رابطة مالكى الاكسيل-الجزء الأول

[maro2007]

ربنا يخليكو يا رب ومش تقلقوا اى حاجه هعملو هقول واصور وازيع ع طووول

مواصفات العربية
موديل 98
1300 cc
مكيفة فقط
فبريكة دواخل بالكامل العربية كانت بتاعت واحد قريبي من وهيا زيرو ومكنش بيمشي اساسا بيها لانو كان مسافر معظم الوقت الخارج
واشترتها 29000

هيه لو العربيه مش محتاجه مصاريف خالص وفبريكه بالكامل دواخل يبقى السعر ده عدلها لا انتا غلبته ولا هوه غلبك

وربنا يبارك ليك فيها

[magid1010]

حبيب قلبى الف شكر و ده يلزمه فك الموتور او رفعه من مكانه؟.

[magid1010]

حبيب قلبى سنجارى باشا الف شكر و ده يلزمه فك الموتور او رفعه من مكانه؟.

[a7medsh3rawi]

دول مجموعة صور للعوامه وفكها وتركبها

الصراحة مجهود رائع جدا وتسلم ايدك يا سيادة الرائد وربنا يوفقك ويباركلك في العريبة .

[a7medsh3rawi]

ليا طلب عندكوا عايز حد يصورلنا ازاى الكاوتش الاستبن متثبت فى الشنطه علشان عندى مش متثبت
وله الاجر والثواب عند الله
وله منى الف تحيه وشكر

معلش على التأخير النت كان قاطع وملحقتش اصور الاستبن لكن طريقته سهله حضرتك هتحط الناحية الخارجية للكوتش جوه يعني يبقى اول ما تفتح الشنطة يبقى ضهره لبره والمكان جواه فاضي علشان تحط فيه الكريك والمفتاح وبعد كدا بتربط عليه بحاجه بلاستيك في نص الاستبن لغاية ما يثبت وهبقى اصوره بكرا ان شاء الله.

[a7medsh3rawi]

حبيب قلبى الف شكر و ده يلزمه فك الموتور او رفعه من مكانه:ka_che1[1]:؟.

بعد اذن صاحب الموضوع سنجاري باشا .
م/ ماجد الموضوع مش محتاج رفع الموتور هو مجرد فك مسامير كرتيرة الزيت من تحت الموتور وبعد كدا يحط الجوان وعليه مادة السيليكون ويركب الكرتيره تاني من غير اي مشاكل والميكانيكي برضوا هيقولك لو في تسريب من مكان تاني .

[magid1010]

بعد اذن صاحب الموضوع سنجاري باشا .
م/ ماجد الموضوع مش محتاج رفع الموتور هو مجرد فك مسامير كرتيرة الزيت من تحت الموتور وبعد كدا يحط الجوان وعليه مادة السيليكون ويركب الكرتيره تاني من غير اي مشاكل والميكانيكي برضوا هيقولك لو في تسريب من مكان تاني .

الف شكر يا حبى يعنى الموضوع سهل حروح لميكانيكى و ابلغكم و بالنسبه للصور تركيب الاستبن انا قمت بالواجب و حتلاقيها فى الصفحتين اللى فاتو

[a7medsh3rawi]

ارفع ارضيه الشنطه بعد ما تفضيها طبعا حتلاقى الاستبن و فى نصه مسمار يتفك زى كده
والصوره الاخيره لمكان العوامه تحت السامير

مجهود جميل جدا وشغل سليم واستفدنا كتير من حضرتك يا م/ ماجد

[a7medsh3rawi]

يا استاذ مجدى يعنى الغلبان فى وصتكم ما يتعبرش ولا يترد علية انتم خلتونى ما اردش حتى على المعلومات اللى عندى لاحد فى المنتدى
لو سمحتم عاوز عرف مكان طفاية الحريق فى الاكسل مكان الفابريكة يعنى فين
هل يوجد مرايات جنب بتتقفل بدل بتوع الفبريكة للاكسل لحسن دايما بيتكسرو عندى وشكرا
وارجا الرد يا حبايب الاكسل

انا اول ما شوفت طلبك رديت عليه وقلتلك اللي اعرفه ان الطفاية بحطها تحت الكرسي بتاع السائق علشان هي اصلا بتكون في الشنطه وبالنسبة للمرايات حضرتك هتفك مرايا من اللي عندك هي مربوطة بتلات مسامير وتروح لواحد بتاع قطع غيار وهو هيجبلك انسب مرايا بتتحرك وتختار الشكل اللي يعجبك ودا الاحسن ليك .

[magid1010]

مجهود جميل جدا وشغل سليم واستفدنا كتير من حضرتك يا م/ ماجد

حبيب قلبى الف شكر كنت بعتلك رساله على الخاص عن واحد هنا فى العريش بيصلح الاكصدام هو الموضوع انى كنت برجع ورا فحكيت فى عمود فالاكصدام فك من مكانه من الناحيه الشمال انا ثبته بس واضح ان فيه حته بلاستيك من جوه انكسرت و شمرا ليك يا حبى

[a7medsh3rawi]

السلام عليكم احواني الاكسلاوية هل ممكن فك الهوايات اللي في التابلوه لتنظيفها وتنظيف ما ورائها وازاي ؟؟ هل ممكن بحرف مفك عادي وبحرص !

وعليكم السلام ورحمة الله وبركاته
انا سبق وجربت ان انضف الهوايات فكل اللي هتحتاجه مفك صليبه وبلور هواء وهتبدأ من درج التابلوه هتفك الجزء العلوي وبعد كدا الجزء السفلي مربوط بمسمارين هتلاقي المراوح ومتركب عليها حساس مربوط بفيشة هتشيل الفيشة وتفك المسمارين وتطلعه هتلاقي جوة الاجزاء المتحركة هتشغل البلور وتنضف وبالنسبة لباقي الهوايات ملهاش لازمة تفكها لانها عبارة عن مسارات حركة للهوا وفي مكان لازم تنضفه هتروح عند المساحات بتاعت الزجاج الامامي هتلاقي فتحات ودا الجزء الاهم هتشغل البلور وتنضف لان دا مدخل الهواء للمكيف .

[a7medsh3rawi]

شغل على خفيف

من كام يوم كان معايا 200 جنيه قولت بقى لازم اعمل شوية حركات
اولا: ركبت فانوس ستوب ب 15 جنيه وحلية شكمان ب10 جنيه



ثانيا: ركبت طقم طاسات ب 100 جنيه




ثالثا: ركبت فوانيس شبورة ب60جنيه ومصنعية 30جنيه




وعايز رأيكوا بصراحة ولو شكلهم وحش ياريت تقولولي .
ولكم جزيل الشكر.

[wael6]

فبرة تقليب النقلات بتاعة الفيرنا تركب ع الاكسيل ولا لا
وهل رجلشة عصايا الفتيس خلاف الفبره ولا تغيير الفبره يكفي لزوال الدقره اللى فى النقلات
خصوصا ان دلوقت اللى تاعبنى فى العصايا النقله ع التالت فقط الدقره بتبان اكتر
وما الطريقة المناسبه لرجلشة العصايا



ايه هي الفبره دى بتاعت تقليب النقلات ؟؟؟

العفشجي اللى قالى اسمها كده
راكبه فى اخر الوايرين اللى داخلين الفتيس من العصاياقبل المعلقه او بعدها الله اعلم مش عارف (معلقةالدبرياج او الفتيس ) تقريبا والله اعلم الفبره دى اللى بترجم اشارت الوايرين من العصايا للفتيس
لو العربيه عزمها قليل وبتفصل فى المطالع وفى ريحة شياط ده ايه
وشكرا جزيلا

[wael6]

من كام يوم كان معايا 200 جنيه قولت بقى لازم اعمل شوية حركات
اولا: ركبت فانوس ستوب ب 15 جنيه وحلية شكمان ب10 جنيه



ثانيا: ركبت طقم طاسات ب 100 جنيه




ثالثا: ركبت فوانيس شبورة ب60جنيه ومصنعية 30جنيه




وعايز رأيكوا بصراحة ولو شكلهم وحش ياريت تقولولي .
ولكم جزيل الشكر.

ماشاء الله
ربنا يبار كلك فيها
ممكن تقولنا فوانيس الشبورة نوعهم ايه وكيفية تثبيتهم
وشكرا جزيلا

[singary2010]

حبيب هارتى (قبلى ) ماجد زى ما قال اخونا أحمد باشا شعراوى بالظبط (engonear) كل اللى بيتعمل الميكانيكى بيرفع العربيه على الكوريك ويصفى الزيت منها كأنه هيغر زيت وبعد كده بيفك الكرتير وينظف كويس ويحط سيلكون ويحط الجوان الجديد وشكرا

أه فى ميكانيكى ممكن يغير الجوان ده بالطريقه اللى فاتت
وفى ميكانيكى ممكن يفك القنطره والشكمان علشان يسهل لنفسه الفك والتركيب
الاهم فى كل ده الضمير والخبره وعلى فكره انا كنت بفكر جاهدا انى اغيره انا لكن كسلت