رابطة مالكى الاكسيل-الجزء الأول

[Nader]

الاخوة الاعضاء
باش مهندس نادر

محتاج نصيحة اغير الريدياتير بواحد تانى نحاس ولا المونيوم مش عارف مين افضل
السيارة اكسيل 1300

مشكورررريييين على الاهتمام

يفضل شراء نفس الردياتير الاصلي حتى تتمكن من تركيب

مروحتان التبريد "مروحة تبريد الردياتير ومروحة التكيف".


الردياتير الاستيراد في حدود 250 جنية...

[Nader]

السلام عليكم
كل سنه وأنتم طيبين جميعااااا
الى الباش مهندس نادر اولا احب اشكرك شكر خاص على الاجابه الوافيه على الاسئله الى بتوصلك
وربنا يجعله فى ميزان حسناتك بإذن الله

انا بمجرد لما ما امشى شويه يجى خمس دقائق مثلا لما بفتح الكابوت بشم ريحة بنزيم جامده شويه بتظهر وانا فاتح الكابوت الموضوع ده مش بيحصل على طول ببص حوالين الكربراتير مش بلاقى اى آثار او عرق للنزين
دا بخلاف انى بلاقى العربيه بتسخن بسرعه
العربيه اكسل 95 1500 سى سى شريها من السوق من شهرين تقريبا

مره تانيه عذرا ياباش مهندس نادر انا واثق انى دوشتك من كتر الاسئله الى انا ببعتها

وعليكم السلام ورحمة الله وبركاتة


الاستفسار منقسم لشقين:

1- رائحة البنزين.

2- سخونة الموتور.


بالنسبة لرائحة البنزين فهناك اسباب عدة قد

تكون المشكلة عندك واحد من تلك الاسباب أو

أكثرمن سبب.


-رائحة البنزين قد تكون نتيجة لوجود خلل في في

الحريق ففي هذه الحالة ستشم رائحة بنزين نيئ.


- قد يكون سبب تلك الرائحة وجود تسريب بالبنزين

من احد الخراطيم من اسفل السيارة أو من الخرطوم

المغذي للكربيراتير نتيجة لوجود شرخ أو قطع أو

احتياج احد الكوليهات للربط بأحكام.



غالباً السبب الثاني سيكون هو سبب المشكلة لديك!



اما بالنسة للتبريد ومشكلة السخونة، فقد

يكون أحد الأسباب التالية هو المتسبب

بالمشكلة لديك.


-قد تكون مشكلة بالكهرباء وفي تلك الحالة

ستحتاج لتخفيض مستوى الكهرباء عن طريق

ضبط اسبيراتير السيارة.



- قد يكون هناك تسريب بالردياتير أو بالقربة

يتسبب في تسريب المياة فينتج عنة ارتفاع في

درجة حرارة الموتور ... تابع مستوى مياة التبريد.


- قد يكون هناك عطل بمروحة التبريد الرئيسية

"المروحة المتعددة السرعات" ناتج بسبب تلف

موتور المروحة أو بسبب تلف فيوز المروحة.



- قد يكون هناك تلف بالثرموستات أو قد تكون

مفصولة تماماً ولذلك فمروحة التبريد لن تعمل

الا إذا شغلت التكيف فقط.

[mero25]

يفضل شراء نفس الردياتير الاصلي حتى تتمكن من تركيب

مروحتان التبريد "مروحة تبريد الردياتير ومروحة التكيف".


الردياتير الاستيراد في حدود 250 جنية...

شكرا يا غالى على الرد
وربنا يجعله فى ميزان حسناتك
كل سنة وانت بخير رمضان كريم

امضاء
ابو كريم

[Nader]

شكرا يا غالى على الرد
وربنا يجعله فى ميزان حسناتك
كل سنة وانت بخير رمضان كريم

امضاء
ابو كريم

الشكر لله وكل عام وانت بخير.

[dr_winner]

تسقيف الموتور بيقل جامد مع البنزين 92

السلام عليكم
كنت قريت هنا إن استخدام بنزين 92 رفاهية لا داعى لها مع الإكسيل.
لكنى لقيت منها فايدة وقللت حكاية تسقيف الموتور جدا (تكاد تكون راحت)

[Nader]

السلام عليكم
كنت قريت هنا إن استخدام بنزين 92 رفاهية لا داعى لها مع الإكسيل.
لكنى لقيت منها فايدة وقللت حكاية تسقيف الموتور جدا (تكاد تكون راحت)

على فكرة نسبة انضغاط الموتور : 9.5 يعني

المفروض اساساً انها تشتغل ببنزين 92 .... بس العربية

بتمشي باقل من كدة ...مش بتقول لأ....

[y_ammar2000]

السلام عليكم
سؤال كلعاده للباش مهندس نادر
حالة ان فيه بوجيه معرق زيت ؟ هل دى تعد مشكله كبيره وهل يا ترى دى علامه
ممكن من خللها نحكم على صحة الماتور ؟
نوع العربيه اكسيل 95 1500 سى سى كورى

وكل سنه وانت طيب

[Nader]

وعليكم السلام ورحمة الله وبركاتة

لو زيت يبقى ممكن يكون عندك مشكلة في الحريق

لكن لو مياة يبقى ممكن يكون في شرخ في وش

السلندر ودي مشكلة هتسبب سخونة للموتور

ولازم الخراط يلحمة.

[magdy_momo]

يا شباب طلب
لو في حد عارض سياره اكسيل للبيع يبعتلي رساله ع الخاص
بسرعه عشان محتاج واحده ضروري

[y_ammar2000]

السلام عليكم
الى الباش مهندس نادر
كونت بعت لحضرتك يا باش مهندس السؤال التالى
حالة ان فيه بوجيه معرق زيت ؟ هل دى تعد مشكله كبيره وهل يا ترى دى علامه
ممكن من خللها نحكم على صحة الماتور ؟
نوع العربيه اكسيل 95 1500 سى سى كورى

وحضرتك جاوبت وقلتى انه لو العرق ده زيت يبقى فى مشكله فى الحرق ولو ميه يبقى
شرخ فى وش السلندر
هو العرق عباره عن زيت --- انا مش فاهم بصارحه يعنى ايه مشكله فى الحرق مع العلم ان العربيه والحمد لله مش بتدخن ولا حاجه وكمان انا ساعات بلاقى الشكمان بينزل ميه بسيطه

وعشان اوضح اكتر العربيه بتسخن بس لما بروح للمكانيكى بيقولى دى سخنيه طبيبعه
ومؤشر الحراره مش بيعدى النص بالعكس دا بيكون تقريبا فى ربع المسافه بعد حرف الc
يتقريبا بـ 2 سم تقريبا (مش بيوصل للنص ابدا والحمد لله)
بعد اذنك يا باش مهندس انا بس عاوز الفهم عشان انا لسه جايب العربيه من شهرين تقريبا .............. ربنا يجزيك كل خير

[y_ammar2000]

تمكمله الحديث يا باش مهندس نادر
لو فى شرخ فى وش السلندر ايه الى ممكن يحصل فى العربيه او بمعنى آخر ما هى العلامات الى لما بتحصل اعرف ان فيه شرخ فى وش السلندر .

[Nader]

لو عندك شرخ في وش السلندر هتلاقي العربية يتسخن

"الطبيعي ان المؤشر يكون عند الربع"، وهتلاقي

مياة التبريد بتنقص ولو حصل واتخلط زيت الموتور

بمياة التبريد هتلاقي الزيت لونة بني فاتح جداً او كريمي

كلون الطحينة.

[hesham1111]

تكييف الاكسل

انا عرضت المشكلة دى قبل كده ولس مش لاقى حل ياريت ياباشمهندس نادر تقولى الحل
عربيتى اكسل1500 كاملة مانيوال التكييف عندى كان بايظ خالص اول حاجة غيرت الكمبورسر بواحد استيراد وبعد كده غيرت السربنتية والاكسبانشن يعنى غيرت تقريبا كل حاجة فيه والمشكلن ان التكييف يشتغل يومين او ثلاثة ايام وبعد كده يسرب الفريون مرتين السكس بلف اغيره علشان بيضرب
ياريات يااستاد نادر تقولى المشكلة فى ايه بالظبط وحلها ايه علشان تعبت من الموضوع ده جدا وصرفت حوالى 1300 جنيه ومش لاقى نتيجة

[Nader]

انا مش فاهم العيب منين بالظبط

هل من الكباس؟ هل هو اللي بيسرب؟

هل من التوصيلات والمواسير هي مصدر التسربيب؟


وعموماً واضح ان اخصائي التكيف اللي انت شغال معاة

شغلة مش تمام!

[baher1970]

السلام عليكم انا مشكلتى مع الاكسيل فى رعشة الدركسيون والعربية دايرة افيدونى فية حل وهل السبب من الموتور