الحيرة القاتلة

[momomania22]

سوناتا 2000 سي سي ولا اوكتافيا A5 1600 سي سي
والاتنين مانيوال والاتنين ب 150الف
ايه رأيكم

[liquidator]

والله يا أخي أنا شايف ان احنا في مصر مديين سكودا أكتر من حجمها , أنا مارحتش السعوديه بس في ناس في السعوديه قالولي انهم بيشوفو هيونداي و مش بيشوفو سكودا خالص , و كمان السعوديين بيحبوا السوناتا أوي , ده غير ان السوناتا واخده جوايز في أمريكا و أخدت في سنة 2006 علي ما أعتقد جايزة أفضل عربيه سيدان في أمريكا من معهد JDpower .... رأيي الشخصي لو مكانك سوناتا من غير ما أفكر و ده رأيي الشخصي , أكرر دا رأيي الشخصي و لا يعبر بالضروره عن ان في عربيه أفضل من التانيه , بس دي مجرد وجهة نظر مش أكتر
تحياتي لك .

[mido_smsm]

ع فكره اصلا حضرتك مش واخد بالك ان السوناتا رخيصه لانها تجميع محلى
انما لو كورى مش اقل من 350 الف
وعلى فكره العربيه دى اصلا افضل من الاوكتافيا مليييييون مره لسبب واحد بس
انها من فئه تانيه خالص فئة الكامرى والاكورد واللومينا والحاجات دى
بس التجميع المحلى الله اعلم معروف عنه انه سىء جدا

[volcano12]

معلش حقول رأيي بدون مدايق حد.. :)
هوندا سيفيك... ستجمع قوة موتور السوناتا و فخامة الاتنين و أوفر 10000 فى جيبى لو هى لسه ب 140

ثانيا... شكل جديد ....
ده رأيى و المسأله أذواق

فى حاله ثباتك على رأيك... حختار أوكتافيا لسببين...
1_ الشاسيه و الموتور بتوع عربيه تانيه ألمانى مش فاكر انه
2_ لو حبيت تبيع, سعرها فيها مش زى السوناتا مش منتشره
3_ قطع الغير
4_ العربيه عيوبها لو فيها أكيد ظهرت
5_ مش تأفيل مصرى!!

بس كده و برده ده رأيي و يجوز الاختلاف معايا

[Hossam.Hamdy]

3_ قطع الغير
ا

مش معاك فى موضوع قطع الغيار عشان قطع الاوكتافيا مش متوفره فى التوكيل...واحد صاحبى عمل حادثه و عنده جنط اتكسر وكانت محتاجه عفشع خلفيه شمال و اجزاء عفشه اماميه شمال قالولو القطع مش عندنا....

[som3aa]

معلش حقول رأيي بدون مدايق حد.. :)
هوندا سيفيك... ستجمع قوة موتور السوناتا و فخامة الاتنين و أوفر 10000 فى جيبى لو هى لسه ب 140

ثانيا... شكل جديد ....
ده رأيى و المسأله أذواق

فى حاله ثباتك على رأيك... حختار أوكتافيا لسببين...
1_ الشاسيه و الموتور بتوع عربيه تانيه ألمانى مش فاكر انه
2_ لو حبيت تبيع, سعرها فيها مش زى السوناتا مش منتشره
3_ قطع الغير
4_ العربيه عيوبها لو فيها أكيد ظهرت
5_ مش تأفيل مصرى!!

بس كده و برده ده رأيي و يجوز الاختلاف معايا

علش أنا برده مختلف معاك
1-موتور السوناتا 2000 - 144 حصان , اما الاوكتافيا 1600 105 حصان يعنى فرق السما من الارض.
2-السزناتا انتشرت بشكل رهيب اوى فى فترة صغير , خلى بالك الاوكتافيا موجودة من 2004 اما السوناتا لسه نازلة 2007 اعتقد حسب سرعة انتشارها دى سعر اعادة البيع هيكون ممتاز!!
3-قطع غيار السوناتا متوفرة و اسال فى غبور
4-العربية معروفة من بره زى بقيت العربيات مفيهاش عيوب
5-التقفيل المصرى فى السوناتا احسن كتير اوى من الفرنا
صحيح مش زى تقفيل الاوكتافيا بس جيد جدا.
أنا لو منك اشترى السيفيك برده علشان مبحبش المانيوال بس لو واحدة من الاتنين دول يبقى السوناتا عليطول

[volcano12]

علش أنا برده مختلف معاك
1-موتور السوناتا 2000 - 144 حصان , اما الاوكتافيا 1600 105 حصان يعنى فرق السما من الارض.
2-السزناتا انتشرت بشكل رهيب اوى فى فترة صغير , خلى بالك الاوكتافيا موجودة من 2004 اما السوناتا لسه نازلة 2007 اعتقد حسب سرعة انتشارها دى سعر اعادة البيع هيكون ممتاز!!
3-قطع غيار السوناتا متوفرة و اسال فى غبور
4-العربية معروفة من بره زى بقيت العربيات مفيهاش عيوب
5-التقفيل المصرى فى السوناتا احسن كتير اوى من الفرنا
صحيح مش زى تقفيل الاوكتافيا بس جيد جدا.
أنا لو منك اشترى السيفيك برده علشان مبحبش المانيوال بس لو واحدة من الاتنين دول يبقى السوناتا عليطول

يمكن فى القاهره فى سوناتا.. أما هنا فى اسكندريه واحده ولا اتنين.... :) عشان كده قلت انتشار!

كان قصدى بقطع الغيار انها هتكون بتتباع بره التوكيل بأسعار أرخص ... و طبعا انا مش من مالكى العربيه عشان افتى
أما بالنسبه للموتور... أظن الالمانى عزمه قوى.. أكيد مش حيجيب 2000 سىسى فى القوه بس حيبقى قريب.. و برده ده توقع مش كلام علمى...
و بلعدين من ناحية استهلاك البنزين ال2000 أكتر...

يعنى وجهات نظر... و أنا لسه مع السيفيك :)

[liquidator]

يا جماعه صحيح ان الأوكتافيا موتورها فولكس فاجن زي كل عربيات سكودا بعد ما اشتريتها فولكس فاجن , بس فولكس فاجن بتحط فيها المواتير اللي خلاص خرجت من الخدمه من عندها , يعني هو معقول مستوي الفولكس فاجن ان الموتور يبقي 1600 و 105 حصان بس ؟ !! دا أنا متهيألي انها 101 حصان كمان مش 105 علي ما أفتكر ان قريت عن الموضوع ده في ملحق الأهرام و كانو كاتبين انها 101 حصان .
حقيقي هيونداي متقدمه في التكنولوجيا كتير عن سكودا و الدليل علي كده ال I30 و النيو الانترا
122 حصان !!
هيونداي أفضل من سكودا بمراحل مع احترامي لمالكي سكودا بس فعلا الناس هنا في مصر متخيلين سكودا دي حاجه كبيره أوي لمجرد انتسابها للفولكس فاجن بس الحقيقه بعض الناس بياخدها شكلها الفخم و انها بتكنولوجيا ألماني ( تصنيع تشيكي ) بس الحقيقه ان أقل من فولكس فاجن كتير أوي و هيونداي معدياها بمراحل ...
دي الحقيقه والله من وجهة نظري و لك في النهايه كامل الحريه في الاختيار .
تحياتي لكم جميعا .

[SAbuhashem]

يا جماعه صحيح ان الأوكتافيا موتورها فولكس فاجن زي كل عربيات سكودا بعد ما اشتريتها فولكس فاجن , بس فولكس فاجن بتحط فيها المواتير اللي خلاص خرجت من الخدمه من عندها , يعني هو معقول مستوي الفولكس فاجن ان الموتور يبقي 1600 و 105 حصان بس ؟ !! دا أنا متهيألي انها 101 حصان كمان مش 105 علي ما أفتكر ان قريت عن الموضوع ده في ملحق الأهرام و كانو كاتبين انها 101 حصان .
حقيقي هيونداي متقدمه في التكنولوجيا كتير عن سكودا و الدليل علي كده ال I30 و النيو الانترا
122 حصان !!
هيونداي أفضل من سكودا بمراحل مع احترامي لمالكي سكودا بس فعلا الناس هنا في مصر متخيلين سكودا دي حاجه كبيره أوي لمجرد انتسابها للفولكس فاجن بس الحقيقه بعض الناس بياخدها شكلها الفخم و انها بتكنولوجيا ألماني ( تصنيع تشيكي ) بس الحقيقه ان أقل من فولكس فاجن كتير أوي و هيونداي معدياها بمراحل ...
دي الحقيقه والله من وجهة نظري و لك في النهايه كامل الحريه في الاختيار .
تحياتي لكم جميعا .

معلش يا مان بس وجهة نظر خاطئة تماماً حتى لو سكودا تشيكي بس أحسن بكتير من هيونداي .
على فكرة الموتور إلي في الاوكتافيا مش بتكنولوجي قديمه ولا حاجة لأنه نفسه إلي في الجولف وإلي في الباسات المنوال ٢٠٠٨ .

Thanks
Eng.Sherif Shaker

[momomania22]

شكرا ليكم جميعاانا كنت في الخليج لفترة كبيرة طبعا كان كل عربية نجيبها بتبقى ماكسيما او كامري وبسلكن السوناتا كان ليها وضع جامد هناك بصراحة مع انها كوري

[som3aa]

أما هنا فى اسكندريه واحده ولا اتنين....

يمكن قليل فى الاسكندرية بس فى القاهرة فى الشارع بتاعنا بس فى 3!!!!!! و الشارع قصير مش طويل!!! و التلاتة سود :)

كان قصدى بقطع الغيار انها هتكون بتتباع بره التوكيل بأسعار أرخص ... و طبعا انا مش من مالكى العربيه عشان افتى

أعتقد كلامك صح , انا من مالكى السيارة و مقدرش افتى برده علشان لسه ملحقتش اشترى حاجة

أما بالنسبه للموتور... أظن الالمانى عزمه قوى.. أكيد مش حيجيب 2000 سىسى فى القوه بس حيبقى قريب.. و برده ده توقع مش كلام علمى...

لأا من ناحية الموتور فالفرق كبير اوى , اولا فى القوة الحصانية فرق 39 حصان و دا كتييييير اوى
اما من ناحية الموتور دى مواصفات موتور السوناتا ال2000 المانيوال(طبعا بتختلف فى الاوتوماتيك)

Type :4 cylinder DOHC 16 valve 
Displacement cc :1,998 
Bore & Stroke mm :86.0 x 86.0 
Compression Ratio :10.5:1 
Max Power kW/BHP 106.0 / 143.0 @ 6000rpm 
Torque Nm/lbs ft 189.0 / 139.0 @ 4250rpm 
0-62mph : in seconds 10.5 
(ya3ni betgeeb 100km/hour f 10.5 seconds)
Top Speed MPH: 127 
(ya3ni top speed 204km/sec)
Urban)10.4 (27.2) 
Extra urban)6.6 (42.8) 
Combined)8.0 (35.3)

أما السكودا الاوكتافيا

1.6FSI 115HP
Cylinder:4
Cubic capacity(cc):1598
Stroke(mm):86.9
Compression Ratio:12.0:1
Maximum Speed:123Mph(197.9km/hour)
Acceleration(0-62Mph):11.2 seconds
Max power(Bhp-Rpm):115/6000
Max Torque(Nm/rpm):155/4000
Fuel consumption(urban):32.5(8.7)
Fuel consumption(Extra urban):52.3(5.4)
Fuel consumption(combined):42.8(6.6)

على فكرة دا موتور اللى بينزل فى الاوتوماتيك فى مصر ال115 حصان لان الموتور المانيوال ال105 حصان مبينزلش بره , بره اول حاجة 115 حصان 1600cc دا اقل واحد و دا اللى بينزل فى المانيوال عندهم.

شرح للى مكتوب فوق:
السوناتا عزم الموتور 189 عند 4250ٌRpm و 143 حصان عند 6000rpm
اما الاوكتافيا (خلى بالك دا موتور اقوى من اللى بينزل فى مصر فى المانيوال) عزم الموتور
155 عند 4000Rpm و الاوكتافيا 115حصان عند 6000Rpm .
واضح طبعا الفرق الرهييييييييب بين السوناتا و الاوكتافيا مع العلم انا الموتور اللى انا بقارن بيه دا اقوى من الموتور اللى بينزل فى الاوكتافيا المانيوال فى مصر(دا اللى بينزل فى الاوكتافبا الاوتوماتيك فى مصر).

بس طبعا ده على حساب استهلاك الوقود زى مهو واضح برده (الاوكتافيا احسن فى استهلاك الوقود)
و طبعا دى حرية انا عن نفسى افضل عربية اقوى كتييير و بتستهلك اكتر شوية عن عربية ضعيفة و بتستهلك أقل.

أنا لسه مع السيفيك

و أنا برده الا لو كان اللى عايز يشترى العربية مش شاب , السيفيك شبابى اوى , لو مش سنك (20-30) توكل على الله و اشترى الشوناتا.

هيونداي أفضل من سكودا بمراحل مع احترامي لمالكي سكودا بس فعلا الناس هنا في مصر متخيلين سكودا دي حاجه كبيره أوي لمجرد انتسابها للفولكس فاجن بس الحقيقه بعض الناس بياخدها شكلها الفخم و انها بتكنولوجيا ألماني ( تصنيع تشيكي ) بس الحقيقه ان أقل من فولكس فاجن كتير أوي و هيونداي معدياها بمراحل ...

معلش يا مان بس وجهة نظر خاطئة تماماً حتى لو سكودا تشيكي بس أحسن بكتير من هيونداي .

معلش اسمحولى اختلف معاكم
أنا رايى مفيش حاجة اسماها هيونداى احسن و لا سكودا احسن
نقارن عربية بعربية بمعنى قارن السكودا الفابيا مع الهيونداى الالنترا مثلا بس متقارنش الفرنا مع السكودا الsuperb دى تبقى مقارنة مش عادلة.
على فكرة سكودا مركة محترمة جدا(واخدة اكتر من حقها فى مصر) و هيونداى مركة برده محترمة جدا(واخدة اقل من حقها فى مصر بسبب سوء التوكيل و بسبب رخص العربيات اللى بيبعوها هنا اما هيونداى لها عربيات اغلى كتير زى السوناتا و الازيرا و حديثا الجنيسيس و عربيات تانية 4x4 دا غير الxg و العربيات الexecutive الللى بيبعوها فى كوريا.
أما سكودا عندهم اربع عربيات(أوكتافيا-superb-فاتية :D (فابية) - roomster)
بس دا كل اللى بتنتجه , طبعا هيونداى مركة اكبر بكتييييير (بينتجوا عدد كبييير اوى من السيارات منها قليلة الجودة - متوسطة الجودة و عالية الجودة).

على فكرة الموتور إلي في الاوكتافيا مش بتكنولوجي قديمه ولا حاجة لأنه نفسه إلي في الجولف وإلي في الباسات المنوال ٢٠٠٨ .

اللى بينزل فى الباسات المانيوال و الاوكتافيا المانيوال الموتور القديم ال105 حصان اما اللى بينزل فى الباسات و الجولف و الاوكتافيا الاوتوماتيك الحديث اللى انا لسه كاتب مواصفاته فوق.
شكرا للجميع
و لصاحب الموضوع أقرا موضوعى دا بدقة

http://www.nilemotors.net/Nile/showthread.php?t=18005

[SAbuhashem]

نفس الموتور هو اللي موجود في

الباسات المانوال
الجولف
الأكتافيا
سيات ليون
أودي A4 , A3

وكمان كلهم نفس الشاسيه ماعدا الباسات .

أما الباسات الاتوماتيك بينزل فيها الموتور ال-FSI اللي مكتوب مواصفاته

Thanks
Eng.Sherif Shaker

[momomania22]

شكرا للجميع على الردود والمشاركة الايجابية التي نقلتها بحذافيرها لصديقي
وفي النهاية حجز سوناتا سودا مانيوال

[som3aa]

وفي النهاية حجز سوناتا سودا مانيوال

طب علشان حجز السودا قوله دى عربية زبالة و خليه يلغى الحجز

بهزر معاك طبعا :p و الف مبروك لصاحبك

[galalology]

السوناتا جامدة جدا من الخارج وده بسبب الحجم الكبير ولكن فقيرة جدا جدا من الداخل