برجاء عاوز رايكم فى الالنترا 2011

[maged80]

بجد انا مش عارف اشكركم ازاى والله انا ان شاء الله حعتمد على الله وحجيب الالنترا الاوتوماتيك باذن الله

وهو صحيح العرض ده لحد اخر الشهر باذن الله تعالى ولى لحد امتى ياريت لو فى حد عارف يفيدنا

[ahmed_mido1889]

أنا معايا موديل 2010 وأعتقد انه نفس موديل 2011 .. العربية مبتحدفش نهائي مع الفرامل.. بالعكس دي العربية الوحيدة اللي ركبتها مبتحدفش وأعتقد انه بسبب ال esp اللي موجود فيها.. العزل ممتاز، التسارع حلو والثبات ممتاز, العربية عفشتها ناعمه ومريحة جداً بس الحاجه الوحيدة اللي مش مريحاني فيها هي أبعادها العريضه .. أنا بحب العربية تكون ملمومة من قدام. لو غيرتها في يوم من الأيام حجيب النترا الموديل الجديد. الانذار شغال الحمد لله تمام وممكن يتغير عادي جداً. أن كمان مركبلها باركنج سنسور علشان عاليه شوية من ورا. أما الكلاكس ده بيتغير عادي جداً. أنصحك تجيبها أوتوماتيك علشان الزحمة وتعب السواقة.. وكمان ما تتعاملش مع التوكيل نهائي. أنا بجيب قطع غيارها الأصلية من نافع ناشد وبركب وبعمل الصيانة مع ميكانيكي خبرة في البي ام والألماني بتعامل معاه بقالي 10 سنين

لو حضرتك قصدك علي اللمبه اللي في التابلوه اسمها دي

eps

Electric Power Steering

بتاعت الباور الكهربا بتنور لو في خلل في الباور

[ASKAFRAWY]

بجد انا مش عارف اشكركم ازاى والله انا ان شاء الله حعتمد على الله وحجيب الالنترا الاوتوماتيك باذن الله

وهو صحيح العرض ده لحد اخر الشهر باذن الله تعالى ولى لحد امتى ياريت لو فى حد عارف يفيدنا

مش عارف بس انا اشتريت من ابوغالى فرع الداون تاون بالاسكندرية وكان العرض لحد اول مايو وامتد لاخر الشهر هتاكد لحضرتك وانا بستلم وهبلغك ان شاء الله

[maged80]

ياريت يا استاذ askafrawy


ربنا يجازيك خيرا

[Kareem.ElAraby]

بس مضمون العربيه كلها تعتبر تمام يعنى اتوكل على الله

وعندى استفسار لو جبت مانيول طبعا مافيهاش فوانيس شبوره ولا مسند يد فى الكرسى

ممكن اطلب من التوكيل تركيب فوانيس شبوره ومسند يد

ويعملوا كام تقريبا

انا جبتها من سمير ريان بمسند اليد لكن من غير فوجات
جيت أسأل ع الفوجات و السينسور باركفي التوكيل قالي مدير الاستقبال يخلص الضمان و اعمل اللي انت عاوزه عشان محدش يتلكك و يقولك الضفيره و مش الضفيره

مسند اليد الزملاء كانوا قايلين 1800
و الفوجات بالدراع النور عامل 1650 أو 1800 و ده طبعا أسعار من جو التوكيل

و مبروك مقدما

[kan]

انا معايا موديل 2011
من شهر 8 قلي فات
العربيه فظيعه بس مشكلتها انها بتوطى لما حد بيقعد في الكنبه قلي ورى
لو رجع بيا الزمن للخلف هجبها كامله انا جايبها اتوماتيك وفتحه سقف بس

[maged80]

ودى كان سعرها كام

والكامله ايه الاختلاف فيها عن الاوتوماتك ولا تقصد الخليجى يعنى

[venomixus]

لو حضرتك قصدك علي اللمبه اللي في التابلوه اسمها دي

eps

electric power steering

بتاعت الباور الكهربا بتنور لو في خلل في الباور

تصدق يا راجل ان أنا كل ده كنت شايفها esp مش eps . متشكر جداً على الإفادة :)

[Dr_ElSioufy]

هوا شيبوب ده فين ؟ :d عاوزه ضروري

[ahmed_mido1889]

تصدق يا راجل ان أنا كل ده كنت شايفها esp مش eps . متشكر جداً على الإفادة :)

اي خدمه اصل انا اتخدعت فيها في الاول عند صاحبي ولما ركزت فيها وقريت الكتالوج عرفت دي ايه

[maged80]

انا النهرده اتصلت بغبور واستعلمت على العرض

المندوب قالى لى ان العرض سارى حتى نفاز الكميه

سالت على الالنترا الاوتوماتيك فئه n لقيتها ب 104.500 الف جنيه

مرايات نفس لون العربيه لمبات اشاره فى المرايه بها مسند يد وجميع الكماليات

[ASKAFRAWY]

انا النهرده اتصلت بغبور واستعلمت على العرض

المندوب قالى لى ان العرض سارى حتى نفاز الكميه

سالت على الالنترا الاوتوماتيك فئه n لقيتها ب 104.500 الف جنيه

مرايات نفس لون العربيه لمبات اشاره فى المرايه بها مسند يد وجميع الكماليات

ايوة هى دى الحجزتها ومستنى بس ورقها يخلص عشان ارخص انا شايف ان السعر معقول جدا حتى لو الشكل هيقدم كمان كام شهر بس برضه حاجاتها منتشرة وصيانتها فى المعقول دةالانا شايفه

[koky55]

جماعه لو سمحت هو ايه نظام فصل البور فيه ناس خوفتنى منه ؟شكرا مقدما

[Kareem.ElAraby]

حضرتك الباور في الالنترا كهرباء فعلي السرعات الضغيره بيبقي ناعم و سهل عشان الركنات و المناورات داخل المدينه أول لما تقرب من 80-100 الباور يبدأ يتقل
بس كده
لو في اي استفسار اسأل و انا أقولك لو أعرف

[maged80]

واعتقد ان الباور بيفصل على الرعات العاليه على شان يعطى ثبات اكثر للعربيه