رابطة مالكى الاكسيل-الجزء الأول

[Nader]

[frame="5 80"]بسم الله الرحمن الرحيم[/frame]

[frame="1 80"]القواعد والأسس السليمة لقيادة السيارة بأمان[/frame]

أولاً ينبغي على كل سائق أن يتحقق من بعض النقاط قبل بدء رحلته بالسيارة، وتتلخص تلك النقاط في التالي:



[frame="7 80"]

1- التحقق بالنظر من ضغط الإطارات وإذا لاحظ نقص في هواء الإطارات فيقوم بضبط ضغط الهواء سواء باستخدام كومبريسور شخصي في حدود 70-100 جنية أو التوجه إلى أقرب مكان لضبط ضغط الإطارات ويرجى مراعاة ضبط ضغط الإطارات قبل القيام بمشوار بالسيارة حيث يجب أن يكون الهواء داخل الإطارات بدرجة حرارة البيئة المحيط لان الهواء داخل الإطارات يتمدد بالحرارة وينكمش بالبرودة. يحقق السير بإطارات ينقص بها ضغط الهواء 30% استهلاك أعلى للوقود بالإضافة إلى عدم استجابة فرامل السيارة بالشكل الأمثل.

2- يجب التأكد من منسوب سائل التبريد على الأقل مرة أسبوعيا وخصوصاً أثناء فصل الصيف.

3- يجب التأكد من منسوب زيت المحرك ووجوده بين علامتي الحد الأقصى والحد الأدنى. في حالة وجود الزيت تحت علامة الحد الأدنى فعليك تزويده فوراً من نفس نوع الزيت الذي تستخدمه وذلك بدون إدارة محرك السيارة، أما في حالة وجود منسوب زيت المحرك أعلى من علامة الحد الأقصى فعليك التوجه فوراً إلى اقرب مركز خدمة ليقوم بفتح الطبه السفلية لتفريغ الزيت الزائد قبل التسبب في أضرار للمحرك، أو يقوم بسحب الزيت الزائد بواسطة (سرنجة مخصصة) وذلك من الفتحة المخصصة لمقياس الزيت.

4- يجب التأكد من منسوب زيت الفرامل (الباكم) قبل التحرك بالسيارة على أن تكون السيارة في وضع مستوي لتحقيق مراجعة صحيحة لمستوى الزيت.

5- يجب التأكد من عمل أضواء السيارة الرئيسية والتحذيرية فيحميك على سبيل المثال ضوء الفرامل من خطورة اصطدام سيارة بك من الخلف.

[/frame]

ثانياً الطرق المثلى لقيادة السيارة والمحافظة عليها.

[frame="7 80"]

1- النظر في مرايات الأجناب قبل الشروع في تسيير السيارة.

2- بداية حركة السيارة ببطء وسلاسة وخصوصاً للسيارات ذات ناقل الحركة الأوتوماتيكي فيساعد هذا الأسلوب على المحافظة على ناقل الحركة وتمديد عمرة الافتراضي.

3- التسارع بسلاسة وبشكل تدريجي.

4- الانتباه للوقت النقل الغيار سواء للغيار الأعلى أو الغيار الأقل.

5- عدم التحميل على الغيار ورفع عدد لفات الموتور RPM عن المعتاد للقيادة العادية.

6- عدم استخدام اسلوب الـ Kickdown بشكل جائر بالنسبة للسيارات ذات ناقل الحركة الأوتوماتيكي وذلك للحفاظ على ناقل الحركة.

7- عدم السير بسرعة كبيرة لا تتناسب مع الطريق سواء من حيث الكثافة المرورية بالطريق أو من حيث وجود حفر ومطبات بالطريق قد تتسبب في حوادث وإصابات وخيمة. والسير بسرعة تتناسب مع قوة الفرامل الخاصة بالسيارة.

8- عدم استخدام دواسة البنزين في الملفات أو المنحنيات للحفاظ على كبالن السيارة من التلف ويفضل وضع ناقل الحركة على الوضع الحر "مور" أو "N" بالنسبة للسيارات ذات ناقل الحركة الأوتوماتيكي.

9- ترك مسافة أمان كافية بينك وبين السيارات من حولك وذلك لتتمكن من التحكم بالسيارة بشكل أمن أو إيقاف السيارة إذا لزم الأمر.

10- استخدام الإشارات الجانبية قبل تغيير حارة المرور بشكل كافي لتنبيه السائقين بالطريق، وعدم تغيير الحارة بشكل مفاجئ.

11- استخدام إشارة الانتظار عند المفاجئة بمطب صناعي أو توقف للسيارات أو أي عائق في الطريق يستدعي التوقف التام أو تخفيض السرعة بشكل حاد حتى تتجنب الحوادث الناتجة عن التوقف المفاجئ.

12- تجنب السير بسرعة عالية مع وجود رمال أو سوائل على الأرض لتجنب فقدام التحكم في السيارة.

13- تجنب السير بسرعة في الأراضي المبتلة لعدم تأثر نظام فرامل السيارة بالماء مما يتسبب في تلفها مع مرور الوقت.

[/frame]

كانت هذه هي أهم النصائح للحفاظ على سلامتك ومن معك وسلامة سيارتك، وفي النهاية أتمنى أن يحفظنا الله جميعاً ويبقينا بصحة وسلام.

[elwazeri]

أخى الحبيب الغالى نادر أنا أسف على تعبك معانا بس حقيقى متشكر جدا على هذه النصائح الثمينه وبارك الله فيك

[AVODAFONE1]

الشكر كل الشكر لك علي المعلومات القيمة يا نادر ونتمني وجودك معنا دائما

[Nader]

الشكر لله يا اخواني،،

انا متابع، انتوا قايمين بالواجب ما شاء الله بقى في اخوة متميزين وعندهم خبرة.

[alsayedsabry]

شكرا لك يا نادر يا جميل
اولا باركوا لى على العربية هى هتكون متاخره 6 اشهر بس برده باركو لى
على فكرة انا اول ما نويت قلت اخش على النت واشوف ايه احبار السيارات وخصوصا انا مصمم مواقع انترنت يعنى النت لعبتى جميل .....
بعد فحص وتقليب النت فوقها وتحتها ربنا كرمنى ولقيت الموقع الجميل اللى احنا فيه ويا سيدى لقيت الموضوع المميز ده يعنى جاءت مقشرةزفهمت كل حاجه عرفت عيوبها قبل مميزتها منكم وخصوصا انا ابيض يا ورد فى السيارات وكل علاقتى بيها الاسطى عادل الميكانيكى اللى تحتينا وخناقته مع الزباين.
بصراحة كان مفيد لى جدا جدا
وخصوصا لما نزلت سوق السيارات ودورت ومعايا قريب لى ميكانيكى
وربنا كرمنى
بحلاوتهم ايوه اسمها حلاوتهم عربية الاحلام ( بالنسبة لى اى)
مواليد 97
1300+تكييف +جنوط +حالة ممتازة
وده كان بتوفيق من الله وبمساعدة مباشرة من احلى ناس موجودة هنا ربنا فعلا يبارك لكم وخصوصا نادر باشا
وخصوصا لما عرفت اماكن قطع الغيار انا فى فيصل يعنى بعدى على المنير كل يوم وكمان فى شارع العشرين يعنى بجانب بتوع الاستيراد والميكانيكية والسمكرية وكل الفنين وبرده عرفتهم من عندكم
مقدمه طويلة بس لازم عشان اشكر كل الحبايب هنا واللى شجعنى عليها الروح الحلوة الموجودة اللى هتنط من الموضوع
هسال كام سؤال كده على الماشى
السؤال الاول
1- عاوز اعمل فرش للسيارة اعمله او اجيبه منين انا سمعت سبيركار كويس ايه رايكم انا عاوزه قماش
2- بسبب ان ارضية السيارة موكيت بتلم رمله كتير وبيبقى صعب التنظيف خصوصا الشارع بتاعى تحت الانشاء يعنى رمله رهيبة بتدخل العربية فكنت عاوز اعمل ارضية للسيارة قالو لى تتكلف 250 جنيه اعمها عند سروجى ولا اعملها عند السلام اللى فى الملك الصالح وهل فى سروجى كويس فى فيصل
3-اخيرا كنت عاوز اعمل الاربع ابوبا زجاج كهرباء لقنهم يتكلفوا 600 جنيه الاربع ماكينات وكمان حوالى 400 جنيه كونسول جديد يركب مكان القديم اللى هو تحت الفتيس لغايه فرامل اليد وده استيراد بس انا شابفه غالى جدا وممكن اركب الازرار بس بحوالى 120 جنيه والعهده على الكهربائى بتاعى افتونى كده كويس ولا بيشتغلونى

على فكرة اى حد عاوز حاجه من شارع العشرين او المساكن يقولى
السلام عليكم

[Nader]

اهلاً بك يا أخ سيد عضو معانا في الرابطة والف مبروك على العربية وربنا يبارك لك فيها

بالنسبة للفرش فممكن تعملة عند سبير كار فعلاًَ وهتلاقي عندهم خامات مختلفة باسعار متفاوتة وتركيبهم نضيف.

أما بخصوص الأرضية الجلد فانصحك أنك تعملها عند سروجي لانة هيفك الكراسي ويركبهم تاني علشان الشغل يبقى نضيف.

[m_elmahdy]

بص يا جميل هو في فيصل في شارع اسمة سارع المساكن ودة شارع معروف في فيصل بعد تقاطع شارع العشرين هو اسمة الاسطي ياسر خلي بالك هو اخر واحد بتاع تكييف علشان فية اتنين قبل منة انا هاشوفلك رقمة وهبعتهولك كمان ولو رحت قلة انا جيلك من طرف الاستاز احمد اللي معاه الهيونداي الاتوماتيك الخضرا تمام وشوفة خلية يبص عليها الاول ولو فية امكانيه يصلحلك الكباس وانشاء اللة هيزبطهولك كويس انا مجربة

قصدك مساكن كفرطهرمس اللى عند الطالبية
يا سلام لو تبعت لى رقم تليفونه
جزاك الله خيرا

[elwazeri]

أخى الغالى ألف مبرزك على السيارة الجديدة وعلى إشتراكك معنا بس ملحوظه خلى بالك السيارة 1300سى سى خلى بالك منها فى السفر مش عاوزه حمل زايد ويترحيها كل فتره عشان المفروض السيارة المناسبة للسفر تبدأمن 1500سى سى وبارك الله لك فيها وكفاك شر ها

[ahmedsaeeed]

يا جماعة ياريت لو حد عندو فكرة عن سعر مجموعة الدبرياج (بلية و ديسك و اسطوانة ) و جداد ولا استيراد احسن

[modynet16]

اولا السلام عليكم
ثانيا ممكن اعرف سعر الكاربرتير بتاع اكسل 1300 عامل كام و واحصل علية منين واخلى بالى من اية وانا بشترية لان اللى عندى لاقيت انة ناقص منة حاجات مثلا الباب التانى مش موجود وراكب بتاع لانسر والرجل قالى انة كدة مش شغال ويوثر على السحب واستهلاك البنزين وكمان فى حاجة بتزود البنزين لما يشتعل التكييف مش موجودة فعلشان كدة قلت اجيب واحد على بعضة ومعذرة للاطالة وشكرا للرابطة

هو لية محدش رد على هو السؤال فى حاجة غلط ولا حاجة!!!!!!!!!!!!!!!!!!!

[Nader]

يا جماعة ياريت لو حد عندو فكرة عن سعر مجموعة الدبرياج (بلية و ديسك و اسطوانة ) و جداد ولا استيراد احسن

بيتجاب جديد مينفعش استيراد

هو لية محدش رد على هو السؤال فى حاجة غلط ولا حاجة!!!!!!!!!!!!!!!!!!!

هديكم بليل إن شاء الله رقم تليفون محل قطع غيار تعرفوا منه متوسط السعر، ولو عاوزين تشتروا رخيص اشتروا من التوفيقية ارخص.

[TAMER13]

يا جماعة ياريت لو حد عندو فكرة عن سعر مجموعة الدبرياج (بلية و ديسك و اسطوانة ) و جداد ولا استيراد احسن

لسه عامل الشغلانه ديه من يومين كلفتني 260 جنيه غير المصنعيه جداد

[elwazeri]

هل تعلم :


عند قياس مستوى منسوب زيت محرك السيارة، يجب أولاً أن تكون السيارة في مستوى أفقي، وأن يتم تشغيل المحرك حتى درجة حرارة تشغيله العادية، وبعد ذلك يوقف تشغيل المحرك بغلق مفتاح الكونتاكت والانتظار حوالي خمس دقائق، ثم يرفع مقياس الزيت من مكانه بالمحرك و ينظف جيداً بقطعة قماش لا تحتوي على وبر،ثم يوضع مكانه مرة أخرى بالمحرك ويرفع ويلاحظ مستوى الزيت، ويجب أن يكون بين العلامتين بالمقاس ولا يكون أعلى من العلامة العليا أو أقل من العلامة السفلي، ولا يجب قياس مستوى الزيت والمحرك في حالة دوران لأن ذلك سيعطي بيان غير مضبوط لمنسوب الزيت بالمـــحرك.
ويراعى عند قياس منسوب زيت الفتيس أن تكون السيارة فى الرجوع للخلف مع ضغط الفرامل 0

[elwazeri]

هل تعلم :



عند قياس ضغط هواء الإطارات يجب أن يكون العجل بارد، لأن قياس الضغط بعد مشوار طويل بالسيارة يعمل الاحتكاك بين إطار عجل السيارة وبين الطريق على زيادة سخونة الإطارات وبالتالي زيادة سخونة الهواء بداخلها فيرتفع ضغطه، ويعطي بعد ذلك قراءة غير صحيحة لقيمة الضغط داخل الإطارات.

[elwazeri]

هل تعلم :


عدم تزويد زيت (سائل) الفرامل عند انخفاض منسوبه في علبة زيت الفرامل، لأن انخفاض منسوب سائل الفرامل يدل على تآكل تيل الفرامل ويعطي الفرصة للمبة بيان الفرامل أن تضيء في التابلوة، أما عند تزويد سائل الفرامل فيتآكل التيل بدون إعطاء أي بيان للسائق حيث أن لمبة الفرامل لم تضيء. ويتم تزويد سائل الفرامل فقط عند تسربه أو عند تغير أي من الأجزاء داخلية بالدورة. ويجب الحظر الشديد عند استخدام زيت الفرامل لان تأثيره شديد على دهان جسم السيارة، وإن حدث وانسكب على جسم السيارة فيجب على الفور سكب كمية من الماء على موضع زيت الفرامل على لجسم السيارة.