رابطة مالكى الاكسيل-الجزء الأول

[hema_hn]

أنا لسه جايبة عربية هيونداي اكسل 98 كاملة اوتوماتيك
بس فيه نتشه في الفتيس
يا ريت حد يقولي ممكن تكون من ايه والحل ايه
وشكراًً جزيلاً علي تعاونكم

الف مبروك الناس البروفشنل الى فى الرابطة اظاهر باعو العربيات بتعتهم ربنا يكرم وحد يرد عليك

[rawaan2007]

ينفع بس طبعا لازم تغير الجنوط ولازم تتأكد من تاريخ الكاوتش اللي ها تجيبه

[rawaan2007]

بالنسبة لل بيسأل عن الكاوتش
ينفع انه يكون مقايس 14
بس طبعا لازم تغير الجنط الداخلي

[M.FOUAD]

انا اول امبارح حصل معايا موضوع مش زريف كنت مشغل التكييف وانا ماشي وبعد خمس دقائق من تشغيل شميت ريحة شيات ودخان طالع من عند الدركسيون ومحدش يعرف ده يكون اية , علشان انا روحت لكهربائي قالي دية عايزة ضفيرة الله يكرمه اخر كرم .

الحمد الله امبارح روحت لكهربائي فاهم وكويس اسمه محمد السيد وهو معرف قوي في المنتدي وبصراحة الراجل تعب معايا قوي , فك التابلوه كله وكشف علي الدفيرة والحمد الله مفيهاش اي حاجة وبعدين بص علي الكهرباء كلها وبردوه مفيهاش اي حاجة بس مشكلة الدخانة كانت من الكتاوت بتاعت التكييف والسبب كان , ان مروحة التكييف كانت بتفصل لوحدها والكومبرسير يفضل شغال فكان بيحصل دخنة ,غيرت الكتاوت بتعته وبقيت الدنيا زي الفل
وقولت بالمرة اغير التابلوه ,لان التابلوه عندي كان مشروخ وكان شكله وحش جدااااااااااااااا المهم روحت انا ومحمد سيد باشا الله يكرمه عند واحد اسمه سوسو بتاع قطع غيار استيراد في الطوابق -فيصل واشتريت التابلوه وركبناه والدنيا بقيت زي الفل الحمد الله ,طبعا الناس عايزة تعرف التكلفة كام :-
2 كتاوت كوري 40
تابلوه كامل 500
مصنعية 250



الحمد الله التكييف والكومبريسور طلع زي الفل والا حتي محتاج شحن وكمان زبط القطعة الا متركبة علي الكربيراكتير المسئوله عن زيادة البنزين ورفع ال rpm عند تشغيل التكييف ومعلش مش فاكر اسمها حاليا



ارجو الافادة

[/quote]
مبروك كويس انة مطلعش من الكومبريسور مع انها مشكلة مشهورة في الاكسيل

[M.FOUAD]

هل ضعف الموبينة يخلى العربية تترجرج جامد اوى وهيا وقفه وهيا بتسخن برده ؟

ممكن طبعا و تخليها تدور الصبح بصعوبة بس قبل ما تغيرها شوف السلك العمومي بتاعها الاول و سلوك البوجيهات ممكن يكون العيب منهم

[M.FOUAD]

حد يعرف سعر الكمبروسر كام جديد و استيراد

جديد مش موجود غير في التوكيل و بييجي بالطلب ب 4500
و استيراد من 300-400 جنية

[M.FOUAD]

أنا لسه جايبة عربية هيونداي اكسل 98 كاملة اوتوماتيك
بس فيه نتشه في الفتيس
يا ريت حد يقولي ممكن تكون من ايه والحل ايه
وشكراًً جزيلاً علي تعاونكم

هو طبيعي ان فتيس الاكسيل الاوتو بينتش نتشة بسيطة مع كل نقلة متقلقش

[amrmh2002]

حد يعرف الكمبروسر بيتصلح ؟

[meller]

مبروك كويس انة مطلعش من الكومبريسور مع انها مشكلة مشهورة في الاكسيل[/quote]

معني كلام ان الكومبريسور لازم يبوظ والا اية والا هو ده عيب في الاكسيل ولو عايز الحقه قبل ما يبوظ اعمل اية

[meller]

بالنسبة لل بيسأل عن الكاوتش
ينفع انه يكون مقايس 14
بس طبعا لازم تغير الجنط الداخلي

وبالنسبة للعفشة

[johnnaguib]

وبالنسبة للعفشة

بالنسبة لكتالوج العربية بيقول ان اكبر مقاس ممكن يركب على العربية 175 /70 r 13 يعنى لو ركبت مقاس 14 اكيد هيعمل معاك مشكلة فى العفشة لان العربية بتنزل من بلدها بمقاس 155 بس طبعا بتيقى واطية على الارض اوى .
و على فكرة دة كلام ناس تجار كاوتش و راى ناس عفشجية كمان
و بالنسبة للاسعار هتلاقى الكومهو و مجموعة انواع قريبة من نفس المستوى 200 - 230
البريلى 250 ج - برجيستون 290 - ميشيلان 350
الاسعار دية كانت من حوالى شهرين

[Dojuar]

يا اكسلاوية

حد فيكم بيحط بنزين 80؟؟

هل في مشكلة في الاداء أو اي شئ لو مشتها 80؟

وهل احط 80 على طول و لا لازم الميكانيكي يشوف العربية الاول؟

وشكرا

[ahmedzizo131]

يا اكسلاوية

حد فيكم بيحط بنزين 80؟؟

هل في مشكلة في الاداء أو اي شئ لو مشتها 80؟

وهل احط 80 على طول و لا لازم الميكانيكي يشوف العربية الاول؟

وشكرا

بسم الله الرحمن الرحيم
اكبر مشاكل الـــ80ــ ضعف السحب و زيادة كركرة صوت الموتر
عن تجربة

[magid1010]

السلام عليكم ورحمة الله وبركاته

ممكن اسال عن الشفاط فى الهيونداى اكسيل اشد الشفاط الاول و بعدين ادور و لا ادور الاول وبسرعة اشدةو طيب دة يتشد على الاخر لمدة اد اية و شكرا؟

[yasserexe]

كابوت العربية الاكسيل

السلام عليكم و رحمة الله

ياريت يا جماعة الى يعرف كابوت الاكسيل 1500 بيتباع فين و بكام يقولى

ارجو سرعة الرد