دليل شامل عن الهيونداي ماتريكس بواسطه اسئله الاعضاء , قصة حب مع المصريين ..متجدد

[nouranwar]

تقريرك جميل جدا bishoo 33

[mohsenbadr]

تحية طيبة الي كل الاصدقاء فى هذا الركن الجميل و اخص بالذكر الاستاذ بسام ناجى ,
عندى مشكلة فى عربيتى ماتريكس الاوتوماتيك موديل 2006 . باسمع صوت طقطقة لما بالف الدريكسيون فى الملفات , هو موش دايما بيحصل ، المهم موش حاطول عليكم انا سالت و قالوا محتاج تغير الكوبلن , اه نسيت اقول لكم ان السيارة عملة 98000 كيلو, المشكلة ان التوكيل قالى الكوبلن بيجى كامل و تمنه قبل الخصم 2700 طبعا مبلغ كبير قوى ، سالت على تمنه في محل محترم في شرع دمشق اسمه محمد عاصم قالوا تمنه 450 (الراس بس , يعنى موش كامل) بس ايطالى موش اصلى ، انا موش عارف اعمل ايه ، كمان خايف اشتري الايطالى و ماعرفش ميكانيكى كو يس يركبوا ، انا بصراحةقلقان حد يلعب فى العربية برة التوكيل , بس الثمن فى التوكيل حراق قوي

[hishamkenawy]

انا كنت عاوز اعرف زيت الفتيس بيتغير على كام الف عربيتى اتوماتك 2008 وعاملة 36000

[mohm82]

السلام عليكم
الفتحة الى بتتكلم عليها تقريبا دى السماعة بتاعة السرعة لما السيارة بتعدى 120
و الله اعلم طبعا

[KHALEDMX5000]

السلام عليكم
انا معايا ماتريكس 2005 و عندى مشكلة بسيطة و هى ان لامبة التابلوة عند امبير السرعة اتحرقت و روحت للكهربائى و معرفش يفك المكان اللى فى العداد لانة مفيش مسمار
فهل حد عندة الخبرة يقولى ازاى و فين اصلح اللمبة دى
شكرا

[matrixyano]

انا من رايى تروح التوكيل احسن

خصوصا ان الكهربائى معرفشى يعملها

فالتوكيل اضمن واحسن


والله المستعان

[matrixyano]

سؤال لاهل الخبرة ...انا عندى متريكس 2008

وكنت مرة فى مشوار الى وسط البلد

فكنت عايز اعرف زرار o d المفروض يكون منور على طووول فى التابلوة ولا مطفى

وشكرا بجد على المنتدى الجميل دة بتاع المتريكس

[ASHRAF74]

سؤال لاهل الخبرة ...انا عندى متريكس 2008

وكنت مرة فى مشوار الى وسط البلد

فكنت عايز اعرف زرار o d المفروض يكون منور على طووول فى التابلوة ولا مطفى

وشكرا بجد على المنتدى الجميل دة بتاع المتريكس

المفروض يكون مطفاء وحضرتك لو عايز تعمل كيك دوان اضغط عليه فى الفيس

[matrixyano]

مشكور اوى حضرتك على سرعة الرد


وجزاك الله كل خير ....


ممكن سؤال كمان واسف جدا على الاطالة


بيبقا فى كلمة على الرفرف الى ورا من اليمين والشمال كلمة صغيرة كدة ورا كلمة سودا كدة على الجنبين الى ورا

الكلمتين دول ناقصين عندو ..وبعدين اية دووول ولازمتها اية ومكتوب اية


يا ريت حد يجاوبنى عشان الموضوع دة محير جدا

[ashraf122]

السلام عليكم جميعا و اتمنى ان تكونوا بحصة جيدة و خاصة استاذ باسم ، انا بقالى كتير ما دخلتش فى المنتدى و اول مرة اعرف النهاردة ان بقى فية جزء خاص للماتركس

انا كنت عايز اسالكم شوية اسئلة انا عربيتى ماتركس 2008 مانول و عاملة دلوقتى 39200 يعنى بستعد خلال ايام انى اعمل صيانة ال 40000 كيلو
1-هل يتم تغير زيت الفتيس فى صيانة 40000 و هل هذا ضرورى
2-انا غيرت فلتر البنزين فى صيانة 20000 هل لازم اغيرة فى صيانة 40000 ولا مش مشكلة و ممكن استنى شوية (الصراحة خايف من تغيرة لانة فية شغل كتير و خايف حاجة تبوظ على فكرة انا بعمل صياتة دايمنا فى مودرن سيرفس لانى بقف مع العربية وانا مقتنع ان التوكيل اى كلام)
3-اية هو زيت الكرونة ولازم اغيرة
معلش انى طولت عليكم بس اخر سوال انا عمل crossingللكاةتش عند 25000 كم هل اعمل كدة تانى دلوقتى و هل ارجع العجل زى ما كان ولا crossing بيكون مختلف خاصة انى حعمل بالعربية رحلة طويلة كمان شهر

[matrixyano]

بصراحة انا ما اتعاملتش مع التوكيل خالص

فبجد مش هقدر افيدك

[matrixyano]

بصراحة انا متعاملتش مع التوكيل خالص فمش هقدر افيدكك خالص

[hesham90]

مطلوب الدخول بسرعة

ايه ياجماعة من24/12/2010 لحد دلوقتى ولا عضو شارك بأى مشاركة
انا عملت صيانة خارج التوكيل عند ميكانيكى محترم والعربية كان فيها شغل كتير غيرت كبالن ومساعدين وراء لكن فيه مشكلة اول لمبة يمين فى التابلوه واللمبة الاخيرة الشمال واللى قبلها عند السير بها يظلوا مضائين بأستمرار والميكانيكى قالى بالنسبة للمبة الاخيرة اول مرة يشوفها فى عربية وقال ان ممكن السبب العربية مش متعرفة على الكبالن الجديدة وكمان فردة الكاوتش يمين وراء الكمبيوتر بيقول فيها مشكلة *
عربيتى لافيتا 2002 استيراد وخارج التوكيل وعاملة 155000ك
ارجوا التواصل وتقبلوا خالص تحياتى *

[drmaged]

السلام عليكم

ازيكم يا جماعة انا معايا هيونداي ماتركس 2006 من يومين كان بتحصل صفرة كدة كل لما ادوس على الدبرياج وفي صفر رحت لميكيانيكي قالي البلية لازم تتغير وممكن الاسطوانة والديسك كمان يتغيروا بصراحة انا خايف اغيرهم عنده خصوصا انه هيحل الفتيس وشغلانة المهم ايه الافضل اروح التوكيل رغم فارق الاسعار طبعا اللي انتوا عارفينه ولا اتوكل على ا...لله عنده وكمان المساعدين برضه اغيرها عند عفشجي ولا فغي التوكيل ارجو الافادة من اهل الخبرة وبرضه عندي صفرة بتحصل لما اجيب الدركسيون كله يمين لو كله شمال مش عارف من ايه وجزاكم الله خيرا

[hussenfathy]

لمبة ال abs و tcs

العربية بتاعتى lavita 2003 كورى .بعد ما غيرت الكوبلن الشمال اليوم لقيت لمبتين ال abs و tcs منورين على طول .ياريت اهل الخبرة يفيدونى فى السبب وطريقة العلاج ولكم خالص الشكر .