رابطة مالكى الاكسيل-الجزء الأول

[hosamabraq]

السلام عليكم
يا جماعه لو سمحتوا انا عاوز اعمل رخصه قياه خاصه
ومعرفش حاجه عن اختبار الاشارات والحمد لله انا بسوق كويس فخايف اروح معديش من اختبار الإشارات محدش ممكن يفدنى فى هذا الموضوع
بس يا ريت على وجه السرعه

روح كده المرور اللى انت تبعه وإسأل الناس اللي بتمتحن إذا كانوا عملوا إختبار إشارات ولا لأ

عادة ماحدش بيمتحن في بعض مناطق المرور، حتى لو في إمتحان هتلاقى ناس بتبيع ورقة فيها إشارات المرور على باب المرور، إحفظها كويس وتوكل على الله

بالتوفيق

[Anti_virus_abdo]

السلام عليكم
انا بقالي 4 ايام كدا ملاحظ حاجه غريبه في سحب العربيه و بكون ماشي عادي و العربيه بتسحب عادي و زي الفل و فجأه العربيه بتتأل اويييييييي كأني مثلا مشغل التكيف و محمل عليها اوي و مش بتسحب خالص و لو قرصت عليها تعد تكركر جامد و بتبقي تقيله اوي يعني مثلا لو شلت رجلي من البنزين بتعد تبطأ جامد اوي و كأني دايس فرامل مثلا و لما باجي انقل للتالت مثلا برضه و انا علي 40 اول ما انقل و اشيل رجلي من الدبرياش تبطأ اوي كاني مثلا نقلت علي الاول تاني و الموضوع ده بيعد يروح و يجي بس تقريبا بيزيد لما تسخن و توصل للربع كد وا لما بيحصل الموضوع ده و تتقل بتطلع ريحت شيااااااااط
يا تريايه الي ممكن يكون السبب هل ممكن يبقي فلتر بنزين مثلا؟؟؟ مع العلم ان العربيه كان فيها صوت زي الصريخ كدا و طلع من سير الدينامو و غيرته من يومين و كنت فاكر السحب دا منه بس فضل زي ما هو
العربيه هيونداي اكسيل 1300 موديل 98

[wesam_salom]

غالبا دى اسطوانه دبرياج علشان ريحه الشياط

[y_ammar2000]

السلام عليكم
سؤال على السريع وعلى غفله زى المطره الى جت امبارح على غفله وبسرعه
البطاريه نامت منى امس ودا عشان انا بقالى اسبوع تقريبا مركبتش العربيه المهم طلبت من حد يزقونى فالحمد لله دارت على طول واا فى طريقى للشغل عديت على كهربائى شاف ميه البطاريه وزودها وكشف على الديناموا والمارش لقاهم كويسين
المهم روحت الشغل عادى مشيت بيها تقريبا 7 كيلوا وركنتها ولما خلصت شغلى رجعت
كانت المطره مطرت والجراج بقى بحر من المياه المهم جيت ادور العربيه مش عاوزه تدور فروحت لأقرب كهربائى فطلبت منه يعملى توصيله فقالى معنديش حد ممكن يخرج
(شكلها لعبت معاه كويس عشان موضوع المطره) المهم فكيت البطاريه ورحتله فقالى ان فيها ربعين عاوزين يتغبروا والمهم شحنتها شحن سريع وغير الميه بردوا ورحت ركبتها وبردوا دارت من زقه صغيره ---- ما سبق تمهيد للمشكله :)
السؤال بقى هل البطاريه فعلا بايظه خصوصا انها لما اشتغلت ومشيت بيها تقريبا خمسه كيلوا بطلت فجأه ودارت من زقه سغيره
الخلاصه اروح اغيرها ولا اركبلها ربعين ولا يا ترى فى حاجه تانى هى العمله المشكله دى ---- اكسل 95 كامله اسف انى طولت بس دا عشان دى اول عربيه اركبها

[mohsen2005ib]

صباح الخير عربيتى اكسل 97 و 1300 والتكيف بتاعها بايظ رحت للكهربائى قالى ان الثلاجة بايظة وعايزة تتغير وتتكلف 2000 جنية اية رايكم افيدونى ؟ وما هو الزيت الجيد الذى اضعة للموتور وكام سعرة وشكرا على رددودكم التى افادتنى كثيرا

[Nader]

2000 جنية؟!!


شوف واحد تاني غيرة يكون عندة ضمير.

[Nader]

بالنسبة لموضوع البطارية فجرب تشحنها الاول عند كهربائي بـ10 جنية

لان7 كم ولا كم مش هيشحنوها ولو اشتغلت بعد كدة يبقى خير وبركة

ولو مشتغلتش يبقى تغيرها خالص وتريح دماغك وتوفر فلوسك

لانك في الاخر هتشتري واحدة بعد ما تدفع فلوس على الفاضي في البطارية القديمة.


بالمناسبة ابقى اكشف الاول على الدينموا وشوفة بيشحن مظبوط ولا لأ وانت بتشحن البطارية.

[Anti_virus_abdo]

غالبا دى اسطوانه دبرياج علشان ريحه الشياط

شكرا يا باشا علي ردك
في اي تخمينات ؟؟ !
اصلي لو كانت اسطوانة الدبرياج طب ليه لما بشيل رجلي من علي البنزين بتبطأ جامد اوي ؟؟ و كأني مدي غيار اقل من السرعه الي مشيه بيها او كأني دايس فراامل بسيط

[Nader]

شكرا يا باشا علي ردك
في اي تخمينات ؟؟ !
اصلي لو كانت اسطوانة الدبرياج طب ليه لما بشيل رجلي من علي البنزين بتبطأ جامد اوي ؟؟ و كأني مدي غيار اقل من السرعه الي مشيه بيها او كأني دايس فراامل بسيط

طبيعي لما تشيل رجلك من على الدبرياج وانت مدي غيار ان العربية تكلبش أو تفرمل، العملية دي اسمها فرملة الموتور.

[Anti_virus_abdo]

طبيعي لما تشيل رجلك من على الدبرياج وانت مدي غيار ان العربية تكلبش أو تفرمل، العملية دي اسمها فرملة الموتور.

ايوه منا فاهم :)
انا قصدي هي بتكلبش جامد علي اي غيار و اي سرعه, انا كتب الوصف بتاع المشكله في مشاركه فوق وهي بأختصار تاني اني مثلا لو اديت التالت حتي و لو علي 30 مثلا اول ما اشيل رجلي تفرمل فرملة الموتور و كأني مثلا غيرت علي الاوب مش التالت !! و ده لما بتحصل المشكله ديه
و ادي المشله تاني عشان حضرتك تقرأها تاني, معلش تعبتك معايا يا استاذ نادر م شكرا علي ردك :)

السلام عليكم
انا بقالي 4 ايام كدا ملاحظ حاجه غريبه في سحب العربيه و بكون ماشي عادي و العربيه بتسحب عادي و زي الفل و فجأه العربيه بتتأل اويييييييي كأني مثلا مشغل التكيف و محمل عليها اوي و مش بتسحب خالص و لو قرصت عليها تعد تكركر جامد و بتبقي تقيله اوي يعني مثلا لو شلت رجلي من البنزين بتعد تبطأ جامد اوي و كأني دايس فرامل مثلا و لما باجي انقل للتالت مثلا برضه و انا علي 40 اول ما انقل و اشيل رجلي من الدبرياش تبطأ اوي كاني مثلا نقلت علي الاول تاني و الموضوع ده بيعد يروح و يجي بس تقريبا بيزيد لما تسخن و توصل للربع كد وا لما بيحصل الموضوع ده و تتقل بتطلع ريحت شيااااااااط
يا تريايه الي ممكن يكون السبب هل ممكن يبقي فلتر بنزين مثلا؟؟؟ مع العلم ان العربيه كان فيها صوت زي الصريخ كدا و طلع من سير الدينامو و غيرته من يومين و كنت فاكر السحب دا منه بس فضل زي ما هو
العربيه هيونداي اكسيل 1300 موديل 98

[تامر الزلاباني]

السلام عليكم جميعا ممكن من اخواني الاكسلوية والخبراء يدلوني بالتفصيل عن كيفية فحص سيارة اكسيل قبل الشراء حتي لااقع فريسة

[mohsen2005ib]

عندى مشكلة فى الكونتكت احيانا يعمل بدون مشاكل واحيانا اسمع صوت تكة من غير ميشتغل الموتور وبعد محاولات يشتغل اية المشكلة واحلها ازاى وكيف ازود السحب العربية اكسل 1300 .97

[Nader]

السلام عليكم جميعا ممكن من اخواني الاكسلوية والخبراء يدلوني بالتفصيل عن كيفية فحص سيارة اكسيل قبل الشراء حتي لااقع فريسة

اول حاجة تكشف على الشاسية، لو طلع فية حاجة

يبقى ابعد عن العربية، اما لو سليم يبقى تكشف على العفشة

ولو مش تمام هتصرف معاك وهتفرق معاك في الركوبة.


بعد كدة تكشف على كبس الموتور.

[Nader]

عندى مشكلة فى الكونتكت احيانا يعمل بدون مشاكل واحيانا اسمع صوت تكة من غير ميشتغل الموتور وبعد محاولات يشتغل اية المشكلة واحلها ازاى وكيف ازود السحب العربية اكسل 1300 .97

تقصد بتدور ومفيش اي استجابة للعربية؟؟ مبتسمعش صوت دوارة؟

لو كدة يبقى راجع على كبلات قواطش البطارية لو مملحين نضفهم

كويس وتأكد ان الكبلات مربوطة كويس جداً،، بعد كدة ممكن نفكر في

اتوماتك المارش أو الكتاوت بتاعتة.


بالنسبة للسحب فانت محتاج تنضف فلتر الهواء او تغيرة لو لزم الامر

فلتر البنزين غيرة لو لزم الامر والبوجيهات لو مرطبة غيرها واخيراً

راجع على سلوك البوجيهات.

[devil-lid]

انت قصدك ان العربيه بتعمل صوت زى تكه او اكتر من تكه وبعدين تدور؟؟؟ لو كده يبقى انت الاتوماتيك بتاع المارش بتاعك باظ جدا وهو ب50 جنيه وممكن تغيره عند اى كهربائى سيارات لكن لوغير كده يبقى زى ما الاستاذ نادر قالك