويس
                    موبايلى 0127827009
                    مهندس ابراهيم

                    Comment


                    • السلام عليكم اخوتى الغالين

                      انا معايا عربية ماتريكس 2008 اوتومتيك وعندى مشكة بتحدف يمين شوية وباسمع ساعات وانا ماشى صوت تكتكةزى ما يكون سلك مثلا او كده ي يت تنصحونى بمركزمعتمدفى النصورة ويكون كويس وسبب هذه التكتكه ايه بالضبط

                      وجزاكم الله عنا خير الجزاء

                      Comment


                      • يا جماعه كنت عاوز اعرف تكلفة صيانة ال30.000 للعربية الماتريكس كام لأنى بسألهم دلوقتى فى التوكيل بيقولولى 850 جنيه و هى صيانة عادية مفيهاش اى حاجة بتتغير غير الزيت والفلتر انا شايف ان المبلغ كبير اوى بالنسبة لحاجه زى كده
                        [CENTER][CENTER][img2]http://cdn-img1.imagechef.com/w/110921/sampe24f53992f6e9e21.jpg[/img2] [/CENTER]
                        [/CENTER]

                        Comment


                        • شباب ، أنا معايا ماتريكس أوتوماتيك موديل 2010 بس عندي مشكلة في الصيانة ، توكيل هيونداي مطلعين عيني، لو حد يعرف مركز صيانة معتمد في أكتوبر يكون كويس وبتاع ربنا؟؟

                          كمان لو حد يفيدني، محتاج حد بيظبط زوايا كويس ويرصص عشان عندي العربية بتحدف يمين من ساعة ما جبتها وفي رجة في الدركسيون عند الفرملة؟؟

                          وأخر حاجة ،انا بعاني من سحب العربية ، خاصة لو في مطلع خفيف، العربية ما بتديش خالص، هل دي مشكلة عامة ولا عندي مشكلة في عربيتي مع العلم ان العربية عاملة 18000 كم؟؟؟

                          وشكرا مقدما...

                          Comment


                          • احبائى واصدقائى
                            ملاك المحبوبة التختوخة
                            اليوم انتهيت من صيانة ال 40000 فى توكيل هيونداى اسكندرية فرع السلطان حسين
                            الموديل ماتريكس بترولى 2008
                            العداد 40414
                            العمر 3 سنين وشهر و15 يوم
                            الحالة فابريقة بره وجوه ربنا يخليهالى ويحميها من اى شر
                            تم تغيير الاتى
                            زيت شل الترا وفلتر (طرف العميل) + 1ك زياده من التوكيل لأن الكمية لا تكفى------------------- 57+10%+20=83
                            تيل فرامل أمامى(طرف العميل)------------------------ 250+50 مصنعية تغير التيل+10% على المصنعية=255
                            طقم بوجيهات (طرف العميل)-------------------------- 45
                            فلتر بنزين (طرف الوكيل)-------------------------- 80 +10% =88
                            صيانة الأربعين فحص وتربيط وتشيك -------------- 280 +10%=308
                            التكلفة الأجمالية شاملة 10% خصم (كوسة أحد المهندسين بالداخل) = 700 تقريبا
                            لم أغير كلا من فلتر الهواء ولا زيت ا لجيربوكس أجلتهم لصيانه ال50000 بأذن الله
                            وعلى فكرة أفكر ان اعتزل الصيانه فى التوكيل وأدور على ميكانيكى شاطر يقوم بتلك االصيانة حيث ان سيارتى خرجت من الضمان
                            ولكن ذلك الأمر تحت الدراسة
                            ملحوظه
                            اثناء تجربة السيارة بعد الصيانه بجانب أحد مهندسى الورشة
                            انتهزتها فرصة وسألته على مشكلة تصفير الكاوتش عند بعض الاصدقاء
                            الأجابة : عدم انتظام تأكل ال كاوتش وخصوصا لو لم يتم تدوير الكاوتش كل 10000
                            السؤال : وطب أشمعنا الماتريكس
                            الأجابة : السيارة ثقيلة وعند دوسه الفرامل تزداد ثقلا وتضغط على الجومة العالية وتظهر الصوت
                            السؤال : اهههههههههههههه؟؟؟؟؟؟طب والحل ايه
                            الأجابه : تغيير الكاوتش
                            السؤال : طب ايه رأيك انا عايز أغير لحاجة أحسن قبل ما تظهر مشاكل فى الماتريكس
                            الأجابة : اوعى تغير انت معاك سيارة ذات أعتماديه عاليه وحمالة قسيه
                            السؤال : بس العمر بيكبر ومحتمل حدوث مشاكل وارد
                            الأجابة : على طريقة مشيك وبعون الله لغاية 120000 او بمعنى أخر عمر الأسكاترا حسب قوله لا مشاكل
                            السؤال : وايه اللى دخل الأسكاترا فى ا لموضوع
                            الأجابة : بوش الأسكاترا يبدأ من 120000
                            السؤال : طب وماله تتحشى
                            الأجابه : لأ تتغير بس مشى العربيه مش حيبقى ذى الأول
                            يا خسارة وصلنا للورشه
                            تمت بحمد الله
                            والى لقاء أخر بأذن الله
                            يوجد فى الأسكندرية محل لقطع غيارالهيونداى والكيا أصلى أصلى بأعتماد هيونداى وبأسعار اقل قليلا اسمه أطلس بشارع صلاح الدين
                            أخوكم فى الله محمد مبروك

                            Comment


                            • المشاركة الأصلية كتبت بواسطة hazem982002 مشاهدة المشاركة
                              الاخوة الافاضل المحترمين
                              انا بشغل الفلاشة عن طريق توصيلها بوصلة يو اس بى على الكاسيت لكن الكاسيت بيعطى reading والفلاشة لاتعمل غيرت الوصلة وغيرت الفلاشة نفس المشكلة مع العلم الردايو شغال والسى دى شغال
                              ارجو الافادة من الاخوة الافاضل

                              [caps]
                              غير الكاسيت فى التوكيل مع أقرب صيانة للسيارة ، الموضوع بسيط حصلت معى نفس المشكلة وتم تغيير الكاسيت ثلاث مرات والأخر كان العيب من وصلة الفلاشة نفسها وتم تغييرها ، وكله مجانا فى الضمان.
                              [/caps]
                              يخاطبنى السفيه فأكره أن أكون له مجـــــــــــيب
                              يزيد سفاهة فأزيد حلما كعود زاده الاحراق طيب

                              Comment


                              • مفيش اى معلومات عن موديل 2011 وهيبقى صناعته ايه واسعاره هتكون كام والامكانيات مش هيضيفولها حاجة يا ريت حد يجاوبنى

                                Comment

                                Working...
                                X