رابطة مالكى الاكسيل-الجزء الأول

[F170]

السلام عليكم ورحمته الله وبركاته

ياريت حد يقولى على افضل جهاز انذار النوع والسعر طبعا

كان فى حاجه عايز اعرف صح ولا خطأ انا سألت الكهربائى على الانذار قالى العربيه فيها سنتر قولته اه قالى بتاعها ولا متركب قولته مش عارف قالى علشان لو متركب مافيش مشكله لكن لو السنتر نازل فى العربيه يبقى لازم نشيل الوحده بتاعت السنتر علشان يبقى وحده واحده للسنتر والانذار مامدى صحت الكلام ده ولكم جزيل الشكر

بسم الله الرحمن الرحيم
معلش على التأخير في الرد يا سنجاري بيه بس الأخوه الأفاضل احمد زيزو و م.فؤاد و تامر قالوا اللي فيه المفيد
هو طبعا لو الأخر الكهربائي يعرف ازاي يوصل الانذار على وحده السنتر بتاع العربيه كان وصلهالك بس هي النقطه ان اغلبهم مش بيعرفوا يشتغوال على الأصلي بتاع العربيه علشان مش بيحاولوا يتعبوا نفسهم بأنهم يفهموا الضفيره بتاعته ماشيه ازاي و ان الكنترول بتاعه يديلوا الأشاره بتاعه الفتح والقفل ازاي .... وهو علشان كده قالك انه مش حيشغل الأتنين ... وحيشغل اللي في الانذار بس ... عموما هي مش حتفرق في حاجه
والبالنسبه للانواع انا اسمع ان سيمفوني نوع محترم ... و رخيص كمان ... انا مركب وولف عندي وكمان عندي وحده رفع وولف و الاتنين شغالين كويس جدا والضمان بتاعهم كويس ... وياريت تجيب واحد يكون الريموت بتاعه على شكل مفتاح علشان التاني مش بيبقى شكله حلو و ولف وسيمفوني الأتنين فيهم ده... وربنا معاك وقولنا عملت ايه

[F170]

الكبير كبير

تسلم يا غالي والله انا اللي بعرفه بقوله مش اكتر ويا رب يخلي الرابطة دي لينا

[wael6]

موضوع العتب اللى قولت عليه ده يا ترى موجود يا رجالة
ولا اصرف نظر
وشكرا

[F170]

دي بقي صور العده قبل التركيب بصراحه مش عايز اقولك مفلس اد ايه ههههههههههههه

الزينون ودا من عند جو اللي في الشيرتون كان عليه عرض ب 250 جنيه ودا اقل سعر لقيته علي الاطلاق يعني في التوفيقيه كان ب320 وكان في المحل بتاع مكرم عبيد ب450 وهو هو اخوه ولا اي فرق انا بصراحه كنت متخوف جدا لان كان في حد هنا اشتكي من المعامله في جو بس بصراحه محمد عثمان اللي هو صاحب المحل هو اللي كان بيبيع ليه وكان زي العسل بصراحه المهم



ودا بقي الفانوس الشبوره بتاع اللانوس وهتلاحظو انه شكله كبير لا هو بعد ما هشيل الاطار اللي حواليه اللي هو مجرد قاعده خاصه بالانوس هيبقي صغير وزي القل


اه صحيح نسيت اقلكم جبت كمان لمبه من اللي هيه بتبقي مع النور الصغير ليدات زي بتاعت الصالون كده اربع ليدات ودي بتركب مكان اللمبه اللي بتدي النور الصغير
استنو هيجيب صورتها من علي النت وان شاء الله ارفعها ودي كانت ب35 جنيه يعني جات عليها هيه هههههههههههههه

ايه اخبار التعديل يا كبير عايزين نحصلك

و استاذ احمد زيزو ايه اخبار المرايه الشمال عندك اللي انت ركبتها بتقفل متوريلنا ليها صور...

[F170]

موضوع العتب اللى قولت عليه ده يا ترى موجود يا رجالة
ولا اصرف نظر
وشكرا

انا مشفتش ايكسيل بعتب بلاستيك قبل كده ممكن بس توضح شوية .... لو زي مانا فاهم عتب من تحت علشان يحمي العتب الصاج بتاع العربيه مش عارف هو حيكون مفيد ولا لأ ... أنك حتخرم في الصاج علشان تركبه وكده مع غسيل العربيه والميه اللي ممكن تكون في الشارع مكان المسامسر اللي حتتخرم في الصاج لو مش متجلفنه كويس او معزوله كويس (وده صعب ) ممكن تعملك برومه في العربيه انت في غنى عنها ... وفي انتظار اراء الاعضاء وشرحك اكتر ياريت

[F170]

بسم الله الرحمن الرحيم
انا اسف نسيت الصور اللي المفروض تتحط في المشاركه بتاعه الرد على

الأستاذ ALIFOX 2020
أولا:بص يا باشا انت الصوت ده غالبا كوبلن ... يا اما الشداد بتاع الفتيس اللي من تحت ممكن تكون الجلده بتاعته اتقطعت ( ده بيكون مكانه من تحت ورا المقص اليمين ودي صوره لمكانه )
وده شكله

[wael6]

بس كان عندى فى الاكسيل الاوتو ماتيك كان راكبلها عتب فوق عتب العربيه الاساسي وكان عليه لزق عريض كده استيكر ابيض والدلايه راكبه فوق
وسؤال اخر معلش هو فى عندى تطبيقه صغيره فى العتب ممكن تتعالج ولا العتب كله بيتغير ولا ايه ظروفه دى
ومتابع معاكم ولكم جزيل الشكر

[hema_hn]

بس كان عندى فى الاكسيل الاوتو ماتيك كان راكبلها عتب فوق عتب العربيه الاساسي وكان عليه لزق عريض كده استيكر ابيض والدلايه راكبه فوق
وسؤال اخر معلش هو فى عندى تطبيقه صغيره فى العتب ممكن تتعالج ولا العتب كله بيتغير ولا ايه ظروفه دى
ومتابع معاكم ولكم جزيل الشكر

بالنسبة للعتب انا غيرتهم الصيف الى فات عشان كانو متبهدلين قوى
خبطات وبرومة من الخلف
بس بالنسبالك الموضوع سهل لو فيه خبطة ممكن تروح للسمكرى وبيعمل خرم صغير ببنطة 4مم ويسحب الخبطة مع التسخين ويرجع يلم الخرم تانى
بس شوف سمكرى بيفهم ومتخلهوش يفتحلك ويقلك شيل وركب جديد

[hema_hn]

مهندس مصطفى






الله ينور عليك يا كبير

[F170]

بس كان عندى فى الاكسيل الاوتو ماتيك كان راكبلها عتب فوق عتب العربيه الاساسي وكان عليه لزق عريض كده استيكر ابيض والدلايه راكبه فوق
وسؤال اخر معلش هو فى عندى تطبيقه صغيره فى العتب ممكن تتعالج ولا العتب كله بيتغير ولا ايه ظروفه دى
ومتابع معاكم ولكم جزيل الشكر

ده غالبا حيكون بتاعها الأصلي والله اعلم بس لو عايز علشان تركبه روح لبتوع الاستيراد بس معتقدش انك تلاقي منه ... لأنه والله اعلم ممكن يكون بيتقطع مع العربيه وهي بتتقطع .... عموما انا مبحبش اخرم في الصاج و لو عايز تعمله المفروض تروح لواحد سمكري تمام.... زي ما الأخ هيما قاللك

[wael6]

بالنسبة للعتب انا غيرتهم الصيف الى فات عشان كانو متبهدلين قوى
خبطات وبرومة من الخلف
بس بالنسبالك الموضوع سهل لو فيه خبطة ممكن تروح للسمكرى وبيعمل خرم صغير ببنطة 4مم ويسحب الخبطة مع التسخين ويرجع يلم الخرم تانى
بس شوف سمكرى بيفهم ومتخلهوش يفتحلك ويقلك شيل وركب جديد

طيب غيرتهم من عند مين بتاع فبر ولا كماليات ولا سروجى ((( علما بانى من المنصورة )))
واتكلفوا كام من فضلك ؟؟
ولو السمكرى خرم الخرم ده هتتظبط ويرجع متساوى وهل هيعف العتب ولا مش هياثر بشكل كبير
هو مينفعش العتب اللى هيركب يركب بطريقه معينه تخليه هو وعتب العربيه واحد مش بينهم فرق مثلا يخش فيه مياه او اى عوامل صدأ ولا برده هينتج عنه برومه
معلش طولت عليكم
ولكم حزيل الشكر

[F170]

مهندس مصطفى

:b4_388::b4_388::b4_388::b4_388::b4_388::b4_388:

:018a1d~146::018a1d~146:


الله ينور عليك يا كبير

وعليك يا غالي اخبار عزيزه ايه....

[ezzezzz]

السلام عليكم
اريد عمل ترس الفولام و اشييك على الفتيس (مانوال) يا ريت تنصحونى بحد كويس انا اتبهدلت عند ميكانيكية كتيير اخر واحد عملى قافلة فو الكهربا و بوظ الكونتاكت و ماكنتيت الازاز اتحرقوااا :((( اغيثونى بميكانيكى بيفهم الله يخليكو يكون فى القاهرة ناحية الزيتون - المطرية مدينة نصر
جزاكم الله خيرا

[tamer_a7]

ازيكم والله وحشتوني جدا انا امبارح قضيته تحت الاكصدام باركب الشبوره بعد ما البيه بتاع الفيبر كان عايز 130 جنيه وكمان افك الاكصدام عند السمكري يعني الدكتور هيعمل عمليه وفي الاخر طبع هيعمل مصيبه ويخلي الشبوره ثابته وما ينفعش انها لا تتشل علشان تتغير ولا علشان اظبط الدنيا اغير لمبه
المهم انا نزلت قطعت الريش اللي في الجوانب وطبعا كما توقعت لقيت الشاسيه في قفا الاكصدام علي طوووووول
المهم ظبطت الدنيا وركبتهم وبكره انشاء الله هاركب الزينون
انا هاصور صوره قبل ما هبدا اعمال التقفيل النهائي بتاعي
لانه عندي افكار حلوه في الموضوع ده

[tamer_a7]

السلام عليكم
اريد عمل ترس الفولام و اشييك على الفتيس (مانوال) يا ريت تنصحونى بحد كويس انا اتبهدلت عند ميكانيكية كتيير اخر واحد عملى قافلة فو الكهربا و بوظ الكونتاكت و ماكنتيت الازاز اتحرقوااا :((( اغيثونى بميكانيكى بيفهم الله يخليكو يكون فى القاهرة ناحية الزيتون - المطرية مدينة نصر
جزاكم الله خيرا

طيب ما تروح لكريم منير في الحرفيين المحل بتاع المنتدي اللي اتفتح هو كان قايل ان اي حد عايز يجي وهو يوصله
للصنيعيه اللي هيكونو محترمين وكويسين