رابطة مالكى الاكسيل-الجزء الأول

[M.FOUAD]

السلام عليكم
انا عندى مشكلة ظهرت من حوالى 3 اشهر وبعت لكم ومحدش للاسف رد على
المشكلة ان العربية بتحدف يمين وبتحدف شمال ورحت لظبط الزوايا قالى العيب فى الكاوتش ورحت لبتاع الكاوتش قالى عيب ظبط زوايا حدفونى لبعض .
العربيه كانت كويسه يوم وليله عملت القصه ديه لما غيرت الكاوتش جبت اللى قدام ورا واللى ورا قدام من غير ما اغير الجنت ( يعنى شلت الكاوتش بتاع قدام من الجنت بتاعه وحطيته فى الجنت بتاع العجله الخلفيه و الكاوتش الخلفى حطيته فى الجنت الامامى زمن ساعتها والعربيه حالها اتقلب وانا بصراحه نسيت مكان العجل الاصلى )
ودخلت فى دوامه ومش عرف اعمل ايه هل
1- اروح التوكيل
2- اروح مركز معتمد
لان مش عاوز الصنايعيه يحدفونى لبعض
ارجوكم دلونى مش مشكلة الفلوس اهم حاجه تتظبط

للعلم انا ساكن فى شارع العشرين فيصل
مستنى ردكم

اية حالة الكاوتش
و هل الجنت بتاع العربية الاصلي و لا لا و رصصهم احسن
و الشاسية بتاع العربية فية حاجة

[M.FOUAD]

عاوز بتاع دوكو يكون كويس فى فيصل يلمع العربيه ويرمم البويه بس يكون محترم ويراعى ربنا
اناساكن فى شارع العشرين

فية واحد اسمة عبد اللة في الشارع اللي على ناصيتة بنزينة شل هتلاقي جامع على ايدك الشمال هو على الناصية اللي بعدة معروف هناك هو شغلة نظيف اوي بس اسعارة عالية و بالة طويل يعني لو قلك خد العربية بعد يومين رحلة بعد اسبوع لو فاضي احسن حاجة تقعد معاة عشان تضمن انة يشتغل في عربيتك

[WalidAdel]

هو التشققات اللي في التابلوه دي مالهاش حل يارجالة الاكسيل ولا ايه اصل شكلها وحش اوي

[hamed79_eg]

السلام عليكم
انا لسة شارى عربية اكسيل 1500 موديل 98 و زى ما الناس قالتلى اغير طقم الكهرباء و الفلاتر و السيور و ابدء مع العربية على نظيف و بعد التظبيط فولت العربية و فوجئت ان مؤشر البنزين نزل شرطة بعد حوالى 60 كيلو و فولت علشان اتأكد و لقيتها خدت 9 لتر و مشيت بيها لحد لما لقيت المؤشر نزل النص و فولت بعد 130 كيلو و لقيتها خدت 20 لتر برجاء من اهل الخبرة يدلونى و ينصحونى وممكن العيب يكون فى اية لان كدة كتير جدا لان معلوماتى ان العربية ديه اقتصادية فى البنزين علما بأنى ظبط تكيهات و سير الكاتينة و الكربراتير و ما فيش اى تسريب للبنزين ظاهر و لا ريحة طالعة عليا فى العربية و لسة الاستهلاك عالى جدا و اسف للاطالة. السلام عليكم ورحمة الله وبركاته

[M.FOUAD]

هو التشققات اللي في التابلوه دي مالهاش حل يارجالة الاكسيل ولا ايه اصل شكلها وحش اوي

ملوش حل للاسف غير انك تكسية جلد من اول و جديد بيتكلف حوالي 200 جنية

[M.FOUAD]

السلام عليكم
انا لسة شارى عربية اكسيل 1500 موديل 98 و زى ما الناس قالتلى اغير طقم الكهرباء و الفلاتر و السيور و ابدء مع العربية على نظيف و بعد التظبيط فولت العربية و فوجئت ان مؤشر البنزين نزل شرطة بعد حوالى 60 كيلو و فولت علشان اتأكد و لقيتها خدت 9 لتر و مشيت بيها لحد لما لقيت المؤشر نزل النص و فولت بعد 130 كيلو و لقيتها خدت 20 لتر برجاء من اهل الخبرة يدلونى و ينصحونى وممكن العيب يكون فى اية لان كدة كتير جدا لان معلوماتى ان العربية ديه اقتصادية فى البنزين علما بأنى ظبط تكيهات و سير الكاتينة و الكربراتير و ما فيش اى تسريب للبنزين ظاهر و لا ريحة طالعة عليا فى العربية و لسة الاستهلاك عالى جدا و اسف للاطالة. السلام عليكم ورحمة الله وبركاته

هي العربية فعلا اقتصادية
بس لو الاستهلاك دة ببنزين 80 يبقى طبيعي لان كل بنزين 80 مغشوش دلوقتي لو غيرت ل 90 و لسة المشكلة موجودة شوف بقى الكاربراتير

[ibrahimsaad]

السلام عليكم
انا عندى مشكلة ظهرت من حوالى 3 اشهر وبعت لكم ومحدش للاسف رد على
المشكلة ان العربية بتحدف يمين وبتحدف شمال ورحت لظبط الزوايا قالى العيب فى الكاوتش ورحت لبتاع الكاوتش قالى عيب ظبط زوايا حدفونى لبعض .
العربيه كانت كويسه يوم وليله عملت القصه ديه لما غيرت الكاوتش جبت اللى قدام ورا واللى ورا قدام من غير ما اغير الجنت ( يعنى شلت الكاوتش بتاع قدام من الجنت بتاعه وحطيته فى الجنت بتاع العجله الخلفيه و الكاوتش الخلفى حطيته فى الجنت الامامى زمن ساعتها والعربيه حالها اتقلب وانا بصراحه نسيت مكان العجل الاصلى )
ودخلت فى دوامه ومش عرف اعمل ايه هل
1- اروح التوكيل
2- اروح مركز معتمد
لان مش عاوز الصنايعيه يحدفونى لبعض
ارجوكم دلونى مش مشكلة الفلوس اهم حاجه تتظبط

للعلم انا ساكن فى شارع العشرين فيصل
مستنى ردكم

اكشف على الشاسيه من تحت قد يكون فيه شروخ وهى دى سبب ان الزوايا مش راضيه تتظبط

[WalidAdel]

ملوش حل للاسف غير انك تكسية جلد من اول و جديد بيتكلف حوالي 200 جنية

ياباشا شكرا لسرعة الرد

فين بقي موضوع اني اكسيه لو حضرتك مجرب واحد معين ياريت تدلني عليه

هو التابلوه لو غيرته هايتكلف كام مع العلم ان حالة التابلوه كويسه و مافيهوش غير الحته اللي العدادات بس هيا اللي متشققه غير كده هو كويس ولا في كسر ولا اي حاجه

[WalidAdel]

هي العربية فعلا اقتصادية
بس لو الاستهلاك دة ببنزين 80 يبقى طبيعي لان كل بنزين 80 مغشوش دلوقتي لو غيرت ل 90 و لسة المشكلة موجودة شوف بقى الكاربراتير

انا بردوا عايز اكشف علي الكربرتير بتاعي بس معرفش فين بيقولوا في واحد اسمه الحاج مصطفي في شبرا مصر بس للاسف مش عارفين العنوان بتاعه بس بيقولوا انه احسن واحد في القاهره و بسمع عنه كلام كويس فياريت لو حد يعرفه يعني يقولي هو فين

[M.FOUAD]

ياباشا شكرا لسرعة الرد

فين بقي موضوع اني اكسيه لو حضرتك مجرب واحد معين ياريت تدلني عليه

هو التابلوه لو غيرته هايتكلف كام مع العلم ان حالة التابلوه كويسه و مافيهوش غير الحته اللي العدادات بس هيا اللي متشققه غير كده هو كويس ولا في كسر ولا اي حاجه

اي سروجي بيعملة معرفش حد معين ممكن تسال سواق تاكسي لو التابلوة بتاعة عجبك كنت بسالهم و كل واحد بيعطيني كارت اللي كان بيتعامل معاة بس انا شايف الموضوع مش مستاهل اوي خاصة انة هيرجع يشقق تاني فصلة فرش بلون العربية و غطي التابلوة بيها و خلاص

[M.FOUAD]

انا بردوا عايز اكشف علي الكربرتير بتاعي بس معرفش فين بيقولوا في واحد اسمه الحاج مصطفي في شبرا مصر بس للاسف مش عارفين العنوان بتاعه بس بيقولوا انه احسن واحد في القاهره و بسمع عنه كلام كويس فياريت لو حد يعرفه يعني يقولي هو فين

فية مركز بيقولوا علية ممتاز اسمة مركز الصفا في جسر السويس بس غالي شوية

[WalidAdel]

ايوا ياباشا بس المركز ده تقريبا مافيهوش خراطة الاكس و الباب زي ماسمعت عنه انا عايز اعرف بتاع شبرا دا لانه احسن من مركز الصفا
انا ان شاء الله لو ماعرفتش بتاع شبرا دا هاضطر اجرب مركز الصفا و ربنا يستر يعني
و شكرا ياباشا للرد

[domain]

مشكلة التكييف

انا عندي اكسيل مو 95 1500 سي سي خليجي ...
في مشكلة في التكييف وسالت كذا واحد قالي غير الكومبرسور واحد تاني قالي هاتوا استراد ياباتي كامل و واحد تاني قالي هاتو جديد ياباني اعمل اية و الاسعار اية واعملة عند مين يكون بيفهم مع العلم انا ساكن المعادي
اية الحل انا تعبت والصيف دخل ارجوا الرد من اصدقائي الاكسلاوية وحدش يبخل علية بمعلومة

[Lion_Heart]

انا عندي اكسيل مو 95 1500 سي سي خليجي ...
في مشكلة في التكييف وسالت كذا واحد قالي غير الكومبرسور واحد تاني قالي هاتوا استراد ياباتي كامل و واحد تاني قالي هاتو جديد ياباني اعمل اية و الاسعار اية واعملة عند مين يكون بيفهم مع العلم انا ساكن المعادي
اية الحل انا تعبت والصيف دخل ارجوا الرد من اصدقائي الاكسلاوية وحدش يبخل علية بمعلومة

الافضل تكييف جديد يابانى و اسمه ساندن ده لو ان التكيف عندك متبهدل و عاوز مصاريف
وهو فى حدود 2500 جنيه و هتلاقى اماكن البيع و التليفون بالرابط التالى

http://www.nilemotors.net/Nile/91125-a.html

و ماتنساش تقولنا عملت ايه و الاسعار اتغيرت ولا لأ

[domain]

شكرا للرد

الافضل تكييف جديد يابانى و اسمه ساندن ده لو ان التكيف عندك متبهدل و عاوز مصاريف
وهو فى حدود 2500 جنيه و هتلاقى اماكن البيع و التليفون بالرابط التالى

http://www.nilemotors.net/nile/91125-a.html

و ماتنساش تقولنا عملت ايه و الاسعار اتغيرت ولا لأ

الف شكر ليك
بس دة في منوا استراد ولا كلو جديد ولة ممكن اشتري استراد اجيب لعربية نوعها اية يمشي بردو مع هونداي اكسيل عشان يكون نفس طريقة التركي