رابطة مالكى الاكسيل-الجزء الأول

[Nader]

اول ما بتفتح الكزنتاكت بتنور 4 لمبات

1- لمبة الزيت

2- لمبة البطارية

3- لمبة الفرامل "في بعض الاوضاع فقط"

4- لمبة الحزام



لمبة الزيت بتقفل بعد تشغيل الموتور بلحظات، لو لم تقفل فهناك مشكلة

قد يكون السبب احد العوامل الاتية:

1- وجدود نقص بمستوى الزيت بالموتور

2- وجود خلل بساعة الزيت

3- السلك الواصل بساعة الزيت اتفصل أو ملمس.


اما بالنسبة للمبة الفرامل فهي بتعمل عند شد فرامل اليد

أو عند نقص مستوى زيت الباكم.

[Lion_Heart]

شكرا لك , هيه بتقفل فعلا بعد دوران الموتور بلحظات ربنا يطمنك ,وهيه دى فعلا اللمبات اللى بتظهر معايا اول ما ادور الموتور ..

[Nader]

الشكر لله.

[hoza]

رحت للكهربائي وقالي الشحن عالي و هيرك بلي كتاوت خارجي و يقفل الإلكترونيك وهياخد 80 جنيه ايه رايكم

[Nader]

هي المشكلة كانت اية؟

[y_ammar2000]

السلام عليكم
سلامى لكل الاكسواليين وكل سنه وانتم طيبين
وسلام مخصوص للباش مهندس نادر
سؤال بخصوص الدوكوا
انا العربيه ميتالك وبصراحه لونها مجرب دا غير فة خرابيش بسيطه فى الكابوت
وشكله باهت زى لما يكون عليها طبقة تراب
فكرت ارشها الكل قالولى بلاش ترشها عشان سعرها حيقل خصوصا انها فابريكه من بره وجوه (الشنطه والكابوت والسقف وبعض الرفارف فابريكه) العربيبه موديل 95 بصراحه انا زعلان عشان شكلها وحش وفى نفس الوقت قلقان لو رشتها كل الناس بتقولى ان سعرها حيقل طب ماذا تفعل لو كونت مكانى ؟
ملحوظة للعلم رخصه السياره تنتهى 2010 شهر 3

[hoza]

كانت ميه البطاريه بتفضي بسرعه و العربيه لو مولع النور تبدي سخن للنص و لو طفيطه تبتدي ترجع عادي

[Nader]

السلام عليكم
سلامى لكل الاكسواليين وكل سنه وانتم طيبين
وسلام مخصوص للباش مهندس نادر
سؤال بخصوص الدوكوا
انا العربيه ميتالك وبصراحه لونها مجرب دا غير فة خرابيش بسيطه فى الكابوت
وشكله باهت زى لما يكون عليها طبقة تراب
فكرت ارشها الكل قالولى بلاش ترشها عشان سعرها حيقل خصوصا انها فابريكه من بره وجوه (الشنطه والكابوت والسقف وبعض الرفارف فابريكه) العربيبه موديل 95 بصراحه انا زعلان عشان شكلها وحش وفى نفس الوقت قلقان لو رشتها كل الناس بتقولى ان سعرها حيقل طب ماذا تفعل لو كونت مكانى ؟
ملحوظة للعلم رخصه السياره تنتهى 2010 شهر 3

وعليكم السلام ورحمة الله وبركاتة

انا عندي نفس مشكلتك، العربية فابريكة بالكامل لكن حالة الدهان

ولونة جيد لكن المشكلة في هواة الفن التجريدي اللي برسموا

على العربية:cuss:


عموماً حتى لو بعتها وهي فابريكة بالكامل، اللي هياخدها هيقول لك دي

لونها جربان ومحتاجة دهان وهيقلل من سعرها برضة، فشوف انت راحتك النقسية

فين واتكل على الله.

[Nader]

كانت ميه البطاريه بتفضي بسرعه و العربيه لو مولع النور تبدي سخن للنص و لو طفيطه تبتدي ترجع عادي

هو فعلاً دي تبقى مشكلة شحن عالي.

[Nader]

اد ايه استهلاك البنزين في الاكسيل ال1300 سي سي ؟

بتعمل معايا في المتوسط 300 كم في الصفيحة لو طرق سريعة وداخل

المدينة، لكن طرق سريعة اكثر.

[Nader]

يا جماعة حد يشوفلي حل للمشكلة دي

أنا عندي إكسيل 98 1500 Cc
والعربية بتاكل بنزين كتير

يعني جوة البلد حوالي 120-130 كلم في الصفيحة

غير البوجيهات وظبط الكربيراتير، المعدل دة عالي جداً جداً

واتاكد ان مفيش تسريب في البنزين.

[mero25]

الاخ نادر
انا رحت للميكانيكى عند انبى-سيد- وظبط تاكيهات وفك الكربراتير وظبطة واخد 80 جنييه وجارى تجربه السيارة بس شكلها ok

شكرا اخ نادر

[Nader]

الشكر لله يا اخي.

هو حراق شوية بس شغلة نضيف.

[mero25]

الشكر لله يا اخي.

هو حراق شوية بس شغلة نضيف.

بالظبط
هل صحيح معدل الاستهلاك 300 فى الصفيحة
انا عندى 200

[Nader]

300 معظمهم خارج البلد، على الدائري.