رابطة مالكى الاكسيل-الجزء الأول

[medommsr]

عايز اسال سؤال انا لما فتحت زرار الكمبرسور بتاع التكييف لاقيت فى فيشه سودار ركبه فى الزرار بتاع الكمبرسور بتاع التكييف والزرار الى جنبه راكب فيه فيشه شبه السوداء الى فى زرار الكمبرسور بس بيضاء مع ان الزرار الى جنب زرار الكمبرسور مش شغال حاجه اذن ما هى وظيفه الفيشه الى راكبه فى الزرار الى مش شغال

بص يا ياشا الفيشة الثانية دى بتاعت الحرارى بتاع الزجاج وكمان ليها علامة صفراء فى التبلوه بص طبعا عشان مفصولة ما بتبنش واصلا زجاج السيارة بتعانا مش فى حرارى ولا العربية مصصمم ليها زرار لاكده بس الفيشه بتعاتها موجوده ليه بقى الله اوعلم.
وعلى فكره اما بقولك كده لانى مرة فكيت زيك كده الوش الامامى عشان اشوف الزراير وبعدين اتلغبت وعكست الفيشة فلما شغلت طلعتلى علامة الحرارى فى التبلوه

[al_manara]

بص يا ياشا الفيشة الثانية دى بتاعت الحرارى بتاع الزجاج وكمان ليها علامة صفراء فى التبلوه بص طبعا عشان مفصولة ما بتبنش واصلا زجاج السيارة بتعانا مش فى حرارى ولا العربية مصصمم ليها زرار لاكده بس الفيشه بتعاتها موجوده ليه بقى الله اوعلم.
وعلى فكره اما بقولك كده لانى مرة فكيت زيك كده الوش الامامى عشان اشوف الزراير وبعدين اتلغبت وعكست الفيشة فلما شغلت طلعتلى علامة الحرارى فى التبلوه

كلام سليم ( الزجاج الخلفي ) (الحراري )

[maged_gamel2000]

ممكن لو سمحتم تقولولنا ازاى بتفكو الوش بتاع زراير التكيف

[al_manara]

ممكن لو سمحتم تقولولنا ازاى بتفكو الوش بتاع زراير التكيف

1- المكان الي فية زارا التكيف هتلاقية فية اماكن زراير مش موجودة الاول والاخير منهم طلعهم براحة بمفك عادي هتلاقي تحتهم مسمارين صليبة فكهم
2- طلع الدرج بتاع الولاعة هتلاقي وراة مسمارين صليبة فكهم
3- طلع الوش برفق هتلاقي تقريبا كابلين او تلاتة مش فاكر بالضبط فكهم ومبروك الوش بقي في ايدك .

[dodo20102010]

بص يا ياشا الفيشة الثانية دى بتاعت الحرارى بتاع الزجاج وكمان ليها علامة صفراء فى التبلوه بص طبعا عشان مفصولة ما بتبنش واصلا زجاج السيارة بتعانا مش فى حرارى ولا العربية مصصمم ليها زرار لاكده بس الفيشه بتعاتها موجوده ليه بقى الله اوعلم.
وعلى فكره اما بقولك كده لانى مرة فكيت زيك كده الوش الامامى عشان اشوف الزراير وبعدين اتلغبت وعكست الفيشة فلما شغلت طلعتلى علامة الحرارى فى التبلوه

ياباش الف شكر على المعلومات الجديده فعلا معلومه انا حاجربها واسال يمكن ينفع نركب زرار ونركب فيه الفيشه ويمكن فى ازاز خلفى حرارى للعربيه تبقى جامده

[wael6]

جزاكم الله خيرا
طيب السلانسيه المظبوط بيكون على كام وهى بارده وكام وهى سخنه
والميكانيكي اخر مره قالى ان لو زودتلك كهربة المكنة اكتر من كده هتاكل منك بنزين ؟
( ولسه العربيه بتغيب فى الدوراه لما بتفصل وهى سخنه )
وبلاقي ساعتها بدال البنزين مهوى خالص
يعنى فى العادى لما بتيجى تزود بنزين بتحس بتدرج تحت رجلك ومقاومه
انما ساعة لما بتفصل منى وهى سخنه واجى اكارك بنزين مع الكونتاك كأن الاكسراتير مش وجود هوا
يا ترى ده تفسيره ايه ؟
ولكم جزيل الشكر

متابع

[magid1010]

احمد زيزو و حشنى جدا ممكن سؤال انا عندى لمبه النور الواطى اتحرقت فكيت الاول لمبه النور العالى و طلعتها و بعدين شديت لمبه النور الواطى طلعت بصراحه اول مره اشوفها هى كلها ازاز و بتركب ضغط بس و لا ايه و محتاج انضف الفوانيس و بما انك فكتهم قبل كده ازاى افكهم و اطلع بيهم؟

[beshomilan]

لمبة النور الواطى لمبة صغيره عادية بتتلف وبتثبت فمكانها والعكس صحيح
انا فكيتهم من العربيه بعد عناء (ومنصحكش تفكهم اطلاقا لانها تعب عالفاضى وعشان اوفر فلوس الكهربائى قال) بس مفكتهومش من بعض لانهم كبس - ونضفتهم من جوه باستشوار لانى معنديش بلاور وغسلتهم من بره بالمياه والصابون ونضفوا بس مش النتيجة اللى كنت مستنيها..وياريتنى نضفتهم وهما مكانهم كان ارحملى

[kamose]

الفتيس

السلام عليكم ورحمة الله وبركاته

اخواني الخبراء في هذه السياره المدهشه اكسل
عندي اكسل 97 كامله اتوماتيك
روحت للميكانيكي وقالي محتاج الفتيس يتحل والسبب كان ( العربيه لما بتطلع بتأخر في التجميع وبعدين بتنط ولما اطلع شويه علي من ال 60 او 80 الموتور صوته بيعلا وكان الغيار فصل ويرجع يجمع تاني )
وطبعا عشان كده الميكانيكي قالي دا الفيتيس اكيد العقل بتاعه باظ ولازم نحل ونشوف واكيد هنعمره وهنشتريله حاجات ب 900 جينه وهو هياخد مصنعيه 600 او اروح اجيب فيتيس استيراد ويكون علي تجربه
وهتكون مصنعيته فك وتركيب 300 جنيه بس انا مش عارف اعمل ايه امشي علي كلامه ولا ايه رأيكم علما ان بعض التجار عندنا بيقولوا الفتيس مش موجود بس ممكن يجيبه ب 1200 علي تجربه.
محتاج اراء سيادتكم وشكرا

[Ros]

فك السيلكون اللى حواليهم بعد ما تفك الكلبسات اللى ماسكاهم و خلى بالك وانت بتفك السليكون لا الوش ينكسر ف ايدك و بعدين عايز تقفلهم تانى حط سيلكون وبعدن ركب الكلبسات اللى ماسكاهم

[maro2007]

اخباركو يارجاله :
بما اننا داخلين فى الصيف اذا الكلام تقريبا هيبقه كله على المكيف
واسمحولى اسأل اول سؤال :
عايز افك التلاجه بتاعه التكييف افكها ازاى ومكانها فين بالظبط ولو فكيتها ياترى الفريون هيفضى ولا بيبقى موجود

[magid1010]

فك السيلكون اللى حواليهم بعد ما تفك الكلبسات اللى ماسكاهم و خلى بالك وانت بتفك السليكون لا الوش ينكسر ف ايدك و بعدين عايز تقفلهم تانى حط سيلكون وبعدن ركب الكلبسات اللى ماسكاهم

ازييك يا رستم وحشنى جدا
يعنى اللمبتين دول ماسكين فى الشاف بيسيلكون بس يبقى المبه اللى طلعتها على كده مكسره من القاعده بتاعتها اصلى مديت صوابعى و سحبت من جوه طلعت و شكرا ليك

[magid1010]

لمبة النور الواطى لمبة صغيره عادية بتتلف وبتثبت فمكانها والعكس صحيح
انا فكيتهم من العربيه بعد عناء (ومنصحكش تفكهم اطلاقا لانها تعب عالفاضى وعشان اوفر فلوس الكهربائى قال) بس مفكتهومش من بعض لانهم كبس - ونضفتهم من جوه باستشوار لانى معنديش بلاور وغسلتهم من بره بالمياه والصابون ونضفوا بس مش النتيجة اللى كنت مستنيها..وياريتنى نضفتهم وهما مكانهم كان ارحملى

والله المساله مش كده انا ما بحبش اروح لكهربائى يمكن علشان انا مهندس كهربا و بحاول افهم كهربه العربيه لانى حاسس انها بسيطه جدا خصوصا انه تيار ثابت يعنى كان عندىمشكله فى اللوك واحد منهم مش بنزل فكيت الباب و لقيت السكتين مفصولين ركبتهم و اشتغلو علشان لو انا فاضى بعتبرها هوايه و بالمره اهرب من دوشه العيال النهارده مثلا اجازه عندى قررت انى اغسل العربيه و هوووب و انا فى نص الشغل لاقيت صاحب البت واقف جنبى ضحك قولتله دى الرياضه الجديده بتاعتى هو موضوع متعب و مكلف فى الوقت بس لذيذ

[sherifesmat]

السلام عليكم
عاوز أئمن العربية يا جماعة انا بسمع عن سرقات العربية وكمان سامع ان الاكسيل بتتفتح باى مفتاح وبتدور كمان با مفتاح هل هذا صحيح واية اكثر الطرق للتامين انا مركب انذار افيدونىىىىىىىىىىىىى

[magid1010]

السلام عليكم
عاوز أئمن العربية يا جماعة انا بسمع عن سرقات العربية وكمان سامع ان الاكسيل بتتفتح باى مفتاح وبتدور كمان با مفتاح هل هذا صحيح واية اكثر الطرق للتامين انا مركب انذار افيدونىىىىىىىىىىىىى

بص يا سيدى ممكن تركب زرار يفصل الموبينه يكون مخفى و استخدم الكلابش للدريكسيون
وخد المواضيع دى
http://www.nilemotors.net/Nile/192432-a.html
http://www.nilemotors.net/Nile/207941-a.html

انا مركب انذار و نفسى اشترى الكلابش اللى بيمسك الفتيس بفرامل اليد تحفه