رابطة مالكى الاكسيل-الجزء الأول

[Tamert]

صباح الخير يا رجاله :
عايز أعرف اوضب فبر الاكصدامات فين , يعني ارشها و الحم الكسور اللي فيها و لا اغير الفبر مرة واحده و لو ممكن تقولولي فين في مدينة نصر او الحرفيين علشان مش عاوز اوديها عندي سمكري و يعك فيها , و شكرا

[alsayedsabry]

صباح الخير يا رجاله :
عايز أعرف اوضب فبر الاكصدامات فين , يعني ارشها و الحم الكسور اللي فيها و لا اغير الفبر مرة واحده و لو ممكن تقولولي فين في مدينة نصر او الحرفيين علشان مش عاوز اوديها عندي سمكري و يعك فيها , و شكرا

وعليكم السلام يا زعيم
اوعى توديها لسمكرى عشان عك لى الاكصدام ....
انا عملتها عند واحد ساحر بتاع فيبر ماشاء الله عليه بيهتم بادق التفاصيل وسعره تحفه بس للاسف هو فى شارع العشرين فى فيصل

[alsayedsabry]

سؤال هل ممكن تغيروا عربياتكم الاكسل و لا مش هتفرطوا فيها ؟

مش عارف والله يا باشا بس انا لسه جايب من سنه 1300 وهى زى الفل معاى اعتقد ممكن اكمل بها سنتين تلاته تانى ان شاء الله لغايه لما ربنا يكرم ونغير بس برده هبقى خايف اخسرها

[Tamert]

وعليكم السلام يا زعيم
اوعى توديها لسمكرى عشان عك لى الاكصدام ....
انا عملتها عند واحد ساحر بتاع فيبر ماشاء الله عليه بيهتم بادق التفاصيل وسعره تحفه بس للاسف هو فى شارع العشرين فى فيصل

ياباشا ربنا يخليك انا قلت اسأل طيب عملتها بكام انا رش و لحام ورش يعني اخد فكرة و لو حد من الاكسلاوية عنده فكرة فين الاقي حد في مدينة نصر او مصر الجديده يبقي سهل علي المشوار و مبروك لمصر الفوز و دايما للامام و شكرا

[johnnaguib]

يا باشمهندسين النايل موتورز عندى مشكلة فى العربية و هى انى كل يوم صباحا لما اجى ادور اول لما ادور القى العربية تفصل و لازم اكبس بنزين شوية علشان ما تبطلش مع العلم بان الشفاط مفصول كان بيشتغل مانيول و جة واحد ميكانيكى ابن حلال فصلة خالص فهل دة السبب ام يوجد سب اخر و كمان ملاحظ ان استهلاك البنزين عالى شوية
هو اكيد دة عيب كربرتير فلو كلامى دة صح حد يعرف حد محترم بيفهم فى الكربرتير

[M.FOUAD]

يا باشمهندسين النايل موتورز عندى مشكلة فى العربية و هى انى كل يوم صباحا لما اجى ادور اول لما ادور القى العربية تفصل و لازم اكبس بنزين شوية علشان ما تبطلش مع العلم بان الشفاط مفصول كان بيشتغل مانيول و جة واحد ميكانيكى ابن حلال فصلة خالص فهل دة السبب ام يوجد سب اخر و كمان ملاحظ ان استهلاك البنزين عالى شوية
هو اكيد دة عيب كربرتير فلو كلامى دة صح حد يعرف حد محترم بيفهم فى الكربرتير

البوجيهات عايزة تتغير

[dr_raveheart84]

يا جماعه الاكسيل معايا بتاكل بنزين كتير جدا
يعني الصفيحه مبتكملشي 80 كم
مع العلم هيه 1500 سي سي ومنضف كرباداتير قريب ومغير زيت وفلتر زيت برده
ومغير سلوك البوجيهات وسير الكاتينه الاسبوع اللي فات

ممكن يبقي ايه المشكله عشان ادور عليها؟

[AVODAFONE1]

وعليكم السلام يا زعيم
اوعى توديها لسمكرى عشان عك لى الاكصدام ....
انا عملتها عند واحد ساحر بتاع فيبر ماشاء الله عليه بيهتم بادق التفاصيل وسعره تحفه بس للاسف هو فى شارع العشرين فى فيصل

باشا ممكن توصف لي في مكانة بالظبط في شارع العشرين انا من فيصل وعاوز اظبط الاكصدام الخلفي

[hakim]

السلام عليكم ورحمة الله
اولا انا سعيد جدا بمعرفتي بهذه الرابطة وأرجو ان تقبلوني عضوا فيها وان شاء الله ممكن افيدكم ببعض خبراتي البسيطة بخصوص الاكسيل اللي كنت فعلا فكرت ابيعها ولكن بعد ما قريت كل صفحات الرابطة ( 191) فكرت الف مرة ورجعت عن قراري عندي اكسيل 1500 مو 1995 هي ممتازة بس عاوز استفسر عن حاجتين لما اشتريت العربية الميكانيكي شال الخرطوم الواصل للعمة وقالي وحشة ما تاخدهاش ط
يب ليه يا عم قالي في طبقة زيت خفيفة زي تنشيع بسيط كده وبعدين قالي خدها انت كده كده استعمالك بسيط ومش هتحتاج تعملها طقم شنبر قبل سنتين تلاتة بعد ما اشتريتها وديتها لواحد تاني للصيانة فقط وبعدين بقوله ايه رايك في الماتور قالي كويس جدا حوالي 80 % طيب اصدق مين ؟علما بان مفيش اي دخنة بيضا طالعة لا من قدام ولا من ورا وهل اي عربية مستعملة لازم يكون في نسبة تبخير زيت ولو بسيط ؟ انا من الفيوم

[m_elmahdy]

باشا ممكن توصف لي في مكانة بالظبط في شارع العشرين انا من فيصل وعاوز اظبط الاكصدام الخلفي

وأنا كمان كنت عايز اعرف مكانه علشان الإكصدامين عندى بايظين

[johnnaguib]

البوجيهات عايزة تتغير

على فكرة يا باشا البوجيهات جديدة من حوالى شهر و كان نوع يابانى

[alsayedsabry]

وأنا كمان كنت عايز اعرف مكانه علشان الإكصدامين عندى بايظين

هو فى شارع العشرين على اليمين بعد ترعه عبد العال اتنين وقبل ترعه عبد العال زاحد واسمه على ما اعتقد الشيخ بس لازم تفك الاكصدام الاول عند سمكرى وانا اتعملت مع واحد كويس فى شارع المساكن بعد تقاطع المساكن مع العشرين فى اتجاه المساكن اسمه شعبان بعد المرسه بشارعين امام بتاع الزجاج هيفكه لك ويبعت حد معاك لبتاع الاكصدام يظبطه وتاخده وتركبه ان شاء الله

[alsayedsabry]

جنوط 14 ولا 13

السلام عليكم
حدثت لى مشكلة من يومين ان العجلة اليمين الامامية كان فيها رفه فرحت للميكانيكى قال لى الكاوتش فى مشكلة روح لبتاع الكاوتش رحت لبتاع الكاوتش قالى الكاوتش والجنط زى الفل واحطياطى هبدل ليك الفردة الكاوتش الامامية مع الخلفية بس لاحظ مشكلة ان الرنجات بتاعه الجنط الخلفى مش هتركب على مكان العجلة الامامية .....
قالى فكرة مفتكسه هنشيل الكاوتش الامامى ونحطه مكان الكاوتش الخلفى على الجنط الخلفى مكانه ( يعنى مش هنغير حنوط هنبدل بس مكان الكاوتش ) .
كله ده تمام .....
بعد يومين لقيت العربية بتحدف يمين رحت لبتاع الزوايا زبط الزوايا وربنا يكرمه خلى العربية بتحدف شمال قعد يغير الفرده اليمين مكان الشمال وبرده بحدف شمال فقالى لازم تغير الرنجات بتاعه الجنوط ( الرنجات ديه حاجه زى افيز او وردهتتحط داخل الجنط عشان يلبس مكانه كويس )
رحت لبتاع الكاوتش اسمه سعيد علام قالى الرنجات زى الفل ومفهمش مشكلة .
هنا بقى قرفت واتخنقت امال المشكلة فييييييييييييييييين .
رجعت تانى لبتاع الزوايا اسمه محمد اسماعيل ملقب بالشيخ فى المنيل قالى اكيد كده بقى يبقى البطحات ( دوخينى يا لمونه ) قفشه محتاجه تتزيت
وفعلا زيت البطحات وكله تمام بس برده بتحدف شمال قالى يبقى انت ترجع الكاوتش اللى بدلته ورا ومان قدام رجعه لمكانه زى الاول واحنا نبدء نشوف بس المشكلة عندك فى الكاوتشتات وتغير الرنجات بتاعه الاربع فرد عشان نعرف نعمل تباديل وتوافيق فى العجل عشان العربية تظبط ( وده هتتكلف من 100 الى 140 جنيه ) وبعدها نشوف القصه ايه .
فعلا رجعت البدل اللى كان معمول لقيت العجلة الامامية رجعت بترف تانى جامد ومفيش فرامل فى العربية ( انا عارف ان مفيش علاقه بين الفرامل والكاوتش ) بس ده اللى حصل حتى الان مش عارف اعمل ايه انا صدعتكم بس عاوززززززززززززز الاقى اى حل
ملحوظه الجنوط عندى 14 اشتريت العربية بهم
هل اغير الجنوط كلهم واجيبهم 13 ولا ايه حد بالله عليكم يساعدنى

[Tamert]

أخيرا وصلت لمجموعة سمكرية و بتوع فبر في مدينة مصر في الحي سابع و عرفت ان الاكصطدام هيتلحم في حدود 50 الي 60 جنية عند بتاع الفبر و طبعا عايزين الاكصدام متفكك
اما الجلخ و الرش ده ليه سعر تاني و طبعا تركيب الفبر عايز سمكري تاني يعني فيها علي الاقل 50 جنيه و هكذا لاقيت العملية هتتكلف حوالي من 100 الي 120 جنية و احتمال ما يطلعش حلو . سألت قالوا اشتري فبر الاكصدام الخلفي جديد احسن . ممكن اعرف سعر الفبر الخلفي بكام و فين و شكرا

[m_elmahdy]

أخيرا وصلت لمجموعة سمكرية و بتوع فبر في مدينة مصر في الحي سابع و عرفت ان الاكصطدام هيتلحم في حدود 50 الي 60 جنية عند بتاع الفبر و طبعا عايزين الاكصدام متفكك
اما الجلخ و الرش ده ليه سعر تاني و طبعا تركيب الفبر عايز سمكري تاني يعني فيها علي الاقل 50 جنيه و هكذا لاقيت العملية هتتكلف حوالي من 100 الي 120 جنية و احتمال ما يطلعش حلو . سألت قالوا اشتري فبر الاكصدام الخلفي جديد احسن . ممكن اعرف سعر الفبر الخلفي بكام و فين و شكرا

مش موجود منه غير أصلى فى حدود 400 جنيه بس كمان صعب تلاقيه ممكن تسأل عند المنير فى أول فيصل