رابطة مالكى الاكسيل-الجزء الأول

[Nader]

على فكره انا عبقت 3 تعليقات وما حدش افادنى فيهم شكرا للافاده يا جماعه والناس اللى مطنشه

مش طناش والله، لو هقدر افيدك كنت رديت عليك.

الطارة غالباً تركب لانها بس استفسر من التوكيل الاول


بالنسبة لقطع الغيار فعندك شارعي دمشق والتوفيقية.

[ashrofa72]

يا استاذ Kindhero أنا من الصعيد من قنا اظن حيكون انا بعيد عليك شويه علشان تشوف العربية.

[Tamert]

باركولي يا جماعة اخيرا الحمد لله بقيت احد مالكي الاكسل

الحمد لله يا جماعة ربنا وفقني و اشتريت عربية اكسل جميلة و الله فابريقة دواخل صالون فابريقة صيانة في التوكيل هي 1300 مش مكيفة موديل 97 العربية حالتها نظيفة و الله و صيانة في التوكيل وكده المهم رحت رفعتها كان صاحبها قالي انه خبط في حجر وهو بيركن الخبطة جت في صدر العربية ناحية الشمال مطرح الخبطة داخل حته لجوة لما سقت العربية لقيتة مش عامل مشكلة في اتزان العربية و لا حاجة و لما رفعتها عند بتاع الزوايا قلي ممكنترده و ممكن تسيبها انا بأمشي علي العربية 120 و 130 و العربية ثابته ايه راي الخبراء اردها و لا لأ او ا بيعها صاحبها معرفة و قالي ممكن ترجعها لو عايز علي فكرة العربية فله و سعرها 33 الف ..... برجاء الافادة وشكرا مقدما

[Nader]

العربية سعرها حلو، رد الخبطة احسن.

[Lion_Heart]

الحمد لله ياجماعة ربنا وفقنى لشراء عربية 1300 موديل 97 غير مكيفة لكن صاحبها مكانش متابع فى التوكيل . و بصراحة عاوز اظبها و اطمن عليها اوديها التوكيل ولا اوديها عند الميكانيكية اللى بيتعامل معاهم اصحابى , و ماهو افضل نوع زيت احطه للموتور والفرامل و الفتيس , كذلك الفلاتر هل موجود لها الأصلى ام اركبلها يابانى ياريت المساعدة .

[sherifesmat]

يا جماعة ممكن استفسار هو البنزين 80 وحش اوى ولا اية اصل انا بشوف ناس بتمون بية وعربيات كويسة يعنى دوجان بيجو لادا انا جانبى بنزين فيها 80 انا بمون 92 بس بصراحة مش ملاحق غالى اوى الضعف يعتبر اية رايكم امون 80 انا معايا اكسيل 97 1300سى سى كل ما امون ادعى على احمد زفت عز الله يخرب بيتة ويصرف الفلوس دى كلها على علاجة يا رب

[devil-lid]

بص يا شريف انا كتبت قبل كده فى المنتدى انى انا عندى اكسيل 96 كامله 1500 واول ما اشتريتها كانت بتحط 92 وما كانش لسه غالى على فكره بس العربيه كان فيها نتشه فرحت وغيرته ل80 العربيه معايا بقالها 3 سنين ماشيه زى الفل ممكن نروح بيها مطروح ونيجى قبل اخر 5 لتر روح حط 80 وروح لاى مكيانيكى وخليه يظبط لك الكهرباء على 80 اما بالنسبه للى بيقول انه من يوم ما غير 80 والعربيه بتتزق فدا على الارجح ان بيكات السلانسيه ممكن عنده اوسع يعنى فممكن يجيبه اصغر مش عيب بنزين وعلشان تطمن نفسك انا اختى كان عندها لانسر 2001 مكواه وغيرنالها 80 وماشيه زى الفل واحسن من الاول نصيحه غير ل80 وانت مطمن

[Nader]

الحمد لله ياجماعة ربنا وفقنى لشراء عربية 1300 موديل 97 غير مكيفة لكن صاحبها مكانش متابع فى التوكيل . و بصراحة عاوز اظبها و اطمن عليها اوديها التوكيل ولا اوديها عند الميكانيكية اللى بيتعامل معاهم اصحابى , و ماهو افضل نوع زيت احطه للموتور والفرامل و الفتيس , كذلك الفلاتر هل موجود لها الأصلى ام اركبلها يابانى ياريت المساعدة .

انا فضلت اجيب على اسفساراتك هنا لتعم الفائدة

افضل من الاجابة في الرسالة الخاصة.


اولاً مبروك على العربية.

ثانياً الاكسيل سيارة غير معقدة وممكن بكل سهولة اي ميكانيكي شاطر

يصلحها او يصينها، بس الحاجات الدقيقة مثل ضبط ونغيير سير

الكاتينة يفضل انك تغيررة عند حد ثقة. غير كدة عادي.


انا اكتر زيت ارتحت معاة كالتكس هافولين بيتغير كل 4000 كيلو

وسعر العبوة 90 جنية. الشيل كوبي برضة. الفلاتر انا بشتري فلتر

كوري بـ20 جنية بيقعد 10000 كيلو متلاقيش علية نقطة زيت متسربة

ابداً.


اما بالنسبة لسؤالك الاخير اللي كان في الرسالة الخاصة عن إذا كان في اكسيل

4 غيار فالاجابة ايوة في اكسيل 4 غيار خصوصاً الـ1300 واساساً قبل نزول

الفتيس الـ5 غيار كان كل الاكسيل 4 غيار.


الفتيس دة يأما بتاع عربية كوري موديل لحد 94، او يكون الفتيس اتغير بواحد

تاني وكان 4 غيار.

[Tamert]

شكرا يا باشمهندس نادر

شككرا يا باشمهندش نادر هردها ان شاء الله انا كنت هاسالك نفس السؤال السابق هو طبيعي ان العربية تكون 4 غيار قالوا لي ان الفتيس ممكن يتعدل ل 5 سرعات باضافة حاجة كده للفتيس القديم و يتحول ل 5 سرعات . الكلام ده صحيح سؤال تاني من فضلك فين و بكام اغير كاوتش الباب هو كويس بس تقريبا بتاع الفبريكة شكلة متغيير من ساعتها.... معلش انا اسالتي كتيرة و توقعوا المزيد من الاسئلة و استحملوا بقي...

[Lion_Heart]

شكرا لل م نادر
ياريت اعرف طريقة عمل ال oil flush يعنى بعد ما انزل الزيت القديم ارجع اقفل الطبة ثم اضعه لفترة معينة ؟؟؟ ياريت حد يعرفنى الطريقة الصح لأن ممكن عامل البنزينة أصلا" ممكن ما يعرفش او يكسل يعمله صح .

[Nader]

شككرا يا باشمهندش نادر هردها ان شاء الله انا كنت هاسالك نفس السؤال السابق هو طبيعي ان العربية تكون 4 غيار قالوا لي ان الفتيس ممكن يتعدل ل 5 سرعات باضافة حاجة كده للفتيس القديم و يتحول ل 5 سرعات . الكلام ده صحيح سؤال تاني من فضلك فين و بكام اغير كاوتش الباب هو كويس بس تقريبا بتاع الفبريكة شكلة متغيير من ساعتها.... معلش انا اسالتي كتيرة و توقعوا المزيد من الاسئلة و استحملوا بقي...

سيب ناقل الحركة زي مل هو، الحكاية لو كانت بالبساطة

دي كانت كل العربيات غيرت ولا ضافت غيار خامس!!


كل غيار بيكون لة نسب تخفيض معينة بيكوت متصمم اساساً

على ضوئها.


اما بالنسبة للكاوتش فبصراحة معنديش فكرة للاسف.

[mohamed2002]

كنت عاوز اعرف يا استاذ نادر ,عربية اكسيل وبيمون 80؟ينفع؟؟

[Nader]

شكرا لل م نادر
ياريت اعرف طريقة عمل ال oil flush يعنى بعد ما انزل الزيت القديم ارجع اقفل الطبة ثم اضعه لفترة معينة ؟؟؟ ياريت حد يعرفنى الطريقة الصح لأن ممكن عامل البنزينة أصلا" ممكن ما يعرفش او يكسل يعمله صح .

لو الموتور شديد الاتساخ وعلية ترسيبات كتير استخدم الفلاش

لو غير كدة متستخدمهوش.


فضي الزيت القديم وبعدين اقفل الطبة وفضي صفيحة الفلاش

ومعاها 2 لتر زيت نضيف من" نوع رخيص" ودور العربية

وسيبها دايرة شوية "طبقاً للتعليمات المرفقة على صفيحة الفلاش

حسب نوعة".


بعد كدة فضية وحط الزيت بتاعك الجديد اللي انت عاوزة.



الفلاش اويل بيستخدم في الضروريات فقط ومش بصورة دورية.

[Nader]

كنت عاوز اعرف يا استاذ نادر ,عربية اكسيل وبيمون 80؟ينفع؟؟

ينفع، اعرف ناس كتير بيستخدموا بنزين 80 عادي جد وانا جربتة

بنفسي قبل كدةً ... بس لازم تظبط توقيت الشرر،، خلي ميكانيكي يظبط

لك الاسبيراتير وانت ممون80.


لاحظ ان السحب هيقل والعزم هيضعف .... ودة طبيعي، المهم ان الموتور

ميسقفش ومتستعجلش على التسارع .... واحدة واحدة يعني.

[mohamed2002]

ينفع، اعرف ناس كتير بيستخدموا بنزين 80 عادي جد وانا جربتة

قبل كدةاً ... بس لازم تظبط توقيت الشرر،، خلي ميكانيكي يظبط

لك الاسبيراتير وانت ممون80.


لاحظ ان السحب هيقل والعزم هيضعف .... ودة طبيعي، المهم ان الموتور

ميسقفش ومتستعجلش على التسارع .... واحدة واحدة يعني.

شكرا لردك يا استاذ نادر