رابطة مالكى الاكسيل-الجزء الأول

[kmfb78]

بالنسبة لتجديد العربية اخوانى الاعزاء احب ان اسرد لكم القصة كاملة للاحتياط
1- اذا كنت شارى العربية بنمر قديمة و انت ركبت نمر جديدة يبقى حظك حلو لو
- النمر القديمة نفس المرور بتاعك
- لو المرور بتاعك فيه نيابة
- لو المرورو بتاعك قريب من الدراسة
ليه بقى لانك لما تروح تجدد هتعمل الاتى
- تروح المرور بتاعك تجيب جواب تسليم لوحات القديمة
- تطلع على نيلبة مرور اللى فيها النمر بتاعتك و تجيب المخالفات القديمة و الكلام ده لمدة سنتين
- تروح تدفع المخالفات الجديدة و طبعا بتاع الخزنة هيقولك روح الدراسة افتح النمرة على الشاشة
- بعد ماتفتح النمرة على الشاشة و تدفع المخالفات الجديدة تروح تجدد
- التامين الاجبارى ل 1300 62 زاد 50% فى اول 9 بقة مائة تقريبا
- الضرائب و نموزج التجديد و الدمغات 175 جنيه
متنساش تاخد معاك فكه خمسات كتير لزوم الرش
يبقى الحسبة القديمة 300 بدون متدفع اى مخالفات و بعد شهر 9 هتبقى 350 جنيه ونصيحة محدش يروح يرخص فى رمضان لان انا قعدت 3 اسابيع ارخص كل يوم سبت اروح اعمل حاجة واحدة
و يجعله عامر

[kmfb78]

غالى اوى و فيه حاجات تانيه لازم تعرفها هى فبريكة بارة و جوه و لا لا و تقيس الموتور و تفحصة فى بنزيمة احسن

[kmfb78]

:y_hi_3[1]: العلم بالشئ مهم جدا يا جماعة وانا حابب اتعلم كهربا السيارة عشان احافظ عليها لانها جزء مهم جدا ياريت لوحد يفيدني بشرح الدوائر الكهربية ومعرفة كل جزء مثل الفيوزات والكتاوت .......الخ لو حد يدلني علي موضوع او موقع يشرح من الالف للياء الكهربا بالسيارة يبقي عمل خير ياريت اللي يهتم يشاركني الموضوع

بس ديه اجدع حاجه لان كل الكهربائية و الميكانيكية مبييفهموش حاجة ووخدنها فهلوه و انا ههحاول اسعدك و اديك بعض المواقع و الكتب

[tamer_a7]

ايه الاخبار يا رجاله بقي اسيبكم يومين ارجع الاقي كل الناس دي اشتريت اكسيلات من ورايا يله معلش علي العموم ابوحميد (ahmedzizo131) كان عامل الواجب واكتر
بلنسبه للعربيه لاكسيل ال1500 40 دا رقم كبير يعني لازم تبقي فابريقه بره وجوه وكمان صالون وتكييف وبور بحاله الزيرو وكمان لا تزيد عن 100 الف كيلو في الماشي

[x100]

حمد الله على السلامة يا هندسة نورت

[smallpharaoh]

السلام عليكم ورحمة الله وبركاته
يشرفنى انى انضم الى رابطه عشاق الاكسيل
انا مصطفى (ابو حسام)وربنا كرمنى واشتريت امبارح هيونداى اكسيل
هاتشباك مو1992 1500ccوبصراحه العربيه فيها شويه شغل بسيط
فى العفشه والصالون وده انا مش شايل همه لانى عارف ان اعضاء نايل موتورز عامة مش بيعزو اى حاجه على بعض والرابطه خاصة.
اتمنى انكم تقبلونى اخ ليكم ولكم جزيل الشكر.
(ابو حسام)

اهلا بيك بين اخواتك الاكسلاوية ونورت الرابطة وربنا يباركلك فى العربية وييك خيرها ويبعد عنك شرها

[Piowood]

كل ما يخص الهونداى أكسيل بهذا الفايل أرجو الأستفادة
ونسألكم الدعاء
4shared - free file sharing and storage - share folder - my 4shared

عايزك بقى تقولي احساسك بعد ماغيرت من 28 ل هيونداي اكسل ..

[tefahossam]

الف مبروك يا تيفا على العربية وربنا يديك خيرها ويكفيك شرها
خد اللنكاية دى حتلاقى اسعار قطع الغيار محدث

http://www.nilemotors.net/nile/150624-a.html

ربنا يجيبك بالسلامة يا ميلر هو الى كان عامل الموضوع ده وكان بيلم الاسعار كلها اول بأول

اهلا بيك بين اخواتك الاكسلاوية ونورت الرابطة وربنا يباركلك فى العربية وييك خيرها ويبعد عنك شرها

الله يبارك فيكوا يا رجاله ربنا يكرمكوا ويستر طريقنا وطريقكوا
وشكرا على اللينك بس ده بردو مايمنعش ان لو اى حد عامل حاجه فى عربيته
ينقلنا هو عمل ايه وبكام.علشان اصحاب الخبرات البسيطه محدش يشتغلهم.

[mohsen2005ib]

مساء الخير اين اجد بتاع كاربراتير كويس قريب من القاهرة الجديدة

[dr_raveheart84]

طلب من خبراء الاكسل
يا جماعه انا ناوي استقر بالقاهره وبعدين هحتاج اسافر بالعربية مشاوير كتير برده
بعد كنت مقضيها مشاوير قصيرة اخرها ساعه مثلا سواقه دلوقتي هسافر اطول وطبعا طريقه السواقه هتختلف زحمة واشارات كتيرة
دلوقتي عاوز اشد العربية شده محترمه بالذات المكنه و.......
اعمل ايه؟ وابدا بايه ؟

[tefahossam]

عاوز اشد العربية شده محترمه بالذات المكنه و.......
اعمل ايه؟ وابدا بايه ؟

وانا كمان بس يا ريت يا جماعه بالتفصيل الممل.

[mr_sameh]

انا كان عندي اكسيل لمدة شهر واخويا طمع عليها وخدها هي فعلا عربية محترمة

[tamer_a7]

ديما بدايه الشد لعربيه بتكون بالسمكره
يعني رقم واحد تروح لسمكري كويس يبدء يلقط اي حاجه في العربيه حكات تخبيطات بارومه تحت الباب كده يعني
المرحله التانيه تكون المياكانيكا بتاعت العربيه ودي تون قبل الدوكو علشان احنا عندنا هوايه تشحيم العربيه من قبل الصنيعيه دا بالاضافه لانهم ممكن يحكو البويه وهيه لسه جديده قلب يتحرق عليها يعني حكه مفك خبطه مفتاح كده يعني
المرحله الثالثه تكون انك تعمل الدوكو المحترم
المرحله الربعه وقبل شغل الفرش الداخلي تبدا في تظبيط الكهرباء بتاعت العربيه كلها وفي المرحله دي بجد يا ريت كهربائي يكون ما بيفتكسش يعني الضفيره علي ابوها مش كباري وتعديلات والذي منه
المرحله الاخيره الفرش الداخلي ودي بتكون زي ذواق العروسه تفنش بيها الشغل وربنا يوفقك وتكون الصوره النهائيه اللي تتمنها

[ostracoda]

بس ديه اجدع حاجه لان كل الكهربائية و الميكانيكية مبييفهموش حاجة ووخدنها فهلوه و انا ههحاول اسعدك و اديك بعض المواقع و الكتب

الف شكر يا باشا علي اهتمامك بالموضوع وخلينا في البال دايما
انا اسمي هيثم من شبرا مصر ومعايا اكسيل 1500 موديل 95

[x100]

ديما بدايه الشد لعربيه بتكون بالسمكره
يعني رقم واحد تروح لسمكري كويس يبدء يلقط اي حاجه في العربيه حكات تخبيطات بارومه تحت الباب كده يعني
المرحله التانيه تكون المياكانيكا بتاعت العربيه ودي تون قبل الدوكو علشان احنا عندنا هوايه تشحيم العربيه من قبل الصنيعيه دا بالاضافه لانهم ممكن يحكو البويه وهيه لسه جديده قلب يتحرق عليها يعني حكه مفك خبطه مفتاح كده يعني
المرحله الثالثه تكون انك تعمل الدوكو المحترم
المرحله الربعه وقبل شغل الفرش الداخلي تبدا في تظبيط الكهرباء بتاعت العربيه كلها وفي المرحله دي بجد يا ريت كهربائي يكون ما بيفتكسش يعني الضفيره علي ابوها مش كباري وتعديلات والذي منه
المرحله الاخيره الفرش الداخلي ودي بتكون زي ذواق العروسه تفنش بيها الشغل وربنا يوفقك وتكون الصوره النهائيه اللي تتمنها

معلم والله
بس انت نسيت العفشة