رابطة مالكى الاكسيل-الجزء الأول

[Lion_Heart]

فية 1500 هاتشباك موجود كثير و الفوانيس متوفرة الفرق بين المصري و الخليجي ان اغلب الخليجي نزل انجيكشن و المصري كاربراتير و الخليجي موجود لحد موديل 95 بس.

شكرا للاضافة و التصحيح .

[Lion_Heart]

عبوة شل هيلكس الاصفر ب 98 جندى على فكرة المسؤل هناك اكدلى انه 3000 كم مش 5000 كم

لكن لاحظت ان الستيكر عليها مكتوب بالعربى على غير العادة و كمان بعد ماكان 20/50 اصبح 15/50
للاسف عندى لتر 20/50 من المرة اللى فاتت
فلتر زيت 15 جندى

[ADELHASANALSHAAIRYN6]

يا جماعة انا سمعت من جارى وهو يعمل فى استيراد الكورى ان حاجات الاكسيل بدأت تشح وداخلة فى نطاق الندرة - ارجو تبحثوا الموضوع بجدية لان كدة هتبقى كارثة - خسارة عربية محترمة تنتهى هذه النهاية الحزينة

[ayman2000ghazy]

شكرا يا باشا

فية 1500 هاتشباك موجود كثير و الفوانيس متوفرة الفرق بين المصري و الخليجي ان اغلب الخليجي نزل انجيكشن و المصري كاربراتير و الخليجي موجود لحد موديل 95 بس.

شكرا يا باشا ما حرمنا الله من سديد رايك

[ayman2000ghazy]

شكرا

شكرا للاضافة و التصحيح .

شكرا يا باشا ما حرمنا الله من سديد رايك لكن ايه رايك فى الاخ اللى بيقول ان اكسسوار الاكسيل داخل فى الندرة

[M.FOUAD]

يا جماعة انا سمعت من جارى وهو يعمل فى استيراد الكورى ان حاجات الاكسيل بدأت تشح وداخلة فى نطاق الندرة - ارجو تبحثوا الموضوع بجدية لان كدة هتبقى كارثة - خسارة عربية محترمة تنتهى هذه النهاية الحزينة

فعلا الاستيراد بدا يقل منها هي و الاكسنت و الانوس و دة طبيعي لان العربية انتاجها الكوري واقف من 95 بس قطع الغيار الجديد بينزل منها كثير

[aragon1234]

اكسيل 97 أرجو الدخول

السلام عليكم يا اخواني دي اول مشاركة لي في المنتدي وانا لسة مشتري اكسيل 97 من حوالي شهر كده هي كانت غالية شوية ب34 بس مش مشكلة الحمد لله بس انا لاحظت انها بتستهلك ميه كتير اوي فودتها عند الميكانيكي فقالي عاوزة طرمبة ميه فغيرتها من 10 ايام كده المهم العربية لسة بتنقط بس علي خفيف فقالي يبقي عاوزين نغير ماسورة كد علي شكل شجرة يا ريت يا جماعة لو حد حصلت معله المشكلة دي قبل كده او يعرف ازاي احدد مكان التسريب منين يقولي عشان انا خبرتي مع العربيات منعدمة تماما وخايف لحسن الميكانيكي يستغلني .......واسف اني طولت عليكم

[star1991]

بص ياباشا انا عندي اكسيل مو94كان فيها نفس المشكله بتاكل ميه كتير اوي بس كانت بتاكل من الريداتير والقربه مابتسربش ميه للريداتير
فالمشكله دي حلها كالاتي
1-تفك الريداتير اولا عند بتاع الريداتيرات ويكشف لك عليه لو كان فيه اي ثقوب تسرب الميه خليه يلحمهالك وجرب وان شاء الله تمام.


2-لو بتاع الريداتير قالك الريداتير سليم ومابيسربش خليه يكشفلك على ماسوره الميه اللي بتدخل الميه من الريداتير للموتور ممكن يكون فيها برومه او اي خلل بيخليها تسرب الميه ودي مكانها ورا الفرن بتاع الشكمان تحت غطاء التاكيهات مباشره ودي الميكانيكي يعملها والماسوره مش غاليه في حدود40الاصليه ومش اصليه تعمل25.


3-وده اضعف الاحتمالات افتح الريداتير والعربيه دايره لو لقيت الميه ناقصه زودها وراقب الميه لو لقيت الميه بتعلى لفوق وزي ماتكون هتطلع لبره يبقى ده تنفيس او تسريب في وش السلندر بيخلي العربيه تاكل ميه وده تحصل بنسبه كبيره لو الموتور خفيف ولو طلعت هي المشكله الحق واعملها بسرعه قبل ماتضيعلك الموتور.
وزي ماقلتلك ده اضعف الاحتمالات لو الموتور خفيف

[aragon1234]

ممنوع الكتابه بطريقه الفرانكو اراب
يرجي مراجعه قوانين الممنتدي
مشرف هيونداي

[star1991]

alf shokr ya basha

العفو ياباشمهندس دا الواجب

[haitham83]

بصو بقى يا حبايبى يا اكسلاويه انا بظبط اكسيلتى ال 1300 ففكرت اركب ازاز كهرباء فقولت اغير الكونسوله اللى بتبقى عند الفتيس و الهاندبريك و احط بتاعت الاكسيل ال1500 علشان اجيب زراير الكهرباء بتوعها فهل تتركب الكونسوله بتاعت ال1500 على ال 1300 و اصدى اماكن المسامير و كدة فهل تركب ولا ايه افيدونى يا حبايبى

[ahmed2304]

يا جماعه انا عايز اعرف سعر الفتيس 5 غيار للاكسيل 1997

[Nader]

بصو بقى يا حبايبى يا اكسلاويه انا بظبط اكسيلتى ال 1300 ففكرت اركب ازاز كهرباء فقولت اغير الكونسوله اللى بتبقى عند الفتيس و الهاندبريك و احط بتاعت الاكسيل ال1500 علشان اجيب زراير الكهرباء بتوعها فهل تتركب الكونسوله بتاعت ال1500 على ال 1300 و اصدى اماكن المسامير و كدة فهل تركب ولا ايه افيدونى يا حبايبى

بتركب عادي بدون مشاكل

[Ros]

عايز اعرف انهى احسن هيا ةلا الاكسنت مع العلم اكسل 1500 فول اوبشن وازاى اعرف اكشف عليها؟

[Most_H]

معلش انا كان عندى سؤال ساذج

عاوز اعرف لو كان في مركز صيانة محترم يكشف لى على العربية من الألف للية ويقول لى عربيتك فيها كذا وكذا

هى أكسيل 1300/97