منتدي هيونداي ام منتدي غبور

[ahmedfd]

ولا تزعلو نفسكم
شوف المواضيع دي وانتم تعرفوا ان البلد كلها بتشتم فيه مش المنتدى هنا بس
وعلى راي المثل اللي ميشوفشي من الغربال ......

بس الرابطين دول يا أبو عبدالله مليانين معلومات مغلوطة جداً عن سيارات هيونداي بغض النظر عن غبور، و بالتالي ده يخلينا نشك في المصداقية خصوصا إن شكل الموقعين و أسلوبهم ساذج قوي.
يا راجل دول مفترضين إن في مخطط عالمي من هيونداي الأشرار في كوريا و أشركوا فيه مجموعة من قطاع الطرق بالدول العربية و مال حرام و ضحايا و جرائم و إنقلاب و إنفصال عجل و تسرب بنزين و و و و .... كل ده في موديل إكسيل اللي بقاله 10 و لا 15 سنة شغال و منه تكسيات و منه دوريات شرطة ده بقى أكيد أداة قتل متحركة و خلص على كل أصحابة من زمان ... ده كلام كوميدي جداً بصراحة ميدخلش العقل.، و لا إيه رأي حضرتك؟

و كمان من المغالطات الساذجة موضوع فيرنا و أكسنت... الموضوع ده إتقال قبل كدة كذا مره إن الأكسنت هيا الفيرنا و الإثنين الجيل الجديد للإكسل... و كوريا هيا اللي بتنزلها في أماكن معينة بأسماء معينة لأغراض تسويقية زي ماركات تانية كتير في العالم و الشكل اللي بينتج في مصر هوا الجيل الثاني منها قبل الشكل الجديد.

http://en.wikipedia.org/wiki/Hyundai_Accent

يعني إسم فيرنا ده مش إختراع غبوري ولا حاجة.

و ده رابط لأراء المستهلكين عن الهيونداي فيرنا أو أكسنت الجديدة و شكلهم كدة مبسوطين ... ولا إيه؟

http://www.mouthshut.com/product-reviews/Hyundai_Verna-925068004.html

و شكراً

[SEATLOVER]

إزاى بس يا عمرو دى لازم يكون لها توكيل علشان الضمان يصلح عيوب التقفيل إللى موجودة فيها
يعنى حضرتك أجيب عربية و الاقى فيها عيوب تقفيل و أروح أدفع فلوس بره علشان مش محتاجة توكيل و أى حد بيفهم فيها

دى عربيات هيونادى المتجمعة فى مصر لازم يكون لها توكيل محترم علشان يظبط عيوب التقفيل

دا فيه واحد فى المنتدى غيروا نص موتور يبقى لو مش محتاجة توكيل يروح يدفع تمنه بره وهى مش مكملة 20000 الف

أنا معاك فى إن الكل بيفهم فيها لكن إللى بيجيب عربية زيرو معندوش إستعداد يدفع فلوس بره علشان يصلحها

معاك حق طبعاً يا شاركى .. اللى جايب عربية جديدة من حقة يكون لية توكيل محترم يسندة
ماهو عشان كدة راح جابها زيرو ... عشان يبقى مرتاح

بس انا قصدى ان ميزة الهيونداى انة مش محتاج التوكيل فى كل كبيرة و صغيرة .. ولو جربة مرة فى مشكلة و ماتبسطش عندة اختيارات كتير اوى برة و اوفر من التوكيل كمان من قطع غيار لصيانة لتركيب كماليات

خلى بالك يا شاركى انا قولتها مرة قبل كدة فى موضوع التوكيلات عموما ً
(ماحدش بياخد كل حاجة )
يعنى مش عربية منتشرة و حلوة و قطع غيارها معقولة وسعر اعادة بيعها حلو و توكيل رائع كمان
يعنى لازم يكون فى حاجة كدة (اوت) ...عشان انت اكيد فين ؟

[Sharky]

خلى بالك يا شاركى انا قولتها مرة قبل كدة فى موضوع التوكيلات عموما ً
(ماحدش بياخد كل حاجة )
يعنى مش عربية منتشرة و حلوة و قطع غيارها معقولة وسعر اعادة بيعها حلو و توكيل رائع كمان
يعنى لازم يكون فى حاجة كدة (اوت) ...عشان انت اكيد فين ؟

فعلا الحلو ما يكملشى

خلى بالك سلومة بيقولك إنت فين :D

[Adham_Sabry]

يا جماعه اعتقد ان علشان الفيرنا منتشرة جدا .. وان اللي عنده مشكله بس هو اللي بيتكلم .. فلو افترضنا مثلا ان كفائه التوكيل 70 % ( زيه زي باقي توكيلات مصر مثلا )
بالتالي عدد الناس اللي عندها مشاكل كتيره وبيعرضوا مشاكلهم بينما 70 % الباقيين ساكتين وده اللي بيكون احساس ان غبور اسوء توكيل
تعالوا نعمل استطلاع لمالكي الفيرنا مثلا لو احنا اخدنا منهم العربيه وادينالهم 65-70 الف هايشتروا ايه ؟؟
اعتقد ان الغالبيه هترجع تشتري فيرنا تاني
اقترح فتح قسم (وليس موضوع) مخصوص للشكاوي

[Nile_Storm]

بسم الله الرحمن الرحيم نبدا بالردود
في البدايه
ردودي لا تقصد اي احد من اعضاء نايل موتورز فكلكم و الحمد لله علي مستوي كبير من الوعي
اولا شاركي

"
انا شايف إن إللى بيحصل دا مصلحة لمالكى هيونادى

لإنه ممكن عن طريق المنتدى غبور يتعدل فى تصرفاته إللى خلته أسوء توكيل فى مصر

و خاصة إن المواضيع إللى معمولة من ملاك هيونداى نفسهم

و لما نيجى نتكلم على هيونداى يبقى لازم نتكلم برضه على غيور لإنه الوكيل الوحيد فى مصر لهيونداى "

كلامك كويس جدا لكن اللي ينرفز انك تلاقي اي حد معدي جنب منتدي هيونداي و يمكن حتي مساقهاش و لا يعرف عنها حاجه جاي يشتم و خلاص علي غرار الهيصه في الزحمه


الاخ ابو عبد الله

طبعا اولا تقبل احترامي لحضرتك كعضو مخضرم في القسم الياباني و خصوصا دايهاتسو و لكن اذا جاء احد بمثل هذه اللينكات عن دايهاتسو ماذا سيكون ردك خصوصا ان كانت بهذه الدرجه من السطحيه بصراحه حاسس انها متفبركه
و بدون دليل دامغ فلازم نتبين صحه هذه الكلام
و حتي ان كان صحيحا فهذا بمس غبور و ليست هيونداي
مظنش شركه عالميه بالحجم ده دماغها صغيره تعمل لعب العيال ده

سيات لوفر
هذا ما اريد توصيله
الفصل بين كونه منتدي للهيونداي ام منتدي لغبور

الاخ outsend
ولا تغير رايك و لا حاجه الالنترا ممتازه و هو ده اللي عاوزينه مروجي الاشاعات انهم يقللو مبيعات هيونداي شويه و بما ان الانترنت هو البوابه الاولي للبحث عن سياره فهتلاقي فيه هذه الاشاعات دوما
و برضه مش قصدي نايل موتورز محدش يفهمني غلط

و خلي بالكم انها بدات تطول منصور شيفروله ول مازادت مبيعاته مش كده ولا ايه ؟
و اختتم بمقوله سيات لوفر
(ماحدش بياخد كل حاجة )
يعنى مش عربية منتشرة و حلوة و قطع غيارها معقولة وسعر اعادة بيعها حلو و توكيل رائع كمان
يعنى لازم يكون فى حاجة كدة (اوت) ...عشان انت اكيد فين ؟__________________

[ahmedfd]

اللينكات اللى انت حاططها ياابوعبد الله خطيره قوى بس ليا عليها ملحوظتين الاولى اناه كلها تقريبا على الهونداى الاكسل او السيارات من 92 الى 96 يعنى من فتره كبيره شويه
ثانيا ان فيها مخالفات اداريه ضرايب وحوارات ممكن ماتكونش ليها علاقه قوى باداء السيارات

وبعدين انا كنت خلاص هاجيب الالنترا الجديده هاتخلونى اغير رأيى ولا ايه

الأخ outosend
من غير ما أصدعك بكلام كتير .. الإلنترا ضمن المنافسين الأقوياء في فئة السيارات مثل الكورولا و المارزدا 3 و السيفيك و هيا بتنافسهم راس براس تماما بدون أي مبالغة.. و ده مش كلامي ..ده كلام مواقع لمؤسسات تقييم محترمة... و كفلوس الإلنترا نفس سعر الكورولا و السيفيك و المازدا 3 بره مصر.. غبور بس اللي بيفضيها من بعض الكماليات و مميزات السلامة علشلن تبقى أرخص في مصر و دي سياسة تسويقية سواء غلط أو صح مش مشكلتنا..

بالنسبة لمواصفات العربية من ناحية السلامة:

http://www.iihs.org/ratings/rating.aspx?id=739

http://www.safercar.gov/portal/site/safercar/menuitem.db847bd57e3dc1f885dfc38c35a67789/?vgnextoid=c95df2905bf54110VgnVCM1000002fd17898RCRD&make=Hyundai&model=Elantra&year=2007&vehicleClass=Passenger+Ca

و على فكرة الفيرنا أو الأكسنت نفس المواصفات و نفس الكفاءة في موضوع السلامة.

بالنسبة للكورولا الجديدة:

http://www.safercar.gov/portal/site/safercar/menuitem.db847bd57e3dc1f885dfc38c35a67789/?vgnextoid=c95df2905bf54110VgnVCM1000002fd17898RCRD&make=Toyota&model=Corolla&year=2009&vehicleClass=Passenger+Car

واضح إن الإلنترا أعلى منها في الإصطدام الأمامي Frontal Crash و في إحتمالية الإتقلاب Rollover Factor.

ده تقرير Consumer Report لعام 2008:

http://www.consumerreports.org/cro/cars/new-cars/news/2007/04/top-picks-for-2007-4-07/overview/0704_top-picks-2007.htm

و أخيراً ريح نفسك و شوف المقارنة دي و بعدين جرب العربيات و إستخير ربنا و إختار..

http://autos.yahoo.com/newcars/comparison/results.html;_ylt=AkGR7bThmJho8B95pC1J_7gOc78F;_ylv=3?pagetitle=overview&search_type=all&make=mitsubishi&model=5299%3Amitsubishi_lancer_2008&trim=21653&carid0=22841&carid1=23831&carid2=22781

و شكراً ليكم...

[tmz9111]

على الرغم من عيوب غبور بس فى توكيلات ثانية أوحش منه

[HeMa1981]

توكيل سئ جدا جدا جدا جدا جدا جدا

يعنى مبيعاته من الكبر المبيعات فى مصر وكفاية انه موت المازدا لصالح الفيرنا والباقى
وكفاية ان العربيات بتاعته مالية البلد وبئالها فترة طويلة ورغم كل ده مش بيفهموا حاجة في العربيات بتاعتهم

[Hossam.Hamdy]

ايه يا جدعان محدش علق على اللى حاصل معايا ولا حد قالى اعمل ايه فى الفتييسس....
ولا انتو شايفين انى بفترى على التوكيل المظلوم....
على فكره الفيرنا بتكلف غبور 17000 جنيه و بجيب ارخص انواع الخامات.اللى فى السوق..والكلام ده من واحد موظف شغال هناك مش صنايعيى يعنى..
والعربيه المفروض قبل ما تخرج من المصنع بتعدى على خمس مراحل بس هما عشان فى ضغط بيطلعوها بعد المرحله الثالثه عشان يسلمو العملاء و الباقى فى الصيانة الالف كيلو... وطبعا عمرها ما هتتعمل زى لما بتكون فى المصنع...برضه الكلام ده من ناس فى الاداره....مش بقول كلام و خلاص عشان ده كلام هتحاسب عليه يوم القيامه...
التوكيل عارف ان الصنايعيه مستواهم مش كويس اوى وا.عاطف قالى كده بنفسه...

[Ahmed Anwer]

الاخ ابو عبد الله

طبعا اولا تقبل احترامي لحضرتك كعضو مخضرم في القسم الياباني و خصوصا دايهاتسو و لكن اذا جاء احد بمثل هذه اللينكات عن دايهاتسو ماذا سيكون ردك خصوصا ان كانت بهذه الدرجه من السطحيه بصراحه حاسس انها متفبركه
و بدون دليل دامغ فلازم نتبين صحه هذه الكلام
و حتي ان كان صحيحا فهذا بمس غبور و ليست هيونداي
مظنش شركه عالميه بالحجم ده دماغها صغيره تعمل لعب العيال ده

__________________

بلاش شوف نموذج ،،

لرده علي واحدة بتلعن اليوم اللي راحت فيه توكيل دايهاتسو ،، و بتحكي مشاكل الفتيس في السيريون

توكيل ديهاتسو اللي مش موفر حتي مراياة العربية ،،

http://www.nilemotors.net/Nile/showthread.php?t=5395

و في أي موضوع حد يجيب سيرة التوكيل الخليجي ،،

يدافع بحرارة ،

الأخ حسام حمدي ،،،

انتا عارف تعمل ايه ،،

و لو عايزيني اساعدك انا مستعد ،،

بس بشرط تكون المشكلة حقيقية ،،

عشان قبل كده جربت اساعد ناس و للأسف طلعوا كذابين


بخصوص الفيرنا ،،،

انزلوا بس بورسعيد ،،،

و انتوا تعرفوا يعني ايه فيرنا

[Nile_Storm]

وعشان اوضح انها مش مشكله غبور بس

شوفوا منصور شيفروليه

http://www.nilemotors.net/Nile/showthread.php?t=19728

يا جمااااااااااااااعه دي نتيجه الاقبال الكبير فمش بتلاحق التوكيلات علي الصيانه و طلبات الحجز
و الدليل
شفتو الافيو مثلا التقفيل المصري بيقولو عليها ايه
حركه زياده سعر الافيو
و غيرها من الاشياء الغربيه نزول عربيات زي السبارك و الافيو بدون زجاج كهرب خلفي و اسمها فل ابشن !!!!!!!!!!!!!!!!!!!!!!!!!!
عمرها مسمعناها عن منصور ابدا

و احمد انور جاب مثال لمشكله عميله مع توكيل دايهاتسو

و زي ما توكيل هيونداي غير نصف موتور لواحد
فتوكيل سوبارو عمل مشكله عشان تغيير موتور كامل جديد و متغيرش الا بعد ماتمت مراسله الشركه الام
مش فاكر المشكله دي حصل ت لمين لكن لو عاوزين ممكن ادورلكم علي الرابط

الخلاصه ان كل توكيلات مصر بها اهمال يتناسب مع عدد السيارات اللي بتجيلهم
فلو فرضنا ان نسبه الاهمال 1 % يبقي هتلاقي مشكله واحده لعميل في دايهاتسو
و 10 مشاكل في منصور و 100 في غبور


اللي المفروض نعمله اننا لانقعد نبكي علي اللبن المسكوب
منبقاش زي برنامج خلف الاسوار

المطلوب نناقش الحلووووووووووووول مش كل شويه نقعد نشتم في التوكيلات النصابه و خلاص

[Nile_Storm]

حتي انا فاكر يا كريبتون ان مشكلتك مع العربيه و السخونه و الايرباج فالير
مش دي برضه كانت نتيجه اهمال توكيل فيات معاك

انا مش قصدي حاجه ياكريم بس قصدي ان التوكيلات كلهم مهملين و اهمالهم يتناسب طرديا مع عدد سياراتهم بالسوق :)

علي فكره توقيعك الجديد اجمد من القديم بكتيييييييييييير

[outosend]

يعنى تجيب الالنترا واتكل على الله ؟
انا بفكر اجيب الالنترا اللى ب 113 ايه رايكو فارقه كتير عن اللى ب 104

[Ahmed Anwer]

يعنى تجيب الالنترا واتكل على الله ؟
انا بفكر اجيب الالنترا اللى ب 113 ايه رايكو فارقه كتير عن اللى ب 104

يا باشا متجيبش حاجة خالص احسن

معلهش بهزر ،،

إحنا عندنا في العائلة واحدة بس النترا الجديدة ،،

و صاحبها عنده اساسا أوكتافيا A5 و قبلها تويوتا

يعني من النوع اللي مش مرتبط بماركة معينة

يعني مش محدث عربيات

و مع ذلك بيشكر فيها جدا و مبهور بيها بمعني الكلمة

علي فكرة هوا مقررش يشتريها غير لما سافر امريكا ،،

رجع قالي يا عم دي امريكا مليانة النترا

[أبو عبدالله]

بلاش شوف نموذج ،،

لرده علي واحدة بتلعن اليوم اللي راحت فيه توكيل دايهاتسو ،، و بتحكي مشاكل الفتيس في السيريون

توكيل ديهاتسو اللي مش موفر حتي مراياة العربية ،،

http://www.nilemotors.net/Nile/showthread.php?t=5395

و في أي موضوع حد يجيب سيرة التوكيل الخليجي ،،

يدافع بحرارة ،

الأخ حسام حمدي ،،،

انتا عارف تعمل ايه ،،

و لو عايزيني اساعدك انا مستعد ،،

بس بشرط تكون المشكلة حقيقية ،،

عشان قبل كده جربت اساعد ناس و للأسف طلعوا كذابين


بخصوص الفيرنا ،،،

انزلوا بس بورسعيد ،،،

و انتوا تعرفوا يعني ايه فيرنا

بلاش نبقى عاملين زي المثل اللي بيقول
أحسن وسيلة للدفاع هيا الهجوم

أولا لو حصل في وكيل دايهاتسو عشر اللي بيحصل في غبور يبقى تولع دايهاتسو كلها
واقسم بالله ابيع العربيه من الصبح لو عملت الاعطال اللي بتحصل في عربيات غبور المدعيه بهيونداي


فبلاش كلام وخلاص
المشكلة ان الواحد بيرد على مواضيع فاتحها اصحاب سيارات هيونداي ولي احد غريب
وزي ما اوانا قالو قبل ذلك
خد لفه في المنتدى وانت تعرف ايه اللي احنا بنتكلم فيه
لأن طبعا من الواضح جدا التحييز واخذ الكلام على محمل شخصي

يا راجل مراية ايه على الأقل مخترعوش عذر ولا الفوا قصه وهبلو
وفي النهاية مفيش نتيجه

اما بخصوص الفتيس فمتهيألي ان حاله واحد في كذا عربيه في المنتدى ده بيدل ان العيب ليس في العربيه او في توكيلها
لأن اي حاجه لها شواذ
يعني مش معقولة انتاج العربيه كله هيطلع 100 في 100 لكل العربيات

ولكن هنعمل ايه في التحييز بدون وجهة نظر او فكر

يا أخي احسب كام واحد معاه فيرنا واشتكى من عيوب فيها ومشاكل
وشوف كام واحد معاه دايهاتسو كلها واشتكى من عيوب فعليه وحاجات عاوزه تتغير

قال فتيس قال


يا أخواني هقولها تاني

الللي ما يشوفشي من الغربال يبقى ...........


يعني من الاخر لو عملت احتمال خطأ العميل في تقديره للمشكلة او كلامه
فعميل دايهاتسو واحد من كام واحد وكام نسبة الخطأ في كلامه او تقديره
وكام واحد من ملاك فيرنا خطأ او كلامه خطأ

انتم بتنسوا باين عليكم

وبعدين لو دايهاتسو توكيل سئ يبقى غبور وعربياته أسوأ عربيات وتوكيل في السوق المصري كله
وانا اعيي ما أقول