رابطة مالكى الاكسيل-الجزء الأول

[F170]

امبارح روحت عند الكهربائى ظبطلى النور كله بصارحه اتكيفت علشان ضبط اتجاه الكشافات + غير اللمض اللى محروقه كلها وقلى لما تبقى فاضى ابقى تعالى اعمل تقويه للكتاويت وده هيعلى النور بتاع العربيه ده لو انا حبيت اعمل كده .

اما النهارده فاكتشفت ان العربيه بتطلع دخنه سوداء عند بداية الدواره مش بتبان على السلانسيه بتبان لما اكبس بنزين والعربيه واقفه السايس بتاع الجراج حط ايده على الشكمان ودوست جامد عملت بقعه سوداء على ايده مش عارف ايه السبب مع العلم ان العربيه بتستهلك بنزين 25 لتر عملو 120 كيلو + ساعه ونصف تسخين متسغربوش من التسخين ده كان قبل ما اغير البطاريه اما الان فالحمد لله بسخن 5 دقائق بالكتير واطلع المهم انا قلقان من موضوع الدخنه السوداء ده ومش عارف اعمل ايه وابتدى منين قبل ما اقع فريسه للصناعيه
وانت عرفين انى مستجد فى العربيات والسواقه .

كده ممكن تكون بالترتيب البوجيهات ، الكهرباء ( مأخرة شوية )، نوع البنزين 80 ، بعد كده شوف الكاربيراتير ممكن تكون الفواني وسعت شويه

[F170]

السلام عليكم أعضاء الرابطه الكرام

اخباركم ايه وحشتونى يارب تكون يارب تكونوا بخير عندى معلومه بس مش عارف ايه مدى صحتها
فى واحد قالى انه بيحط نفتلين على البنزين ال 80 علشان يجمع الشوائب ويمنع الكركره
فهل حد من الرابطه الجميله بيحط بنزين 80 وجرب الموضوع ده
انا بحط بنزين 80 بس مجربتش موضوع النفتلين ( نفتلين بليه )

بسم الله الرحمن الرحيم

مش عارف انا مسمعتش عن النفتالين ده اي حاجه قبل كده

[F170]

حبيب قلبى زيزو و ابو عصوم انا لما بشد الشفاط لو ما شدتوش للاخر فى الاول العربيه بتبطل بشده و انزله سنه سنه لحد اول شرطه فى الحراره طيب لما اوطي الموتور حيخنق العربيه جامد يعنى

شوف الفيديو ده انا عملته من كام يوم على المنتدى
ده عن ازاي تظبط الشفاط

http://www.nilemotors.net/Nile/21398-a-549.html#post3873509931

[F170]

هو تركيب النفتالين الكيميائي .. حلقتين بنزين
يعني لو حطيت نفتالين في بنزين هيدوب فيه .. زي تلج في ميه
طاب لو الميه ده مش نضيفة وحطيت تلج ؟
هيزود نسة المية بالنسبة للشوائب اللي فيها
هو ده اللي بيحصل مع البنزين والنفتالين
بتزود نسبة البنزين فبتحسن نبة الأوكتان
ده في حالة أن النفتالين زي ما هو معروف عالميا .. حلقتين بنزين بس
بس في نفتالين بيبقي حلقتين بنزين مرتبطة بكلور
الكلور بقي يهري الموتور ويبهدل التانك
لو متأكد انه حلقتين بنزين بس يبقي أمان
انا مجربه علي فكرة .. الفرق مش خرافي
انا بحط 92 وجربته قبل كدة مع 80
اللي بقوله ده واحد هو اللي مفهمهوني كدة .. فلو في حاجة غلط فده ممكن يبقي من قلة فهمي

كلامك تمام التمام بس هو البنزين مش حلقه واحده البنزين العطري هو اللي حلقه بنزين بس الجازولين و ده اسم البنزين بيكون مكون من مكونات كتيره اغلبها من الهيدروكاربونات الأليفاتيةلو لسه فاكر الكيميا من تالته ثانوي و ده بيستخلص من تكرير البترول ... البنزين ال(عطري) بنحضره في المعمل بمعادلات الكيميا العضويه ... عموما (انا لفيت لفه على النت جيبت بيها المعلومات دي) هو اه النفتالين بيدوب في البنزين بس مش بيكون ليه تأثير يذكر زي ما انت قلت بل بالعكس فعلا فيه منه معاه كلور وده تأثيره ممكن يكون مش تمام خالص على الموتور من جوه

[F170]

نظرا لانتشار السرقة وكمان من اللى حكيتة فى الرد السابق كنت عايز اعمل حاجة اخلى العربية متدورش لو حد لاقدر الله فتح العربية وحاول يخدها غير ان اشيل اطراف البطارية لان اكيد ممكن يفتح الكبوت حاجة فى الخباسة اشيلها ولما اجى ارجعها وشكرا

فك كتاوت المارش من علبه الفيوزات اللي تحت الدركسيون مش اللي جنب العتب عند الباب ... هو اول واحد من الشمال لليمين ...

[F170]

يا جماعه اللى عنده فكره لتعلية العربيه يشرحه لو تكرمتم وبعدين موضوع العلايات هل ليه خطوره مع العلم ان مش بعدى 80 خالص لانى او ما حد يركب وراء واخد اى مطب يرن على طول فى العربيه وعلى طول مؤشر الضغط النفسى عندى بيزيد والولاد يعدو يقولولى خدلك حصتين مطبات ههههههههههه

منصحش بموضوع التعليه ده اطلاقا شوف المساعدين والسوست بتوعك اخبارهم ايه و شوف السوست الأول جايز يكونوا طريوا

[F170]

ده مكان كتاوت المارش تحت علبه الدركسيون ... هو مكانه صعب شويه بس ده اللي جه في دماغي دلوقت

[magid1010]

ده مكان كتاوت المارش تحت علبه الدركسيون ... هو مكانه صعب شويه بس ده اللي جه في دماغي دلوقت

مش ممكن الف شكر يا باشا على مجهودك الرائع الرابطه كانت عايزا مشاركاتك الجميله دى

[magid1010]

حد يعرف فيه فى المحلات بيتباع سليكون لونه اسود لان عندى فرق فى الازاز الامامى من بره الجوان مش حابك عليه من بره فسمعت عن الموضوع ده

[singary2010]

نظرا لانتشار السرقة وكمان من اللى حكيتة فى الرد السابق كنت عايز اعمل حاجة اخلى العربية متدورش لو حد لاقدر الله فتح العربية وحاول يخدها غير ان اشيل اطراف البطارية لان اكيد ممكن يفتح الكبوت حاجة فى الخباسة اشيلها ولما اجى ارجعها وشكرا

شوف الموضوع ده أكيد هيفيدك
http://www.nilemotors.net/Nile/207941-a.html

[ayman_aboaly10]

فك كتاوت المارش من علبه الفيوزات اللي تحت الدركسيون مش اللي جنب العتب عند الباب ... هو اول واحد من الشمال لليمين ...:ka_che1[1]:

ده مكان كتاوت المارش تحت علبه الدركسيون ... هو مكانه صعب شويه بس ده اللي جه في دماغي دلوقت

بجد اشكرك بشدة على المعلومة الجامدة جدا دية وانا هادور على المكان دة وهاعملها ان شاء اللة والف شكر مرة تانية

[Ros]

مش ممكن الف شكر يا باشا على مجهودك الرائع الرابطه كانت عايزا مشاركاتك الجميله دى

+11111111111
اتفق معاك تمام

[ayman_aboaly10]

شوف الموضوع ده أكيد هيفيدك
http://www.nilemotors.net/nile/207941-a.html

شكرا على الاهتمام والرد والموضوع جميل وفية افكار جميلة

[aboharb]

كده ممكن تكون بالترتيب البوجيهات ، الكهرباء ( مأخرة شوية )، نوع البنزين 80 ، بعد كده شوف الكاربيراتير ممكن تكون الفواني وسعت شويه

شكرا اااااااااااااااااعلى الرد وانا فعلا هبتدى اكشف على البوجيهات واغير الفلتر وشوف موضوع الكهرباء وهخلى موضوع الكابرتير ده اخر حاجه لانى عرفت ان اللعب من الصناعيه مش كويس

[aboharb]

منصحش بموضوع التعليه ده اطلاقا شوف المساعدين والسوست بتوعك اخبارهم ايه و شوف السوست الأول جايز يكونوا طريوا

فى الاول انا متشكر للرد طب موضوع التعليه ده ليه خطوره على العربيه اصل انا واحد صحبى عامله فى الشاهين ومخليه العربيه حصان قفز مطبات هو معلى من ادام بكاوتش بتاع مرسيدس ولما قولته معلى الشاهين حرام عليك امال انا اعمل ايه فى الاكسيل وعموما انا هعمل بالنصيحه واروح اربط العفشة واكشف على السوست بس لو حد يعرف خطورة كاوتش التعليه ايه يفدنى وله الشكر .