برجاء عاوز رايكم فى الالنترا 2011

[maged80]

بسم الله الرحمن الرحيم

يا جماعه انا كان عندى عربيه شيفوررليه لانوس والحمد لله بعتها امبارح وبفكر اشترى النترا 2011 ايه رايكم فيها وهل يوجد بها عيوب ياريت لو فى حد عندوا خبره او لنكات لمواضيع يكتبهالى

وكمان اجيب مانيوال ولا اوتوماتيك

وشاكر ليكم تعبكم

[adel1212]

الشكل الجديد ام القديم

[maged80]

الشكل القديم يا استاذ adel1212

[Kareem.ElAraby]

السلام عليكم
انا معايا العربيه ده بقالي شهرين أهو موديل 2011
كعربيه تحفه و تسارع حلو بنزين شغال و العزل عاجبني ما شاء الله
بس

- العربيه عندي مع الفرامل أو التهديه الجامده فيها سنه حدف لليمين
رحت التوكيل و قلت عليها عليها ما عرفوش و ده شكوي من موديلات 2011
عشان صاحبي معاه 2008 -2009 مفيش فيها الكلام ده بس هو أوتو و انا مانيوال

- التوكيل عاوز كلمه قبيحه هأتوقف بسببها و بيبهدلوم العربيه الصنايعيه جوه

أعرف ناس به تعملهالي صيانه بره أحسن من التوكيل بس عشان الضمان

ده اللي مش عاجبني و غايظني لو يناسبك اتكل علي الله

[maged80]

طيب مه ممكن يا استاذ nfs_206

يكون العيب ده عندك انت بس يعنى مش عمومى فى جميع العربيات واللى ايه طيب يا جماعه حد عندوا نفس العيب ده يفيدنا الله يكرمكم

[adel1212]

هى العربية معايا من اكتوبر اللى فات
صفقة جيدة جدا
عيوبها ودى اللى تهمك
عمو غبوووووووووووووووووووور شخصيا مانع اى تغير فى العربية
الجنوط لا
الشبورة لا
الكلاكس صوته زى كلاكس التوك توك طب نغيره طبعا لا
لايوجد وحدات رفع
لا يمكن تغير جهاز الانذار البدائى اللى موجود فيها
انا مش فاكر حاجة تانى الان لانى فى الشغل لو عايز تستفسر عن حاجة انا معاك
تحياتى

[Kareem.ElAraby]

كان فيه مشاركه من عضو اشتري واحده مستعمله كان فيها نفس العيب اللي عندي حتي بعد ما الزميل ضبط الزوايا
و التوكيل بيقول انها مش محتاجه ضبط زوايا لما كنت في الصيانه و بيقولوم ضبطوها و عملو القطمه بالكمبيوتر
و نفس الكلام ده لاقيت ناس بتشكي منه بره مصر و نفس المشكله
انا مرشح انها عاوزه تضبيط زوايا بس عند حد نضيف و هألاقي عجله مأخره عجله مقدمه حاجه كده
علي فكره واحد أعرفه معاه الفيرنا و معاهم i30 بأقوله قالي ده عيب هيونداي :s
نفس الكلام في الفيرنا و ال i30 و الله اعلم

[mido_soliman]

ملحوظة هامة جدا من شيبوب احسن واحد بتاع زوايا تقريبا فى مصر
العربية بتحدف منك فى الفرامل ؟؟؟ ملهاش اى علاقة بالزوايا دى ليها علاقة بمنظومة الفرامل
مثلا خراطيم الفرامل عايزة تتغير واحد مسدود عن واحد او واحد اطول من واحد او العكس وبالتالى سريان الزيت بتاع الباكم بيكون اسرع فى فردة عن التانية ودة اللى بيخلى فردة تمسك فرامل قبل التانية وبالتالى العربية تحدف ناحية الفردة اللى مسكت الاول

[Kareem.ElAraby]

معاك يا شيبوب ف اللي بتقوله و متفق معاك أكيد
بس هما في التوكيل بيقولم انهم فكومالتيل صتفروا و خدو هوا و شيكوا علي الفرامل
محبه علي قلبي يطلع أي حاجه من دول بس
الي الزميل اللي عاوز يشتري انا مش بأكرهك في العربيه ما هي معايا بس انت طلبت حاجه و ده أمانه

[Kareem.ElAraby]

سؤال هو فين شيبوب ده و أروحله ازاي و تتكلف قد ايه
انا كنت أروح bridgestone
و العربيه لسه زيرو ازاي خرطوم مسدود
عندك فكره أشيك عليها فين و يكون بره التوكيل

[maged80]

بس مضمون العربيه كلها تعتبر تمام يعنى اتوكل على الله

وعندى استفسار لو جبت مانيول طبعا مافيهاش فوانيس شبوره ولا مسند يد فى الكرسى

ممكن اطلب من التوكيل تركيب فوانيس شبوره ومسند يد

ويعملوا كام تقريبا

[venomixus]

أنا معايا موديل 2010 وأعتقد انه نفس موديل 2011 .. العربية مبتحدفش نهائي مع الفرامل.. بالعكس دي العربية الوحيدة اللي ركبتها مبتحدفش وأعتقد انه بسبب ال esp اللي موجود فيها.. العزل ممتاز، التسارع حلو والثبات ممتاز, العربية عفشتها ناعمه ومريحة جداً بس الحاجه الوحيدة اللي مش مريحاني فيها هي أبعادها العريضه .. أنا بحب العربية تكون ملمومة من قدام. لو غيرتها في يوم من الأيام حجيب النترا الموديل الجديد. الانذار شغال الحمد لله تمام وممكن يتغير عادي جداً. أن كمان مركبلها باركنج سنسور علشان عاليه شوية من ورا. أما الكلاكس ده بيتغير عادي جداً. أنصحك تجيبها أوتوماتيك علشان الزحمة وتعب السواقة.. وكمان ما تتعاملش مع التوكيل نهائي. أنا بجيب قطع غيارها الأصلية من نافع ناشد وبركب وبعمل الصيانة مع ميكانيكي خبرة في البي ام والألماني بتعامل معاه بقالي 10 سنين

[maged80]

متشكر اوى يا venomixus

على الافاده دى

[ASKAFRAWY]

انا هستلم يوم الخميس باذن الله عربية النترا 2011 باذنجانى اوتوماتيك الفئة n وبتختلف بس فى المرايات بلون العربية وفوانيس الاشارة فى المراية
العربية بسم الله ماشاء الله جربتها كذا مرة فى السفر وزى الفل بالنسبة لانحراف العربية مع الفرامل مجربتوش مع انى كنت راكب النترا 2010 بس ما حستش بيه
حاول بس لو هتشترى تتوكل على الله وتلحق عرض ال5000 جنيه الخصم انا اشتريت الاوتوماتيك كانت ب109.500 وبعد الخصم اخدتها ب104.500 ربنا يسهل واستلم وارخص على خير لكن العربية بصراح سمعتها كويسة لانى كنت حاجز الرينو الداستر وغيرت راى يوم الاستلام لان فيه ناس خوفتنى من قطع الغيار واسعار الصيانة وان العربية لسة جديدة وممكن يكون فيها مشاكل ودة الخلانى اتجع للالنترا انسب عربية فى رانج السعر دة

وربنا يوفقك للفيه الخير ودعواتك بقى ياباشا

[tamerosman]

تقيممى الشخصى الانترا بعد ما ركبتها اكتر من 5 سنين

المميزات

عربية اعتمادية جد قليلة الاعطال
تصليحها سهل و رخيص و قطع غيلر رخيصة
واسعة
سحب جامد على كل الغيارات
تكييف جبار
باور ستيرنج ممتاز


العيوب

الموتور خشن بس بيسحب
الفرامل اقل من عربيات تانية فى نفس الفئة
شكلهل تقليدى ( طبعا 2012 ثورة فى التصمصم ان بالكل عاى اخر شكلين)
من الاخر هى عربية عملية بس سواقتها مملة

خلال خمس سنين مريت بالاتى

الكلكس اتحرق و اتغير فى الضمان بكلكس زى صوت المعزة

مرة واحد فى السنة الخامسة زيت اباور كله نزل و الدركسيون تقل و كان عيب جلبة صلحته عند ميكانيكى برة التوكيل فى نصف ساعة

زارير الزجاج بتعلق

كلها مشاكل تافهة

العربية عملية و اعتمادية و عائلية بس مملة ( يمكن علشان كنت راكب قبلها مازدا 3)