رابطة مالكى الاكسيل-الجزء الأول

[a7medsh3rawi]

أخر التطورات
من كام يوم .. اليومين الحر موت دول
اليوم اللي غيرت فيه الزيت واللي بعديه
يوم الزيت شغلت التكييف والحياه جميلة جدا
تاني يوم بقي
ماشي ومشغل التكييف والحرارة بتاعة الجو ممكن تكون 50
ببص علي مؤشر الحرارة
بدأ يتحرك عن النص
طفبتها ونزلت فتحت الكبوت
بتخرج مية كتييييير من راجع المية اللي في غطا القربة
انا أفتكرته من الغطا نفسه .. قلت القربة مش مقفولة كويس أو الغطا باظ
سيبتها لما هديت .. وانا واقف في الشمس الساعة 4 !
زودت ميه في القربة ومشيت
جميلة وحلوة .. بس متابع العداد
زاد تاني !
نزلت أشوف .. نفس القصة
بس قلت أبص علي المراوح .. أصل المية اللي نزلت في أول مرة لهيتني عن المراوح
طلع أن المروحة الصغيرة ( بتاعة التكييف ) واقفة !
عرفت السبب ساعتها بقي
أستنيتها تهدي .. زودت ميه .. مشيت من غير تكييف
جميل
روحت .. جبت سلكتين ووصلت من البطارية للمروحة دايركت
لقيتها بتلف بس بطيئة وصوتها عالي
باظت رسمي !
هنا المشكلة
مش لاقي المروحة ده نهاااااااااااائي
مفيش في أحمد سعيد
مفيش في التوفيقية
بجد دخت عليها
حتي دورت علي أي واحدة أحطها علي القميص اللي عندي ... ملقتش نفس أبعاد المسامير
الغريب أن في كل مرة أسأل حد .. يقولي عنده
ويفضل يدور ربع ساعة علي الأقل
ويقولي معلش مفيش
أو يقولي أتفضل أهيه .. وتطلع أي حاجة تانية .. مش بتاعة أكسيل .. ولا حتي تركب علي عربيات تانية !
انا ماشي من غير تكييف وبتسلق كل يوم
دلوقتي واحد قالي في ميدان الجيش هجيبهالك بكرة
يا رب يعرف يجيبها
مش عارف لو ملقيتهاش أعمل أيه !
هجيبلي مروحة فريش أحطها

السلام عليكم ورحمة الله
انا كان عندي نفس المشكلة فركبت مروحة تانية وربطتها بافيز بلاستيك من اربع جوانب والكهربائي عملها توصيلة وشغالة تمام اصلك مش هتلاقي نفس مقاس المسامير .

[wael6]

شل الاصفر 15-50
ولا 20-50
وشكرا

[a7medsh3rawi]

امبارح رحت اشوف تكييف العربية، انا معايا اكسيل 97، قالي الفريون ناقص، قولتله عرفت ازاي، قالي ان الكباس بيشتغل و يفصل و ما فيش تبريد، زود الفريون، ب 50 جنيه، و انا مستكترهم، و دلوقتي ماشاء الله، كله بقى تمام، و ربنا يستر و ما يسربش ثاني، و قالي علشان الفريون ما يسربش، لازم في الشتا اشغل التكييف مرة كدة كل اسبوع.
بتاع التكييف ده في قليوب و اسمه سعيد، هو راجل محترم الصراحة

بالنسبة لشحن الفريون بيكلف 120 جنيه دا لو فاضي على الآخر .
وعلشان تعرف التبريد كويس ولا لا هتفتح الكبوت وتبص على الماسورة اللي داخله على المراوح وتمسكها لو عمله زي التلج يبقى تمام وفي حاجة تانيه جنب الماسورة جلد طالعه لبره زي المزراب كدا لازم تنزل ميه بعد فترة من تشغيل التكييف .
معلش سؤال الكباس بيشتغل ويفصل علطول ولا بيشتغل شويه وبعد كدا يفصل وهل ترى شغال سخن وبارد ولا بارد بس ...!
معلش انا طولت عليك وتقبل مروري.

[Ros]

فعلا يا رستم تامر معاه حق:10d5c8w1107: العربيه لو زادت الحراره بتاعتها عن ربع المؤشر يبقى فيه حاجه مش مظبوطه انا اول ما جبتها كانت ثابته على الربع و شويه كده لاقيتها زادت طلعت على النص قلت يا واد اسكت خالص شوف العربيه دى عايزه ايه خصوصا انى بزود ميه باستمرار و العلامه فى القربه على اعلى حاجه و شويه كده و انا ماشى اشم ريحه شياط ابص الاقى المؤشر على اللون الاحمر و يا محترم افتح الريداتير ما لاقيش و لا نقطه ميه زودت و هى شعاله و اتارى انى كنت بازود ميه فى قربه المساحات هههههههههههه:copy of m-s5:و بعدها عملت فلاش للريداتير و العلامه ثابته تقريبا على الربع و لو اتحركت سنه انا ببتدى اقلق فياريت تروح لواحد بتاع ريداتير يشوفه و تغير الميه على فكره انا عربيتى 1300 بدون تكيف

مش عارف بقى يا ماجد انا هشوف الموضوع ده بقى بس اما افضلها

[Ros]

روستم حبيبي حبيبي حبيبي انت فين يا باشا
زي ما بقولك شيل الثيرموثتات بتاع الكوعه وخلي المياه علي الماتور علي طول وقلي ايه اخبار الحراره

وانت واحشنى يا كبييير انا الشغل هديدنى
هشوف الموضوع ده بس ميين اللى يعمله الكهربائى ولا الميكانيكى ؟


او فهمنى بالراحه عشان انا مش فاهم d :

[wael6]

السلام عليكم

الفتيس عندة غيرتله البلي والخشونه راحت
وبقي ونه خفيفه ع الاول و التانى صوتها شبه صوت العربيه وهى راجعه مارشدير
ودقره فى عصاية النقلات
العفشجي حل العصايا وزيتها وحاول يظبطها معرفش
وقالى الفبره عندك عاوزه تتغير هحاول اجيبلك فبرة الفيرنا بتكون ناعمه وتسنطرلك النقله مظبوط
النقلات عندى مرحله بمعنى مثلا الثالث لازم ازود الاتجاه لليمين عن الطبيعي
لقيت عند بتاع الزيت انبوبه امريكانى بتضاف لزيت الفتيس بيقولوا بتضيع اى صوت وبتنعم النقلات
سالت العفشجي عليها قالى متجيبهاش ملهاش لزمه ؟
مانيوال الاكسيل مكتوب فيه كمية زيت الفتيس 1.8 لتر والعفشجي حطلى 2.5 لتر
وكمان مكتوب لزوجة الزيت 75-85 وانا حاطط موبيل 80-90
هل كمية الزيت ولزوجته يفرقوا فى تحسين الاداء
وايه المطلوب اعمله
وشكرا جزيلا

[wael6]

موضوع آخر
العربيه بتتمرجح من اقل مطب او طوبه صغيره وعلى سرعه قليله
مدينة ملاهي ورا فى الاكسيل
اعتقد عيب مساعدين
ايه افضل نوع وهل يجوا استيراد ولا جديد افضل وبالمره الاسعار ؟
لما 3 بيركبوا ورا العربيه بتهبط وبتحف منى فى المطبات
هل ده عيب يايااات
طب لو يايااات بيتعمل فيهم ايه ؟
بيتغيروا ولا بيتقوا بصدادات ولا ايه النظام ؟
ايه افضل نوع وهل يجوا استيراد ولا جديد افضل وبالمره الاسعار ؟
اسف للاطاله
وشكرا جزيلا

[magid1010]

موضوع آخر
العربيه بتتمرجح من اقل مطب او طوبه صغيره وعلى سرعه قليله
مدينة ملاهي ورا فى الاكسيل
اعتقد عيب مساعدين
ايه افضل نوع وهل يجوا استيراد ولا جديد افضل وبالمره الاسعار ؟
لما 3 بيركبوا ورا العربيه بتهبط وبتحف منى فى المطبات
هل ده عيب يايااات
طب لو يايااات بيتعمل فيهم ايه ؟
بيتغيروا ولا بيتقوا بصدادات ولا ايه النظام ؟
ايه افضل نوع وهل يجوا استيراد ولا جديد افضل وبالمره الاسعار ؟
اسف للاطاله
وشكرا جزيلا

انا جبت اتنين مساعدين ورا ب 480 ماركه مونورو غاز على زيت من التوفقيه عند هشام لهطه من شهر 8 اللى فات عليهم ضمان سنه و ما شاء الله تحفه اليايات مش غاليه

http://www.nilemotors.net/Nile/150624-a.html

[wael6]

انا جبت اتنين مساعدين ورا ب 480 ماركه مونورو غاز على زيت من التوفقيه عند هشام لهطه من شهر 8 اللى فات عليهم ضمان سنه و ما شاء الله تحفه اليايات مش غاليه

http://www.nilemotors.net/Nile/150624-a.html

المونرو افضل من kyb ولا لا
غاز على زيت ولا زيت على هوا ولا الاتنين واحد
وغاز بس لا
طيب بالنسبة للثبات العام للسياره الاهتمام الاكثر للمساعدين الاماميين ام الخلفيين
معلش لكثرة الاستفسارات
اديني بندردش ونبعت نجيب 2 سحلب فى الجو العجيب ده ههههههههه
وشكرا

[wael6]

ايه رايكم فى نقطة حزام الامان
حزام الامان المفروض انه فى حالة انك تدوس فرامل فى حالات الحوادث لا قدر الله انه يمنع السائق من الحركه والاندفاع للامام
الحزام فعلا فى العادى بتحرك فيه مفيش مشكله
جربت ادوس فرامل بس والعربية واقفه ع السلانسيه برده بتحرك عادى
ولا لازم والعربيه ماشيه اجرب
طب لو كده فى مشكله
حلها ازاى ومين صنايعي بيعملها

[magid1010]

المونرو افضل من kyb ولا لا
غاز على زيت ولا زيت على هوا ولا الاتنين واحد
وغاز بس لا
طيب بالنسبة للثبات العام للسياره الاهتمام الاكثر للمساعدين الاماميين ام الخلفيين
معلش لكثرة الاستفسارات
اديني بندردش ونبعت نجيب 2 سحلب فى الجو العجيب ده ههههههههه
وشكرا

مش عارف و الله بس اعتقد الموجود غاز على زيت الغاز المقصود بيه الهوا كويس جدا
خد اللينك ده فيه كل حاجه عن المساعدين و انت تختار

http://www.nilemotors.net/Nile/1215-5.html

[wael6]

طيب بالنسبة للثبات العام للسياره الاهتمام الاكثر للمساعدين الاماميين ام الخلفيين
هل لما بيتغيروا لازم الاربعه نوع واحد ؟
ولا الاهم الجوز مع بعض نوع واحد ونفس المستوى ؟

[magid1010]

طيب بالنسبة للثبات العام للسياره الاهتمام الاكثر للمساعدين الاماميين ام الخلفيين
هل لما بيتغيروا لازم الاربعه نوع واحد ؟
ولا الاهم الجوز مع بعض نوع واحد ونفس المستوى ؟

غير الجوز مع بعضه سواء اللى ورا او قدام و يستحسن طبعا لو جبتهم كالهم ماركه واحده و اتفضل شاى

[wael6]

غير الجوز مع بعضه سواء اللى ورا او قدام و يستحسن طبعا لو جبتهم كالهم ماركه واحده و اتفضل شاى:copy of m-s5:

هنيا يا استاذ ماجد
وتسلم يارب على توضيحاتك القيمه

[wael6]

السلام عليكم
هناك راى بالنسبه للفتيس يقول الآتى
هتفضى الفتيس خالص من الزيت اللى فيه والعلبة دى موجودة فى اى موبيل مارت ب20 جنيه
وبعد ما تفضى زيت الفتيس خالص فضى العلبة كلها جواه
وبعدين كمل بقيت زيت الفتيس الفالفالينا عادى خالص حتى المقاس المطلوب!!
استعمل زيت تروس موبيل 160
جركن 4
لتر
65 جنيه
الفتيس هيبقى زى الحرير فى الصوت والغيارات كمان!!!!!!!
Mobil Gear Lube 160




المفروض انك هترمى الزيت الموجود حاليا بالكامل
و160
نعم هى دى لزوجته
واطمئن وهتدعيلى صدقنى
هتحط نفس مقاس الزيت اللى الموصى به ككمية
ولاكن ليس كلزوجة
وبعد ما يفضى الفتيس من الزيت القديم تماما هتحط الاضافة الامريكية الاول و بعدين
تزود زيت فتيس موبيل 160
الزيت متوفر فى موبيل كوبرى القبة جركن مقفول 4
لتر على نفس الصف بتاع البنزينة دى محا الششنجى للكابات وملابس الجيش و الشرطة!!
هتعمل الموضوع ده و تكرره كل 12000
كلم
!!!!
خللى بالك ده علشان المانيوال جيربوكس فقط !!!!

ايه رايكم يا شباب الاكسيل نعمل الكلام ده ولا نستمر على موبيل 80-90 ولا نعمل ايه
محتاج ردكم القيم فى موضوع الفتيس اللى خنقنى ده
يارب نوصل للحل الامثل للاداء ا لمطلوب حتى الاقرب للامثل