رابطة مالكى الاكسيل-الجزء الأول

[alsayedsabry]

عملت 280كيلو محصلتش معايا قبل كده

السلام عليكم
انا معايا اكسيل 97 1300
وكانت لما بفول التانك كانت بتعمل معايا حوالى 230 كيلو
امبارح رحت ورجعت من العين السخنة وكنت مشغل التكييف عملت معايا 280 وكمان كان المؤشر حوالى اقل من ربع التنك مليان
فانا مستغرب جدا .... من الفرق ده
اولا انا مستبعد ان ييكون العدادات مفوته .
بس كل اللى عملته قبل السفر غيرت زيت والميكانيكى رش لى سائل اسبراى على جولانب الكربراتير وقالى عشان حاجه كده متقفش ولا متمسكش مش فاكر بالضبط
طبعا انا مبسوط من الفرق ده توفير فى البنزين بس كنت عاوز اعرف ايه الاسباب
يا ريت يا شباب حد يدلنى

[haitham83]

يا جماااااااااااااااااااااااااااااااااعه سعر الاسكترا الاصلى كام و مين اضمن واحد فى اسكندريه بيبيعها اصلىىىىىىىىىىىىىى

[aymankader]

يا جماااااااااااااااااااااااااااااااااعه سعر الاسكترا الاصلى كام و مين اضمن واحد فى اسكندريه بيبيعها اصلىىىىىىىىىىىىىى

فى واحد فى شارع سيف اسمة الدكتور اسأل عندة..........

[elwazeri]

أخى الحبيب الغالى السيد صبرى فرق إستهلاكك للوقود من الواضح إنه كان عندك مشكله ومازال فى الكربراتير لأن إستهلاك الوقود عندى للتانك فى السفر أكثر من 14 ك فى اللتر وفى داخل القاهرة أكثر من 8 ك فى اللتر ، وأرجوا أن تلاحظ هل عندك هزه فى السيارة وانت منور الفتيس لو فى الهزه دى من الكربراتير والله أعلم

[elwazeri]

هل تعلم :

عند ارتفاع درجة حرارة المحرك فجأة، يجب على الفور اتخاذ الحارة اليمنى من الطريق والتوقف بالسيارة في مكان آمن من جانب الطريق، وعلى الفور يتم غلق مفتاح (الكونتاكت) لإيقاف تشغيل المحرك عن الدوران، بعد ذلك يفتح غطاء المحرك (الكابوت) بحذر ويلاحظ الأتي:- وجود آي تسرب للمياه بدورة التبريد والعمل على منعها أو إصلاح وتغير ما يلزم، التأكد من سلامة تشغيل مروحة التبريد، وبعد أن يبرد المحرك يمكن فتح غطاء الردياتير والتأكد من وجود مياه بداخله، كذلك التأكد من سلامة قربة مياه الردياتير وأن يكون بداخلها مياه حتى المستوى المطلوب، التأكد من سلامة غطاء الردياتير،التأكد من سلامة الردياتير نفسه وعدم وجود أي شيء يحجب الهواء عنه، وإذا كانت السيارة أتوماتيك يجب فحص زيت الفتيس لأنه لو زيت مضروب فإنه يؤخر حركة النقل مما يؤدى إلى زيادة درجة حرارة الموتور ويراعى فحص زيت الموتور لأن نقصانه يؤدى إلى زيادة الحرارة كذالك 0
ولعدم الإطاله فى إحتمال وارد أنك تتجه فى عكس إتجاه الهواء وأنت فى يوم حار جدا فكل الهواء المندفع للسياره ساخن جدا 0

[elwazeri]

هل تعلم :

تجنب السير على الطريق خلف شاحنات محملة بـ (رمال أو طوب أو زلط أو براميل أو أي أطوال مثل أسياخ الحديد أو الخشب الخ ) حيث أن كل ذلك معرض للسقوط في أي لحظة فجأة أمامك على الطريق فيؤدي إلى حوادث لا تُحمد عقباها. أو على الأقل ممكن أن يتطاير الرمل على الزجاج الأمامي للسيارة فتحدث به خدوش أو نًقر فتتلف الزجاج، أو يتساقط الطوب على الأرض فيتلف كرتيرة زيت المحرك، وتجنب أيضا وخصوصا فى طريق السفر السير بجانب متحدث المحمول أو المشغول بالحبيبه التى بجانبه والسلام ختام 0

[elwazeri]

هل تعلم :


ربما تشعر بصدمة كهربائية خفيفة عند خروجك من باب السيارة وملامسة يدك لجسم السيارة خاصة بعد فترة قيادة طويلة، فلا تنزعج لان هذه ظاهرة طبيعية تعرف بالكهرباء الإستاتيكية و قد تحدث تحت ظروف معينة وخاصة إن كان الجو الخارجي جاف، ولا يمكن منعها ولكن يمكن تقليلها بارتداء ملابس قطنية و البعد عن الملابس المصنعة من الألياف الصناعية ويراعى ذلك في كرسي القيادة أيضاُ، وعند مغادرتك لكرسي القيادة لا تغادره فجأة ولكن ببطء، وقبل النهوض من الكرسي حاول أن تمسك بيدك أي جزء معدني من جسم السيارة لتفريغ شحنتك الإستاتيكية من خلاله.

[haitham83]

فى واحد فى شارع سيف اسمة الدكتور اسأل عندة..........

متششششششششششكر يا باشا

[Lion_Heart]

كنت بأسأل عن افضل تيل فرامل فقالوا جولد فعلا كده و لا فى افضل ؟؟

[KMFB]

شكرا لك يا نادر يا جميل
اولا باركوا لى على العربية هى هتكون متاخره 6 اشهر بس برده باركو لى
على فكرة انا اول ما نويت قلت اخش على النت واشوف ايه احبار السيارات وخصوصا انا مصمم مواقع انترنت يعنى النت لعبتى جميل .....
بعد فحص وتقليب النت فوقها وتحتها ربنا كرمنى ولقيت الموقع الجميل اللى احنا فيه ويا سيدى لقيت الموضوع المميز ده يعنى جاءت مقشرةزفهمت كل حاجه عرفت عيوبها قبل مميزتها منكم وخصوصا انا ابيض يا ورد فى السيارات وكل علاقتى بيها الاسطى عادل الميكانيكى اللى تحتينا وخناقته مع الزباين.
بصراحة كان مفيد لى جدا جدا
وخصوصا لما نزلت سوق السيارات ودورت ومعايا قريب لى ميكانيكى
وربنا كرمنى
بحلاوتهم ايوه اسمها حلاوتهم عربية الاحلام ( بالنسبة لى اى)
مواليد 97
1300+تكييف +جنوط +حالة ممتازة
وده كان بتوفيق من الله وبمساعدة مباشرة من احلى ناس موجودة هنا ربنا فعلا يبارك لكم وخصوصا نادر باشا
وخصوصا لما عرفت اماكن قطع الغيار انا فى فيصل يعنى بعدى على المنير كل يوم وكمان فى شارع العشرين يعنى بجانب بتوع الاستيراد والميكانيكية والسمكرية وكل الفنين وبرده عرفتهم من عندكم
مقدمه طويلة بس لازم عشان اشكر كل الحبايب هنا واللى شجعنى عليها الروح الحلوة الموجودة اللى هتنط من الموضوع
هسال كام سؤال كده على الماشى
السؤال الاول
1- عاوز اعمل فرش للسيارة اعمله او اجيبه منين انا سمعت سبيركار كويس ايه رايكم انا عاوزه قماش
2- بسبب ان ارضية السيارة موكيت بتلم رمله كتير وبيبقى صعب التنظيف خصوصا الشارع بتاعى تحت الانشاء يعنى رمله رهيبة بتدخل العربية فكنت عاوز اعمل ارضية للسيارة قالو لى تتكلف 250 جنيه اعمها عند سروجى ولا اعملها عند السلام اللى فى الملك الصالح وهل فى سروجى كويس فى فيصل
3-اخيرا كنت عاوز اعمل الاربع ابوبا زجاج كهرباء لقنهم يتكلفوا 600 جنيه الاربع ماكينات وكمان حوالى 400 جنيه كونسول جديد يركب مكان القديم اللى هو تحت الفتيس لغايه فرامل اليد وده استيراد بس انا شابفه غالى جدا وممكن اركب الازرار بس بحوالى 120 جنيه والعهده على الكهربائى بتاعى افتونى كده كويس ولا بيشتغلونى

على فكرة اى حد عاوز حاجه من شارع العشرين او المساكن يقولى
السلام عليكم

اهلا اخ سيد انا خالد فتح الباب عضو فى مجاس ادارة جمعية الازهار الخيرية بالمرج و كنا عايزين نعمل سيت على النت للجمعية فيه مشكلة انك تعملهنا ببه

[Nader]

كنت بأسأل عن افضل تيل فرامل فقالوا جولد فعلا كده و لا فى افضل ؟؟

الجولد أفضل حاجة جربتها حتى الان

[Lion_Heart]

[شكرا لك يا نادر

[mrahmed2004]

جيد جدا وممتاز

[georgegamel]

يا مساء الفول على أحلى منتدى أنا كنت سئلت أبل كدا على حاجه و محدش رد على أرجو الافادة
أنا عندى أكسيل 96 و كنا عاوز أغيرلها المتور منت 1300 الى 1500 وكنت بسئل أيه الاحسن الانجكشن ولا الكربراتير و هى المفروض تعمل كام فى الصفيحه دا لل1300و 1500
وشكرآ

[mero25]

يا مساء الفول على أحلى منتدى أنا كنت سئلت أبل كدا على حاجه و محدش رد على أرجو الافادة
أنا عندى أكسيل 96 و كنا عاوز أغيرلها المتور منت 1300 الى 1500 وكنت بسئل أيه الاحسن الانجكشن ولا الكربراتير و هى المفروض تعمل كام فى الصفيحه دا لل1300و 1500
وشكرآ

سؤال مهم جدا فعلا وارجو ان نسمع راى الاعضاء فى ذلك علشان انا سمعت ان بيبقى فى مشكلة فى ضفيرة الكهرباء