رابطة مالكى الاكسيل-الجزء الأول

[mhDeeb]

السلام عليكم ياشباب الاكسيل وربنا يوفقكم في المنتدى وفي الاكسيل وكل سنة وانتم طيبين بمناسبة رمضان
حد يعرف اجيب السوستة بتاعة شنطة الاكسيل منين لان السوستة اللى بتخلى غطاء الشنطة يفتح ويثبت عالى اتكسرت وهى صلب ومش لاقيها حد يعرف موجودة فين مع الشكر مقدما

[Angel_wolf]

السلام عليكم

انا معايا هيوانداى اكسل وهغير الكبالن النهاردة و الميكانيكى قلى هنجيب كبالن يابانى اسمها urw الكبلن بـ 200 جينية
فائية رائيكم فى الكالبن دى ورجاء بسرعة لانى هجيبة النهاردة

[zigzag2001]

السلام عليكم
كل سنة وانتم طيبين
دي اول مشاركة ليا في الموقع لاني علي فكرة ابيض يا ورررررررد في موضوع العربيات دانا حتة لسه ببدا اتعلم سواقة الايام دي ( اللي يشوفني في الشارع يبعد عني علشان مصلحتو )

وان شاء الله قريب اوي حخلص في عربية اكسل موديل 98 1300 سي سي ( اول عربية في حياتي ) وان شاء الله مرجعي الاول والاخير حيكون حضراتكو والمنتدي بتاعكو اللي بقعد اذاكر فيه دلوقتي

الخلاصة بدون تطويل

العربية دي بتاعت حد ضامنة انها كويسة بس مشكلتها انها مفهاش باور ولا تكييف سؤالي بقه هل ممكن تركيب باور وتكييف ليها وتتكلف كام تقريبا وهل التركيب دا بيكون بالتوكيل ولا برة التوكيل وليه تاثير علي الموتور وكدا ولا يستحمل عادي

شكرا جزيلا وحتلاقوني بسال علي حاجات هايفة كتير استحملوني واكسبو فيا ثواب ;)

[M.FOUAD]

السلام عليكم

انا معايا هيوانداى اكسل وهغير الكبالن النهاردة و الميكانيكى قلى هنجيب كبالن يابانى اسمها urw الكبلن بـ 200 جينية
فائية رائيكم فى الكالبن دى ورجاء بسرعة لانى هجيبة النهاردة

انا معرفش عنها حاجة انا جبت للعربية كبالن صيني الاثنين ب100 جنية من 6 اشهر و شغالين زي الفل من عند الزقازيقي في التوفيقية و هتلاقيهم برة ب 140 جنية

[M.FOUAD]

بس يا جميل انا عندى يبقى المؤشر فى حدود التلت ولما بشغل التكييف بينزل لاقل من كده لان مروحه التكييف بتشتغل فبتبرد شوية والكلام ده على عهده الكهربائى
غانت كده زى الفل

شكرا يا باشا انك سالت فيا

[M.FOUAD]

السلام عليكم
كل سنة وانتم طيبين
دي اول مشاركة ليا في الموقع لاني علي فكرة ابيض يا ورررررررد في موضوع العربيات دانا حتة لسه ببدا اتعلم سواقة الايام دي ( اللي يشوفني في الشارع يبعد عني علشان مصلحتو )

وان شاء الله قريب اوي حخلص في عربية اكسل موديل 98 1300 سي سي ( اول عربية في حياتي ) وان شاء الله مرجعي الاول والاخير حيكون حضراتكو والمنتدي بتاعكو اللي بقعد اذاكر فيه دلوقتي

الخلاصة بدون تطويل

العربية دي بتاعت حد ضامنة انها كويسة بس مشكلتها انها مفهاش باور ولا تكييف سؤالي بقه هل ممكن تركيب باور وتكييف ليها وتتكلف كام تقريبا وهل التركيب دا بيكون بالتوكيل ولا برة التوكيل وليه تاثير علي الموتور وكدا ولا يستحمل عادي

شكرا جزيلا وحتلاقوني بسال علي حاجات هايفة كتير استحملوني واكسبو فيا ثواب ;)

اهلا بيك معانا و ربنا يوفقك و يباركلك في العربية
بالنسبة للتكييف ممكن تركب نكييف ساندن ياباني و دة تكلفتة حولي 2500 جديد و دة احسن من تكييف العربية الاصلي
اما الباور فملوش لازمة اوي تكلف نفسك لان العربية خفيفة اصلا لكن لو عايز تركبة فية اكثر من واحد ممكن يركبهولك في شارع شامبليون بس كل حاجة بتيجي استيراد و انت حظك و التكلفة في حدود 1000 جنية

[M.FOUAD]

السلام عليكم ياشباب الاكسيل وربنا يوفقكم في المنتدى وفي الاكسيل وكل سنة وانتم طيبين بمناسبة رمضان
حد يعرف اجيب السوستة بتاعة شنطة الاكسيل منين لان السوستة اللى بتخلى غطاء الشنطة يفتح ويثبت عالى اتكسرت وهى صلب ومش لاقيها حد يعرف موجودة فين مع الشكر مقدما

هي مبتتبعش جديدة هتلاقيها استيراد

[alaamousa]

مطلوب اكسيل بحالة جيدة

السلام عليكم ورحمة الله وبركاته
السادة أعضاء المنتدى الكرام انا بدور على هيونداي اكسنت 1300
بحالة جيدة ومش هلاقي احسن من اعضاء نايل موتورز اشتري منهم باذن الله
للاحتراو في التعامل اللي لقيته فيكم
مستني الردود وجزاكم الله خيرا
ايميلي هو alaamousa2007@yahoo.com

[ابوهاشم]

دى يا رجالة أسعار الببان بتاعت الإكسيل من التوكيل
باب شمال ويمين أمامى 525جنيه
باب شمال ويمين خلفى525جنيه
فبر أمامى 45جنيه
فبر خلفى40جنيه
مرايا شمال 145 جنيه
مرايا يمين 145 جنيه
دى الأسعار للجمهور
بس انا بيتعملى تخفيض عن كده بكتييير علشان أبو صاحب المركز زميلى(وتحت أمر أعضاء المنتدى لو حد فيهم إحتاج أى حاجه من المركز ده هو فى سوهاج)
وبإذن الله تعالى مفيش مسمار غير لما هجيب سعره بس من التوكيل إللى فى سوهاج
وأى إستفسار أنا معاكم
بس للأمانه أنا معلوماتى يرجع الفضل لله تعالى ولأستاذ نادر من بعده
والله المستعان

بالنسبه للبيبان
ده سعر باب واحد ولا سعر البابين مع بعض

[m_allawy]

مشط الأسبراتير

يفضل شراء المشط الأصلى أو أستيراد ويسمى بلاطة
ولازم ضبط المسافة بين العنصر الدوار والمشط حوالى 0.8مم

[m_allawy]

كانت المروحة تشتغل براحتها مرة ومرة
رحت عامل مفتاح على المروحة عندما ترتفع الحرارة أشغلة
ولكن ربنا هدانى لتغير الريلى الموجود بعلبة سوداء خلف الكشاف شمال
(يوجد عدد 2 ريلاى واحد للمروحة وواحد للتكيف )
أشتريتة بحوالى 20 جنية (ريلاى 3 أطراف ) تخلعة و تجيب زاية
والمروحة أشتغلت زى الفل
ممكن كمان تختبر حساس الحرارة
تخلعة وتضعة فى ماء بيغلى على النار ومعاك أفوميتر على طرفى الحساس عندما يصل الحرارة لقيمة معينة
تسمع صوت البازر أو مقاومة صفر
ولكن الموضوع دة محتاج غلبه

[m_allawy]

تقبل الله منا ومنكم
وكل عام وأنتم بخير وسعادة

[Lion_Heart]

كل عام و الاكسلاوية بخير بمناسبة عيد الفطر المبارك .

[haitham83]

باشاوات الاكسيل ........... انا عندى لما بكسر يمين الدركسيون بيزيىء بس مش فى كل الاوقات
و الدبرياج بيطلع صوت تزييء روحت زييت كبل الدبرياج الصوت راح بس رجع تانى اغير كبل الدبرياج ولا ايه

[osaly71]

كل سنة و انتم طيبين و عيد سعيد عليكم دايماً. أنا عندي سؤال و ياريت حد يفيدني، انا عندي أكسيل 1500 موديل 1997و عندي ساعة التابلوه عطلت علشان حصلتها ميه وهي بتتغسل في محطة البنزينز ممكن الساعة دي تتصلح و لا لازم اغيرهاو ياريت اعرف اجيبها منين و ياريت برضه سعرها كام؟ و شكراً يا إكسلاويه مقدماً وكل سنة و انتم طيبين