رابطة مالكى الاكسيل-الجزء الأول

[tamer_a7]

بسم الله الرحمن الرحيم
مبدئيا يا هيما الأستهلاك مش حيفرق كتير غالبا لأن المفروض الكاربيراتير ده بيتم التحكم فيه بالكمبيوتر
وده بيتم من خلال الدايره دي اسمه (feed back carburetor) fbc


الحاجات اللي انا معلمها بدايره حمرا دي المكونات اللي جوه الكاربيراتير منهم التشوك اللي بيكون من فوايده المهمه جدا الدواره بتاعه العربيه في الصبح لو التشوك سليم بيقفل الفتحه بتاعه الكابيراتير الأساسيه و يخلي الموتور يسخن اوتوماتيك وده غالبا مش شغال فعلشان كده بتتطر انك اتتغل برجلك وتكاركلها شويه ... انا عندي الموضوع ده كله منيوال و التشوك شغال بكابل اشده واستنى دقيقتين كده احس العربيه انتظمت واتحرك واول ما الاقي العداد بتاع الحراره على شويه انزله لغايه اول تكه وبعد كده لما العربيه تسخن انزله خالص

المهم ... موضوعنا الأساسي ازاي نظبط السلانسيه بتاع الكاربيراتير ونخليها شغاله بأقل نسبه بنزين ممكنه في السلانسيه
وكل الضبط بتاع الهوا اللي من خلال المسامير مرتبط بالسلانسيه بس
الكاربيراتير بيتكون جوه ببساطة من كذا دايره ... دايره السلانسيه دي اللي بتدي البنزين للموتور في حاله اللا حمل و مفيش دوس على البنزين و كذا دايرة تاني للحمل و الحمل الزياده جدا و دايره علشان لما تشيل رجلك فجأة من على البنزين ... و كل الدواير دي مهمتها انها تدي الموتور مخلوط متزن من البنزين نسبه جزيئات الهوا للبنزين فيه 14.7:1 يعني كل جزيء واحد بنزين يلزمه 14.7 جزيء هوا علشان يتحرق تماما وميكونش فيه كربون زياده ( هباب اسود ) (يعني بنزين كتير) لو قل البنزين بيكون في العادم اكاسيد نيتروجين ودي سامه وضاره جدا بالغلاف الجوي ...
فبالتالي كون ان البنزين مش مظبوط في السلانسيه حيخلي البوجيهات تهبب واستهلاك البنزين يزيد و لو الدواير التانيه مش مظبوطه بيكون الكابيراتير محتاج حاجات تتغير جواه على حسب الدايرة ،،، بكات،،، عوامه جوانات ...
وانا للأسف اعرف ازاي تظبط الهوا والبنزين على السلانسيه بس الباقي او اني افك كايربيراتير مفتيش بصراحه بس انا بحاول اني الاقي فيديوهات تبع اللانسر عيون صفيه او الايكسيل او المواتير بتاعتنا عموما عن ازاي اظبط الكابيراتير عموما...
دي صور الكاربيراتير اللي عندي
دي من الجنب اليمين للكاربيراتير المسمار اللي من فوق ده بتاع الهوا واللي من تحت بتاع البنزين

ونخللي بالنا ان مسمار البنزين سهل جدا انه يبوظ ف محدش يقرص عليه في الربط لأنه من قدام عامل زي الأبره وممكن يبوظ بطل بساطه وميشتغلش زي ما احنا عايزين وده شكله

شايفين مدبب ازاي




ونيجي لطريقه الظبط
حكمل من البيت معلش والله وقت الشغل خلص والناس هنا عايزين يقفلوا و حيضربوني لو طولت اكتر
ان شاء الله ساعه كده واكمل الموضوع ان شاء الله رب العالمين متزعلش مني يا هيما

حبي معلش توضيح صغير للمعلومه بعد اذنك طبعا
اللي عليه البلاستيكه اللي زي الترس دا البنزين
واللي مدبب وعامل زي الابره دا مسمار الهوا وبتعبير الصنيعيه ابره الهوا
(علي ما اعتقد برده يمكن اكون غلطان)

[meller]

بسم الله الرحمن الرحيم
يا ميللر مكنتش سيبته يركبلك جوانين وش سليندر ...
لأن ده مش صح خالص .... الصح لو هو خايف ان وش السليندر مقفع كان وداه لمخرطه سواه ببعضه تاني .... عموما ركز مع الحراره اليومين دول وقولنا ايه الأخبار ربنا يكفينا ويكفيك شر العربيات

ياباشا هو لما حل وش الموتور لاقي جونين مش جوان واحد ده كان القديم وبعدين هو فية فرق كبير بين الجوان او جونين وممكن اية الا يحصل

[shawkat2005]

يا جماعة فى ميكانيكى كويس رحتله الجمعه اللى فاتت عملى صيانة العربيه احسن ما بتتعمل فى التوكيل وبسعر قليل جدا
انا غيرت (طقم السيور والكاتينه وبلى الكاتينه والفلاتر والبوجيهات وتيل الفرامل وربط العفشه) فى التوكيل كانوا هياخدوا 1700 انا كلفونى 830 قطع الغيار الاصليه من التوكيل والراجل خد 100 جنيه وبس

وبيعمل الشغل بنضافه ودقة واحسن من التوكيل وعلى الاقل قدام عينك

وعلى فكره هو شغال فى ابو الفتوح اسبيرانزا وكان شغال فى ابو غالى دايو وهيونداى وكان شغال فى فولكس واجن وبيفتح الورشه بتاعته جديد وبيشترى زباين

وهو فنى موتورست ومتخصص فى الفتايس الأتوماتيك

اللى عاوز يرحله فى اى حاجه يكلمه

اسمه محمود
0103321692
0116958676

[mero25]

[QUOTE=F170;3873159394]

بسم الله الرحمن الرحيم

انا اسمي مصطفى..f170=fiho
خريج هندسة اسيوط قسم كهرباء الكترونيات واتصالات 2005
بحب العربيات والتكنولوجيا جدا و بموت في قرايه كتيبات التشغيل والصيانة بتاعه اي حاجه تقع تحت ايدي
نرجع للموضوع
بص يا استاذ ابراهيم
المفروض ان العربيه تشتغل في السلانسيه وبرضه (في جميه المراحل .. حمل خفيف .. حمل تقيل )بأقل كميه مخلوط (بنزين +هوا) ممكنه
والكاربيراتير فيه بوابه متركبه على أكس او دراع يعني متوصل بالسلك بتاع دواسه البنزين كل ما تدوس البوابه دي بتتفتح المفروض البوابه دي تكون حركتها محكومه كويس وعند السلانسيه بتكون فتحتها ديقه جدا او شبه مقفوله ( لو دي مش تمام بيعملو للكاربيراتير حاجه اسمها أكس وباب علشان يرجعها لأصلها) المهم مسمار الهوا اللي عمته بلاستيك ابيض ده بيتحكم في الفتحه بتاعه البوابه دي في السالانسيه كل ما تلفه لجوه (تقفله يعني) ( او مع عقارب الساعه يعني) بتفتح الباب اكتر يعني هوا اكتر يعني مخلوط اكتر يعني سرعه اكبر للموتور على السلانسيه ... ومسمار البنزين ده بيتحكم في كميه البنزين اللي بتتخلط مع الهوا في السلانسيه وبأكد تاني المسمار ده سهل جدا يبوظ اول ما تلاقيه مش عايز يلف لجوه تاني متجبروش على انه يلف او "متقرطش" عليه بمعنى اخر ابدا
طريقه طبط المخلوط على السلانسيه
في الأول الموتور لازم يكون سخن (المروحه تشتغل مره على الأقل ) ومعليهوش حمل (مروحه - كاسيت اي حمل كهربي مش عايزينه لو اشتغلت المروحه وانت شغال استناها تخلص مش حتاخد دقيقتين في الشتا ده )و حتظبط سرعه الموتور بتاعك بالمسمار بتاع الهوا (اللي عمته بلاستيك على حولي 750 - 850 rpm لو عندك rpm في العربيه يبقى على الشرطه اللي قبل الواحد لو معنكش حاول تشوف عربيه حد من زمايلك وياريت لو تكون انجكشن علشان بتكون مضبوطه على القيمه دي تقريبا ( انا ظبطت بتاعتي على صوت عربيه والدي نيو اكسنت ... وقفت العربيتين جنب بعض و ضبط سرعه موتوري زي سرعه موتوره بالسمع بالتقريب) وبعد كده نبدأ
1- حنلف (نربط )المسمار بتاع البنزين لجوه ( مع عقارب الساعه ) لفه لفه لغايه ما تلاقي العربيه بدأت متبقاش منتظمه تقف وترجع نص لفه
2- تلف المسمار بتاع الهوا لبره ( عكس عقارب الساعه)كأنك بتفك المفروض حتلاقي الموتور الrpm بتاعه زاد لغايه ما يوصل ل750 -850 تاني تقف وتعيد رقم واحد تاني
3- تفضل تكرر الموضوع ده لغايه ما توصل لأنك مش قادر تقفل مسمار البنزين تاني ويفضل الrpm على 750-850 (غالبا حيكون من تاني او تالت مره بالكتير)

احنا كده بنقلل البنزين فبتزين نسبه الهوا في المخلوط ( متبقاش 14.7:1) فبنقلل الهوا علشان تكون مظبوطه وبعد كده نقلل البنزين تاني ونقلل الهوا وهكذا ... علشان تشتغل العربيه بأقل نسبه بنزين هي محتاجاها فعلا....

يارب تقدرو تستفيدو

الف شكر ليك يا باشمهندس مصطفى على الشرح الرائع واللى اكيد هيفيد كتييير من اعضاء المنتدى الكرام
معلهش هبقى طماع كمان شويه فى كرم اخلاقك وذوقك وتفيدنا مما اعطاك الله وتشرحلنا ازاى كمان نضبط الاسبراتير الالكترونى الخاص بالاكسيل

ولك منا جميعا عظيم الشكر على المجهود الرائع مع الصور

[F170]

السلام عليكم
ايه اهم اجزاء الكربراتير الموصي بصيانتها او التى تسبب مثلا
1- صعوبة فى الدوارة
2- زيادة استهلاك البنزين
3- رعشة لمبة الزيت ع السلانسية
4-خنقة فى سحب طلعة العربيه (( عربيتي اكسيل 1500 اتوماتيك ))
5- هل الكربراتير يسبب رعشه للعربيه اثناء ما هى ع السلانسية ام قواعد الماتور علما بانى لما بدوس بنزين كل اصوات الرجه والرعشه بتروح خالص
6- النور ضعيف ع السلانسية ولما ادوس بنزين وامشي بيزيد ( ده ظبطة سلانسيه ولا شحن دينامو )
7- هو ثمن الكربراتير جديد كام واستيراد كام وما الافضل ؟؟؟
اسف للاطاله وارجو الافاده

بسم الله الرحمن الرحيم
بص عايزك تكون عارف حاجه بس الاول علشان عربيتك اوتوماتيك
السلانسيه عندك لما تكون العربيه على P او N بيكون الموتور مش متحمل بأي حاجه... تمام
انما لو انت حاطط الفتيس على D او اي حاجه تاني وموقف العربيه بالفرامل السلانسيه بيختلف لأن في حمل ( ده على عربيه واحد من زمايلي لانسر 1600 مو 2006 اوتو السلانسيه لما بتكون محمل غيار الD بتحس ان الموتور متحمل عليه زي متكون مشغل التكييف مثلا ) والمفروض الكاربيراتير بتاعك في الحاله دي ( واخده غيار) يرفع سرعه الموتور شويه علشان يقابل الحمل اللي اتحط عليه.... ده قبل اي كلام على السلانسيه عندك
بالنسبه للنقط بتاعتك الرد عليها كالأتي
1- صعوبة فى الدوارة
2- زيادة استهلاك البنزين
الأتنين دول يا كاربيراتير يا كهربه الموتور مش مظبوطه امشي في السكه دي و دي وانا عارف من مشاركاتك اللي فاتت انك المفروض ظبطت الكاربيراتير شوف كهربه العربيه البوبينا والأسبيراتير ....
3- رعشة لمبة الزيت ع السلانسية
دي مشكله مش تمام انا اللي عارفه عن الموضوع ده كتبتهولك قبل كده .... دي يا اما سلك الحساس بتاع ضغط الزيت مهزوز و ده مكانه عند فرن الشكمان من ناحيه الدينامو او السيور يعني حتلاقي سلك كده طالع من ناحيه الموتور( يا رب يكون هو ده بس لأن اللي جاي وحش ).... لو مكانش ده السبب يبقى حاجه من اتنين يا إما الطرمبه بتاعه الزيت بتودع وضغطها بقى ضعيف لدرجه انها مش شغاله كويس على السلانسيه ... يا إما عمود الكرنك عندك عايز عمره....
4-خنقة فى سحب طلعة العربيه (( عربيتي اكسيل 1500 اتوماتيك ))
احنا كلنا سألناك قبل ما المنتدى يقع ايه اخبار الزيت بتاع الأوتوماتيك غيرته ولا لأ من ساعه ما جيبت العربيه لأن زيت الأوتو لو مش كويس بيخنق العربيه علبال ما تاخد غيار ويخلي الغيارات ترزع او تييجي ببطئ شوف وقولنا
5- هل الكربراتير يسبب رعشه للعربيه اثناء ما هى ع السلانسية ام قواعد الماتور علما بانى لما بدوس بنزين كل اصوات الرجه والرعشه بتروح خالص
ارفع السلانسيه عندك لغايه الشرطه اللي قبل الواحد 750-850 RPM لو الرجه مراحتش شوف قواعد الموتور بالذات اللي من قدام واللي من ورا
6- النور ضعيف ع السلانسية ولما ادوس بنزين وامشي بيزيد ( ده ظبطة سلانسيه ولا شحن دينامو )
تاني حقولك لو العربيه السلانسيه بتاعها واطي اقل من 750 RPM حتحس بده طبيعي لو السلانسيه مظبوط شوف شحن الدينامو
7- هو ثمن الكربراتير جديد كام واستيراد كام وما الافضل ؟؟؟
في حد من الأخوه الأعضاء على ما اتذكر Arch. tamer A7 بيقول انه جديد ب 1750 واستيراد بحوالي 500 بس المهم لو حتجيب استيراد لازم يكون مفكوك من نص عربيه قدامك او على الأقل موتور وتحاول تاخد عليه ضمان انك تبدله على الأقل

[F170]

الف شكر ليك يا باشمهندس مصطفى على الشرح الرائع واللى اكيد هيفيد كتييير من اعضاء المنتدى الكرام
معلهش هبقى طماع كمان شويه فى كرم اخلاقك وذوقك وتفيدنا مما اعطاك الله وتشرحلنا ازاى كمان نضبط الاسبراتير الالكترونى الخاص بالاكسيل

ولك منا جميعا عظيم الشكر على المجهود الرائع مع الصور

حاضر ححاول بس انا مش متأكد من معلوماتي كويس حتأكد وبعد كده اقولكم ان شاء الله

[F170]

يا جماعة فى ميكانيكى كويس رحتله الجمعه اللى فاتت عملى صيانة العربيه احسن ما بتتعمل فى التوكيل وبسعر قليل جدا
انا غيرت (طقم السيور والكاتينه وبلى الكاتينه والفلاتر والبوجيهات وتيل الفرامل وربط العفشه) فى التوكيل كانوا هياخدوا 1700 انا كلفونى 830 قطع الغيار الاصليه من التوكيل والراجل خد 100 جنيه وبس

وبيعمل الشغل بنضافه ودقة واحسن من التوكيل وعلى الاقل قدام عينك

وعلى فكره هو شغال فى ابو الفتوح اسبيرانزا وكان شغال فى ابو غالى دايو وهيونداى وكان شغال فى فولكس واجن وبيفتح الورشه بتاعته جديد وبيشترى زباين

وهو فنى موتورست ومتخصص فى الفتايس الأتوماتيك

اللى عاوز يرحله فى اى حاجه يكلمه

اسمه محمود
0103321692
0116958676

ده لو زي ما بتقول ده يبقى زي الفل يبقى واحد من اللي شربوا الخبره على العربيات الجديده

[meller]

ياباشا هو لما حل وش الموتور لاقي جونين مش جوان واحد ده كان القديم وبعدين هو فية فرق كبير بين الجوان او جونين وممكن اية الا يحصل

ياباشا انا مستني ردك وبعدين عايز اعرف هو كدة في حاجة خطر والا اية النظام ياريت تطمني

[F170]

ياباشا هو لما حل وش الموتور لاقي جونين مش جوان واحد ده كان القديم وبعدين هو فية فرق كبير بين الجوان او جونين وممكن اية الا يحصل

بسم الله الرحمن الرحيم
اقل حاجه انه سمك الجوانين مش زي جوان واحد
فكده المسافه بين وش السليندر والبلوك بتاع الموتور مش زي ما المُصنِع عايزها ....
كده الضعط جوة غرفه الحريق مش حيكون زي الاصل ممكن ببساطه انه يبوظ مع اي حرق على الموتور او شد مع حد تاني مثلا لأن الجوانين بينهم وبين بعضيهم مش حيكونوا حاكمين كويس و حاجات تاني كتير .... وربنا يكفينا ويكفيك شر العربيات

[meller]

بسم الله الرحمن الرحيم
اقل حاجه انه سمك الجوانين مش زي جوان واحد
فكده المسافه بين وش السليندر والبلوك بتاع الموتور مش زي ما المُصنِع عايزها ....
كده الضعط جوة غرفه الحريق مش حيكون زي الاصل ممكن ببساطه انه يبوظ مع اي حرق على الموتور او شد مع حد تاني مثلا لأن الجوانين بينهم وبين بعضيهم مش حيكونوا حاكمين كويس و حاجات تاني كتير .... وربنا يكفينا ويكفيك شر العربيات

يعني كدة هيكون فية مشكلة لا قدر الله

[F170]

حبي معلش توضيح صغير للمعلومه بعد اذنك طبعا
اللي عليه البلاستيكه اللي زي الترس دا البنزين
واللي مدبب وعامل زي الابره دا مسمار الهوا وبتعبير الصنيعيه ابره الهوا
(علي ما اعتقد برده يمكن اكون غلطان)

بسم الله الرحمن الرحيم
لا يا باشا ده للأسف خطأ شائع بين الميكانيكيه اللي عليه البلاستيكايه ده بيتحكم في فتح البوابه (throttel plate) ودي بتتحكم في كميه الهوا اللي بتتسحب جوه الموتور و التاني اللي زي الابره بيتحكم في كميه البنزين اللي بتتخلط بالهوا وتدخل تتحرق في غرفه الأحتراق واساميهم بالأنجليزي توضح ده اكتر وشوف على اليوتيوب فيديوهات عن طريقه عمل الكاربيراتير حتلاقي الكلام ده هو اللي مظبوط وان الميكانكيه اغلبهم بيقول اي كلام (حافظ مش فاهم )
اما اساميهم بالأنجليزي فهي
Idle speed adjusting screw (SAS-1 ده الأبيض
Mixture adjusting screw (MAS ده اللي عامل زي الأبره

[tamer_a7]

بسم الله الرحمن الرحيم
لا يا باشا ده للأسف خطأ شائع بين الميكانيكيه اللي عليه البلاستيكايه ده بيتحكم في فتح البوابه (throttel plate) ودي بتتحكم في كميه الهوا اللي بتتسحب جوه الموتور و التاني اللي زي الابره بيتحكم في كميه البنزين اللي بتتخلط بالهوا وتدخل تتحرق في غرفه الأحتراق واساميهم بالأنجليزي توضح ده اكتر وشوف على اليوتيوب فيديوهات عن طريقه عمل الكاربيراتير حتلاقي الكلام ده هو اللي مظبوط وان الميكانكيه اغلبهم بيقول اي كلام (حافظ مش فاهم :b4_592:)
اما اساميهم بالأنجليزي فهي
idle speed adjusting screw (sas-1 ده الأبيض
mixture adjusting screw (mas ده اللي عامل زي الأبره

يا راجل دا انت كده بوظت سنين من اللعب وانا فاكر كل ده اني بالعب في الهوا ويطلع البنزين

[hema_hn]

بسم الله الرحمن الرحيم
لا يا باشا ده للأسف خطأ شائع بين الميكانيكيه اللي عليه البلاستيكايه ده بيتحكم في فتح البوابه (throttel plate) ودي بتتحكم في كميه الهوا اللي بتتسحب جوه الموتور و التاني اللي زي الابره بيتحكم في كميه البنزين اللي بتتخلط بالهوا وتدخل تتحرق في غرفه الأحتراق واساميهم بالأنجليزي توضح ده اكتر وشوف على اليوتيوب فيديوهات عن طريقه عمل الكاربيراتير حتلاقي الكلام ده هو اللي مظبوط وان الميكانكيه اغلبهم بيقول اي كلام (حافظ مش فاهم )
اما اساميهم بالأنجليزي فهي
Idle speed adjusting screw (SAS-1 ده الأبيض
Mixture adjusting screw (MAS ده اللي عامل زي الأبره

يا بروف انا عندى بجانب البكرة الى موجوده عندكم جمبها على طول بكرة صغيرة ممكن يكون دى بتاعة البنزين
انا حولت اصور زى الصور الى انت مصورها معرفتش خالص
انت صورت الصور دى ازاى

[F170]

العربية عندى بتبقى كويسة جدا جدا لما تسخن ومش بشتكى منها فى أى شئ بعد لما مؤشر الحرارة يوصل عند الشرطة
المشكلة عندى فى التسخين بحس انى بستهلك كمية بنزين كتيرة قوى عشان بقعد اكارك بنزين كتير
الى بيحصل عندى بالظبط
1) اقول بسم الله الرحمن الرحيم
2) سنة بنزين
3) اشغل العربية الار بى ام بيعلى لحد 2000 والعربية بتبقى زى الفل
4) بعد 20 ثانية اللاقى الر بى ام ينزل زى الصاروخ لتحت والعربية تبطل
5) بضطر انى اكارك بنزين عشان لو معملتش كدا العربية تبطل
بعد حوالى 8 دقائق من التسخين = استهلاك حبة بنزين حلوين مؤشر الحرارة وصل للشرطة والعربية بقت جاهزة فى الانطلاق ولو وقفت فى اشارة الار بى ام بيبقى على 850 زى محضرتك قلت

نسيت حاجه انا شلت العمة قبل الدوارة وفى خلال الـ 20 ثانية فى اول الدوارة قفلت البوابة الى فوق فى الكربراتير بلاقى العربية عالية بس لو شلت بلاقى البوابة بتتفتح على طول يعنى فى طريقها للفتح كأنه مثلا زى باب منزل وواحد زقه وبيفضل يتفتح بالراحة واول لما يبقى رأسى يعنى مفتوح لتحت مش بيقفل مرة تانية وان شاء الله حصورهولك واوريك البوابة دى
على فكرة انا عندى بكرتين عندى البلاستك الكبيره وجمبها وحده صغيرة وان شاء الله حصورهولك من الخلف

بص و الله انت ابن حلال لسه بدور على شكل التشوك علشان افهمك هو شغال ازاي لقيت واحد ابن حلال مترجم فيديو عن الكاربيراتير جامد جدا من الفيديوهات التعليميه بتاعت تويوتا تقربيا لأني شفتها من حوالي سنه بس النسخه اللي عندي مش مترجمه وكنت عايز اترجمها وارفعها بس الراجل ده وفر عليا كتير والله هو كاتب العناوين الرئيسيه بص الفيديو ده اتفرج عليه وحتلاقي في اجابه عن جميع التسائولات اللي انت قايلها فوق لأنها كلها بسبب التشوك او صمام الخانق .... لو في اي حاجه مش فاهمها قوللي وانا بعون الله افهمهالك
هي غالبا المشكله ان التحكم في التشوك عندك مش موجود اساسا لأنه مفيش عندك الكومبيوتر اللي بيتحكم في الكاربيراتير او الموتور يعني ....
انا عندي التشوك ده مانيوال في الكاربيراتير بشد الدراع بتاعه واستنى دقيقه او اتنين كده وبعد كده بتحرك عادي لغايه ما مئشر الحراره ييجي عند الشرطه وبروح قافله
وده اللينك بتاع الفيديو و ان شاء الله حيفهمك كل حاجه
[youtube]http://www.youtube.com/watch?v=gxgiO0b_F28[/youtube]

[hema_hn]

الف شكر يا بروف على المجهودات العظيمة دى
المشكلة الى انا بحكى عنها دى لسة جديدة من حوالى اسبوعين تقريبا ومكنتش موجوده ساعة ما جبت العربية
ممكن نقول الاتشوك ده باظ مثلا
شكرا ليك يا بروف