رابطة مالكى الاكسيل-الجزء الأول

[kmfb78]

السلام عليكم و رحمة الله
هلى تعلمون ان موتور الاكسيل متسوبيشى و اللى عمل عمرة يعرف كده لانه بيشرى الشنابر بتاعت اللنسر و ده رابط يكد ده و يديكو معلومات عن السيارة
1986 Hyundai Excel 1.5 GS technical specifications and data 1.5 litre (1468 cc) S4 82.1 PS - Carfolio.com car specifications pages

[kmfb78]

معلش ياجماعة انا بسمع صوت تخبيط من نحية العجلة الامامى يمين فى المطبات يكون ايه

[kmfb78]

سعر الفانوس الامامى بكام

[صفوت منصور]

عندى صوت فى العجل وأنا ماشى وبتقابلنى بعض الحفر الصغيرة الموجودة فى شوارعنا الأصيلة
الصوت ده بحس معاه ان ممكن حاجة فى العفشة او العجلة هتتكسر.
حد من الأخوة الأفاضل يعرف دة صوت إيه ممكن يكون بايظ علشان اغيره.
أخوكم صفوت

[al_manara]

معلش الردود مجمعة مع بعض

بالنسبة الرجة ممكن تكون بسبب تلف قواعد الفتيس أو كهربة الموتور المنخفضة.

الاكسيل الكربيراتير مفيهاش حساس ايديل وكهربة الموتور بتتظبط يدوي عن طريق تحريك الاسبيراتر بخلاف أكثر السيارات الانجكشن الحديثة يوجد بها حساس ايديل وتقوم وحدة التحكة الإلكترونية الخاصة بالسيارة بضبط سرعة الايديل طبقاً لظروف التشغيل (ترفع الـ rpm عندما يكون المحرك بارداً وتخفضة مرة اخرى عند الوصول لدرجة حرارة التشغيل).


والتاكيهات بتتظبط على الساخن

تسلم ايدك وجزيت خيرا .
انا قولت شكلي هاغير الفتيس كلة

[al_manara]

عندى صوت فى العجل وأنا ماشى وبتقابلنى بعض الحفر الصغيرة الموجودة فى شوارعنا الأصيلة
الصوت ده بحس معاه ان ممكن حاجة فى العفشة او العجلة هتتكسر.
حد من الأخوة الأفاضل يعرف دة صوت إيه ممكن يكون بايظ علشان اغيره.
أخوكم صفوت

ياريت توضح اية هو الصوت بالضبط؟
صوت حاجة بتحك ولا نحر ولا اية ؟

ممكن الكوبلن . بلي العجل .

[johnnaguib]

سعر الفانوس الامامى بكام

الفانوس الامامى 90 جنية

[abou-yahia]

معلش ياجماعة انا بسمع صوت تخبيط من نحية العجلة الامامى يمين فى المطبات يكون ايه

شيك علي علبه الدركسيون

[aomran]

اكسيل ولا اكسنت ولا شاهين

السلام عليكم يا شباب
جزاكم الله خيرا على المعلومات المفيدة جدا اللي بتقدموها وربنا يجعلها في ميزان حسناتكم ان شاء الله
عايز اعرف اية الافضل من وجهة نظركم اكسيل ولا اكسيس ولا الشاهين
انا اول مرة اجيب عربية ومعاي في حدود ال 30 الف يا ترى المبلغ ده يجيب اية
مع العلم اني ساكن في مايو وشغلي في مدينة نصر يا ترى اي عربية تستحمل المشوار ده كل يوم؟؟؟
محتاج رايكم حتى لو خرج عن ال 3 عربيات اللي انا اخترتها
شكراااااااااااا

[semsem_inside]

يا جماعة ايه رأيكم اشترى اكسيل ولا أكسنت 98
وبالنسبة للارتفاع عن الأرض أيهما أعلى ..
وشكرا

السلام عليكم
يا ريت لو حد عند فكرة يفيدنى يا جماعة

[dr_raveheart84]

يا جماعة هيه اكسيل 95 بتحطولها 80 ولا 90

[M.FOUAD]

يا جماعة ايه رأيكم اشترى اكسيل ولا أكسنت 98
وبالنسبة للارتفاع عن الأرض أيهما أعلى ..
وشكرا

السلام عليكم يا شباب
جزاكم الله خيرا على المعلومات المفيدة جدا اللي بتقدموها وربنا يجعلها في ميزان حسناتكم ان شاء الله
عايز اعرف اية الافضل من وجهة نظركم اكسيل ولا اكسيس ولا الشاهين
انا اول مرة اجيب عربية ومعاي في حدود ال 30 الف يا ترى المبلغ ده يجيب اية
مع العلم اني ساكن في مايو وشغلي في مدينة نصر يا ترى اي عربية تستحمل المشوار ده كل يوم؟؟؟
محتاج رايكم حتى لو خرج عن ال 3 عربيات اللي انا اخترتها
شكراااااااااااا

30 الف يجيبوا اكسيل 1300 ممتازة لو عايز تجيب 1500 كمالييتها اكثر و تكييفها اقوى بتعمل من 32-34 الف و ممكن اكسنت 1300موديل 98او99 بنفس السعر
الاكسل و الاكسنت زي بعض تقريبا في الموتور و العفشة
و العربيتين ماسكين سعر و مطلوبين جدا في السوق عن الشاهين
بس كل واحدة ليها مميزات و عيوب
الاكسيل ميزتها انها اوسع بكثير عن الاكسنت و شنطتها اوسع
قطع غيارها في الصاج ارخص من الاكسنت بالذات في الجديد يعني الرفارف او الابواب او كبوت
بالنسبة للاكسنت شكلها اجدد نسبيا موديلاتها موجودة لحد 2006 و دة بيبقى اسهل ليك في شراء المستعمل انك تلاقي حالة سليمة اما الاكسيل فاخر موديل ليها 98
تكييف الاكسنت كصيانة احسن من الاكسيل مشاكلة اقل شوية بس كتبريد الاثنين زي بعض
الاثنين علوهم عن الارض واحد
الشاهين احسن من الاكسنت و الاكسيل في الصاج و الشاسية اقوي الموتور دفع خلفي عزمة اشد و العربية اعلى طبعا عنهم بس الشاهين تكييفها تعبان و ناشفة في السواقة و العربية قديمة عنهم و استهلاكها في البنزين اكثر من الاكسنت و الاكسيل
انا رايي تدور في الثلاثة و اول عربية حالتها سليمة و سعرها مناسب تتوكل على اللة و تشتريها

[M.FOUAD]

يا جماعة هيه اكسيل 95 بتحطولها 80 ولا 90

الاثنين شغالين بس لو هتحط 80 يبقى اضبط كهرباء الاسبراتير

[Lion_Heart]

يا جماعة هل الدبرياج اللى بيركب لللأكسل يوجد منه انواع ؟ و ايه أفضل الانواع ؟
و ياترى يعمل كام ؟ و مصنعية التركيب تعمل كام ؟؟

[aomran]

30 الف يجيبوا اكسيل 1300 ممتازة لو عايز تجيب 1500 كمالييتها اكثر و تكييفها اقوى بتعمل من 32-34 الف و ممكن اكسنت 1300موديل 98او99 بنفس السعر
الاكسل و الاكسنت زي بعض تقريبا في الموتور و العفشة
و العربيتين ماسكين سعر و مطلوبين جدا في السوق عن الشاهين
بس كل واحدة ليها مميزات و عيوب
الاكسيل ميزتها انها اوسع بكثير عن الاكسنت و شنطتها اوسع
قطع غيارها في الصاج ارخص من الاكسنت بالذات في الجديد يعني الرفارف او الابواب او كبوت
بالنسبة للاكسنت شكلها اجدد نسبيا موديلاتها موجودة لحد 2006 و دة بيبقى اسهل ليك في شراء المستعمل انك تلاقي حالة سليمة اما الاكسيل فاخر موديل ليها 98
تكييف الاكسنت كصيانة احسن من الاكسيل مشاكلة اقل شوية بس كتبريد الاثنين زي بعض
الاثنين علوهم عن الارض واحد
الشاهين احسن من الاكسنت و الاكسيل في الصاج و الشاسية اقوي الموتور دفع خلفي عزمة اشد و العربية اعلى طبعا عنهم بس الشاهين تكييفها تعبان و ناشفة في السواقة و العربية قديمة عنهم و استهلاكها في البنزين اكثر من الاكسنت و الاكسيل
انا رايي تدور في الثلاثة و اول عربية حالتها سليمة و سعرها مناسب تتوكل على اللة و تشتريها

يا باشا متشكر جدا على الرد الوافي ده بس محتاج اعرف تفاصيل اكثر
يعني حضرتك قلت ان المبلغ يجيب اكسيل ممتازة عايز اعرف تبقي العربية عامله ازاي
يعني تكون موديل كام ورشة برة ولا لا وبتعمل في حدود كام الف كيلو وكماليتها تكون اية وياترى تستحمل مشوار كل يوم من مايو لمدينة نصر؟
وبردة لو شاهين عايز اعرف نفس التفاصيل لانها من كلام حضرتك واضح انها اقوى فتسد معاي في المشوار بتاع كل يوم ده
وسؤال تالت- وعارف اني رخم ومتقل عليك سامحني انا اول مرة اسوق-ياتري بخبرتك مصاريف اي عربية من دول تكون في حدود كام يعني تاخد بنزين كام واد اية ومصارفها الدورية تكون ازاي؟
وعلى فكرة مش شرط ال3عربيات دول يعني لو حضرتك شايف ان المبلغ ده يجيب انواع تانية مناسبة لي اكتر ياريت اسمع اقتراحك واقتراح باقي اعضاء المنتدى الكرام
وجزاك الله خيرا